الجزء الثاني\\ملف متناسق ومتكامل خاص بالرجيم

رونق الزهور

:: عضو مُتميز ::
إنضم
17 جانفي 2014
المشاركات
654
نقاط التفاعل
2,563
النقاط
51
do.php

السلام عليكم ان شاء الله تكونو بصحة جيدة وهمة عاليا حبوباتي
اليوم جبتلكم البرنامج الغذائي لي لازم نمشو عليه وقبل مانبداو فيه راح نكتبلك الاشياء الممنوعة الي لازم نبتعد عليها بتاتا يعني هي لي تخسرلك قع واش بنتيه
"]الممنوعات هي
do.php

التمر بمختلف انواعه
الشكولاطة ابتعدي عنها نهائيا
التين والمشماش والموز
بالنسبة للطبخ اياكي واياكي الطبخ بماجي او جونمبو
ابتعدي عن المشروبات الغازية و العصائر الي تتباع لان فيها نسبة سكر عالية جدا
قللي الزيوت في الطبخ
هذا مكان​
do.php


الان نروحو للنظام الاكل ظرك لازم نتعلمو كيفاش الاكل الصحيح
do.php
اول شي في الصباح كي تنوضي اشربي كاس من تيزان تع المعدنوس
قومي بغلي ربطة معدنوس بعد ان تغسليها مليح وتنظفيها مع 6 كيسان ماء غير تبدا تغلي طفي عليها وديريها في قارورة تشدلك اسبوع كل يوم صباح شربي كاس بلا سكر غمضي عينيك وشربيه واذا عفتيه عصري عليه شوي ليمون بصح ماعليش شربيه لانو هو لي يخليك تتخلصي من الشحوم والسموم
من بعد دوري اخدمي شوي ولا رقصي ولا مشي في الدار مشي سريع مش بطيئ لمدة ربع ساعة ونتي مدخلة كرشك لات هذا يساعد على شد عضلات البطن انا مجربتها قد لي نسمن كرشي ماتخرجش ورغم اني والدة وماعنديش الدوارة والحمد لله
من بعد كولي علبة ياغورت لايت راه يتباع مع حبة تفاح واذا تحبي كاس قهوة كحلة مع ملعقة سكر واحدة ولا تحبي كاس حليب قليل الدسم واذا مالقيتيش حليب قليل الدسم جيبي الحليب نورمال وخفيه بالماء يولي خفيف اشربيه مع ملعقة قهوة عسل النحل خيري وحدة من هذو
المهم​

من بعد يجي الفطور في الفطور لازم يكون متكامل ياالخبز الاسمر ولا روز ولا كسكس حاجة من النشويات تدي قطعة مثل كف اليد من الخبز الاسمر مع صحن سلطة فيه بشون او ملعقة قهوة زيت زيتون وشوي خل وملح وديري معاهم يا اما صدر دجاج مشوي بدون زيت ولا علبة تونا صغيرة مصفية تماما من الزيت ولا قطعة ستاك لحم بقري مشوية بدون زيت ولا قطعة سكلوب ايضا مشوية تختاري تقدري تاني تاكلي البيض مي نحي منو الصفار تقدري تقليه ايضا بلا زيت وتاني تنحي الصفار​
do.php
بالنسبة للارز كي طيبيه غسليه مليح كي يطيب باش يروحلو النشا وكولي فقط 4 ملاعق اكل والكسكس كذلك 4 ملاعق اكل
تقدري تاكلي البطاطا مي كي تاكليها ماتكليش الخبز​
do.php

تقدري تشويها في الكوشة بدون زيت او ديريلها ملعقة صغيرة زيت زيتون ولا زيت عادي كولي غير حبة مشي زوج مشي كبيرة تكون متوسطة
تقدري دير سوب تع خضر ماديريش فيها الجلبانة والفول وطيبيها مع صدر جاج بدون جلد
اني راح نحطلكم طريقة طبخ الاكلات في منتدى الطبخ ولي عندها اكلات صحية ومفيدة تحطها ثاني باش كامل نستفادو وتكتب في العنوان خاص بالرجيم

[COLOR="Red"وتذكري بعد كل وجبة بساعة اشربي كاس شاي اخضر بالنعناع والزنجبيل][/COLOR][/SIZE]
[IMG]http://upload.4algeria.com/do.php?img=40015[/IMG]
[SIZE="4"][COLOR="DimGray"العشية كولي حبة تفاح ولا حبة برتقال مع علبة ياغورت لايت والعشا تاني اختاري كيما الفطور ولكن ابتعدي على البطاطا والجزر في العشا
فول مفور ولا الجلبانة تقدري تاكلي 3 ملاعق اكل فقط في اليوم دخليهم مع الفطور ولا العشا
تقدري تاكلي عشر حبات لوز في اليوم فيه زيوت اوميغا ثري][/COLOR][/SIZE]
[COLOR="DarkOrchid"]وكي تجوعي خارج اوقات الاكل اشربي الماء عليكي بالماء باش تبقاي شبعانة والبشرة تاعك ماتقدش نظارتها
بعد العشا من بعد ساعة كولي حبة برتقال ولا ليمون وشربي كاس زريعة الكمون والبسباس ورقدي بالاكي ترقدي بعد العشا لازم تتعشاي بكري باه كي ترقدي تلقاي روحك خفيفة
بالنسبة لللرياضة ديري 45 دقيقة كل يوم مشي سريع في غرفتك ولا في الصالو الرياضة هي لي تساعدك على الحرق
[/COLOR]
do.php

[SIZE="4"بالنسبة للماسكات ][/SIZE][/COLOR]
[COLOR="DarkSlateGray"]لازم تتهتمي بالبشرة تاعك في هذا الوقت

الماسك الاول ماسك اعادة النظارة ديري شوية عسل حر مع شوية حليب خلطيهم وديريهم على وجهك ربع ساعة من بعد غسلي بالماء الفاتر وميسحي وجهك بقطنة مغموسة في ماء الورد وكرري العملية 3 مرات في الاسبوع

الماسك الثاني ماسك التبيض ديتو من الانترنت وجربتو روووعة
ملعقة ياغورت طبيعي بدون سكر ملعقة صغيرة سكر نص ملعقة صغيرة عسل وعسرة ليمون وخلطيهم وديريهم على الوجه ربع ساعة وغسلي وجهك كيما الطريقة الاولى ديري الوصفة من مرتين ل3 مرات في الاسبوع ديريه مع الماسك الاول اسبوع باسبوع اسبوع ديري اللول ووالاسبوع الثاني ديري الثاني​
do.php

[COLOR="Purple"بالنسبة للشعر دهنيه بزيت الزيتون مع مغلى الشيح هايل هايل جبتهها تاني من النت ولكني مجرباها رووووعة
ولا زيت اللوز الحلو الحر دهني شعرك بيه وغطيه ورقدي][/COLOR][/SIZE]
[SIZE="4"]ملاحظة

قبل اي ماسك وجه لازم تكوني دايرة قوماج للبشرة ومنقيتها وكي جي ترقدي دير نيفيا
في انتظار تفاعلكم
لازم كل وحدة تكوت صريحة معانا ومع نفسها ماتكذبش علينا لخطرش راهي تخدع في روحها قبل ماتخدعنا وهكا مانقدروش نعاونوها
من بعد تاني نحطلكم جدول السعرات الحرارية الرياضات وكذلك نحطو طبخات في منتدى الطبخ الخاصة بالرجيم

do.php
do.php
 
رد: الجزء الثاني\\ملف متناسق ومتكامل خاص بالرجيم

غير هذو 3 شهر مي غير تنقصو ننزل برنامج التثبيت الوزن ان شاء الله تقدرو تاكلو واش تحبو مي باعتدال
لي توصل قبل هذي المدة للوزن المثالي تقولي شحال راهي توزن وشحال طولها باش ندلها برنامج التثبيت ان شاء الله باه ماتزيدش تسمان من بعد
 
رد: الجزء الثاني\\ملف متناسق ومتكامل خاص بالرجيم

,,,,,والله راني محتاجة لبرنامج مثل هدا ان شاء الله نحاول

المهم المهم جدا هو الريااااااااااااااااااضة انا والله كنت من قبل ندير بزاف نشاط

وناكل عادي ونقصت بزاف مي كي حبست رجعت كيما كنت يعني الحاجة

الي لازم مانتخلاوش عليها هي الرياضة حتى وان كانت الاعمال المنزلية وصعود السلالم
 
رد: الجزء الثاني\\ملف متناسق ومتكامل خاص بالرجيم

السلام عليكم
شكرا م احلى هـــــــــــــــادي على هاذ البرنامج نتوكلو على الله ونجربوه
 
رد: الجزء الثاني\\ملف متناسق ومتكامل خاص بالرجيم

يعطيك الصحة اسماء موضوع مهم انا عندي الكككككككككرررررررررررشششششششششششش
هي المشكل الكبير
 
رد: الجزء الثاني\\ملف متناسق ومتكامل خاص بالرجيم

انا نقوللكم الريضة ثم الرياضة والله مكاش حاجة تنقص وتسقم لطاي كيما ارياضة رني ناكل نورمال كيما العادة بصح راني في 15 يوم رياضة يوميا اليوم وزنت لقيت 3 كلغ راخت والكرش نقصت بالبزاف اول يوم كان محيط الخصر 96 بصح اليوم راه 91 يعني 5 سنتمترات نقصت في 15 يوم بدون ريجيم الاكل فقط الرياضة45 دقيقة يوميا
شكرا على المعلومات ان شاء الله تفيد البنات
 
رد: الجزء الثاني\\ملف متناسق ومتكامل خاص بالرجيم

,,,,,والله راني محتاجة لبرنامج مثل هدا ان شاء الله نحاول

المهم المهم جدا هو الريااااااااااااااااااضة انا والله كنت من قبل ندير بزاف نشاط

وناكل عادي ونقصت بزاف مي كي حبست رجعت كيما كنت يعني الحاجة

الي لازم مانتخلاوش عليها هي الرياضة حتى وان كانت الاعمال المنزلية وصعود السلالم

صح كاين منها الرجيم بلا رياضة كي شغل مادرتي والو وثانيك الرياضة بلا رجيم ماتنقصيش بزاف لي تحرقيها بسبور تعوضيها بالاكل
ان شاء الله كامل ننجحو بهذا النظام انا عندي اسبوع ملي بديت هذا النظام طيحت زوج كيلو
 
رد: الجزء الثاني\\ملف متناسق ومتكامل خاص بالرجيم

السلام عليكم
شكرا م احلى هـــــــــــــــادي على هاذ البرنامج نتوكلو على الله ونجربوه

ان شاء الله ام سراج وراني قلت لعفاف باه نحلو كوزينة تع الرجيم ووافقت ان شاء الله غدوز نبداو فيها
 
رد: الجزء الثاني\\ملف متناسق ومتكامل خاص بالرجيم

انا نقوللكم الريضة ثم الرياضة والله مكاش حاجة تنقص وتسقم لطاي كيما ارياضة رني ناكل نورمال كيما العادة بصح راني في 15 يوم رياضة يوميا اليوم وزنت لقيت 3 كلغ راخت والكرش نقصت بالبزاف اول يوم كان محيط الخصر 96 بصح اليوم راه 91 يعني 5 سنتمترات نقصت في 15 يوم بدون ريجيم الاكل فقط الرياضة45 دقيقة يوميا
شكرا على المعلومات ان شاء الله تفيد البنات
صح والله كاين منها وسورتو كي تكوني ديريها كول يوم وماتكليش بزاف مي انا ديما ندير الرياضة ولكن حبست غير في نفس الوزن لان جسمي متعود على التعب هذاك ايا رجعت ندير الرجيم هذا الي هو خلاصة خبرتي في هذا المجال لانو بكري كنت مهوسة بلاطاي 36 وكي زوجت حبست الرجيم وكملت غير بالسبور
ام ريهام شكرا على ردك المتالق والمفيد نستناوك تعاونينا باطباقك الصحية في كوزينة الرجيم
 
رد: الجزء الثاني\\ملف متناسق ومتكامل خاص بالرجيم

سندس اختي الله يسلمك ويخليك وان شاء الله تبعي النظام
مليكة تبعي نظام تشوفي كرشك كيفاش تولي ههههههه ولا جاك صعيب
 
رد: الجزء الثاني\\ملف متناسق ومتكامل خاص بالرجيم

اكيد على قد ما يقلل الواحد من النشويات والزيوت والعجائن يحس روحو خفيف ومع الرياضة يزيد ينقص
ان شالله رح نكون في المتابعة والتطبيق وربي يعيننا باه ننقصو كاش كيلوات
موفقات اخواتي
 
رد: الجزء الثاني\\ملف متناسق ومتكامل خاص بالرجيم

ان شاء الله ياربي شكرا على انظمامك وان شاء الله تحققي معانا مبتغاك
 
رد: الجزء الثاني\\ملف متناسق ومتكامل خاص بالرجيم

برنامج مليح اناتاني راني مع الرياضة وان شاء الله نستفادو كامل من البرنامج يعطيك الصحة
 
رد: الجزء الثاني\\ملف متناسق ومتكامل خاص بالرجيم

شكرا نور الحبوبة ختي هيا بنا الى مطبخ الرجيم لرؤية ابدعاتكم ههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top