دوائر الشكولاطة حصرية من مطبخي

أمــ وليــد الجزائرية

:: عضو بارز ::
أحباب اللمة
إنضم
6 مارس 2009
المشاركات
4,443
نقاط التفاعل
7,890
النقاط
191
بسم الله الرحمان الرحيم

كيفيكم يا طباخاتنا توحشتوني هنا علبالي:d مكنتش ناوية نرجع درك راه مخيمنا ناوي على قسم اخر مي كي اصرت ختيتي فرح البسكرية عليا قلت لازم نلبيلها طلبها ,,,

هذي تعلمتها من أختي و درتها مرة برك و هذي ثاني مرة نجربها


نبداو بالمقادير :

عندنا 5 بيضات + كاس سكر+ 200 غرام زبدة أو كاس زيت + 2 كاس سكر + 2 م / ك كاكاو + 1 خميرة نوارة :p

do.php


التحضير :

نبداو نكسرو البيض نخلطوهم شويا نضيفلهم السكر بعد نخلطو مليح مليح بعدها نضيفو الزبدة بعد منذوبوها و نزيدو الكاكاو نخلطوهم مليح بعدها نضيفو الفرينة و لخميرة




كي نفوتو نخلطوهم جيدا نحطو الخليط ديالنا يطيب لدرجة نار متوسطة






كي توجد نخلوها في جيهة تبرد

و نروحو نوجدو الكريمة


مقادير لكريمة :

200 غ زبدة + 2 كاس حليب + 1 م / ك فاني + بيضة واحدة + 2 م / ك فرينة + كاس سكر

كيفية التحضير:


لكريمة شويا انا جاتني صعيبة المرة الاولى مخرجتليش :-r
مي هذي المرة حمد الله

نحكمو اولا البيضة نخلطوها مليح مليح نزيدو نضيفو السكر و نخلطو ثانية بعدها نزيدو نديرو لحليب مع لفاني بعدها الفرينة هذيك نخلطوهم جدا و نديريهم على نار هادئة ونبقاو نخلطو





كي تسخن انضيفولها الزبدة و نكملو نخلطو



حتى تشوفوها رجعت ثقيلة شويا كي الميايوناز كي تثقال هكاك بعد
و نخلوها تبرد بعدها نديروها مدة نص ساعة في الثلاجة

النتيجة كما ركو تشوفوها





درك نرجعو للقاطو ديالنا

نروحو نوجدو الدوائر ديالنا كما التالي






و الباقي نسكرفجوه كما الصورة




و مابقا غير نحضرو الدوائر ديالنا

و هك النتيجة النهائية


:-r:-r:-r:-r

:mo::mo::mo:









ان شاء الله تكون الطريقة عجبتكم
رني نستنى أرائكم المشجعة :-r
دمتم بخير
والى اللقاء

في أمان الله


 
رد: دوائر الشكولاطة حصرية من مطبخي

السلام عليم
صحيتي يا زينة نتاعي عندي شحال وانا نستنى واخيراههههههههههههه
ايه غدوة بربي ان شاء الله نجربها ولازم تاني لانوا عجبني بزاف
شكرا شكرا شكرا فلفولتي ربي يخليك ليا يا لعزيزة ربي يفرحك وتسلم الايادي الحلوة نيالوا لي تكوني من نصيبوا ههه
بوركتي حبيبتي

 
رد: دوائر الشكولاطة حصرية من مطبخي

وعليكم السلام
يميميميم قتلك قويتي خلاه خلاه يابنتي خخخ


يعطيك الصحة عجبني القاطو خدمتيه هايل


هادا نجربو ان شا ءالله


ودرك انتقلت العدوى لفرح خخخخ وشفت قبيل ملاك


يعني بنات اللمة ناويين على الكوزينة هاد العام


ربي يحفظك فلفولة


في انتظار وصفات اخرى
 
رد: دوائر الشكولاطة حصرية من مطبخي

السلام عليم
صحيتي يا زينة نتاعي عندي شحال وانا نستنى واخيراههههههههههههه
ايه غدوة بربي ان شاء الله نجربها ولازم تاني لانوا عجبني بزاف
شكرا شكرا شكرا فلفولتي ربي يخليك ليا يا لعزيزة ربي يفرحك وتسلم الايادي الحلوة نيالوا لي تكوني من نصيبوا ههه
بوركتي حبيبتي



رني نستنا متنسايش تصوريلي النتيجة :d ممكن لكريما تجيك شويا صعيبة ملازمش تغفلي عليها سينو تتخسرلك
ويعطيك الصحة على كلامك :$:-r
 
رد: دوائر الشكولاطة حصرية من مطبخي

هايلين اختي رائعين

مزال غير انت مشفناهاش في المطبغ ايا ديري القلب و تبعينا رهم لبنات كامل ولاو يشمرو على يديهم
رنا نستناوك نشوفوك ثماك ما أحلى كي يجتامعو بنات اللمة في كوزينة وحدة ;)
 
رد: دوائر الشكولاطة حصرية من مطبخي

وعليكم السلام
يميميميم قتلك قويتي خلاه خلاه يابنتي خخخ


يعطيك الصحة عجبني القاطو خدمتيه هايل


هادا نجربو ان شا ءالله


ودرك انتقلت العدوى لفرح خخخخ وشفت قبيل ملاك


يعني بنات اللمة ناويين على الكوزينة هاد العام


ربي يحفظك فلفولة


في انتظار وصفات اخرى

مدام كاين مشجعين علاه منبينوش قدراتنا :d رني شفت ليوم فرح و ملاك في الكوزينة فرحت متتصوريش
ربي يدوم هذا النشاط و يزهينا في لمتنا معناش غيرها نستمتعو
رني نستنا التطبيق عن قريب ;)
 
رد: دوائر الشكولاطة حصرية من مطبخي

Yummmmmy

يعطيك الصحة على الوصفة الرائعة
:up:


الله يسلمك يا ختي سندس
أهلا بيك
 
رد: دوائر الشكولاطة حصرية من مطبخي

اممممممم فلفولة حلو هايلة واكيد بنينة يعطيك الصحة يا نوارت اللمة وشكلها ا
روع تسلم الايادي​
 
رد: دوائر الشكولاطة حصرية من مطبخي

يميميمي هايل جاك
برافو عليك ياشطورة
انا تاني نظم صوتي ونقولك اقعدي في الكوزينة ماكنش كيفها والله
انتظري تطبيقي قرييييييييييبا

عندي استفسار
مش بزاف 200 غرام زبدة في كريمة ؟؟؟؟؟؟؟
 
رد: دوائر الشكولاطة حصرية من مطبخي

خرجلك هاااااااااااااااااااااااايل يا فله ختي يعطيك الصحه
 
رد: دوائر الشكولاطة حصرية من مطبخي

السلام عليكم

ييييييييييييييي من ورايا رجعتي للكوزينة ايه ياصحبتي راكي جايبتها تبالي نديرولك عرس :D

هدا جيبيه ورواحي زايرتني ختك راها مريضة ^_^

جاك هايل ماشاء الله يعطيك الصحة :)

 
رد: دوائر الشكولاطة حصرية من مطبخي

يعطيك الصحة
فلة جاك روووووووووعة
بصحتك
 
رد: دوائر الشكولاطة حصرية من مطبخي

امممممممم روعة خصهم كاس عصير يمممممم
 
رد: دوائر الشكولاطة حصرية من مطبخي

مممممممممممممممم صح هايلين كنت نديرهم بصح هذي مدة ما درتهمش تسلمي حبوبتي الغالية
 
رد: دوائر الشكولاطة حصرية من مطبخي

اممممممم فلفولة حلو هايلة واكيد بنينة يعطيك الصحة يا نوارت اللمة وشكلها ا
روع تسلم الايادي​


ايه ياطاطا مذاقها هايل ومش حلوة بزااف حتى مرضا السكري يقدرو ياكلوها :-r شفتي كيفاه نخمم فيهم هم ثانيك;)
 
رد: دوائر الشكولاطة حصرية من مطبخي

يميميمي هايل جاك
برافو عليك ياشطورة
انا تاني نظم صوتي ونقولك اقعدي في الكوزينة ماكنش كيفها والله
انتظري تطبيقي قرييييييييييبا

عندي استفسار
مش بزاف 200 غرام زبدة في كريمة ؟؟؟؟؟؟؟

انا هك موالفة ندير تقدري تنقسي ولا حبيتي ولا تزيدي سنيوا وحدة اخرى لانو رح تفضلك لكريمة قيس متزيدي وحدة اخرى
انا درتها بالزرب نسيت مريقليتلكمش لحالة ههههههه
 
رد: دوائر الشكولاطة حصرية من مطبخي

امممممممم يشهي كاين اللي يسميه les oursins
وكاين اللي يسميه كحلوشي مهما اختلفت التسميات القاطو بنين روعة
يعطيك الصحة فلة
 
رد: دوائر الشكولاطة حصرية من مطبخي

الله يعطيك الصحة.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top