جيت نفهم دخت

zakiii

:: عضو منتسِب ::
إنضم
8 ديسمبر 2013
المشاركات
68
نقاط التفاعل
141
النقاط
5
باسم الله الرحمان الرحيم و الصلاة و السلام على أشرف المرسلين السلام عليكم و رحمة الله تعالى و بركاته ...................اليوم حبيت نفرغ قلبي ليكم بويسك ماني فاهم والو
منيش فاهم منين نبدا في صغري كنت ديما نقول نهار تعجبني فتاة لازم عليا نحبها و نحطها في عينيا و منخعهاش و نكمل معاها حتى نخطبها و نزوجو و يرزقنا ربي بطفل و نتقاسمو الدنيا بالحلو و المر هكذا كان تفكيري نهار شفت انسانة عجبتني عجبتها جكينا مع بعض حبيتها حبتني بقينا مع بعض 4 سنوات عندما بلغت عمر 23 سنة قررت باش نخطبها مشيت حكيت ليما و بابا فرحو بزاف بويسك انا هو الطفل الكبير في العائلة قالولي و قتاش قلتلهم بعد شهرين تروحو تخطبولي على زهري المسو د:( جا واحد ميقري من فرنسا خطبها قبلو بيه بإختصار باش منطولش عليكم صبرني ربي على هاد المصيبة و بسيف باش نسيتها و الحمد لله بعد مانسيتها قررت باش منزيدش نحب و بقيت هكذاك مدة عامين حتى منيش عارف كيفاش عرفت انسانة و حبيتها بلا منعرف منين و بلا منشوفها و سبق لي ان تكلمت عن هذه القصة في المنتدى المهم على زهري تاني الإنساة هاي ظهرت ميقرية و عايشة في فرنسا برايجية قلتلها نخطبك قاتلي انا موافقة مي لازم يما نحكيلها غير حكاتلها قالتلها لا و ألف لا و منحبش نعرف عليه حتى حاجة دك عني شهرين محكيتش معاها و نعرف بلي امبوسيبل تقبل ماماها إلا إذا حب ربي يكتبهالي نشاء الله دك انا عمري 26 سنة و عندي سكنة و الحمد لله والديا قالولي خلاص لازم تزوج براكات هوما خايفين عليا من الوقت هادا بابا يقولي نزوجك نتا تتهنى و انا نتهنى على ولدي المشكل في الأمر انا منعرف حتى وحدة و عقليتي لازم نحب قبل منخطب و كي نشوف لبنات لي برا ب هاديك اللبسة نتوسوس و ميعطينيش قلبي نعرف طفلة تلبس مثلا فيزو او سروال سيري هادو كامل ميدخلوش في مخي والله ملقيت جدها كيفاش ندير
 
رد: جيت نفهم دخت

و عليكم السلام و رحمة الله و بركاته

اخي الزواج مكتوب متعرف وين يطيحك بالاك بلا ما تحوس تجي لعندك و تعجبك وبالاك راها قدامك و انت مش فايقلها اصبر برك وبالاك تتزوج وحدة و تحبها بعد الزواج برك
و بنات لحلال مزالو كاينين بالاك مش باينين برك في وسط المعمعة هاذي
اتكل على ربي وادعيه باش يطيحك في بنت لحلال لي تليق بيك
نتمنالك زوجه صالحة و ذرية صالحه و حياة سعيدة
 
رد: جيت نفهم دخت

السلام عليكم
ربي يلاقيك ببنت الحلال يا خويا برك ما تتقلقش و ماشي شرط تعيش قصة حب قبل الزواج ممكن جدا الحب اللي بعدو يكون أحلى
وتانيت الحب قبل الزواج راح ينعكس عليك فيما بعد علاش؟
لأنو بعد الزواج أي حاجة مهما كانت بسيطة رايحة الزوجة تحاسبك عليها و رايح تسمع واحد الأسطوانة دااايمة (اتبدلت يا زكي قبل الزواج ما كنت هاكدااا ههههه)
اتوكل على ربي يا خويا و هدا هو الوقت اللي تبني فيه حياتك
ربي يسعدك و يهنيك

 
رد: جيت نفهم دخت

ربي يلاقيك ببنت الفاميليا كما نقولو راهم كاين ماشاء الله كما سبق وقالت الاخت رنيم راهم مودرين بين صحابات الفيزو والسروال سيري

ربي يرزقك بزوجة صالحة وذرية صالحة
 
رد: جيت نفهم دخت

زواج مكاتيب وهادشي لي صرا ليك فقط لانهم مامكتا**** ليك واكيد زوجتك مستقبلية كاينة والوقت لي يكتب عليك الله تزوج غادي تبان بغيتي ولا كرهتي هههههه
او متبقاش زربان راه كولشي فوقتو زين والله اسهل عليك بزوجة صالحة
 
رد: جيت نفهم دخت

خويا دير استخارة ..:up:

وقول ياربي اللي فيها الخير قربهالي ..:-r

ولا تدري كيف هي الاسباب حتى تكون بين يديك ..

اعزم وانوي .. واثبت.:up:

اليوم راه امواج بشرية متلاطمة .. وراح المليح في جرت لقبيح .

وموضوع الحب هذا ليس شرطا ..

المهم كاين اساسيات لا بد من توفرهم ..

جمال مقبول - مستوى مقبول - اخلاق وحجاب اكيد -.

والباقي النساء الكل كيف كيف ( ماش رايح يعجب لكلام هذا الكثيرات..:-o )

دمت بعافية وسلامة .
 
الزواج مكتوب صح
مي مرا حنا نكونو سباب و نخليو لي نحبوهم على جال حاجة اخرى
و منندموش ذركا كاش نهار
ربي يعطيك على حساب قلبك
 
السلام عليكم

و علاش برا شفت غير البنات لي لابسين الفيزو و الضيق
ماجات في عينك حتى وحدة لابسة حجاب محترم و لباس مستور
وين راك ؟؟؟؟؟؟؟؟؟؟؟؟؟؟؟؟؟
 
السلام عليكم
خويا لعزيز ربي يرزقك حلالا لي تستاهلها ماتقولش الزهر والله والو لي شايفو ربي حنا جاهلينو مازالك صغير درك يسهل ربي زين النية برك بالتوفيق تحياتي
 
نتا راك تقول بلي ما لازمش تتزوج قبل ما تحب .
نورمالمون تتعلم من تجاربك لي تعرفها ما تزوجش منها.
علاه ما ديرش حل لروحك تخلي يماك تخطبلك وحدة رزينة ومربية وماش من صحاب الفيزو والسروال سيري وتتهنى خيرلك .
على خاطر قالك الأولى عسل والثانية بصل والثالثة حصل.
الثالثة كون تحب وما تزيدش تصلح تخاف كشما يصرا فيك خويا .
 
السلام عليكم
يا خويا أصبر الصبر مليح بالاك ربي يجيبلك وحدة صح مليحة
و بالاك ربي راهو ماهوش شايفلك الخير في هاديك

ربي يصبرك و يكون في عونك
 
خلاص راني لقيت لك عروس هههههههههههههههههههههههههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top