هكذا راني نخسر في اصدقائي واحد ورا واحد

xman

:: عضو منتسِب ::
إنضم
26 أوت 2013
المشاركات
11
النقاط
3
السلام عليكم

[FONT=&quot] [/FONT]
[FONT=&quot]خاتوي الموضوع باين من عنوانو نحكيلكم كيفاه صرات الصديق الاول خسرتو بسبب ماعطانيش لي بولي كوب تع الامتحانات و الثاني بسبب مزاح ثقيل ايا قلت بالاك غي بيا الضغط تع الامتحانات ثم فاتو الامتحانات و اخر بسبب انو حكالي حكاية معمرة بالكذب لدرجة اني حسيت انو استغباني او على الاقل ما حترمش ذكائي ايا كي كمل قتلو بلي راك غي تكذب و كي واجهتو بالادلة زعف و عشيتها ماردش عليا في التلفون ايا تلاقينا مرة اخرى و لكيديتو و مانيش باغي نزيد نشوفو و اخر الي كنت نعتبرو اعز واحد بسبب طفلة من لي زامي تع الفيسبوك تاعو اجوتاتني وشاتيت معاها مرة وحدة و ماكاش على بالي انها صديق مشترك معاه مالا قالي مالقيت معامن تهدر غي معا لي زامي تاعي وغايضو الحال ايا كي حسيت اني رخيس بزاف سمعتو كلام بزاف قبيح و قررت اني مانزيدش نهدر معاه و صديق اخر نسالو مليون دراهم ايا ندور معاه دخلنا لحانوت تع لي باسكات وكان راح يشري وحدة تسوا ستمية ايا قتلو راني نسالك ايا تقلق ومدلي هاديك الستمية و نايفني ايا قتلو ماعندي ماندير بيك وهكذا خسرت خمس اصدقاء في شهر و على بالكم انو يتغير الروتين تع الواحد كي يخسر خمس اصدقاء مقربين في مدة قصيرة [/FONT]
[FONT=&quot] [/FONT]
[FONT=&quot] [/FONT]
[FONT=&quot]اما في قرارت نفسي فانا مرتاح لاني حاس اني ماغلطت معا حتى واحد الشيئ الوحيد هو اني حبست سياسة التطبيع هههههه[/FONT]
[FONT=&quot] [/FONT]
[FONT=&quot]بيمن نديباني درك هههههه[/FONT]
[FONT=&quot]مالا انتم وش رايكم نستمر كيماهاك حتى نصفيهم كامل و لا ندير التنوفيق و نخليها في قلبي لان من اراد صديق بلا عيوب بقي وحيدا [/FONT]
[FONT=&quot]افيدوني برايكم وبتجربتكم هل يقدر الانسان يعيش بدون اصدقاء [/FONT]
 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,663
النقاط
1,471
محل الإقامة
تبسة 12
الجنس
ذكر
رد: هكذا راني نخسر في اصدقائي واحد ورا واحد

السلاام عليكم
ينقل الى القسم المناسب خويا
 

lilia mess

:: في ذمة الله ::
إنضم
5 فيفري 2013
المشاركات
6,290
النقاط
351
رد: هكذا راني نخسر في اصدقائي واحد ورا واحد

سلام أخي الكريم

الصديق موقف وعشرة

و اذا كانوا هادو الأصدقاء يحكموا علينا غير في
الموقف الأخير ما فراتش

أنت قلت على جال مزحة ثقيلة صاحبي ما رجعش يهدر معاي
الأكيد بعد العشرة هادي نعرفوا مليح شكون لي
يفهم للمزح و شكون لي خاطيه
ممكن نزعف نهار و لا زوج بصح ما رهيش سبّة باش يقطعوا معانا العلاقة

التاني على جال طفلة في الفايس
هادا ....واش حسب روحو راهو يحتكر لعباد
و لا راهي ملكية شخصية
هادي النوعية ما تعجبنيش لخطراش يقدر يبيع العشرة
بلقشور ماشي بالفول

حكاية الدراهم هي لي تخسر
شي ناس كي يحبو يسلفو يجيو يبكو و يشتكو
و امبعد تيك يعملو رواحتيهم ما يعرفوكش
و يزيدو يزعفوا كي تطلب دراهمك
هادا نوع قادر يتخلى عليك على جال دورو
ماشي مليون برك

الحقيقة كي نقولوها تظهر عند شي ناس قباحة
و هادوا يقدروا بالكدب نتاعهم
قادرين يوصلوك للموحال

انت مدام راك على حق....نبقى وحدي خير ما
نرجع نافق كيفهم
مدامك على قناعاتك شدّ فالصحيح
و خطيك من الراشي
و لحديث قياس

ربي يجيب لي فيه لخير أخي

دمت....طيبا

نتمنى تصيب الصديق الصدوق
و الدنيا هادي....يا ما توريلنا
 

~Rita Queen ~

:: عضو شرفي ::
إنضم
24 جانفي 2013
المشاركات
3,387
النقاط
191
رد: هكذا راني نخسر في اصدقائي واحد ورا واحد

الصديق وقت الضيق

مي وقتنآ هدآ مآكآنش لي يوقف معآك و يسآندك

كآين غير لي يزيد عليك ، والصحبة هآدي تآع المصلحة مآتنفعش

و + تريكلآمي على حوآيجك تولي مآتصلحش ووووو

خويآ أنت قلت رآك مرتآح و مآكش غآلط خلآص مآلا مآيهمك في حتى وآحد

يجي نهآر وين يعرفو بلي هومآ غآلطين و يطلبو منك السمآح

مي نقولك مآكآنش كي يولي الوآحد وحدو خير ، خير من النفآق تآع الغآشي

وآخرتهآ غير مشآآآكل و تكسآر الرآآس

ربي يوفقك خويآ ، تقبل مروري
 

xman

:: عضو منتسِب ::
إنضم
26 أوت 2013
المشاركات
11
النقاط
3
رد: هكذا راني نخسر في اصدقائي واحد ورا واحد

بارك الله فيكم الي رديتو عليا


وسامحوني الا ذيقتها عليكم غي مالقيتش لمن نفرغ قلبي
 

full of hope

:: عضو منتسِب ::
إنضم
17 ديسمبر 2013
المشاركات
38
النقاط
3
رد: هكذا راني نخسر في اصدقائي واحد ورا واحد

ya khoya ana tani rani haka khsart kameeel shabati parsque fi wakt echda malkiit hata wahda meme pas appel wala jest sghira . w khsarthom fi fatra sghira bezeeef fatra ana bkkiit fiha wahdi .saye sahba mabkatch ya khoya kolchi masalih
 

الزهرة الحمراء

:: عضو شرفي ::
إنضم
6 أوت 2013
المشاركات
4,622
النقاط
191
محل الإقامة
فلسطين
رد: هكذا راني نخسر في اصدقائي واحد ورا واحد

السلام عليكم خويا
الصديق عشرة والصديق تع الصح ماشي موقف تافه او على جال سبب تافه يخسر الصديق تاعو
يعني مادامهم هوما لاسباب كيما هاذو راحو وخلاوك يعني انت غدوا متتوقعش منهم كي تكون في مشكل رايحين يعاونوك. وفالاخير يبقى خويا هذا رايي
تقبل مروري المتواضع
 
Top