علاش مرانيش نتوحم جاوبوني

chichima

:: عضو منتسِب ::
إنضم
17 جوان 2012
المشاركات
19
نقاط التفاعل
23
النقاط
3
سلام خواتاتي حبيت تجاوبوني عندي شهر حمل ومزال ماجاني لاوحم لاوالو مثلا معنديش القيا ولا الدوخة تاع الصباح عندي برك شويييية نعاس هذا مكان ومعنديش هذيك تاع نكره واحد ولا نحب واحد حتى الاكل مجانيش على حاجة معينة مثلا في هذي الدقيقة نحب ناكل الخوخ منبعد خلاص يروحلي هذاك الشعور ونولي نقول بلاك ضرك يخرج في البيبي ههههههههههه منين ذاك نقول بلاك البيبي مراحش يكبر ولا كاشما صرالو تعيشو قولولي اذا سمعتو كيما انا على وجه ربي قولولي ربي يخلييكم ولادكم والي معندهاش ربي يرزقها وتعيشو دعولي ربي يثبت حملي ويكون سليم
 
رد: علاش مرانيش نتوحم جاوبوني


3adiiii Khti kayen li hakda ykemlou 7etta youldou
w mayjihom w7am kima 9olti la walouu ... ana mama rebi ya7fdha
kanet haka illa chwi t3ab bark hadi 7aja normal
mais matkhafi mawalou ;)

w rebi ykamelk 3la khir nchalah
matensayech wa9t tbib ta3ek raki trou7i w tetamni :)

rebi yfar7ek :)
 
رد: علاش مرانيش نتوحم جاوبوني

وعليكم السلام اختي ربي اثبت حملك واكملك على خير
هذا شئ عادي متتقلقي ما والو انا في حملي الاخير هكذا صراتلي يعني تقولشي مانيش بالحمل حتى راجلي قالي تمنيت تقوليلي جيبلي حاجة راني نتوحم كنت منتقيا منسخف على حاجة منكره منحب يعني عايشة عادي كيما كل الاوقات وابني زاد ماشاء الله عليه ماخصو والو الوغ تهنيا وحطي في بطنك بطيخة صيفي ههههههههه
 
رد: علاش مرانيش نتوحم جاوبوني

صح كاين الي ماتجيهش اعراض اللوحم
مثل الغثيان والدوخة
مي انت مازلك شوية باسكو عندك مانبا شهر
وزيد مازال الجنين ماتكونش
مع الوقت تبان عليك التقيئ والدوخة
ان شاء الله ربي يكملك
اختي
 
رد: علاش مرانيش نتوحم جاوبوني

شكرا ملاك اختي ربي يخليك ويرحم والديك
 
السلام عليكم
اولا الف مبروك والله يتمم عليك الحمل يارب وتشوفيه سليم معافى بين يديك
بصح حيرتيني لازم تقول يالحمد لله الناس راهي تدعي الله يسهل عليها الحمل وانتي تحوسي تدوخي وتردي فوادك وتكرهي كاش واحد
هههه
انا تاني راني حامل لاول مرةوربي يتمم عليا نفس الشي كنت غير نرقد وكرهت الاكل بصح الحمد لله لادوخة ماكرهت حتى واحد
ونقلك تاني اعراض الوحم متبانش كلها في شهر واحد بعد ماتدخلي المرحلة التانية. من الحمل راح يبانلك الفرق ربي يسهل حنونة
 
mala ana l contraire nta3ak 7eme mois w ana mazelt natwaham hhh
rabi ysalakna 3la khir
 
wach diri bi lw7am thaniti hhhhhh
rahm jawbok lbnat rabbi ytamamlk 3la khir
 
raki hayla kima raki khti rabi ysahalek ana machi mazawja 3azba basah f liyamat li 9bal ldawra chahriya ta3i n3od natwahem sobhan allah halti ghariba
 
السلام عليكم
كيما قالت الاخت راكي هايلة كيما راكي
واش جاك من الوحم غير المرض والله كون تشوفي كاش نسا مساكن تموت من الوحم
احمدي ربي كاين لي كيما حالتك ميتوحموش وحمهم يجيهم نورمال
كما انا متوحمتش ومتقييتش حملي كان عادي وساهل عمري مرقدت ولا تكاسلت نخدم شغلي نورمال وولادتي جات اسهل من حملي والحمد لله ولدت ووليدي راه يكبر قدامي وراه قريب يحاوزني من الدار بالقباحة
ربي يكملك اختي على خير ان شاءالله
 
alfff mabrouk okhti ana mazal masayitch mais kayan li maytawhmoch o kayan li bezaf alor kol o wahda o kifah mat9al9ich rohak o rebi ysalkak 3la khir nchalah rebi yfarahni o yfarah ga3 lmahromat kima farhak r
 
عادي اناوحمي ما نحسبوالو فيه كشغل مش نتوحم
 
اختي ممكن تكوني من النوع اللي ماياثرش فيهم الحمل
مثلا انا حملي بدون وحم وايضا ولادتي بلا زحمة اوهاذيك الدزة اللي يخرج فيها الصغير
احمدي ربي الوحم راهو صعيب وشحال من وحدة وصلت لحد الطلاق لانها كرهت راجلها في فترة الوحم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top