the crazy asma
:: عضو مُتميز ::
- إنضم
- 18 ماي 2010
- المشاركات
- 536
- نقاط التفاعل
- 0
- النقاط
- 16
- العمر
- 32
سلاموووووووو عليكومو
وا ش راكم صافا؟
لوليدات بخير؟
لجويجات ماعليهمش؟
الحمد لله
ياجماعة كل واحد على سطح الكرة الأرضية عندو أم واب
سواءا يعرفهم ولا لالا عايش معاهم ولا لالا حيين ولا ميتين
المهم عندو أم وأب
وأنا وحدة من سكان الأرض
مي النهار اللي خلقت فيه أنا وصلت لماما ورقة الطلاق يعني حياتي باينة من اولها:yahoo:
أبي الحنون طلق ماما وراح تزوج بقاورية الشعر لصفر والميني ولكويغطات يعني اوكازيون جاتو على طبق من ذهب وخلا وراه مرا مش خدامة و2 ذكورة وطفلة وقماطة هذا وين خلقت اللي هي أنا :heh:ماسقسا علينا ماسال ماقال كاين ربي ما تفكر باللي ربي يمهل ولا يهمل وباللي الدنيا دوارة ماما كانت نية مارفعت عليه حتى دعوة تاع النفقة وجماعتها
مسكينة ولات تخيط وتبيع وتكبر وتقري فينا وكثر خير خوالي لعزاز اللي وقفو معانا وعمومي تاني اللي الحمد لله ماخرجوش كي خوهم وباعونا بالعكس والله كانو أكبر سند لينا
والحمد لله كبرنا وعمرنا مامدينا يدينا للناس ولا حسينا بالذل كبرنا ونيفنا فالسما
خويا لكبير محامي واللي قل منو راه يقرا طب وختي تقرا شريعة إسلامية وانا العام الجاي إن شاء الله الباك
أنا عمري ماشت المدعو أبي
وهو عمرو ماشافني
مي قبل شهر هكاك رحت مع خويا للدونتيست وقعدت نستنا ثوري وهو خرج يدور وقالي كي تخلصي عيطيلي قعدت أنا فلاصال داثونث وقعدت نسمع فالإداعة بليكوثور حتى داني النعاس ههههههه والله تقول شكارة تاع الرقاد
المهم كي وصلت دالتي بدات تعيط الفرملية ............. أسماء .........أسماء
(هذوك النقاط يعني اللقب تاعي)
حتى فطنت أنا مخلوعة لقيت وحد الراجل خرج من قاعة الإنتظار تاع الرجال وجا لقاعة الغنتظار تاع النسا ويقول وين هي ............أسماء
قلتلو أنا هي عمو وعلاه؟
ومبعد شفت معاه مليح لقيتو يشبه فالمدعو ابي باسكو مرة شفتو في وحد الفوطو
قالي أنا باباك؟؟؟؟؟؟؟؟؟؟؟؟؟؟؟؟؟؟؟؟
ياجماعة والله جاني الضحك ومبعد جاني البكي وتخلطت الحالة عليا
وليت نضحك على سخرية القدر 18 سنة مانعرفو مايعرفني جاي اليوم يقولي أنا باباك ويستنى فيا نضمو ونفرح بيه
وبكيت من الحرقة اللي في قلبي طول عمري نستنى في هاد اللحظة وكي جات تمنيت كون ماشتو ماوالو
فجأة وقفت مرا سمينة وشعرها لونو مخلط ولابسة لبسة يالطيف
هدرت معايا بعربية مكسرة وشوية فرونسي قالتلي بما معناها
كبرتي يا أسماء مي راك وقحة ماتسلميش على باباك
قلبي ولا ياكل:busted_red:
قلتلها راني تعلمت مك الوقاحة
لقيت كف في خدي:music_whistling:
المدعو أبي ضربني بكف في أول لقاء بيناتنا بعد 18 سنة وقدام الناس باسكو رديت على ست الحسن مرتو
على بالكم أنا كون واحد يعيط برك عليا قدام النا س نشبع بكا
فمابالك يضربني
مي هذاك النهار والله دمعة ماطاحت
كنت نشوف معاه وقلتلو
قالولي باللي بعتني المرة اللولة على جالها ....................
والويم عاودت بعتني للمرة الثانية
صعيب بزاااااااااااف تشوف روحك تتباع مرتين
هزيت ساكي ومشيت
قلت كيما ماما قالت قبل 18 سنة
حسبي الله ونعم الوكيل
خبيت دموعي كيما خباتهم ماما
وعاودت قلت حسبي الله ونعم الوكيل
البارح بعد ما الدار كامل فرغت كل واحد راح لشغلو وقعدت غير أنا باسكو راني في فاكونس
طبطبت الباب
هههههههه المدعو أبي والقاورية مرتو جاو
جاو يبكيو أنا كنت نشوف معاهم برك ودموعهم والله ماحركت حتى شعرة من راسي
إيه قلبي ولا حجرة من جيهة المدعو أبي
مانحس بيه ماوالو
قالي يا أسماء بنتي (هههههههههه شحال وجعتني هاد الكلمة) قالولي قلبك بيض( راح سقسا البرانيا قالهم بنتي اللي عمري ماشتها وماسقسيت عليها كيفاش لونو قلبها؟)
مالا يا بنتي(عاود حرق قلبي هههههه) انا وطاطاك (مرتو ميليسا ههههه) رانا متورطين في قضية نصب واحتيال(يارب كم انت كبير) وماعندنا حتى دورو باش نوكلو محامي خسرنا كلشي يعيش بنيتي قنعي خوك المحامي يعاونا ( على مصلحتي نقول لل ..... خالتي) قلتلو:
يا ربي كم انت كبير
الدنيا دوارة يا السي بابا
مانيش نتشفا فيك باسكو الحمد لله ماما رباتني مليح
مي ياخي أنت سيبريميتنا من الباسي تاعك وعلاه تحوسني نآجوتيك فالبريزون والمستقبل تاعي
صايي فيدي لاكورباي وبايباي
اليوم تفكرت باللي عندك بنتك؟
اليوم تفكرت باللي عندك بنك ؟
يا سيدي وبنك لاخر علاه ماسقسيتش عليه ولا حتى نهار تمرض وتجي تداوي عندو؟
وبنتك لخرا؟
ومرتك قصدي اللي كانت مرتك؟
أنا قلتلهم ربي يسهل وغلقت الباب في وجهم
وكي جا خويا قالي كون دخلتيهم كون اليوم مافراتش خليهم يعومو بحرهم
***********************
يا جماعة مانحب حتى واحد يقولي راه باباك ومهما يكون ووووووووو وعلاه قسيتي قلبك عليه وووووووووو
نهار اللي خلقت ماشافنيش اصلا
وكي بديت نكبر كنت نحلم نقول كلمة بابا كيما لولاد كامل
كنت نحلم نحكم في يدو ونروح للمدرسة ونقولهم بأعلى صوتي هذا بابا
كنت كل يوم نحلم بيه جا يحوس عليا
كي زدت كبرت شويا كنت نتبهدل كي يجيو يمدو الجوائز فالحفلات التكريمية تاع المتفوقين كي يقولو ............. اسماء فلتتفضل مع والدها مشكورة لاستلام الجائزة
كنت نطلع كي ليتيمة نجيبها وحدي
كانت الدمعة تجيني كي نشوف لبنات ولولاد لخريني مع باباهم يصورو ويضحكو
نهار الديت البيام تمنيت كون سمعتو يقول راني فخور بيك أسومتي
كي وليت فالليسي مرو عليا أوقات صعاب بزاف غير ربي اللي يعلم بيا
تمنيت كون كان بابا معايا نبكي في صدرو وينصحني
مي هاد الشي كامل ماصراش
وكي شفتو ضربني بكف
كيفاه تحبو قلبي يحن؟؟؟؟؟؟
قلبي راه لحمة مش حديد ولا فولاذ
وشكراااااااااااااااا
هاو سامحوني مرضتكم مي والله حبيت برك نفرغ شوياااااااااااااااااااااااااااا:yahoo:
وا ش راكم صافا؟
لوليدات بخير؟
لجويجات ماعليهمش؟
الحمد لله
ياجماعة كل واحد على سطح الكرة الأرضية عندو أم واب
سواءا يعرفهم ولا لالا عايش معاهم ولا لالا حيين ولا ميتين
المهم عندو أم وأب
وأنا وحدة من سكان الأرض
مي النهار اللي خلقت فيه أنا وصلت لماما ورقة الطلاق يعني حياتي باينة من اولها:yahoo:
أبي الحنون طلق ماما وراح تزوج بقاورية الشعر لصفر والميني ولكويغطات يعني اوكازيون جاتو على طبق من ذهب وخلا وراه مرا مش خدامة و2 ذكورة وطفلة وقماطة هذا وين خلقت اللي هي أنا :heh:ماسقسا علينا ماسال ماقال كاين ربي ما تفكر باللي ربي يمهل ولا يهمل وباللي الدنيا دوارة ماما كانت نية مارفعت عليه حتى دعوة تاع النفقة وجماعتها
مسكينة ولات تخيط وتبيع وتكبر وتقري فينا وكثر خير خوالي لعزاز اللي وقفو معانا وعمومي تاني اللي الحمد لله ماخرجوش كي خوهم وباعونا بالعكس والله كانو أكبر سند لينا
والحمد لله كبرنا وعمرنا مامدينا يدينا للناس ولا حسينا بالذل كبرنا ونيفنا فالسما
خويا لكبير محامي واللي قل منو راه يقرا طب وختي تقرا شريعة إسلامية وانا العام الجاي إن شاء الله الباك
أنا عمري ماشت المدعو أبي
وهو عمرو ماشافني
مي قبل شهر هكاك رحت مع خويا للدونتيست وقعدت نستنا ثوري وهو خرج يدور وقالي كي تخلصي عيطيلي قعدت أنا فلاصال داثونث وقعدت نسمع فالإداعة بليكوثور حتى داني النعاس ههههههه والله تقول شكارة تاع الرقاد
المهم كي وصلت دالتي بدات تعيط الفرملية ............. أسماء .........أسماء
(هذوك النقاط يعني اللقب تاعي)
حتى فطنت أنا مخلوعة لقيت وحد الراجل خرج من قاعة الإنتظار تاع الرجال وجا لقاعة الغنتظار تاع النسا ويقول وين هي ............أسماء
قلتلو أنا هي عمو وعلاه؟
ومبعد شفت معاه مليح لقيتو يشبه فالمدعو ابي باسكو مرة شفتو في وحد الفوطو
قالي أنا باباك؟؟؟؟؟؟؟؟؟؟؟؟؟؟؟؟؟؟؟؟
ياجماعة والله جاني الضحك ومبعد جاني البكي وتخلطت الحالة عليا
وليت نضحك على سخرية القدر 18 سنة مانعرفو مايعرفني جاي اليوم يقولي أنا باباك ويستنى فيا نضمو ونفرح بيه
وبكيت من الحرقة اللي في قلبي طول عمري نستنى في هاد اللحظة وكي جات تمنيت كون ماشتو ماوالو
فجأة وقفت مرا سمينة وشعرها لونو مخلط ولابسة لبسة يالطيف
هدرت معايا بعربية مكسرة وشوية فرونسي قالتلي بما معناها
كبرتي يا أسماء مي راك وقحة ماتسلميش على باباك
قلبي ولا ياكل:busted_red:
قلتلها راني تعلمت مك الوقاحة
لقيت كف في خدي:music_whistling:
المدعو أبي ضربني بكف في أول لقاء بيناتنا بعد 18 سنة وقدام الناس باسكو رديت على ست الحسن مرتو
على بالكم أنا كون واحد يعيط برك عليا قدام النا س نشبع بكا
فمابالك يضربني
مي هذاك النهار والله دمعة ماطاحت
كنت نشوف معاه وقلتلو
قالولي باللي بعتني المرة اللولة على جالها ....................
والويم عاودت بعتني للمرة الثانية
صعيب بزاااااااااااف تشوف روحك تتباع مرتين
هزيت ساكي ومشيت
قلت كيما ماما قالت قبل 18 سنة
حسبي الله ونعم الوكيل
خبيت دموعي كيما خباتهم ماما
وعاودت قلت حسبي الله ونعم الوكيل
البارح بعد ما الدار كامل فرغت كل واحد راح لشغلو وقعدت غير أنا باسكو راني في فاكونس
طبطبت الباب
هههههههه المدعو أبي والقاورية مرتو جاو
جاو يبكيو أنا كنت نشوف معاهم برك ودموعهم والله ماحركت حتى شعرة من راسي
إيه قلبي ولا حجرة من جيهة المدعو أبي
مانحس بيه ماوالو
قالي يا أسماء بنتي (هههههههههه شحال وجعتني هاد الكلمة) قالولي قلبك بيض( راح سقسا البرانيا قالهم بنتي اللي عمري ماشتها وماسقسيت عليها كيفاش لونو قلبها؟)
مالا يا بنتي(عاود حرق قلبي هههههه) انا وطاطاك (مرتو ميليسا ههههه) رانا متورطين في قضية نصب واحتيال(يارب كم انت كبير) وماعندنا حتى دورو باش نوكلو محامي خسرنا كلشي يعيش بنيتي قنعي خوك المحامي يعاونا ( على مصلحتي نقول لل ..... خالتي) قلتلو:
يا ربي كم انت كبير
الدنيا دوارة يا السي بابا
مانيش نتشفا فيك باسكو الحمد لله ماما رباتني مليح
مي ياخي أنت سيبريميتنا من الباسي تاعك وعلاه تحوسني نآجوتيك فالبريزون والمستقبل تاعي
صايي فيدي لاكورباي وبايباي
اليوم تفكرت باللي عندك بنتك؟
اليوم تفكرت باللي عندك بنك ؟
يا سيدي وبنك لاخر علاه ماسقسيتش عليه ولا حتى نهار تمرض وتجي تداوي عندو؟
وبنتك لخرا؟
ومرتك قصدي اللي كانت مرتك؟
أنا قلتلهم ربي يسهل وغلقت الباب في وجهم
وكي جا خويا قالي كون دخلتيهم كون اليوم مافراتش خليهم يعومو بحرهم
***********************
يا جماعة مانحب حتى واحد يقولي راه باباك ومهما يكون ووووووووو وعلاه قسيتي قلبك عليه وووووووووو
نهار اللي خلقت ماشافنيش اصلا
وكي بديت نكبر كنت نحلم نقول كلمة بابا كيما لولاد كامل
كنت نحلم نحكم في يدو ونروح للمدرسة ونقولهم بأعلى صوتي هذا بابا
كنت كل يوم نحلم بيه جا يحوس عليا
كي زدت كبرت شويا كنت نتبهدل كي يجيو يمدو الجوائز فالحفلات التكريمية تاع المتفوقين كي يقولو ............. اسماء فلتتفضل مع والدها مشكورة لاستلام الجائزة
كنت نطلع كي ليتيمة نجيبها وحدي
كانت الدمعة تجيني كي نشوف لبنات ولولاد لخريني مع باباهم يصورو ويضحكو
نهار الديت البيام تمنيت كون سمعتو يقول راني فخور بيك أسومتي
كي وليت فالليسي مرو عليا أوقات صعاب بزاف غير ربي اللي يعلم بيا
تمنيت كون كان بابا معايا نبكي في صدرو وينصحني
مي هاد الشي كامل ماصراش
وكي شفتو ضربني بكف
كيفاه تحبو قلبي يحن؟؟؟؟؟؟
قلبي راه لحمة مش حديد ولا فولاذ
وشكراااااااااااااااا
هاو سامحوني مرضتكم مي والله حبيت برك نفرغ شوياااااااااااااااااااااااااااا:yahoo:
