اقراو ليستواغ وقلولي رايكم

yani thiziri

:: عضو مُشارك ::
إنضم
13 مارس 2014
المشاركات
329
النقاط
31
سلام مي زامي

انا ملي نشفا روحي وانا سليباتاغ والحمد لله

المهم كل واحد من صحابي داير فيها وحدة

وكانو كامل يحيرو فيا كي معنديش حنونة ويقلولي دير فيها وحدة وانا مانيش حاب

وكانو صحابي يتمسخرو بيا ويقلولي معقد تموت باير بهاد العقلية مالغري قادر ندير 20 وحدة في يومين على اقصى تقدير مي كيما نخاف على اختي نخاف على بنت الناس

خطرة كنت قاعد مع ولد خالي في عمرو 40 سنة قالي عندك حنونة؟ قتلو NO

قالي انت مالاد دير فيها وحدة باش تفهم المونطاليتي تاع لبنات قبل ما تكبر قتلو مي تفسدلي على قرايتي قالي انت اقرا ومتحلبهاش يعني متحبهاش بقلبك تمسخر بيها باش تدي من عندها العقلية وطيشها كي تكره منها وروح لغيرها

قتلو هاذي صعيبة قالي ميهمش انا نعلمك دير وحدة والباقي عليا قتلو ok

ليصونسيال كي رحت ليكول بديت نروشارشي كشما نلقا لقيت وحدة بديت نبينلها بلي عجبتني كي فاقت بيا هي عجبتها انا

وبدأت تكحلي طول العام وانا زال عليا خطراكش ولد خاي هادا راح لفرونسا وميرجعش حتان 2015

ومع الدخلة تاع هاد العام تأكدت بلي الطفلة صايي ربات عليا دوزيام كبدة عشقتني بكل جوارحها وكنت كل ما نروح لجيهة نلقاها وهي تكحل عليا انا كرهت منها

بقات في حالتها لنص العام وانا خممت باش نعترفلها بلي منحبهاش حكمت وحدة تقرى معايا قلتلها روحي احكي معاها وقوليلها تجي تحكي معايا كي حكات معاها فرحت وقاتلها غدوة نحكي معاها لخاطر الطفلة ماشي موالفة وخايفة وعمبالها راح نقلها راني نحبك

ومن غدوة بعثتلها نفس الطفلة قاتلها راه يستنى فيك وهنا كان الرد قاتلها انا معندي حتى علاقة بيه باش نحكي معاه (الطفلة معقدة) كي قاتلي زميلتي هادا الرد صافي وليت انا لي مانيش مليح وانا لي طاح نيفي

خممت باش نقلها راه كان حاب يحكي معاك باش يقلك بلي راه ميحبكش مي قلت منجرحاش خليها في نيتها

ليصونسيال الطفلة حسيتها نادمة اشد الندم وتشوف فيا بهاذيك النظرة الدمعة رايحة طيح مي تقول ربي سترها لخاطر كون قتلها منحبكش وهي طفلة وكلها عواطف واحاسيس الوغ كشما يصرالها

الطفلة مزالها لهاذ اليوم تبدي في اعجابها وحبها

خاوتي معرفتش واش نديرلها الله غالب مدخلتش قلبي وغايظتني بزاف ووليد خالي سباب مشكلي الله يلعنو

باش نبدل ليكول ليكول تاعي مليحة وفيها كامل صحابي باش منحلبهاش الطفلة تزيد تعاني

واش ندير​
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
رد: اقراو ليستواغ وقلولي رايكم

وعليكم السلام
اولا نحييك على اخلاقك النبيلة لي راها قليلة في وقتنا
وربي يسامحو بن خالك و لمزيييييييييييية لي سافر و حبست حكايتك على نظرة برك .. حتى و ورطت بيها المخلوقة .. ربي يغفرلك عليها
مسكينة الطفلة انا ثاني غاضتني
معندك ما دير متحكيش معاها .. اضرب عليها النح راح تفهم وحدها .. ديرلها دي جاست منهم تفهم
العام يفوت و تجي العطلة و راح تنسى صدقني ...​
 

adel._dz

:: عضو مُتميز ::
إنضم
12 جوان 2013
المشاركات
1,336
النقاط
71
رد: اقراو ليستواغ وقلولي رايكم

نورمال ياراجل ماكاين والو خزرت فيك وخزرت فيها ومن بعد ؟؟؟
لا ظلمتها لا والو لأنك أصلا ماوقفتش معاها دقيقة
أمسح في موس أك كنت معجب بيها بصح هي ماعرفتش وخلاص يعني الغلطة جات منها هههههه

والمرة الجاي فصل وقيس والبس على قدك ماتبعش دبارة حتى واحد
سلام
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: اقراو ليستواغ وقلولي رايكم

الحمد لله كي راح هاد الواعر وليد خالك قبل ما يورطك في حاجات ربي رايح يحاسبك عليها يوم القيامة وهو ربي يهديه
وانت واش بيك ماعندكش شخصية ؟ قالك دير هاكدا رحت تم تم تطبق تقولشي كنت مستني واحد يقولك يالله
كيما تخاف على اختك خاف على بنت الناس وعلى العموم نحييك على اخلاقك
اتهلا في قرايتك و الحب و الزواج بعد ما يكون جيبك معمر و ما تبداش تشحذ مصروفك من عند باباك
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
رد: اقراو ليستواغ وقلولي رايكم

انا نقولك حاجة كون مابديتيش ليستوار من الاول بيسك دخلت في الشرك مبعد بديت تفوق كان لازم تعرف النتائج من البداية
مي انا ماشي هنا باش نلومك نقولك حاجة انسى كلش واللي يحط هادي العفايس في راسو والله ما يعيش حياتو ركز على قرايتك وغير هي تفيدك وتعيش.... ب______ب ماتكونش كيما هادو الناس (الذكور) اللي نعرفوهم فالثانوية وكون طفل قاري معروف بتربيتو.... و ان نسلك طريقا غير طريق الله فهذا حرآم
انسى اللي فات وكمل حياتك وتبدل الثانوية هادي مكانش منها راهم كاين ناس دارو دوبل وقاعدين في نفس البلاسة
المهم انت ماتبين والو على روحك وعيش حياتك قوي ايمانك وتشوف حياتك كيف رايحا تتبدل
ونقولك كيف يجي ماعرف شكون يقولك دير وحدة لازم تتفكر ربي وخلي مسيرتك نظيفة لانك ستكبر يوما وتؤسس عائلة لكن ذكريات الماضي لن تتركك بخير
لا تنسى دراستك اهم شيء في هذا السن وتوكل الله وادعي ربي يوفقك ويبعد على دراري الحرام اللي في هاد الزمان
وبن خالك هذا نهار يجي ديرلو زردة ههه
تحيآتي
 

سماح الجزائريه

:: عضو فعّال ::
إنضم
15 أفريل 2010
المشاركات
2,053
النقاط
83
رد: اقراو ليستواغ وقلولي رايكم

ا
الله ايبارك انت باين فيك رزين ومتحبش على بنات الناس
لكن غلط كي تبعت والسلام كنت لازم تفكر اولا بمشاعرها كي تكون معاها وكي تخليها وطيشها كيما قالك ولد خالتك
راك عندك اختك سبحان الله وفي المستقبل رايح ايكونوا عندك بنات
تحب اللي يلعب بيهم ويطيشهم اه
اما ولد خالك تالمو في سن الاربعين بصح مازال مراهق وتاع بنات وكاين ربي اللي ايحاسبوا
في الوقت اللى ايقولك فيه متبعش صحابك واقرى على روحك
راهوا قاعد ايفلس فيك على قرايتك ويدخل فيك في دوامه
الحب والغش والتمسخير تاعوا
هدا ميحبكش بصراحه
حابك تضيع وتهمل قرايتك
البنت توا زيد ابعث ليها البنت اللى مالف تبعثهالها وصارحها بالحقيقه
وحاول انك تتجاهلها كل متشوفها
وربي معاها ومعاك
تحياتي ليك ماشي لولد خالك​
 
Top