حكاية جاراتي

[السلطانة]

رد: حكاية جاراتي

السلام عليكم اختي
صح الظاهرة هاذي كاينة بزاف .حنا عدنا وحدة في حومتنا متخدمش قاعدة فالدار .فارغة شغل نهار كامل وهي شاغلة بالناس .ونهار كامل عند الجارات وتبات تحكي على الناس واذا هي مارحتش ادير قهوة وتعرض النسا واذا مرا وحدة مجاتش تكون هي الذبيحة تع القهوة هاذيك حتى ولات يما تتفاداها خلاص ومتروحش تلها غير بالخدمة تاعها من الخدمة للدار
ربي يهدينا ويصلح حوالنا

دايرة وحدها كلام نواعم في الهدرة والتمنشير ربي يهدي عبادو
شكرا للمرور الكريم​

 

[nanoche]

رد: حكاية جاراتي

السلام عليكم و رحمة الله
مرحبا بالعزيزة ساندي ههههه ماشي سانديبال سندريلا
والله يا اختي غير الفراغ و الغيرة يديرو و يديرو وهادي الجارة اللي شايفة روحها مش عايشة مليح لازم تدير في بالها انو اللي ماشي عايشة راهي مسجونة بين 4 حيوط لا خرجة و لا تقرعيج مي على حساب الشوفة هادي ما محتارمة نفسها و لا المخلوق اللي راهو ساترها في بيتو
والله نحير في هاذ النسا كيفاش يقدرو يوفقو بين كامل شغل البيت و الاولاد و عندهم الوقت باش يعمرو القرع:s
وكاين حتى رجال رجعو كيما هاكذا يا ويح من جاز قدامهم شاري حاجة جديدة يا يعملوه طوط على الحيوط يا اما يقولو بدراهم الحرام يا اما يقولو دراهم مرتو او...او....او.....
والله ما لقيت غير نقول ربي يهديهم و يهدينا حتى احنا و ما يلحقناش باش نشبهولهم
​

 

[ملكًة الاحسآس]

رد: حكاية جاراتي

وعليكم السلآآآم
البآرح قريت موضوعكـ وثآلمون كنت خآرجة أجلت ردي
والله يآجآرآتكم انتي ومنوش ولآ جآرة نونو تآني خخخ
كآين من حليمة ألف ، وبخآسك مكآنش الي مآعندهم جيهتهم امرأة كمآ هدي
الله غآلب صح تبلآو بهآد الطبيعة ولآت مآشيآتلهم فالدم وكي شغل مرض
عندنآ حنآ تآني وحده نفس العقلية بصح طفلة مش امرأة ، مرة دآرت مشكل كبير بين زوج جآرآت
والسبب هديكـ هدرت على التآنية وهي هزتهآ موديفيآت فيهآ ورآحت تجري تخبرهآ
بصح هدآكـ النهآر مآكردآتلهآش الأولى كي سمعت شدتهآ من شعرهآ بردتي قلبي فيهآ هيهي
ونزيدكـ هدي الطفلة مش فآرغة شغل بآش نقول هدآ هو شغلهآ
خدآمة وخدمتهآ تتطلب منهآ غير تديبلآصآ من بلآصة لأختهآ يعني حتى ترجع لعشية خلآص
وهكدكـ وآلو مايفوتهآ كلش عندهآ ، ربي يهديهآ ويصلح أحوآلنآآ
ويعطيكـ الصحة على الموضوع قلبوشتي ـ حقآ شفتي الأزرق كفآه جآني بآشع خخ ـ


​

 

[محبة الدراسة]

رد: حكاية جاراتي

هاذي انسانة مرسضة نفسيا و فارغة شغل و غيارة

امالا لازم تبعدوا عليها كيفها كيف الكلب

حنا تاني عندنا في الحارة ما اسوا منها و الحل تاعهم هو التجاهل صدقوني راح تريحوا منها فريمون

 

[السلطانة]

رد: حكاية جاراتي

السلام عليكم و رحمة الله

مرحبا بالعزيزة ساندي ههههه ماشي سانديبال سندريلا
والله يا اختي غير الفراغ و الغيرة يديرو و يديرو وهادي الجارة اللي شايفة روحها مش عايشة مليح لازم تدير في بالها انو اللي ماشي عايشة راهي مسجونة بين 4 حيوط لا خرجة و لا تقرعيج مي على حساب الشوفة هادي ما محتارمة نفسها و لا المخلوق اللي راهو ساترها في بيتو
والله نحير في هاذ النسا كيفاش يقدرو يوفقو بين كامل شغل البيت و الاولاد و عندهم الوقت باش يعمرو القرع:s
وكاين حتى رجال رجعو كيما هاكذا يا ويح من جاز قدامهم شاري حاجة جديدة يا يعملوه طوط على الحيوط يا اما يقولو بدراهم الحرام يا اما يقولو دراهم مرتو او...او....او.....
والله ما لقيت غير نقول ربي يهديهم و يهدينا حتى احنا و ما يلحقناش باش نشبهولهم​

وعليكم السلام
أهلا ننوش
نوغتي:p
قستيها في تاع كاين رجال عادو كيما هادو النسا يضالو في القهاوي دايرين مجامع
ربي يهديهم

​