كييييييييييييفاش نديييييير

hopeful girl

:: عضو منتسِب ::
إنضم
17 أوت 2010
المشاركات
34
النقاط
3
السلام عليكم
حبيت نحكيلكم على مشكلتي مع الزوج نتاعي لأني تخنقت من طبايعو. هو صح انسان مليح و قلبو أبيض ولكن..
أنا انسانة عاملة في مجال التعليم في الطور الثانوي و راكم تعرفو ذراري تع هذا الوقت .المعنى كي نجي للدار نكون تعبانة بزاف مع العلم أني أم لطفل صغير عندو 10 أشهر ومع هذا ،الشيء اللي نقدر عليه نديرو وفي الليل نطيح كي الميت. و الزوج نتاعي يبدا يشتكي هذا العشاء مانكلوش وهذي علاش ممسحتيهاش وهذي علاش مرفتيهاش..... وصلت بيه يقارني بفلانة و فلانة زعمة خير مني و تاني يعايرني ويسبني ...والله كرهت حياتي وكلامو ولا يتعبني كثر من خدمتي ووليدي..حرت كيفاش ندير معاه وانا منقدرش نكمل معاه بهدي الطريقة خاصة كي ولا يعايرني ويضربني .
كيفااااااااااااااااااااااااااااااااااااااااااش نديييييييييييييييييييييييييير
 

BHARIZIA

:: عضو مُشارك ::
إنضم
2 فيفري 2014
المشاركات
324
النقاط
41
رد: كييييييييييييفاش نديييييير

السلام اختي ما تقلقيش روحك وما تضيعيش حياتك وتيتمي طفلك. يمكن تنظمي يومك وطفلك تخليه عند يماك،وانا صراحة علي جال هذا الشي ماحبيتش نخدم وانا متخرجة من الجامعة. قررت نكرس حياتي لزوجي واطفالي،وكيما راك تقولي زوجك فيه حاجات ملاح علاه تتخلي عليه ،تندمي.اسمحيلي اختي لكن من حقه ياكل مليح ويعيش هاني ،الناس راه اطير في هدا الوقت.
 

R@MA

:: عضو مُتميز ::
إنضم
23 أفريل 2010
المشاركات
1,139
النقاط
51
رد: كييييييييييييفاش نديييييير

راكم دبزة ودماغ
انا نقلك حنونة الحياة الزوجية توجور تلقاي
فيها اختلاف ومشاكل
يكدب عليك لي يقلك راني هاني واذا لقيتي زوج
متفاهمين اعرفي درك راه على واحد من الطرفين
تقلاق ماراهش في صالحك حاولي تشد روحك كي يكون
هو في حالة زعاف وحبة حبة نظمي امورك حبة حبة
ولي ذكرهم ماراهمش خير منك كامل نسا وانت ماتقليش عليهم
حاولي تحلي امورك بعقلانية وحكمة وهو ماحقوش يسبك
لأن من سلوكيات الزواح الاحترام توجب في كل حالة
حتى زوجك لوكان تحاولي
تجبديه ليك كثر ربما راح يتخلى على هدا التصرف
وممكن حتى يعاونك وهدا يتم بالحوار المتحضر
ادا ولى هو يغسل وانتي تنشري)يعني هو يعيط ونتي تردي( ابدا ماراحش توصلوا لحل
علابالك المشاكل وقتاش يولدوا كي تكون فجوة بين الزوجين
يعني هدي الفجوة لازم تغلق والا مكاش حياة
هدي وجهة نظري فقط وانتي سيدة القرار

ربي يكون معاك حنونة

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,440
النقاط
821
محل الإقامة
الشرق-الوسط
الجنس
أنثى
رد: كييييييييييييفاش نديييييير

وعليكم السلام


اختي حبيت نسقسيك قبل ان ننصحك زوجك واش مستواه التعليمي ؟
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,440
النقاط
821
محل الإقامة
الشرق-الوسط
الجنس
أنثى
رد: كييييييييييييفاش نديييييير

ممكن ماش متقبل فكرة خدمتك هادا لي بان من خلال كلامك


مادامك استادة وهو عايش وشايف الافضل تتناقشو بيناتكم وتخرجو بحل أنسب


تعرفي السبب تاع معاملتك هك لأنو كي يوصل للضرب الحالة صعابت شويا
 

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901
رد: كييييييييييييفاش نديييييير

السلام عليكم
أختي الكريمة أنت قلتي عييتي منو أو منقدرش نكمل معاه
الا كان هو خدام علاش متحبسيش التعليم
او تريحي وتريحي وليدك او راجلك
او تتهلاي فيهم
وشكرااااااااااااااا
 

يعقوب 1967

:: عضو مُشارك ::
إنضم
12 ماي 2013
المشاركات
461
النقاط
13
رد: كييييييييييييفاش نديييييير

سلام ...............هدا المشكل راه عند ككككككككككككككككل الخدمات تقريبا لكن ادا عرفتى كيفاه اتسيطرى على الامر راك تكونى انت الرابحة يعنى ماهيش تحاولى انك توفقى بين الدار والعمل لا وفقى بين الدار والعمل باه تكسبى زوجك وتحافظى على اسرتك يعنى لازم اعليك اديرى برنامج كامل للبيت وللطفل والنصيب الاكبر للزوج دلليه ....زوجك يحتاج للدلال وليس الاكل والشرب ولا المحيط اللى داير بيه زوجك تنقصيه انت فهمتى المعنى ولا انوضح اكثر ...............انا ام لبنات عاملات واعرف اين الخلل انت قلتى انك اتجى تعبانة والشى اللى تقدرى عليه ادريه وفى الليل اطيحى تعبانة ..........يعنى هو محتاجك فى وقت معين وانت ما تقدريش ...............فرد فعلو هو انو يستفزك وقارنك بنساء وحداخرات .هدى طيب اخير منك وهدى امنظم خير منك يهبطلك فى معنوياتك وانت على حساب مارانى انشوف رايحة تستسلمى نوضى وارفدىىىىىىىىىىى روحك ونفضى الغبرة على روحك واستعدى وما تفرطيش فى زوجك على جال حاجة عند كل النساء حتى احنا النسء اللى مناش خدمات رانا ساعات تكون عندنا نفس المشاكل لكن نستوعبو الامر .....ساعت اقول الزوج كى مايعجبوش الحال وكان جيتى خدامة واش اديرى ولا شوفى الخدمات راهم يخدمو برة والداخل خير منكم يعنى هدا راه حاجة عدية تمر بها اى امرءة لازم اعليك تعاودى احسباتك وتشوفى الخلل وين ومن بعد تتصرفى بحكمة ورويةل اللهم ادا كان عندك مشكل اخر هذيك حاجة اخرى يعنى اذا كان زوجك انسان غير متدين ولا يشرب يعنى سكير هذيك القلها تفكير وحداخر ...........اتمنى انى انكون افدتك على حساب خبرتى وربى اكون فى عونك
 

BHARIZIA

:: عضو مُشارك ::
إنضم
2 فيفري 2014
المشاركات
324
النقاط
41
رد: كييييييييييييفاش نديييييير

يسلم فمك اختي يعقوب 1967 .يا اختي ما تستسلميش نوضي راجعي نفسك وحافظي على حياتك الزوج راه خاصه اللي تتهلى فيه وتسهر وتفضفض معاه وهذي تاع في الليل طيحي كي الميت ما عجبتنيش يا اختي هدا شرع وحق فهمتيني واسمحيلي اذا طريقتي ما عجباتكش في الكلام انا نيتي باه نفطنك.
 

محبة الدراسة

:: عضوية محظورة ::
إنضم
14 أوت 2013
المشاركات
102
النقاط
7
العمر
22
محبة الدراسة، تم حظره "حظر دائم". السبب: مخالفة القوانين
رد: كييييييييييييفاش نديييييير

الطلاق هو الوسيلة الوحيدة للراحة

انت استاذة و الاستاذة جامي تتهان

يا اما يعتذرلك يا اما يطلقك

وحدة من الزوج
 

ام الحلوين

:: عضو فعّال ::
إنضم
18 أفريل 2013
المشاركات
1,689
النقاط
71
رد: كييييييييييييفاش نديييييير

سلام اختي
ماتسسرعيش و نتي لازمك تنظمي وقتك يعني راه عندكم الثلاثا العشية و الخميس عشية و الجمعة و السبت قاعدة في الدار
حاولي الوقت لي يكون برا اقضي شغلك و نظفي البيت و كي يدخل اعطيه وقتو
ربي يهنيك و يسعدك اختي
 

ام ريهام

:: عضو فعّال ::
إنضم
20 سبتمبر 2012
المشاركات
2,248
النقاط
111
رد: كييييييييييييفاش نديييييير

اختي انا من راي ام الحلوين ةالسيدة يعقوب
نظمي امورك ما بين العمل والدار واذا شفت روحك كا تقدريش وهي صراحة صعيبة باش الواحدة توفق بين الدار والعمل برا رانا قاعدين في الدار ومكاش راحة شغل الدار وحدو راه يعيي وما ادراك نزيدو مطالب الزوج والاولاد الله يكون في عونا
وحاجة اخرى اختي اذا شفتي زوجك يقدر يصرف عليكم وما يخصكم والو يعني هو بشهريتو تعيشو لباس عليكم خلي الخدمة ما تقوليش زاش قريت باطل لالا راني كنت نخدم قبل الزواج لكن كي تخطبت قالي بعد العرس الخدمة ممنوعة انا قبلت وجامي جبدتلو الموضوع لكن الحمد لله ما خصنا والو
انت اختي شوفي حالته المادية اذا تسمح انك تقعدي في الدار غير اقعدي وهني روحك وهني وليدك وزوجك اما اذا حالتو المادي ما تساعدكش شوفي انك توفقي ولو بالقليل ولازم تتحملي شوية
ربي يرزق الطيب ما بينتكم ان شاء الله
 

يعقوب 1967

:: عضو مُشارك ::
إنضم
12 ماي 2013
المشاركات
461
النقاط
13
رد: كييييييييييييفاش نديييييير

سيدتى .................اخر شيىء ننصحك به هو الطلاق واذا فى بالك راك استاذة والاستاذة ما تتهانش هذى غلطة اى امرءة راهى ماتحبش تتهان حاولى قدر المستطاع تنجحى فى حياتك المشكل اللى عندك راه مايتحسبش مشكل صعيب راكى مازال فى اول الطريق ما تخليش اول حجرة تعثرك وهذى راهى حجرة صغيرة ممكن اجى يوم وتصادفك مشكل اكبر من هذا كفاش رايحة تواجهى الموقف ..........اعذرينى اذا كنت رانى مستصغرة هذا الامر لانى عن نفسى واجهت مشاكل اكبر على هذا جاينى مشكلك شىء بسيط للغاية ..........راجعى روحك امليح وانا واثقة انك رايحة تلقاى الحل بلا ما تهدمى بيتك شوفى الجانب المليح اللى فى زوجك وعلى اساسه ابنى حياتك وغيرى الشىء السيىء وهذا هو دورك الاصلاح والتغيير لان الزوجةهى سيدة البيت وهى الركيزة الاساسية يعنى دورها ومهمتها اكبر واصعب فكرى جيدا وما تتسرعيش لانك انت اللى رايحة تفوزى او تندمى فى الاخير تاكدى من ذلك
 

روعة ليالينا

:: عضو منتسِب ::
إنضم
4 مارس 2014
المشاركات
42
النقاط
3
رد: كييييييييييييفاش نديييييير

يا أختي ما تيتميش وليدك على جال الخدمة .ينعل بوها خدمة قدام وليدك وراجلك أنا راني متفاهمة أنا و خطيبي إذا ما قدرتش نوفق بين خدمتي و داري نحبس الخدمة و راني مقتنعة رغم اني تعبت بزاف باه وصلت لواش راني مع العلم اني اعمل في مجال الطب
.،ولا ديري كيم اختي اذا تسكني وحدك و راجلك تاني يخدم جيبي واحدة تشدلك الطفل و تخدملك شغلك وخلصيها مليح.هكدا كي تولي للدار تلقاي كلش في بلاصتو
وربي يكون معاك ان شاء الله
 

يعقوب 1967

:: عضو مُشارك ::
إنضم
12 ماي 2013
المشاركات
461
النقاط
13
رد: كييييييييييييفاش نديييييير

على حساب ما فهمت السيدة مشكلها ماهوش الخدمة ما تخلطوش الامور السيدة راهى ماهيش مستقرة نفسيا كفاش رايحة تبطل الخدمة رايحة تخسر اكثر ممكن كى تريح تقدر توفق بين العمل والبيت وانكم تقولولها حبسى الخدمة هذى حاجة ماهيش ساهلة وشكون رايح منكم يضمنلها الاستقرار والراحة انا على حساب خبرتى فى الحياة المشكل ماهوش فى الخدمة المشكل راه فيك انت دورى على احوالك امليح وما تتسرعيش هذى نصيحة ام لابنتها
 

ام سراج الدين وملك

:: عضو مُتميز ::
إنضم
7 أفريل 2013
المشاركات
1,150
النقاط
71
رد: كييييييييييييفاش نديييييير

أختي حاولي توفقي بين خدمتك برا وبين دارك يعني زوجك انا من جهتي نشوف انك مقصرة في حقو
انتي قلتي نجي عيانة ونطيح كــــــــــــــاو وراجلك هدا يقعد وحدو يسهر وحدو لازم عليك تعطيه وقتو ولازم تهتمي بدراك
وخاصة انك تموتي عليه انا رجعت لاحد مواضيعك تقولي ياناس انا نموت عليه
أختي العزيزة الطلاق أخر حاجة تفكري فيها وخاصة انو بيناتكم ولد يعني دارك وراجلك قبل كل شئ
وربي يجيب لي فيه الخير
 
Top