ضربني زوجي

hopeful girl

:: عضو منتسِب ::
إنضم
17 أوت 2010
المشاركات
34
نقاط التفاعل
76
النقاط
3
السلام عليكم
زوجي انسان طيب و حنون ولكن عصبي جدا لدرجة أنه لا يعرف ماذا يفعل .البارح ديت طريحات من عندو:(مع اني خاطيني المشكل وماشي هدي المرة الأولى اللي يضربني فيها.
ماعرفتش كيفاش نتصرف معاه و مانيش حابة ندخل الأهل في مشاكلنا.
واش رايكم في الراجل اللي يضرب مرتو لأي سبب وواش هو الحل ؟؟؟؟

 
رد: ضربني زوجي

اختي الكريمة خليه يهدى و تفاهمي معاه بشوية قوليلو المرة الجاية نخبر والديا و شوفي ردة فعله
ربي يهنيك اختي و يسعدك
 
رد: ضربني زوجي

الضرب شىء غير مستحب
فقد قال رسولنا الكريم عليه الصلاة والسلام: " ما أكرمهن إلا كريم و ما أهانهن إلا لئيم"

اختي العزيزة .

الله يفرج همك يارب
اسمحيلي انتي كان لازم متسمحيش بهذ الشيء
بس لافات الفوت ماينفع الصوت دخلي اهلك وخليهم يتفاهموا معاه احسن حل
ولازم يوقف عند حده الضرب ليس بالامر الهين
لكن انصحك بالاول

حاولي تتفاهمي معاه واذا مسمعلكش
خبري الاهل فورا
وفي الاخير الله يهديه ويسخره لكي
تستاهلي كل خير اخية ربي معاك:regards01:


 
رد: ضربني زوجي

مســـــــــــــاء الخير اختي
حاولي تتفاهمي معاه دائما حتى قبل مايتقلقل يعني في الايام العادية فهميه طبعا بالحنية وأكيد رح يفهمك
انا زوجي كان هكذا يزعف لاتفه الاسباب لكن بشوية بشوية ولا انسان رائع
مثلا كي تخرجي تتمشاي معاه ولا تروحو تسهرو خوذيه بالكلام الحلو قوليلو ياريت دايما نكونو هكدا
والرجال قلوبهم معمرين حنانة
 
رد: ضربني زوجي

يا اختي الله يهديه انا خطيبي تاني مقلق بزاف
 
رد: ضربني زوجي

أشكركم جميعا على ردودكم الطيبة
انشاء الله نعمل بالنصائح نتاعكم و اللي راهي مقلقاتو حاجة ربي يفرج عليه
اميييييييييييين
 
رد: ضربني زوجي

لازمك تعرفي الحوائج اللي يقلقوه ... ولازمك ما ديريهمش ...اولا .

باه ما تفتحيش باب الخصومات وبالتالي توصل للضرب ..

************************

الرجل متاع الصح لا يضرب المرأة ..اذا ما عجبتوش يطلقها والسلام.

وموضوع الضرب حقيقة لا يعجبني على الاطلاق ..

**********************

لازمك تكوني لينه بزاف معاه حتى ينسى موضوع الضرب ..

كان الله في عونك .
 
رد: ضربني زوجي

السلام عليكم
زوجي انسان طيب و حنون ولكن
عصبي جدا لدرجة أنه لا يعرف ماذا يفعل .
البارح ديت طريحات من عندو:(مع اني خاطيني المشكل وماشي هدي المرة الأولى اللي يضربني فيها.
ماعرفتش كيفاش نتصرف معاه و مانيش حابة ندخل الأهل في مشاكلنا.
واش رايكم في الراجل اللي يضرب مرتو لأي سبب وواش هو الحل ؟؟؟؟


حل مشكلتك هي تفاديه لما يكون

عصبي جدا لدرجة أنه لا يعرف ماذا يفعل .:mad::mad:

.فبعض النساء الله يهديهم ،
لما الزوج يكن زعفان
عوض ماتحتويه تكب الزيت على النار
بعدها ماتجي غير فيها .
الأفضل لم يكون زعفان اسكتي لا تناقشه .
لما يهدى ناقشه في الموضوع .
قولي له إن حاولت ضربي مرة اخرى ساخبر أهلي .

الله يصلح حالك وجميع المسلمين .
 
رد: ضربني زوجي

اكبر خطأ ترتكبو المرأة لما تحكي عن مشاكلها للاهل الا ادا كانت مشاكل كبيرة جدا
انت خلي مشاكلكم بيناتكم هادي عقلية معظم الجزائريين تلقايهم حنان وفنفس الوقت متعصبين
خليه يهدى ويتكالما مليح وهدري معاه خليه يفهمك علاه هاد العصبية الزايدة
ادا مافهمش الزاوجة والثالثة والرابعة هنا هدديه بلي راح تخبري والديك
ربي يوفقك اختي

 
رد: ضربني زوجي

اختي نقولك الصح مالزمش توصلي روحك لطرايح خاطر كان والف عليك تعودي اي حاجه ممكن يضربك نتي بعدي عليه كيزعف ومتزيدي حتى كلمه ومتخليلوش الفرصه خلاه حنونه الحياه الزوجيه هي عباره على عشره وقدر اكثر من الحب لانو اذا بقى لقدر والموده والحب راح يزيدو اما اذا ماكانش قدر الحب راح يذبل نسيه في الضرب ومتخاليهش يمسك ونتي تاني احكمي فمك شويه ممكن راكي توصلي في روحك
 
رد: ضربني زوجي

ربي يكون في عونك اختي الراجل الا والف الضرب للمرا ما يناحيش خصوصا الا كان لاتفه الاسباب احيانا والمرا الي ما اديرش موقف من النهار الاول راه يبقى طول الضرب فيها كيما تقول ماما الا داق الراجل لحم المرا خلاص ما يزيدش يحبس
مالا الا كانت اول مرة اتخدي موقف وربي ييسر الامور ان شاء الله وانا عكس البنات في الضرب لازم يدخلو الاهل لو امور اخرى اوك لكن الضرب لازم الاهل يعرفو لخاطر ما كان غيرهم الي ممكن اوقفوه
 
رد: ضربني زوجي

ربي يفرج عليك اختي خليه يهدا وتفاهمي معاه
وكي يتعصب اجتنبيه وبعدي عليه ....
ادعيله ربي يقلل عصبيته
 
رد: ضربني زوجي

ربي يهديه وان شاءالله يصلح الاحوال اصبري اختي
 
رد: ضربني زوجي

ربي يكون في عونك اختي الرجال كامل عصبيين بالصح نوضحلك الراجل ايلا شاف مرتو ترجعلو الهدرة ولا تعلي صوتها عليه ولا تجبدلو على امور هو مايحبش يسمها كي يكون زعفان راهو يلحق باش يدربك بالصح كي يكون مقلق وهويحكي وانتي ساكتة نظرة تاع وجهك تاع خوف راح يهدا وحدو ومبعد مرور الوقت رايح هو يتاسف منك ديريها مليح في بالك الراجل مايحبش المرا لي تكون بالصفة تاع الراجل يحبها انثى بمعنى الكلمة
 
رد: ضربني زوجي

السلام اعليكم

وعلاه متقلولهاش تستهلي هع هع هع

غير انقصر اسلامة راسك اختي وربي ايخليك مع راجلك ومانزيدش على الي قلوه الاعضاء الي ردو اعليك من قبلي
 
رد: ضربني زوجي

أفضل حل لأي مشكلة مع الزوج هو الدعاء ثم الدعاء ،التمسي أوقات الاجابة وادعيلو ،وكي تشوفيه كالم ناقشيه بهدوء.
وما ننصحكش تعلمي أهلك مادام أنو طيب معاك ،لأنك رايحة تفضحيه قدامهم ، والمفروض أن المر أة تستر عيوب راجلها .
 
رد: ضربني زوجي

وعليكم السسلام
انا ضد الضرب سبحان الله مش اول مرة يضربك وساكتتلو وضد اي واحدة تقولك اسكتي واحملي
ماعليش احملي عصبيتو حاولي تتسايري معاه واعرفي وكتتاه تهدري وكتاه تسكتي
بصح كلو كووووووم والضرب كوم
اذا سكتي تبقاي طول عمرك في الاهانات
وثاني الضرب للحيوان ومانحملش نشوف حيوان يتضرب
الضرب خط احمر
هدديه واذا مانفعش دخلي الاهل بصح ماتعقبيهاش
الزواج احترام وتقدير ومودة ورحمة مش ضرب
الله يهديه ويهنيك اختي ..ونتي ثاني حاسبي رروحك شوفي وين غلطتي معاه
 
رد: ضربني زوجي

ماهدا؟؟؟؟؟؟؟؟؟؟؟؟ماهدا؟؟؟؟ماهدا؟؟؟؟؟؟
مادا بكى ؟؟؟يا بنتى
اانتى جارية ؟؟؟
لا تهينى نفسكى وانت بنتت الكرام
يا اختى اليوم ضربة بالكف غدوة بالسكين
روحى شوفيلك اهلك باش يتربى وما يعادهاش
اسمحيلة\ى نقولك انتى اللى تستاهلى .مناه خلتيه والف فيك
امتزعفيهش؟؟ متقلقيهش؟؟
مترديلوش كلام
يعنى بصريح العبارة هو عزرين الدار .........
الحياة الزوجية احترام وتناغم وتبادل الحوار بين الطرفين اما ان فوتلى من الطريق ولا نتقلق ياو ...........والله غير مليحة ياسشر حنونتى ............
اسمعى اليوم بينك وبينوا غدوة قدام ولادك وقدام نسابك وقدام الناس .....................
العصى عوجة يا تسقم يا تكسريها................
واللى ما احترمكش ورفع يدوا مرة قادر يعاودها الف ..................
ديري جماعة ...............واطرحى مطالبك ..................
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top