واش ندير باه ننساها

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
678
النقاط
51
السلام عليكم ورحمة الله تعالى و بركاته

اخوتي في الله لما ضاقت بي السبل لم اجد غيركم لاحكي له همي عسى و لعل اجد عندكم مايريح هذا القلب


اولا انا شاب من الوسط الجزائري عمري 29 سنة خدام و الحمد لله من اسرة ميسورة لحال لم اكمل دراستي لانني المعيل الوحيد لاسرتي بعد وفاة والدي رحمه الله

مشكلتي

تعود الى قبل 6 سنوات اي عندما كان عمري 23 سنة كانت الحياة قاسية علي جدا كنت اعمل ليل نهار من اجل توفير احتياجات امي و اخوتي الصغار و ذات يوم من شهر اوت كنت راحعا من العمل اين التقيت بها لاول مرة كانت جميلة جدا كزهرة بيضاء تضحك مع صديقاتها فتزداد بهاء

لااعلم ماحدث و لكنني اعجبت بها كثيرا رجعت الى البيت و انا لا افكر بشي سواها لاول مرة منذ زمن بعيد احس بقلبي ينبض

مرة الايام و انا اقف امام بيتها فقط لاراها حتى حان وقت الدخول المدرسي تشجعت وتكلمت معها و لكنها كانت خجولة و رفضتني و لكنني ظللت الاحقها حتى وافقت (لقد اختصرت كثيرا)
المهم مع مرور الايام لم احبها فقط بل عشقتها فقد كانت فتاة احلامي بطيبتها و عفويتها و حنانها و فوق كل هذا وقفت معي في احلك الظروف و اعلم جيدا باتها هي ايضا تحبني ولككن لم اكن ابين لها حبي الكبير لاتي كنت اراه ضعفا

كانت تقسو علي الحياه و انا اقسو عليها بصراحة عندما احسست حبها و تعلقها بي اهملتها كما انني كنت كثير الغيرة و الشك و كان يصل بي غضبي احيانا حتى الى ضربها لم افهم تصرقاتي يوما فانا اعشقها ولكني اقسى عليها و كان يعجبني انها من ترجع الي في كل مرة حتى ة ان كنت انا المخطئ دامت علاقتنا 3 سنين و الله شاهد علي اني كنت اريده زوجة لي

بحكم عمل والدها رحلو من المدينة باتجاه اخرى كنت ضد ان يبعدوها عني تقدمت لخطبتها و لكنهم رقضو لانها لم تنهي دراشتها بعد و هي وعدتني ان تبقى معي

بعد رحيلهم قررت ان اسافر اليها اتفقنا على المكان ولكنها سبقتني اليه عند وصولي رايت شخضا يتكلم معها فجن جنوني ضربته وقلت لها كلاما يجرح كثيرا و امام الناس هنا قالتلي

نسيم كلش خلاص بيناتنااا والله ماعاد نرجعلك وراحت
و بالفعل هذه المرة راحت للابد خسرت حبي الاول حب حياتي للابد او بيدي في لجظة عضب

عملت المستحيل باه نرجعها والو ماحبنش

درت كلش باه ننساها مقدرتش حتى اني رحت خطبت وحدة اخرى و عرسي بعد رمضان و البنت ماخصها والو وتحبني بصح ماقدرتش ننسا اول حب كي نحكي معاها نتفكر الاولى

والله ماقدرت ياخوتي الحياة كانت ديما قاسية عليا بصح اقسى حاجة تخسر واحد وانت مازال تحبو و ديما نخمم لوكان نسمع بيها زوجت واش ندير

و هذه الي رايح نزوج بيها اسكو راني نحون فيها كي راني نخمم في الااولى

يقولو الراجل ولو بعد 100 عام ماينساش الحب الاول

انا عييت راح نزوج غير باه نجيب وحدة تعاون ما في الدار بصح قلبي راه في جيهة اخرى

والي ضرتي بزاف انوا انا الي ضيعتها بيدي

دبرو عليا واش ندير باه ننساها
 

راضية حامدة

*أستاذة* عضو شرفي
إنضم
30 أفريل 2010
المشاركات
1,279
النقاط
71
رد: واش ندير باه ننساها

عادة هذه هي الضريبة لي تدفعها البنت لما تحب واحد و تقدم تنازلات
تتلقى الضرب و الشك و الذل
هذه حالة لي يأمنو بالافالام و المسلسلات و ما تعطيش قيمة لنفسها
لوكان تصرفت معاك في اول غلطة غلطتها معاها ما تلحقوش لهذا الحال
المهم
مش انت فقط لي عملت هكا
بل اي راجل يضمن بلي الفتاة هذيك تحبو و ما تتخلاش عليه و تولي ليه مهما غلط معاها

نسقسيك سؤال:
هل تؤمن بالقدر؟
بما انه نيتك كانت صادقة
و هي متعودة تولي ليك ديما
و انت خطبت
و عرسك قرب
و زوجتك المستقبلية فتاة تحبك

هنا تفهم بلي هذه المخلوقة ما كتبتلكش و المشكل لي فرقكم مجرد سبب فقط

سؤال اخر:
ها تؤمن ان الله سبحانه و تعالى يختارلك الافضل ليك؟ انت عبده و هو لي خلقك اكيد يختارنا الاحسن الا اننا ما نحسوش و ما نحبوش نتألمو و نحبو كل شي بالساهل

اذن هنا تفهم بلي ربي بعدك عليها لانها مش الاحسن ليك و هذا الكلام تحس بيه بعد الزوااااااااج بمدة
انت لم تخلق لها و لا هي خلقت لك

و اخيرا يا اخي الكريم

وش ذنب خطيبتك؟
هي راهي معاك بالنية الصافية ثاني
و ربما تستنى منك الكثير و انت راك مفرط فيها
اكيد تكون تستنى غير وينتا تتصل بيها
اكيد تستىك تروح تطل عليها
اكيد تستناك تخرجها
تشريلها هدايا
تعبر لها عن حبك
تحس بصدقك
ووووووو
هي وش ذنبها
انت الحمد لله عندك ضمير حي اسمعلو مليح
اياك تهملها و هكا تخسر كل شي لا الاولى و لا الثانية

مش رح تستفاد كي تبقى تنوح على الماضي
التفكير و الحز ن ووومش رح يرجعو الايام للوراء باش تصحح غلطتك

عيش يومك و حاضرك
و خلي الماضي للماضي

تخاف لوكان ما تعيشش حياتك الان و ما تستمتعش بها و يجي يوم تفهم بلي ضيعت وقت كبير و انت تفكر في الماضي
و تلقى روحك ضيعت فرص اخرى جاتك

خوذ رايي خويا خليك من الماضي مش رح ينفعك باي حااااااجة
عيش حياتك مع خطيبتك هي تحبك معناها تستهل حبك انت ايضا

البكاء على الاطلال وش رح يجيب
جاتك فرصة اخرى مع خطيبتك استغلها باش تنسى الماضي
و تأكد انك رح تلقى في خطيبتك وش ما لقيتش في الاولى
و رح تفرح بيها بزاف
ما بقاش على عرسك خمم كيفاش توطد علاقتك بيها
و يوم عرسك ما تسمحش لنفسك و للشيطان باش يحرموك من فرحة العرس
افرح و ازهى و استمتع و حتى اذا جات الاخرى في بالك ابتسم و قول الحمد لله و ما تضيعش وقت في الحزن
ودّع ذكراها بسلام مش بالحزن

ان شاء الله تكون فهمت كلامي
ان شاء الله قريبا جدا تبشرنا بالخير
 
آخر تعديل:

{°♥*درصوفة*♥°}

:: عضو منتسِب ::
إنضم
6 جوان 2014
المشاركات
29
النقاط
3
رد: واش ندير باه ننساها

خويا نسى عليك لي قالك الرجل مينساش الحب الاول هدا الهدرة مكانش منها و الحب الابدي راهو فالاساطير و المسلسلات مش فالحياة الواقعية نشا الله غير تزوج و توالف بمرتك من المودة و المحبة و العشرة بين الزوجين الاولى هديك تولي متبانلكش خرج هاد الفكرة من راسك خويا و نعل الشيطان و مش نتا اول واحد فهاد الموقف بزاف ناس صرات معاهم هكا و الحمد لله نساو و حبو و ولدو و رباو و كلشي فات اوقف على رجليك مليح خويا و قول مع روحك نورمال عيش حياتك و افرح هدا لي يفيدك و سمحلي الا كنت حرشة شوي فالهدرة غير بش نبينلك واش كاين اخي الكريم على العموم هدا مجرد راي
 

Happy Girl

:: عضو مُتميز ::
إنضم
21 سبتمبر 2009
المشاركات
679
النقاط
19
رد: واش ندير باه ننساها

واش انقولك يا أخي مشكلتك مع نفسك و حلها بيدك أكيد الامر صعب حاول تجعل ما عشته مع حبك الاول ذكريات جميلة عابرة و لا تجعلها سبب حياتك نصيحة مني أياك ان تقارن ما عشته مع الفتاة الاولى ما تعيشه حاليا مع زوجتك المستقبلية لانك لن تهنا ابدا,,, و رايي من راي الاخت راضية حامدة
 

شيماء شوشوحما

:: عضو مُشارك ::
إنضم
15 سبتمبر 2013
المشاركات
232
النقاط
9
العمر
25
رد: واش ندير باه ننساها

خويا حب حقيقي بعد زواج جرب وشوف ولي يبغيك عمروا مايخليك ديرها في بالك كي يصارة وش يصارا
 

عاشقة الصمت 13

:: عضو مُتميز ::
إنضم
2 سبتمبر 2013
المشاركات
733
النقاط
31
رد: واش ندير باه ننساها

يقولو الراجل ولو بعد 100 عام ماينساش الحب الاول

شكون اللي قالهالك ؟؟؟ .....هاديك قالوها بكري واللي قالها راه مات الله يرحمه ........نقالت هاد الجملة ca fait wiiiiiiiiiiiiiiiiiiw machi ca fait long temps ...خويا امشي بعقلك وخليك ماتبع من داك اللي يدير التحاصيل عفس على بوه .........راك ماشي تتزوج والصح في ديك اللي راح تدخل لدارك غادي تولي ام ولادك .....هيمالا عاملها بالمثل ..باسكو تتعد هادي خيانة نتا معاها en meme temps تفكر في وحدة ....................... النسيـــــــــــــــــــــــــــــــــــان نعمة
الله يالف بين القلوب
 

ammmmoula

:: عضو مُشارك ::
إنضم
2 فيفري 2014
المشاركات
267
النقاط
13
الجنس
أنثى
رد: واش ندير باه ننساها

هذا كله مكتوب الله ماهاذو الا اسباب خلي ايمانك بالله كبير
 

احلى لمة

:: عضو فعّال ::
إنضم
26 جوان 2007
المشاركات
2,156
النقاط
77
العمر
31
رد: واش ندير باه ننساها

يا خويا العزيز ربى يقدرك وربى يصبرك الحب الاول ماينتسى عندك الصح
 

ازهار الربيع

:: عضو مُتميز ::
إنضم
11 جويلية 2010
المشاركات
1,124
النقاط
51
رد: واش ندير باه ننساها

ما نقولكش انساها ولا راح تنساها
الخيرة فيما اختاره الله لكـــــــــــ
دير ربي في بالك وصلي الاستخارة
والباقي مكتوب من عند ربي العالمين اللي شايفو حنا ماش شايفينو
 

hassina

:: عضو مُتميز ::
إنضم
20 ديسمبر 2006
المشاركات
503
النقاط
17
رد: واش ندير باه ننساها

هذا هو قدركما اخي ربي ماكنش كاتبهالك جتى لو فعلت المستحيل على بالي ماشي ساهل تنساها سيرتو كي جات الغلطة منك مي لازم تامن بالقدر او تخدم عقلك و عسى ان تحبوا شيئا و هو شر لكم
 

@R@ZIK

:: عضو بارز ::
إنضم
2 أكتوبر 2007
المشاركات
6,761
النقاط
351
ربي يقدرك ويعطيك على قد نيتك
توكل على ربي وان شاء الله كل خير ليك وليها
 

etmeriem

:: عضو مُشارك ::
إنضم
9 فيفري 2009
المشاركات
380
النقاط
13
العمر
33
s3ib lhal bezef basah inchallah m3a lwa9t rayah tensaha khoya w dok martek rayha tnesik lham li 3achtou .... nasiha meni ki tatzawaj nahi wach 3achtou kamel men rasak hakda t3ich bien m3a martek w inchallah rayah tkoun sa3id
 

زيزي احمد

:: عضو مُشارك ::
إنضم
27 أكتوبر 2011
المشاركات
270
النقاط
13
لقد نستك يوم ضربتها و أهنتها و لا شيئ يضر المرأة أكثر من الإهانة
تزوج و دع البنت في حالها و لا تقلق راحتها فسوف تختار من يعزها و يحترمها ويحبها أكثر منك
تصرفك ليس حبا و إنما سيطرة و حب امتلاك و هذا ما أدركته البنت فهي أكثر وعيا منك
لا داعي لأن تنساها بل تذكر ما فعلته بها و تب إلى الله و استغفر و اطلب العفر و المغفرة
لو كانت لك أخت أو بنت و فعل بها أحدهم ما فعلت أنت بالفتاة ماذا سيكون رد فعلك ؟
 

طير الحب

:: عضو منتسِب ::
إنضم
30 جوان 2014
المشاركات
9
النقاط
3
عمرك ماتغلط وتصلح غلطة بغلطةممكن جدا بعد سنوات من الزواج راح تلقى روحك مظطر تطلق زوجتك باش تتزوج حبيبتك ونكررها قلت ممكن جدا خمم ملييييييييييييييييييييييييييييييييييييييييح وبالتوفيق
 

**laila**

:: عضو فعّال ::
إنضم
4 جوان 2009
المشاركات
2,099
النقاط
111
العمر
31
محل الإقامة
tebessa
متسرع ..

كان لازم حبك ليها يخلق اعذار..بصح كنت تحبها بلا ثقة

رب شافلكم الخير..اذا كنت ضربت بنت الناس لبرا و هب مش على ذمتك..كيفاه بعد الزواج..

أرجو الا تتكرر الغلطة مع زوجتك المستقبلية

بالتوفيق
 
الحالة
مغلق ولا يسمح بالمزيد من الردود.
Top