فهموووووووووني

[سجل أنا جزائري]

سلام عليكم

عندي سؤااال ديما حاب نطرحووو

هل لازم تسمح في كرامتك حتى تفوز بفتاة أحببتها

مثلا نعطيلكم مثال واحد تقدم لواحدة و ما قبلتش به في الأول هل لازم يعاود الطلب تاعو عسى و لعل تقبل به نشوف بزاف شباب يديرو هكذا و بنات تتقلش عليهم و طلع و تهبط و باش تقبل به

 

[adel._dz]

رد: فهموووووووووني

لا لا الكلمة اذا خرجت لا يمكن سحبها خاصة اذا كانت من البنت

 

[اوراق الصييف]

رد: فهموووووووووني

نعم ولما لا وهذا اذا كنت متاكد انوا مفيش رجال بحياتها وانت ماك عارف بيه
بتوفييييييييييييييييييييييييييق

 

[علي الفاضلي]

رد: فهموووووووووني

الغالي ....يستاهل

والتافه ما يستاهلش ..

واللي يبغي لعزيز لازم يتعب عليه ..ولا ييأس ..

اعرف حالة شخصين ...الاول مند سنوات ..طلب والح ..وألح وألح مرات ومرات عدة ....وفاز بقمره ...

وتستاهل شفتها جمال واخلاق واصل ..........يتمناها كل عاقل ..

والثاني كدلك ...اتبع كل الطرق والوسطات المشروعة والح ولم ييأس لمدة فاقت السنة وزيادة ..

ونال حظه ...واليوم هو اب لطفل وبنت ..
**********************************

ادن الامر حسب "قيمة الشيء المطلوب " ...

دمت بخير ..

 

[أم راضية ~_]

رد: فهموووووووووني

السلام عليكم
وهل الإلحاح في الطلب يعتبر انقاصا للكرامة ؟؟
ربما خافت ما تتوفقش فيك , ربما خافت تندم ’ ربما ما عجبتهاش حاجة فيك وما شافتش الامور المليحة قادرة تشوفها لما تطلبها للمرة التانية ..
وكيما قال العمدة المستشار : ادا كانت تستهل الواحد يصرّ ويلح عليها و كانت انسانة خير و تشوف أنه رح تكون زوجة صالحة لا تتردد اقنع اهلها ادعي ربي يجعلها من نصيبك الكرامة لن تنقص ادا تقدمت رسميا قدام ربي وعبادو..
وحدة جارتنا خطبها واحد رفضاتو المرة الاولى و ممبعد خطبها واحد آخر قبلت بيه و بعد فترة فسخو الخطوبة عاود ولى ليها الخاطب الاول وقبلت بيه وقاتلي كبر في عينيا و عرفت بلي صح حاب نكون مرتو ...
إن كانت تستحق هاته الفتاة فأظن انه تستهل تحاول وإن رفضت المهم انك وضحت رغبتك ونيتك بطريقة مشروعة والأمر بيد الله وحده​

 

[ام سراج الدين وملك]

رد: فهموووووووووني

السلام عليكم
ادا كنت تحب هاذ الفتاة فهو عادي ان تلح
وادا كانت البنت تستاهل مو اي بنت راك فاهمني
وربي يجيب لي فيه الخير

 

[فلة ميمي]

رد: فهموووووووووني

اذا كانت تستاهل ماشي خصارة فيها

 

[SOFIANE020]

رد: فهموووووووووني

وعلاش ما تقبلش في المرة الالى
تستنى في توم كروز......
ماطيحش نيفك كاين ختا في السوق

 

[largo19]

رد: فهموووووووووني

طبيعة الرّجل لا يقبل كل هذا الإذلال ,,,,, من المؤسف أنو الراجل يخلّي روحو متعلّق بوحدة ممكن كاين آلاف البنات خير منها ,,,,, ما تقبلش بيه مرّة و زوج ,,, و تمشي به الهدرة بين الناس بلّي فلان يتبّع عي الكلب حاشاكم و يتذلّل ,, و في الأخير يقبلوا بيه ليس لشيء إلاّ أنّهم لم يجدوا خيارا آخر ,,,, لا كان هذا الراجل مبتلى بمرض العشق ندعولو الله يشفيه ,, و لا كان راهو في عقلو فمن المستحيل أنو يرجع يخطبها بعد ما رفضاتو في المرّة الأولى و شكرا ,,,,,

 

[أم راضية ~_]

رد: فهموووووووووني

طبيعة الرّجل لا يقبل كل هذا الإذلال ,,,,, من المؤسف أنو الراجل يخلّي روحو متعلّق بوحدة ممكن كاين آلاف البنات خير منها ,,,,, ما تقبلش بيه مرّة و زوج ,,, و تمشي به الهدرة بين الناس بلّي فلان يتبّع عي الكلب حاشاكم و يتذلّل ,, و في الأخير يقبلوا بيه ليس لشيء إلاّ أنّهم لم يجدوا خيارا آخر ,,,, لا كان هذا الراجل مبتلى بمرض العشق ندعولو الله يشفيه ,, و لا كان راهو في عقلو فمن المستحيل أنو يرجع يخطبها بعد ما رفضاتو في المرّة الأولى و شكرا ,,,,,

هو ما قالش خطبها اكتر من مرة قال مرة وحدة ...
وربما ما قبلتش بيه فالمرة الاولى بلاك ما شافتش الحاجات الملاح الي فيه ..
البنات يكونو في حيرة كبييييرة لما يتقدم شخص للخطبة و يدور في رااسها 100 سؤال و أبسط حاجة تخليها تخمم بزاااااااف هي هل الانسان هادا مناسب ليا ؟؟؟
تقولولي تختار على اساس الخلق والدين
نقولكم صحا وهل الواحد فينا اليوم يعرف يفرق بين المتخلق و المتدين وبين الخباثى لوخرين ؟؟؟؟
اسمحولي بصح رانا في وقت الناس يعرفو يمثلو ملييييييييييييح مليييييييييييح
البنات يمثلو و الرجال كيف كيف و ما تجي غير في قليل الحيلة مول النية ...
وادا تستهل الواحد يزيد يعطيلها ويعطي لروحو فرصة باش تخمم وعلاش لالا؟؟​

 

[largo19]

رد: فهموووووووووني

هو ما قالش خطبها اكتر من مرة قال مرة وحدة ...
وربما ما قبلتش بيه فالمرة الاولى بلاك ما شافتش الحاجات الملاح الي فيه ..
البنات يكونو في حيرة كبييييرة لما يتقدم شخص للخطبة و يدور في رااسها 100 سؤال و أبسط حاجة تخليها تخمم بزاااااااف هي هل الانسان هادا مناسب ليا ؟؟؟
تقولولي تختار على اساس الخلق والدين
نقولكم صحا وهل الواحد فينا اليوم يعرف يفرق بين المتخلق و المتدين وبين الخباثى لوخرين ؟؟؟؟
اسمحولي بصح رانا في وقت الناس يعرفو يمثلو ملييييييييييييح مليييييييييييح
البنات يمثلو و الرجال كيف كيف و ما تجي غير في قليل الحيلة مول النية ...
وادا تستهل الواحد يزيد يعطيلها ويعطي لروحو فرصة باش تخمم وعلاش لالا؟؟​

كلامك صحيح أختي ,,,,, لكن هو ل بلي يعرفها و تعرفو و كانو يحبوا بعضاهم ,,,, يعني تعرفو مليح ,,,, على كل حال ربي يوفّق كل الناس للخير

 

[ضيوف وسـنغادر]

رد: فهموووووووووني

كرامتك راس مــــــــــــــالك هنالك دوما الاحسن والاجمل والانقى .....
ان رفضتك مرة فمالفائدة من قبولك للمرة الثانية لو ارادتك حقا ما رفضتك المرة الاولى الا لمصلحة في نفسها
انصحك بصلاة الاستخارة ودوما مثلما يقول سينشي المتحري الشهير
دوما هناك خطة بديلة والحقيقة تظهر دومــــــــــا ​

 

[soussou bel]

رد: فهموووووووووني

ممكن كاين سبب خلاها ترفض



صلي صلاة الاستخارة كيما قالت الاخت ضيوف وسـنغادر

و ربي يجيب الي فيه الخير

 

[روعة ليالينا]

رد: فهموووووووووني

لالا انساها و شوف ما خير،.،تعيا وتقولك حللتني باه قبلت بيك.

 

[zagane]

رد: فهموووووووووني

السلام عليكم

دقدق ثلاث مرات ثم انسحب وشوف غيرها

 

[عاشقة الصمت 13]

رد: فهموووووووووني

السلام عليكم

دقدق ثلاث مرات ثم انسحب وشوف غيرها

رد كافي وافي
كل توخيرة فيها خيرة​

 

[kaibacef]

رد: فهموووووووووني

منعندي طيش عليك ابقا بقدرك لابغا متزوش ولاكان قدرتي تطلبها مرة خلاف رووح بصح مطيحش بقدرك لازم تعرفلها
وكيما قال الاخ SOFIANE020 كاين ختها فاسوق

 

[samsouma*]

رد: فهموووووووووني

منعندي طيش عليك ابقا بقدرك لابغا متزوش ولاكان قدرتي تطلبها مرة خلاف رووح بصح مطيحش بقدرك لازم تعرفلها
وكيما قال الاخ SOFIANE020 كاين ختها فاسوق

كاينة اختها فالسوق؟؟ياوشحال غادر فيكم داك السوق:p
صعيييييبة باش تلقى بنت فاميلية فالزمان هاذا
تحوس عليها بالشمعة ومنعرف:d
انا من تجربتي مكانش مشكل لما تعاود خاطر ممكن الطفلة متكونش مستعدة
ونزيد نقولك حاجة كاين عقلية الي تخمم من منطلق منقبلش باي واحد بالمرة الاولى كل واحد وعقليته فالدنيا هاذي
ويظهرلي القدر خاطي فهاذ لحكايات

 

[kaibacef]

رد: فهموووووووووني

كاينة اختها فالسوق؟؟ياوشحال غادر فيكم داك السوق:p
صعيييييبة باش تلقى بنت فاميلية فالزمان هاذا
تحوس عليها بالشمعة ومنعرف:d
انا من تجربتي مكانش مشكل لما تعاود خاطر ممكن الطفلة متكونش مستعدة
ونزيد نقولك حاجة كاين عقلية الي تخمم من منطلق منقبلش باي واحد بالمرة الاولى كل واحد وعقليته فالدنيا هاذي
ويظهرلي القدر خاطي فهاذ لحكايات

هههه سوق ماراحش تقا فيه علابالنا بنت فاميلية متخرجش مدار:p
ومشكورة على رايك:d

 

[imy_amani]

رد: فهموووووووووني

اذا قبلت
فالاكيد رايحة تقبل من المرة الاولى
الا اذا كانت عندها ظروف
يعني في بنات ماترفضش لخاطر ماعاجبهاش

يمكن تكون تقرا
والا عارفة انها مش مستعدة لتكاليف الزواج في هاديك الفترة
ويمكن صح رفضاتو لخاطر مش مرتاحتلو

مالا
اذا كانت مش مرتاحتلو
علاش يرجع يطلب ايدها
خلاص
رفضت يروح يشوف مكتوبه من جيهة اخرى
واذا لا
يعني ظروفها هي اللي خلاتها ترفض
فهذي تقدر كي يروح المانع
يرجع يطلبها وربي يوفق

بصح ماهوش اذلال في نظري

لخاطر في كل الحالات
الولد يقدر يعرف
اذا كانت الحجة واهية
والا تستحق الانتظار

وهاد رايي الخاص
​