حاب نهبل واش رايكم

halimstaifi

:: عضو منتسِب ::
إنضم
22 مارس 2014
المشاركات
2
نقاط التفاعل
3
النقاط
3
السلام عليكم الشبيبة
واش نحكي واش نخلي لوكان نبدى علبالي نولي نعاني الكلام وصعيب باه يخرج

القصية كامل بسبابها واه يا خوتي بسبابها هي هبلتني وتلفتلي عقلي ..... طفلة صغيرة عليا في العمر بصح يقولو الحبي مافيهش L'age ولا ... لالا .

هي هاد العام عندها الباك نتمنالها تديه وبمعدل مليح باه نشوفها ان شاء الله في العلالي حتى لوكان ما يوفقنيش ربي في قصيتي وغرضي الحلالي.

هاد الطفلة بغيتها وعمري ما وقفتها قدام اللي ما يسواش ولا اي كان عمري ما حبيت يخزروا فيها بنظرة ما تسواش
بصح هي كواتني مرة الاولى حتى اللي غضبت لاقصى درجة وما عرفتشواش خرج لساني

بصح انتوما تعرفوااا حتى الراجل كي يطلق زوجته في حالة غضب ما يديرش عليه القاضي

.
الطفلة هادي خفت نخسرها وقررت باه نصارحها بكلمة نبغيك خارجة من القلب قبال حباباتها ودرت واشخطر في راسي بصح كي صارحتها كانت معايا جافية ... قلتلها انا عمريما خصرت معاك قالتليهادي عقليتي........

رديت بلي لكل فعل رد فعل وانا عمري ما خصرت حتى اللي هي خصرت

ما كملتش كلامي حتى شفت الطفلة ناضت وبدات تبكي وللغد جابتلي باباها حكا معايا صارحته بلي نحبها ومانيش ولد حرام تمنيتها للحلال وبسبابها حبيت نبدل بلاصت خدمتي غير باه ما يكونوش المشاكل .

باباها ناس ملاح كان طيب معايا ...... وتفاهمنا باه نروح نقصده فيها بعد الباك .

المشكل الطفلة عمريماشفتها متلهفة لوكان غير باه تشوفني من بعيد ..... ماشي مهتمة حتى انا بخوفي منها وليت نشك وديما مقلق بلاك


مين بكات عندها واحد ومحبتش تصارحي خافت تخسر واحد بغاها من قلبوااااا .

على هادي راني خايف ما نقصدش بابهم افضل من اللي تردني بالرفض .

وخايف نختار واحدة ثانية بصح نظلمها ويجي نهار وين نفهم بلي انا اللي ما فهمتهاش

راني بين نارين

واشقولواا في حالتي ؟؟؟؟؟
 
رد: حاب نهبل واش رايكم

وعليكم السلام ورحمة الله

انا نقول لخويا خليها تكمل الباك تاعها ومن بعد عول على الكريم
روح اخطبها وهي روحك
 
رد: حاب نهبل واش رايكم

يا خويا زيد سقسي عليها
ومبعد توكل على ربي وروح أخطب

 
رد: حاب نهبل واش رايكم

كيما قالو انت زيد سقسي عليها وممبعد دير اللي عليك واقصد دارهم وربي يسهلك
 
رد: حاب نهبل واش رايكم

الله يجعل الطيب بيناتكم ان شاء الله
 
رد: حاب نهبل واش رايكم

ان شاء الله خير
ربي يوفقكم يارب الشيء المبني ع الحلال عمرو مايدوه لرياح برك انت دير لي عليك وشوف القصة هادي لوين تديك
بالاك انت برك مافهمتهاش مليح ههه
ربي يتمم ع خير اخي ف الله
سلامي
 
رد: حاب نهبل واش رايكم

راهي مزال صغيرة وطايشة حتى تشد الباك وسير لدارهم اخطبها ومن بعد شوف الى بغاتك ولا لا لان شحال من واحد كتكون ردت فعله متسرعة او مايعرفش يعبر
وربي يسهل عليكم ويكمل عليكم بالخير
 
رد: حاب نهبل واش رايكم

سلام عليكم
واش نقلك خويا بصح من كلامك راك تبان مكيو بزاف
أنا رأيي الشخصي
تمهل ثم تمهل ثم تمهل
الدنيا هادي ماهيش طفلة تحبها من بعد خلاص
بلاك نكون قراب في العمر بصح عندي خبرة في النسا كتر عليك
مع احترامي للنساء الطيبات
أنا جامي حبيت بصح مكاش وحدة لتستاهل عذابي ولا عذاب أي راجل
المهم
اتصل بالحصة في الفيس بوك
راك تعرف وين تلقاني
hala madrid

 
رد: حاب نهبل واش رايكم

اخي افهمها جيدا ربما هي الان متقلقة عن مستقبلها ودراستها خاصة الباك
ربما هناك ضغوطات عليها
انتظرها للباك وتوكل على الله واطلبها
وان كانت مصرة ورافضة الى حين ذلك فلا تدع قلبك وراء خيال ينكسر ربما ستجد احسن منها
والله ولي التوفيق
 
رد: حاب نهبل واش رايكم

السلام عليكم و رحمة الله تعالى و بركاته
يا اخي اعانك الرحمن على ما بك و كل ما انصحك به هو استخارة الرحمن و ان كان في نيتك بالزواج منها خير لكما فسيجمعكما الرحمن و ان لم يكن لكما خيرا فيها فسيجمعكما الرحمن بما يراه افضل لكما و اتمنى ان تجتمعا في جنان الرحمن ان شاء الله يارب و الله اعلم
ارجو تقبل مروري
السلام عليكم​
 
رد: حاب نهبل واش رايكم

صديقي الطفلة
راك عارف هي في لاج تاع لادوليصونص يعني يجي منها أي حاجة
 
رد: حاب نهبل واش رايكم

السلآم عليكم و رحمة الله و بركآته ^^

آ خويآ يعطيك الصحة وربي يهنيك و تكون مكتوبك
انا نقلك حآجة وحدة ، خلي الطفلة تقرى قرآيتهآ
و مآتخلطهآش في عقلهآ خليهآ تخمم غير في قرآيتهآ
و في هاذا الوقت ادعي ربي تكون من مكتوبك
و تكون حلآلك و كيتكمل الباك مآبقآش بزآآف الوقت ^^
و اتقدملهآ ،، هذآ افضل حل يآ خويآ
و ربي يهنيك معآيآ و ينآولك ل في قلبك يآ رب :)

سلآم ^^

 
رد: حاب نهبل واش رايكم

السلام عليكم متهبل ما والو الراجل يبقاديما راجل وجامي تهبلو امراة شوف نصيحتي ليك الزواج راهو مرة في العمر ولاكان حاب تتزوج وتدير دار شوف المراة المتدينة والمتخلقة والفحلة اللي تخليها في الدار ومتخافش وتديرلك الدار والاولاد. متكونش عاطفي بزاف في هاد الامر لانو راهو مستقبل. وادا راك تشوف بلي هاد الطفلة بلي هي اللي راح تدير معاها الدار استناها تدي الباك ان شاء الله وتقرا عامين في الجامعة باش تعرفها صح لانو كامل قرينا في الجامعة ونعرفو بلي الجامعة هي اللي تكشف حقيقة البنات متتسرعش في الزواج ربي سماه ميثاق غليظ
ربي يهنيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top