بــراج بنــبتة vivras و أوراق البصل الاخضر حصري ولأول مرة من مطبخي

الحالة
مغلق ولا يسمح بالمزيد من الردود.

أمــ وليــد الجزائرية

:: عضو بارز ::
أحباب اللمة
إنضم
6 مارس 2009
المشاركات
4,443
نقاط التفاعل
7,890
النقاط
191
بسم الله الرحمان الرحيم

حباباتنا اللمويات

هانا رجعناكم مع وصفة جديدة و التالية من هذا الاسبوع
بعد هذي الوصفة رح ينتقل مخيمنا ان شاء الله لقسم اخر

رح نبدا درك في الوصفة لجديدة لي جبتلكم و كما لعادة حصرية 100/100

أولا نروحو لبسان ملينا :-r ونعرفكم بالنبتة الي رح تكون في كوزينتنا بعد شويا


NImae.jpg


هذي النبتة حنا نسموها thavovristh و باللغة الفرنسية la fleur vrivras هي تكون غير في هذا الوقت

درك نرجعو

للمقادير :


انوجدو كمية من هذي النبتة يعني بتقريب قد مركو تشوفو في الصورة + كمية من أوراق البصل الأخضر + دقيق + زيت الزيتون + قليل من الملح

طريقة التحضير :

لاحضو معايا الصور أولا لاوراق النبتة و البصل قبل القطع

GzQ6b.jpg


EdkRu.jpg




رح نحكموهم و نقطعوهم صغار جداااا بهذا الشكل

gQ4lm.jpg



بعدها كي نكملو نبقاو نسكرفجوهم بليدين في زوج حتى يولو بهذا الشكل



GzQ6b.jpg


EdkRu.jpg


بعدها نضيفو الدقيق كما في الصورة



zlpYu.jpg


بعدها نخلطوهم جيداا و نضيفو قليل من الملح و الزيت كما الصورة

uLHqN.jpg


انا بعدها زدت ثانيك قليل من الزيت لانو لازم يتشمخ بالزيت حتى يرجع بهذا الشكل

6s1qI.jpg


بعدها نحكمو مقدار قرصة متوسطة و نديروها بكل دائري و نقطعوها على اربعة و بعدها نقطعوها بهذا الشكل

gFWV0.jpg



و في الاخير نديروهم يطيبو كما هك

uVIDn.jpg


و هذا هو الشكل النهائي

gU8iD.jpg


w1GDE.jpg




درك تقولو دار مليــــنا من أكلات الاعشاب :d:p
رهي أفضل برااج تقدري تكليهم
و في الاخير صحية جداااا
ولا عندكم هذي النبتة
غير متراطيوش

نتلاقاو في قسم جديد
و نرجعوكم مرة أخرى لهذا القسم ولا عيشنا ربي


دمتم بخير

و السلام عليكم

:regards01::regards01:

 
رد: بــراج بنــبتة vivras و أوراق البصل الاخضر حصري ولأول مرة من مطبخي

السلام عليكم

بارك الله فيك يا نباتية أنتي ^_^

وصفة غير الوصفات فعلا نقولو عليها حصرية 100/100

بالصحة والهنى عليكم حبيبة بالنسبة لهاد النبتة مانعرفهاش ومش عارفة الا كاينة عدنا

عندها هداك لخضار كيما البصلة طويلة نفسي اعرف بنتها

بارك الله فيك ختيتي

لمي لماعن كامل بلاكي تخلي حاجة وراكي لازم نحزمو الامتعة اليوم

 
رد: بــراج بنــبتة vivras و أوراق البصل الاخضر حصري ولأول مرة من مطبخي

وعليكم السلام


غريبة كرة القبايل خخخ


يعطيك الصحة فلة وصفة جديدة ورائعة


ابعثيلنا هاد النبتة دبري راسك


تسلم الأيادي حبيبتي
 
رد: بــراج بنــبتة vivras و أوراق البصل الاخضر حصري ولأول مرة من مطبخي

ya 3omriiiiii, milina rawww3a
3jabtini awalen ki raki sghira w diri hwayej ta3 takalid
2emment ki 3arraftina b haja jdida
ana 3n nafssi ma na3rafhach, bassah bayna bnina
yasslamou yaddik ya zine




goulili, louken za3ma nremplassiha b salk, tji?
 
رد: بــراج بنــبتة vivras و أوراق البصل الاخضر حصري ولأول مرة من مطبخي


شكرا ع الطرح المميز فعلا
عاشت الايادي


اهلا بك اخي تشرفنا بوجودك في مطبخنا :-r
 
رد: بــراج بنــبتة vivras و أوراق البصل الاخضر حصري ولأول مرة من مطبخي

السلام عليكم
وعليكم السلام
بارك الله فيك يا نباتية أنتي ^_^

وصفة غير الوصفات فعلا نقولو عليها حصرية 100/100

بالصحة والهنى عليكم حبيبة بالنسبة لهاد النبتة مانعرفهاش ومش عارفة الا كاينة عدنا

عندها هداك لخضار كيما البصلة طويلة نفسي اعرف بنتها

بارك الله فيك ختيتي

لمي لماعن كامل بلاكي تخلي حاجة وراكي لازم نحزمو الامتعة اليوم



صدقيني ياسمسومتي بنتها وحدها و هذي النبتة تكون غير في نهاية فصل الشتاء و مع دخول الربيع اي هذا الوقت بالظبط اطلعي للغابة ممكن تلقايها ادي الفوطو لولا كمرشد :d:p

رني لميت لماعن و غسلتهم بقا غير تجي و نسهلو ان شاء الله;)
 
رد: بــراج بنــبتة vivras و أوراق البصل الاخضر حصري ولأول مرة من مطبخي

وعليكم السلام


غريبة كرة القبايل خخخ


يعطيك الصحة فلة وصفة جديدة ورائعة


ابعثيلنا هاد النبتة دبري راسك


تسلم الأيادي حبيبتي

اهلا ساندي مديلي لادريس نبعثهالك مكانش مشكل
و علبالي رح تعجبك
حنا لقبايل عندنا بزااف حوايج نحاول نقدم الي نقدر عليه ;)
 
رد: بــراج بنــبتة vivras و أوراق البصل الاخضر حصري ولأول مرة من مطبخي

ya 3omriiiiii, milina rawww3a
3jabtini awalen ki raki sghira w diri hwayej ta3 takalid
2emment ki 3arraftina b haja jdida
ana 3n nafssi ma na3rafhach, bassah bayna bnina
yasslamou yaddik ya zine




goulili, louken za3ma nremplassiha b salk, tji?


اهلا طاطا منيش صغيرة خخخخ رني متوسطة :d
مزالنا نحافظو على التقاليد لانها بزاف صحية و طبيعية و من غير هذا كامل بنتها وحدها

عندك تخلطي السلق خخخخ راح تباصينا :d:d
نقولك خلطي اوراق البصل مع النعناع و شوفي كيفاه تجيك
وتقدري الزيت الزيتون ولا معندكش بزااف خلطيها مع الزيت الي رنا نشروها معليش المهم فيها ريحة الزيت الزيتون
رح نحاول نجربها و نحطهالكم ثانيك رهو مذاق ميتنساش
مي بلاكي تكليها مع لعدس :d رهي تتكل مع القهوة ولا لتاي

 
رد: بــراج بنــبتة vivras و أوراق البصل الاخضر حصري ولأول مرة من مطبخي

صبآح الورد فلفولــة
اييييه نعرفهآ انآ هآد النبتة حنآ عندنآ نقولولهآ بيبرآس :d
ديجآ آي نآبتة عندنآ من هيه مورآ الدآر خخخ
يعجبني الـgــو تآعهآ ، بكري نشفى على جدتي الله يرحمهآ
فالوقت هدآ كي تنحيهآ يلزمنآ نديرو الكسرة رخسيس ونحطوهآ فوقهآ ونآكلو
يعني بخآسك كمآ تقولي انتمآ تديرو مع الدقيق وتآكلو حنآ نو الكسرة وحدهآ وامبعد تجوزي بيهآ
آآو نفس البنة ديجآ رآهي في فمي يم يم :$
بصح دركـ ماعدنآش نديروهآ وانتي فكرتيني بيهآ بعد مآمآ اي تطبخ وآقيلآ هي غدآيآ اليوم :p
يسلمو دوكـ اليدين فلفولــة ، هآآآو طلعنآ نتشآبهو في حوآيج :up:

 
رد: بــراج بنــبتة vivras و أوراق البصل الاخضر حصري ولأول مرة من مطبخي

امممممممممممم ميلينا حبيبتي تسلم ايديك حبيبتي انا نموت عليها مع كاس لبن امممممممممممم
فووووور ومن يديك احلى واحلى تسلم ايدك حبيبتي
مي معليش نقرعج هاديك يديك ياك الي راهي تعجن
تحفونة هههههههههههههههههههههه
 
رد: بــراج بنــبتة vivras و أوراق البصل الاخضر حصري ولأول مرة من مطبخي

صبآح الورد فلفولــة
اييييه نعرفهآ انآ هآد النبتة حنآ عندنآ نقولولهآ بيبرآس :d
ديجآ آي نآبتة عندنآ من هيه مورآ الدآر خخخ
يعجبني الـgــو تآعهآ ، بكري نشفى على جدتي الله يرحمهآ
فالوقت هدآ كي تنحيهآ يلزمنآ نديرو الكسرة رخسيس ونحطوهآ فوقهآ ونآكلو
يعني بخآسك كمآ تقولي انتمآ تديرو مع الدقيق وتآكلو حنآ نو الكسرة وحدهآ وامبعد تجوزي بيهآ
آآو نفس البنة ديجآ رآهي في فمي يم يم :$
بصح دركـ ماعدنآش نديروهآ وانتي فكرتيني بيهآ بعد مآمآ اي تطبخ وآقيلآ هي غدآيآ اليوم :p
يسلمو دوكـ اليدين فلفولــة ، هآآآو طلعنآ نتشآبهو في حوآيج :up:



واخيراااااااااا لقيت وحدة تعرفها

يــــــــــاس هذيك هي بعدد

ولا عندكم بزااف ابعثيلها شويا لساندي رهي تحوس عليها :d
 
رد: بــراج بنــبتة vivras و أوراق البصل الاخضر حصري ولأول مرة من مطبخي

مممممممم شكلها يشهييييي
راني نتخيل فيها سخونة مع كاس لبن مممم
بارك الله فيك و يعطيك الف صحة
 
رد: بــراج بنــبتة vivras و أوراق البصل الاخضر حصري ولأول مرة من مطبخي

امممممممممممم ميلينا حبيبتي تسلم ايديك حبيبتي انا نموت عليها مع كاس لبن امممممممممممم
فووووور ومن يديك احلى واحلى تسلم ايدك حبيبتي
مي معليش نقرعج هاديك يديك ياك الي راهي تعجن
تحفونة هههههههههههههههههههههه


هيه رهي بنتها وحدها رهم بداو يبانو عشاقها قلت مكانش الي يعرفها

اما بالنسبة على التقرعيجة هذوك مش يدي يدين جدي :d:d

واش عجبوك يديا مثلا :$:d

 
رد: بــراج بنــبتة vivras و أوراق البصل الاخضر حصري ولأول مرة من مطبخي

مممممممم شكلها يشهييييي
راني نتخيل فيها سخونة مع كاس لبن مممم
بارك الله فيك و يعطيك الف صحة


مرحبا بيك يا ام الحلوين اتخايلي ااتخايلي :d
 
رد: بــراج بنــبتة vivras و أوراق البصل الاخضر حصري ولأول مرة من مطبخي

اولا يعطيك الصحة ياشاطرة جاتك هايلة يمييييييييي تشهي
ثانية هادي شفتها قبل في قناة سميرة وحبيت نطبقها بصح ماسهلش ربي
ثانية نعرفها هالنبتةهادي يقولولها بصل طويل تجينا بكثرة هنا في للواد سوف ودايما نطيبو بيها المحجوبة

عندك صح انو ريحتها ساطعة على بالبصل العادي صح ؟؟؟؟؟؟؟؟
 
رد: بــراج بنــبتة vivras و أوراق البصل الاخضر حصري ولأول مرة من مطبخي

يا فلة واش درتي رجعتيني لاكثر من 20سنة والله جدتي كانت ديرهم والفيفراس ممممممم مع البركوكس واش نقولك تاني يعطيك الصحة على الوصفة و دوك لازم نروح للبلاد باش نحي الفيفراس والله اكلة تقليدية محضة خاصة ببلاد القبائل تحياتي الخالصة لكي بنت بلادي
 
رد: بــراج بنــبتة vivras و أوراق البصل الاخضر حصري ولأول مرة من مطبخي

اولا يعطيك الصحة ياشاطرة جاتك هايلة يمييييييييي تشهي
ثانية هادي شفتها قبل في قناة سميرة وحبيت نطبقها بصح ماسهلش ربي
ثانية نعرفها هالنبتةهادي يقولولها بصل طويل تجينا بكثرة هنا في للواد سوف ودايما نطيبو بيها المحجوبة

عندك صح انو ريحتها ساطعة على بالبصل العادي صح ؟؟؟؟؟؟؟؟

اهلا حبيبتي

هي ريحتها مش كما رحية لبصل خلاااص
روحي عاودي شميها و كي تنحيها من التربة تلقاي عندها شكل الثوم زعمة نسيت مبينتلكمش القاع ديالها :d
 
رد: بــراج بنــبتة vivras و أوراق البصل الاخضر حصري ولأول مرة من مطبخي

يا فلة واش درتي رجعتيني لاكثر من 20سنة والله جدتي كانت ديرهم والفيفراس ممممممم مع البركوكس واش نقولك تاني يعطيك الصحة على الوصفة و دوك لازم نروح للبلاد باش نحي الفيفراس والله اكلة تقليدية محضة خاصة ببلاد القبائل تحياتي الخالصة لكي بنت بلادي


و اخيرا جيتي

تعرفي وانا نديرها نخمم في ردك :d نقول درك انشعها باه تحبط للبلاد ازربي لا يفوت وقتها

صح الاكلات التقليدية مكانش كيفها

فرحت كي شفتك هنا يابنت بلادي

 
رد: بــراج بنــبتة vivras و أوراق البصل الاخضر حصري ولأول مرة من مطبخي

اهلا حبيبتي

هي ريحتها مش كما رحية لبصل خلاااص
روحي عاودي شميها و كي تنحيها من التربة تلقاي عندها شكل الثوم زعمة نسيت مبينتلكمش القاع ديالها :d

ان شاء الله اذا جابوها نصورهلك :)
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top