نعرف نقلي شلاظة

[R@MA]

السلام عليكم

واش حوالكم ان شاء الله تكونوا لاباس
المهم اليوم حبيت نتكلم على وحد الظاهرة
وهي الزواج عن طريق الأب ولا الأخ
بدون رضى الطرف المعني لي هو الطفلة
ولا الضحية
كاين وحد جان عندو صاحبو يحبو بزاف كان يديه لدارهم
يتعشا يبات معاه
كان هدا صاحبو وين يروح يخطب مايقبلولوش:s
لكن هدا الاخير ماصرحش بهدا الشيئ
الا أن كي حكى لصاحبو قالو وين رحت شفت
ماعجبونيش
انا شفت فيك الانسان المثالي حبيت نقصدك في أختك
فهدا الاخير قبل فاسيلمو وطالو الطفلة في حوايجها في الدقيقة لطلب الطلب:-r
راح لدار قال لختو لقيتلك عريس هو وليد ناس:s
وين راح شاف ماعجبوهش راني قتلك مرحبا بيك
قاتلو اختو انا راني نقرا ومتمنيا نكمل قرايتي نخدم عام ولا عامين
وقت ماجا المكتوب ماقلتش لالا علاه تحرمني من قرايتي
قالها والو تقبلي بسيف
المهم زوجوها بلا رضاها وافقت تحت ضغط كبير من خوها وباباها
وبعد عام من الزواج رجعت وعلى خدها طومبو
بعد ماكشفت أنو داخل دومان دونجي زطلة وماشابه
دارهم حدث ولا حرج سمعتهم ارض ارض وخبط ياساعد لرض
الاخ عجبو مالو والفيلا 4ايطاج ماشاف منين هدا المال
داه الطمع السيد هدا يسكن في بقعة بعيدة على وين يسكنوا اهل الطفلة
واخ الطفلة صاحبو منذ ايام الجامعة لكن بعد الجامعة
ماعادش يتلقاه غير مرة في 4 شهر ولا 5
مدلو الطفلة على اساس عندو لوطو وفيلا
شفوا نتيجة الطمع لواش توصل دمر ختو في عام
علابالي طولت مي حبيت نطرح السوجي باه نتناقشوا
ونتعلموا من أخطاءنا
مع أنو
هذا مكتوب
أخـــــي
أنت راك مستعد يقصدك صاحبك ولا اي انسان عندو مال حرام تمدلو أختك ولا بنتك بلا ماتشاور حتى عقلك
:s
أختــــي
انا كون صراتلي نعور عينيا
ونقلهم نعرف نقلي شلاظة
لعل وعسى يخرجوا من الباب العريض
واش رايك أختي وانت واش رايحا ديري​

 

[Ma$Ter]

رد: نعرف نقلي شلاظة

السلام عليكم ورحمة الله
اختى الزواج هذا ممكن يكون فيه مشاكل
تخيل طفلة تتزوج واحد ما تحبوش وزيد بالسيف ما راحش تكون مرتاحة ابدا
واهم حاجة فى الزواج هو الرضا والقناعة والتفاهم ووو
ربى يجيب الخير اختى
وربى يرزقك بولد حلال^^
وتتزوجى برضاك
فى امان الله
شكرا

​

 

[nanoche]

رد: نعرف نقلي شلاظة

ياخاااه على المسكينة ربي يرزقها بواحد خير منو و هاذا مكتوب مي على الأقل كانو يسقسيو قبل ما يمدوهالو
الطمع يفسد الطبع وهاذو كانو طماعين و هي كانت الضحية
ربي يهون عليها
وانتي عسي برك يجيك واحد يحب السلاطة مقلية و تحصلي هههههه
​

 

[zagane]

رد: نعرف نقلي شلاظة

السلام عليكم

الطمع عند الاهل والطفلة الضحية

 

[ماكانش]

رد: نعرف نقلي شلاظة

يعطيك الصحة ختي على الموضوع ألي يفيدنا حنا الزوالية هههههههه
لازم الطفلة وأهلها يسقسو على الراجل كراجل واخلاقو والتربية تاعو ودينو
ثم ادا كان الى جانب التربية تاعو عندو الدراهم لاباس بيه فهادي زيادة الخير خيرين كيما يقولو
اما يديهم الطمع فلا
لنو لمرا ماراحش تتفاهم مع الدراهم ولا تتونس بيهم ولا تكروشيهم ...
​

 

[دعاء19]

رد: نعرف نقلي شلاظة

اصلا الزواج مخصوش اكون مرغوم على البنت من اهل الزواج حاجة مصيرية لازم افكرو مرارا وتكرارا ويسولو على البنت وعلى الرجل حتى هو ماشي يفرضو عليها حاجة مبغاتهاش غير حيت غني شحال من واحد غني وميعرفش يتعامل مع الزوجة وينكد عليها العيشة كولشي كيفوت كيبقى غير سلوك وافعال

 

[nina usma]

رد: نعرف نقلي شلاظة

صح نعرف نقلي الشلادة 0-o خخخخ

ربي يهدينا هادا واش نقولك​

 

[عصام ابو عماد]

رد: نعرف نقلي شلاظة

الزواج صار من اصعب الامور في هذا الزمن
مارس كل شيء توفق فيه باذن الله
لكن الزواج يختاج امورا اكثر مما بذلتها في غيرها

 

[إحساس قلم]

رد: نعرف نقلي شلاظة

يا اختي الزواج ماشي بالسيف
ماشي لازم تتزوج واحد ماتحبوش راح تعيش حياة بائسة
ولا ماشي حابة تتزوج واحد ماتحبوش
ربي يجيب الخير خيتي
​

 

[عفيفة الحبوبة]

رد: نعرف نقلي شلاظة

اصلا الزواج بدون تراضي ما هو زواج
و لي ما يسألش عن الخاطب و عن اهله و اخلاقه راه يظلم في اخته او بنته
عجبتني تاع نعرف نقلي الشلاظة هههههههه
راني ديتها عليك بالاك نحتاجها كاش نهار ههههههه
​

 

[حسان]

رد: نعرف نقلي شلاظة

الأخت الفاضلة هذه القصة هي غلطة يتحملها الأخ و الأب و حتى بنت أيضا لأنهم نسوا امر و هذا الأمر لا يغفر من ينساه و هو سؤال عنه بطريقة محترفة

أحنا عندنا في تقاليدنا كي يجي وحد يخطب أول شيء يجي يتعارف و بعدما يشوف و تشوف تكون هناك فترة صعيبة هي فترة الترقب من كل جهتين و كانها حرب باردة قبل لقاء الصلح

حيث نقوم نحن اهل البنت بسؤال عنه بطريقة ذكية

نسأل جيرانه أو أصدقائه الذين لهم الثقة في عدم أفشاء سر أو تعامل معاهم نسألهم عن تعامله بالمال بدراهم و نسأل شخص سافر معه أو جوز معه الخدمة او ما شبه ذالك

و عندما لم نسمع عليه شيء سيئ و نرى وجوه من سألناهم انه لا يتبدل عندما طرحنا سؤال عليهم و وجدناه الثقة في دراهم و من السفر معه اخبرنا انه شخص مقبول و انه يصلي الصلاة

و هم أيضا يسألون عنا بنفس طريقة

ثم يأتي لقاء عندما يتقدم اهل العروس إلى الدار قابلييين و نحن نقابلهم بالقبول و الحمد الله كل هذه طريقة مازالوا سعداء و متزوجين و باولادهم بدون مشاكل و حمد الله حتى الآن

أنا عندما كنت في تلك الفترة كانت أعمل في محل التجاري و مرة دخل راجل الشيخ كبير يسأل عن احد مستشفيات في المدينة و بطريقة ذكية دخل يقسر معايا عن دراهم و كيف يتعامل معهم الناس و بدات تحلى القسرة معه و انا كنت الغبي لأنني لم نكن ادري بان هذا الشيخ هو أب زوجتي مستقبل
جاء يستخبرني

تعرف هذا الشخص احترمه كثير و نحبه كثير لانه راجل باتم معنى الرجولة و الحمد الله



​