واش رايكم في لابوليس نتاوعنا؟؟ (مشاركة في مسابقة مميزون )

مطبخ الأحلام

:: عضو بارز ::
أحباب اللمة
إنضم
15 نوفمبر 2012
المشاركات
7,170
نقاط التفاعل
23,474
النقاط
351
ok.php.0eaa76e06d.gif

السلام عليكم يا جماعة << تخيلوني زعما راني نحكي بدارجة
47679.png


المهم رايحة نحكيلكم على وحد حاادثة صارت قدامنا
كيما يقلك الا كثرلك الهم ضحكله واحنا باش نتحصرو ونتأسفوآ رجعنا نضحكو

ماعليش نبداو لحكاية زينة
37dc-399.gif





وحد النهار منهارات الصيف وعلى 3 نتاع الليل وحد جماعة نتاع الصبيان عمرهم بلاك
12 ولا 13

عولو باش يخونو زيتون ايا كي سهرت الحالة خرجوا وهاذ الشجرة جاية قدام كيوسك
( ريسطورو )
ايا طلعو فوق لكيوسك وقعدو يقلعو وكاينة باطيمات اونفاص لهاداك لكيوسك جا يحل طاقة شاف ناس يتحركو ايا مشا يجري حكم التيليفون وعيط لعم صاحب لكيوسك وعمو ثاني حكم تيليفون وعيط لولد خوه ناض السيد مرجوف خايف على لكيوسك نتاعوا طلع يجري وهادوك دراري كي شافوه نقزو وتخباو وراء الكيوسك والدعوة مضلمة وراها فلاحة غي لحشيش وشوك كي وصل لقا حانوت نورمال ماحاولو يسرقو ماوالو قعد يتحسس ، يسمع الهدرة بصح ماعارفش من وين جاية شحال وهو يستنا قال نروح نشكي لابوليس وهنا لحكاية بدات ... وقت وصل ودخل للكوميسارية .. السلام عليكم ... أمحمد ...سلام عليكم .. أمحمد ... نص ساعة وهو يعيط مكااان والو كره وخرج يروح
لقى لوطو (سيارة) نتاع لابوليس والسيد لداخل كان يشخر
673637.gif
طبل فزاجة بوليسي ناض مرجوف اه اه واش كاين واه واه راني جاي غير وحدو تخلع مسكين فتح زاجة قالو خويا كاين جماعة باغيين يخونولي كيوسك .. قاله رانا جايين نوض صاحبه ولحقو للبلاصة

police_officer-icon.gif

Police.png

قعدو يحوسو ومابان والو شعلو لامبول ومابينتلهم والو بلكابوس طلق رصاصة لسما
ودراري صغار مساكن ماتو بلخوف وناضو اعمي صاي والله مانعاودو رانا هنا فلحشيش غي ماتطلقش نار
205.gif
205.gif
205.gif
ايا خرجو ولابوليس كتلهم بالضرب داوهم للمركز وشبعوهم ضرب وهم قاصرين بزاف نورمالمو فهاد الحالة يصونيو لابائهم ويجيو يديوهم ولموصيبة كي كانو يضربوهم قاللهم أأأأأ لمكم تنوضونا مرقاااد ارواحو لهنا تعاودو تنوضونا من الرقاد وانا كي حكاوهالي مت بضحك يابن عمي وين راه واجبك كبوليسي تحوس غي على الرقاد
على غدوة الصبح هدوك دراري جاو عند مول لكيوسك وقالوله ابن عمي واش درنالك كنا غي نقلعو زيتون سقساه قاله واش دارولكم لابوليس قاله ضربونا وعاود طلقونا

icon21.gif
دروك راني نتسائل علاش بوليسيين نتاع الدزاير ميقوموش بالواجب ؟

انا نقول مدام كابوس في يديهم علاش خوافين،
ويوصلو روطار لماكان الشجار أو الحدث ؟

police-pink-mouse-emoticon.gif

اييييه حاسب غي رواح وكون بوليسي خصك الجرأة أعمي قفز وخدم خدمتك نيشان الشعب يحتاجكم
police.gif
police.gif
police.gif


ونتمنى رايكم في لابوليس نتاع الدزاير؟؟
manibaton.gif




ok.php.0eaa76e06d.gif


 
رد: واش رايكم في لابوليس نتاوعنا؟؟ (مشاركة في مسابقة مميزون )

أحجز مكاني

و غدا كي نكون انوفورم رح نحكيو في الموضوع ان شاء الله


موفقة صديقتي
 
رد: واش رايكم في لابوليس نتاوعنا؟؟ (مشاركة في مسابقة مميزون )

جينا نسلم عليكم ونتمنى لكم التوفيق ..

ربي يخليك خيو وادا تحب احكيها بلهجتك من عيوني لتفهمنا فانتا غالي علينا الله يحفظك
 
رد: واش رايكم في لابوليس نتاوعنا؟؟ (مشاركة في مسابقة مميزون )

سمسوووووومة السكرة
مواضيعك كلها سكر يا سكرة انت ههه
هي اونجينيرال الجزايرييين الكل يتقفلوا كي تنوضيهم من النوم ههه
وراحت عليك اذا قطعتيلهم المنامة فالنص
اما عالخوف
كاين وكاين
كاين اللي مايخافش وحاب خدمتو وعارف معناها
وكاين اللي يجوز فالوقت برك والشهرية طالعة
وكان اللي يخاف وطبعاتو الخبزة
الله غاالب هدي حال بلادنا
وان شاء الله ربي مايحوجنا ليهم
يتعبوا اكثر مايعاونوا
مشكووووووووووووووووووورة سماسم

 
رد: واش رايكم في لابوليس نتاوعنا؟؟ (مشاركة في مسابقة مميزون )

أهلا بيك ميسو
يعطيك الصحة على الموضوع الباهي لمليح
كي تحكي على لابوليس والروطار زيدي احكي على الإسعاف ههههههه
حنا عندنا مثل بالعامية كي يجي واحد روطار يقولولو "ديما روطار كي لابوليس "
تعيطلهم على قضية مستعجلة ساعة باه يجيو
وحتى الإسعاف السيد تلقاه مضروب بموس ولا طاح على راسو ربي عافينا ساعة باه يلحقو ياحصرااه يكون مات وخلاص
ربي جيب الخير برك
اما الكابوس او السلاح فمسؤوليتو واعرة يا ميسو قادر يرفدو في وجه واحد يشكي بيه يباصي فمابالك يضرب بيه ...
المهم مازلنا متخلفين في السرعة والعمل

يعطيك الصحة واسمحيلي دخلتلك الإسعاف فالنص هههه
 
رد: واش رايكم في لابوليس نتاوعنا؟؟ (مشاركة في مسابقة مميزون )

صباح الخير



هني رجعتلك ياسمسومتي



تعرفي رحتلنا لموضوع شويا دونجي نقولك علاه ؟



لانو الحقيقة مهما هدرنا فيه معندنا منزيدو

كل يوم نشوفو في بلادنا لعجب لمعجب

وهذو الفئة درك الكل يعرف انها ولات هي الاولى في التخريب

علاه تقدري تتصلي بيهم يعني؟

تلقايهم ولا علبالهم الى من رحم ربي وهنا نقولو قلال بزاف

ورجعو تالمو الخدمة ديالهم مش مقيمينها نشوفو يديرو امور الله يستر

كما الي حكيتيلنا درك

وينو الحل في رايك انت ؟

وزعمة رح تتغير بلادنا في يوم من الايام ؟

لوين رنا ريحين بهذي العقلية؟

الشعب يشوف ومعندو واش يدير ديما هو الضحية الاولى و الاخيرة

يعطيك الصحة جبتي موضوع حساس ولازملو بزاااف وقفات و منعرف

الله يصلح بلادنا ان شاء الله
 
رد: واش رايكم في لابوليس نتاوعنا؟؟ (مشاركة في مسابقة مميزون )

السلام عليكم ورحمة الله وبركاته
اختى سوسو اكبر فنيانيين هوما الشرطة
هوما فى حد ذاتهم لازمهم لى يعسهم والا ما يخدموش
ونتى تقولى يوصلو متاخرين ممكن اجراءات ما نعرفوهاش او حاجة خلاص ^^
وبالنسبة للاطفال المينار هادو ممكن كاين قانون يحميهم من العنف حتى فى وسط الشرطة
بارك الله فيك اختى سوسو السكرة كيما تقلك العاقة سامية ^^

 
رد: واش رايكم في لابوليس نتاوعنا؟؟ (مشاركة في مسابقة مميزون )

هذو هوما لا بوليس نتاعنا الا من رحم ربي
دايما اخر من يصل يكون اللي ضرب ضرب واللي هرب هرب
باش يلحقوا هوما
موضوعك هايل سوسو
وبالتوفيق
 
رد: واش رايكم في لابوليس نتاوعنا؟؟ (مشاركة في مسابقة مميزون )

حجزت ولي عودة إن شاء الله رايحة ندير العشا والا تجيبلي الوالدة لابوليس


 
رد: واش رايكم في لابوليس نتاوعنا؟؟ (مشاركة في مسابقة مميزون )

السلام عليكم

والله ما عندي ما نقووول الإخوة وفوا بكل ما هو جميل

وطرحك له عبر كثيرة ومعاني ونتمناو نفهموه مليح

icon21.gif
دروك راني نتسائل علاش بوليسيين نتاع الدزاير ميقوموش بالواجب ؟


وحبيت نعلق على شوي على هاذ السؤال

وتبقى وجهة نظري لا غير

لربما الكثير منا لا يعرف قوانين الخدمة سواء وخاصة الشرطة وووو هناك اجراءات كبيرة تقام على بلاغ حتى ولو كان تافه عند البعض لكن في شرطة أو غيرها من الاسلاك الامنية لا بد من أخذ جميع الاحتياطات الازمة والتدبير ضد هاذ الابلاغ لأنو خروجهم فقط لازم المسؤول الكبير هو من يأذن لهم ودراسة البلاغ جيدا وبعدها الخروج لازم يكون هكذا الله غالب القوانين قوانين لأنو لو يحصل شيء من سيضر هنا الافراد الذين خرجوا للمهمة . حبيت نفهم شوي بأنو الله غالب عليهم هذه هي مهمتهم ويبقى تفسيري شخصي لا غير .

والاخت سوسو اعطتنا موضوع رائع يستحق التقيم لأنه فيه أمور كثيرة لازم نفهموها مليح بتعمق في الموضوع .

وشكرا أخت الطيبة على طرحك

وشكرا أيتها المميزة دائما في مواضيعك

ونتمنى لك التوفيق

ونتمنى حتى واحد ما يقلق من ردي و يقول راه يدافع عليهم هههههههههه أقول ما أعرفه

وربي يوفقك يا طيبة
http://www.google.dz/url?sa=t&rct=j...weiLN8iyVMTKEAEeyDGRK-Q&bvm=bv.60444564,d.ZG4
 
رد: واش رايكم في لابوليس نتاوعنا؟؟ (مشاركة في مسابقة مميزون )

موضوعكـ ليوم مليح وحبيتـ نهدر من منطق آخر غلاتي الا تسمحيلي طبعـآ
ع حسـآب حكـآيتكـ البوليسي هذاكـ قصر ولا لالا هذاكـ يرجع للحـآله لي كـآن هو فيهـآ ف ذآكـ الوقتـ يعني هو ثانيتـ بشر وممكن يكون عيـآن مريض وكل الاحتمـآلاتـ واردة علاش نحسبو لابوليس سوبر مان ( راهم بشر وحطو ع الاقل رواحكم ف بلايصهم )ذ
تقولي كـآن راقد اييه مسكين معذور النهـآر كامل وهو واقف الا ف التريق والا ف حاجة خلاف يحاول ينظم الامور وكي يغلط غلطة وآحد يخسرهـآ ع الجميع خخخخخخخخ الله يهديكم بركـ
مرة جاية ع ال2 نتـآع الليل مع بابا ف الطونوبيل وجزنـآ ع البليدة ونسينـآ بلي الماتش غد منذاك وجزنـآ لقينـآ الغاشي داير حالة والبوليسي مسكين حاكم الطرف وقاعد حبسلو بابا قالو علاش ماتتدخلش شوف كيفاش يزيقزاقو بالطونوبيلات بالاكـ يصرى كاش آكسيدو
قالو اسمحلي ياعمو مي والله ماقدرنــآ’ نهدو وينوضو علينـا ويقولو الحكومة دارة ودارتـ

اتسمى عندهم الحق مسـآكن راهم بشر ومن حقهم نصيبولهم العذر شوي بركـ
ومانظلموهمش والسلاح لي قلتي عليه راه مرخص واي رصاصة تخص فيه يتحـآسب عليها يعني مسؤولية كبيرة غلاتي

اسمحيلي ع ردي مي والله الواقع وفقط ( وهو رأيي الشخصي طبعـآ)
سلامي​
 
رد: واش رايكم في لابوليس نتاوعنا؟؟ (مشاركة في مسابقة مميزون )

العمدة مر من هنا ...

والامور هي وسط بين ما ذكرتي وغير ذلك .. والتعميم لا يصح في كل شيء تقريبا ..

كاين اللي قايمين بالواجب وزيادة :up:...وكاين اخرين ..:s

وهذا الامر طبيعي جدا وفي كامل القطاعات حتى اللي ما يخطرش في بالك..

اتصوري امام يخدم يجي غير نهار الجمعة يقول ربع كلمات .. ويطير :down:

ما يتشاف غير كالهلال .. واش اتقولي على الغاشي الاخر ...;)

دمتي عاقلة.:regards01:
 
رد: واش رايكم في لابوليس نتاوعنا؟؟ (مشاركة في مسابقة مميزون )

ربي يخليك خيو وادا تحب احكيها بلهجتك من عيوني لتفهمنا فانتا غالي علينا الله يحفظك

مشكوره يا طيبه ...
لا ابدا الطرح مفهوم جدا وواضح ...
تسلمي ...
 
رد: واش رايكم في لابوليس نتاوعنا؟؟ (مشاركة في مسابقة مميزون )

لــي عودة للرد عليكم ^^
 
رد: واش رايكم في لابوليس نتاوعنا؟؟ (مشاركة في مسابقة مميزون )

لي مسيب ولادو على 3 نتاع الصباح مايحتاجهمش نضن
اذن اعلاش غايضينكم قاصرين يدورو على 3 نتاع الصباح رايحين للزيتون تبا يحمدو ربي حكموهم الشرطة مشو غيرهم ....... ومن بعد كون تصرالهم حاجة يوليو عزاز وبوقوصين ومكاندري واش أي يربو ولادهم سع ويتحكمو فيهم ومن بعد يهدرو على غيرها

 
رد: واش رايكم في لابوليس نتاوعنا؟؟ (مشاركة في مسابقة مميزون )

عدت من جديد
يعطيك الصحة سوستي على موضوك الباهي
احنا جيهتنا لابوليس يخدمو من قلبهم ويبانو عاقليين وناشطين
مرة تقابضو 2 جيرانا عيطو للشرطة جاو يجرو
او العكس الاطباء تاع الاستعجالات في المستشفيات هما اللي دايما راقديين وكي يجيهم مريض في نص الليل
خلات عليه يوليو يشوفو فيه فلو ماعليهش خرجت عن الموضوع بصح باش نبين
بلادنا هاذي باقية تتوخر للوراء ماشي للقدام
تمنياتي بالتوفيق في المسابقة


 
رد: واش رايكم في لابوليس نتاوعنا؟؟ (مشاركة في مسابقة مميزون )

حكاى فوووووووووور كلامك باهى
 
رد: واش رايكم في لابوليس نتاوعنا؟؟ (مشاركة في مسابقة مميزون )

سمسوووووومة السكرة
مواضيعك كلها سكر يا سكرة انت ههه
هي اونجينيرال الجزايرييين الكل يتقفلوا كي تنوضيهم من النوم ههه
وراحت عليك اذا قطعتيلهم المنامة فالنص
اما عالخوف
كاين وكاين
كاين اللي مايخافش وحاب خدمتو وعارف معناها
وكاين اللي يجوز فالوقت برك والشهرية طالعة
وكان اللي يخاف وطبعاتو الخبزة
الله غاالب هدي حال بلادنا
وان شاء الله ربي مايحوجنا ليهم
يتعبوا اكثر مايعاونوا
مشكووووووووووووووووووورة سماسم


أموت في كلمة سكرة أنا ^^

اٌ أيد كلامكِ غلاتي

لا زيادة ولا نقصان

أقول من عمل عملا فليتقنه

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top