سووووووووء الظن تاع الصح ماوش مليييييييييييييح

[سلفي والحمد لله]

السلام عليكم وشراكم لاباس خاوتي نتمنى تكوني بخير وفي عافية
حبيت نحكيلكم حكاية صراتلي لبارح مع واحد صاحبي لي خلاتنا نعرفو بلي سوء الظن تاع الصح ماوش مليييييييييح
لحكاية كنت راكب معاه في الطونوبيل وكانت عندنا قضيا كنا شوي مزروبين بيها وعيينا وين نلقاو باش نgاريو طونوبيل حتى لقينا بلاصة واسعة شويا قدام قهوة فيت فيت gارينا وجينا نازلين بسرعو مع مشينا شوي خرجنا واحد من القهوة هاذيك وقالنا ""الطونوبيل الطونوبيل ""حنا شفنا معاه وقلنا يخي راهي بعيدة وشبيه هذا راهو يريكلامي؟؟ المهم مهدرناش معاها جاتنا في حقو يقولنا اجبدو ماتgاريوش قدام الحانوت تاعي ايا رحت انا نجبدها وعرف في وجوهنا بلي ماعجبناش شوي لحال انا مع رحت نجبد في الطونوبيل حتى مسكين جا يطبطب عليا وقالي يا خويا راكم نسيتو لافرا آما(frein a main) والطونوبيل راهي كانت نازلة تمشي هههه
يا خاوتي والله حشمت مت منو وقلتلو يعطيك الصحة خويا بارك الله فيك وهو مسكين كان قاعد يتقهوى في القهوة هذيك برك وشاف الطونوبيل تمشي جا قالنا وحنا فهمناها حاجة خرى خلااااااص فسبحان الله عرفت تاع الصح بلي سوء الظن ماهوش مليييييح ولازم الانسان دايمن يحسن الظن بخاوتو ويلمس لهم الاعذار....
هذي حكايتي ان شاء الله تكونوا استفدتم منها
ايا تهلاو في رواحكم مليح وكاش واحد صراتلو حكاية مشابهة يحكيهانا
وفقكم الله اخوتي​

 

[●¦[ الــفـــارس ]¦●]

رد: سووووووووء الظن تاع الصح ماوش مليييييييييييييح

صحيت يا السلفي الباتني المشكاك ههه يا اخي صح لازم الواحد يزين نيتو كيما يقولو ناس بكري لكن احنا راحت فينا لي يقلنا كلمة نحسوه يكرهنا ولا ناويلنا الشر في وقت انو هو رايح ينصحنا فقط مالا معدتش تسيئ الظن و متنساش تطلع frien a main هههه​

 

[عفيفة الحبوبة]

رد: سووووووووء الظن تاع الصح ماوش مليييييييييييييح

لانو وقتنا كثرت فيه المشاكل اكيد دايما راح يكون تفكيرنا سلبي
ربي يالف القلوب و يحي فيها النية
تحياتي لك موضوعك فعلا قيييم​

 

[HAMZA USMA]

رد: سووووووووء الظن تاع الصح ماوش مليييييييييييييح

صحيت................
​

 

[ايمان مي]

رد: سووووووووء الظن تاع الصح ماوش مليييييييييييييح

شكرا اخي و بارك الله فيك و جزاك كل خير

 

[FØùfà Bïô]

رد: سووووووووء الظن تاع الصح ماوش مليييييييييييييح

الله غآلب خويآ ,,
من كثرةة المشآكل و النيةة يلي مآشي مليحةة
ولينــآ نتصورو دآيــمآ الظن البشع في الغآشي
ونستبعدوآ دآيمــآ الظن المليح
ربي يهدينـــآ كـــآآمل ويحسن الظن نتآعنـــآ في الـعبآد
Jàzàyriyà
​

 

[ماكانش]

رد: سووووووووء الظن تاع الصح ماوش مليييييييييييييح

اتخيل زربت روحك اشيخ وقتلو راني بعيد عليك هههه

 

[سلفي والحمد لله]

رد: سووووووووء الظن تاع الصح ماوش مليييييييييييييح

صحيت يا السلفي الباتني المشكاك ههه يا اخي صح لازم الواحد يزين نيتو كيما يقولو ناس بكري لكن احنا راحت فينا لي يقلنا كلمة نحسوه يكرهنا ولا ناويلنا الشر في وقت انو هو رايح ينصحنا فقط مالا معدتش تسيئ الظن و متنساش تطلع frien a main هههه​

هههه والله صدقت خويا ولينا موسوسين وراحت النية الصافية في الجيل هذا يا لطيف
رب يجيب الخير وان شاء الله نحاولو نصفيو نياتنا وماننسواش الفرى آمى ههههه

 

[سلفي والحمد لله]

رد: سووووووووء الظن تاع الصح ماوش مليييييييييييييح

لانو وقتنا كثرت فيه المشاكل اكيد دايما راح يكون تفكيرنا سلبي
ربي يالف القلوب و يحي فيها النية
تحياتي لك موضوعك فعلا قيييم​

شكرا لك على المرور اختي صدقتي من الوقت لي رانا فيه ولا التخمام تاعنا دايمن سلبي ونفهمو دايمن بالنقص ولي يغلط فينا مايسلكش ربي يجيب الخير وربي يرزقنا النية الصافية

 

[سلفي والحمد لله]

رد: سووووووووء الظن تاع الصح ماوش مليييييييييييييح

صحيت................
​

عبر برك خويا حمزة ماتحشمش الدار دارك هههه
شكرا لك خويا على المرور

 

[سلفي والحمد لله]

رد: سووووووووء الظن تاع الصح ماوش مليييييييييييييح

شكرا اخي و بارك الله فيك و جزاك كل خير

العفو وفيكم بارك الله ونسال الله ان يرزقنا حسن الظن وان يبعد علينا ظن السوء

 

[سلفي والحمد لله]

رد: سووووووووء الظن تاع الصح ماوش مليييييييييييييح

الله غآلب خويآ ,,
من كثرةة المشآكل و النيةة يلي مآشي مليحةة
ولينــآ نتصورو دآيــمآ الظن البشع في الغآشي
ونستبعدوآ دآيمــآ الظن المليح
ربي يهدينـــآ كـــآآمل ويحسن الظن نتآعنـــآ في الـعبآد
Jàzàyriyà
​

اللهم امين يا رب العالمين
تغيرت الدنيا وتغيرت الاحوال ناس بكري كانت النية تقطر منهم والدليل على ذلك اجدادنا وجداتنا لما تهدر مع واحد كبير تحس صح بالنية الطاهرة الصافية بصح وقتنا تاع ذرك غير مصالح وغير نية السوء ربي يعافينا وربي يصلح احوالنا وربي يجيب لي فيه الخير لينا وللمجتمع تاعنا شكرا لكم على المرور

 

[سلفي والحمد لله]

رد: سووووووووء الظن تاع الصح ماوش مليييييييييييييح

اتخيل زربت روحك اشيخ وقتلو راني بعيد عليك هههه

ههههههههههه والله تبهديلة كبيرة ربي لي ستر ههههه ياو بلا ماهدرنا معاه وحشمنا وينكيا لوكان هدرنا معاه وريكلامينا هههههه
ياو راحت النية اسفيان اخويا في الجيل تاع عمي حمد ربي يستر برك ههه

 

[عفيفة الحبوبة]

رد: سووووووووء الظن تاع الصح ماوش مليييييييييييييح

شكرا لك على المرور اختي صدقتي من الوقت لي رانا فيه ولا التخمام تاعنا دايمن سلبي ونفهمو دايمن بالنقص ولي يغلط فينا مايسلكش ربي يجيب الخير وربي يرزقنا النية الصافية

اللهم امين​

 

[أ ــ سامــة]

رد: سووووووووء الظن تاع الصح ماوش مليييييييييييييح

قصة و عبــرة تأنسطـالات في مخي :d صحيت خويا و ماتزيدس تنسا الفران آمـا .. الطونوبيل راهي غاليا ​

 

[سلفي والحمد لله]

رد: سووووووووء الظن تاع الصح ماوش مليييييييييييييح

قصة و عبــرة تأنسطـالات في مخي :d صحيت خويا و ماتزيدس تنسا الفران آمـا .. الطونوبيل راهي غاليا ​

:d ههههه واش تانسطالات في مخك واقيلا لوجيسيال الموضوع تاعي هههه
ربي يخليك خويا وربي يرزقنا حسن النية

 

[منايا الجنة]

رد: سووووووووء الظن تاع الصح ماوش مليييييييييييييح

والله صح سوء الظن ماهوش مليح شفتها ف المعلم الي كنت نخدم عندو رغم انه نصحوه بصح وهو لالا يتبع واش يقولوا راسو نهار اللي بانلو كلش ندم و رجع يطلب السماح ف الي شك فيهم ربي يهديه ويهدينا
بارك الله فيك اخي على الموضوع

 

[ضحکَة خچڸ ღღ]

رد: سووووووووء الظن تاع الصح ماوش مليييييييييييييح

سلالالاموووو بارك الله فيك على الموضوع

فـــي بعضٌ الأحيان تكون نوايا انقى من ماء المطر لكنها تتلوث بمعتقدات الآخرين

 

[Only me]

رد: سووووووووء الظن تاع الصح ماوش مليييييييييييييح

الوقت صعاب ومابقيناش نديرو لمان ولا نمشو بالنية كيما بكري

ولينا موسوسين ونشكو حتى في حوايجنا

ربي يهدينا ان شاء الله

 

[سلفي والحمد لله]

رد: سووووووووء الظن تاع الصح ماوش مليييييييييييييح

والله صح سوء الظن ماهوش مليح شفتها ف المعلم الي كنت نخدم عندو رغم انه نصحوه بصح وهو لالا يتبع واش يقولوا راسو نهار اللي بانلو كلش ندم و رجع يطلب السماح ف الي شك فيهم ربي يهديه ويهدينا
بارك الله فيك اخي على الموضوع

اللهم امين وربي يصفي قلوبنا ونياتنا يا رب