مشكلتي : تقلقت من تكرار السرقة في البيت

[مشكلتي]

السلام عليكم
انا متزوجه جديدة و ساكنة مع شيخي
بنات خواتات راجلي يقراو في وحدة في الابتدائي و لخرة في السيام كل يوم يجو لجدهم
المشكل انو ديما كي يجو تروح حاجة من الدار و سيرتو الدراهم جامي نغلط و نخلي صاكي لبر و للا دراهم فوق البيبيوتاك في البداية كنت نشك في روحي قلت منيش مركزة لافوت تاعي و من بعد شحال مرة حكمتهم يسرقو و نزقي عليهم و يحلفولي ما يعاودوش و كي عاودو وليت نقول لوالديهم مالا والديهم وللاو يزعفو و يقولو تسرق في ولادتنا و تخرج فيهم من دار جدهم مالا وليت نغلق على حوايجي و منخلي حتى واحد يدور بشمبرتي وللا حوايجي بالصح ساعات نعود مضطرة نخلي دراهم من الفوق وش ندير ... حتى الضياف لي يجوني ديما يشكاو تروحلهم دراهمهم عندي .. مرة فام د ميناج مسكينة جاتني جاملة 800 الف في صاكها و نهارها جاو البنات و طولو عندي وكي vيريفات صاكها ملقاتش الدراهم و بدت تبكي قاتلي بالاك طيحتهم في الشارع و انا عارفة شكون داهم بالصح سكتت
و المشكل الاكبر اني كل ما تروح دراهم مصروف الدار و للا كيما هاد المخلوقة انا نرجعهم من جيبي اليوم مثلا عندي مصروف قاطو العيد حاطتهم في صاكي سحقيت صاكي جبدت منو حاجه و خليتو فوق الفوتاي في لحظة خاطفة جاو البنات لجدهم وسلمو عليا و خرجو حتى محسيتهمش بقاو وقت باش يسرقو .. انا شفت صاكي باش نشري مصروف القاطو لقيتو يصفر .. يتسمى رايحه نرجع المصروف من جيبي و لبست العيد راحتلي ..
و راجلي كي نشكيلو يقولي لافوت تاعك و ساعات يكذبني و هو ثاني يزعف و يقولي تسرقي في اهلي .. و اذا رحت لدارنا يخلي الشمبرة مفتوحه و الخزانة مفتوحه و يا ويلي نقولو اغلق من وراك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ضرك هادو بنات صغار و المشكل هدا زايد يكبر معاهم و والديهم ميراقبوهمش وانا غايضني الحال عليهم ولله مشكل كبير ... صحا انا منيش رايحه نربيهم بالصح راهم ضارييني هكذا وليت متقدرش نتحرك من الدار من التوسويس ؟؟؟؟؟؟؟؟؟؟؟؟ شيخي منقدر نقولو و لا والديهم منقدر نقولهم خاطر يزعفو و يديرولي مشكل
لو كان جيتو في مكاني واش ديرو ؟؟؟

 

[روز]

السلام عليكم
لا حول ولا قوة الا بالله العلي العظيم

أختي المؤمن لا يلدغ من الجحر مرتين !
ونتي كن من أول مرة تسرقتي كن عملتي حل
ماتخليش اي شي في الطريق تحت اي وضع كوني حذرة وقافزة

ناس بكري يقولو حذّر من خوك ولا تخونو
واهاليهم اكيد مايحبوش لما تقوليلهم بناتكم يسرقو
وعند البعض حتى لو كانو عارفين انهم يسرقو مايحبوش لي يواجهم والله المستعان

اذا ماعليك الا انك تعملي هذ الحل الحوايج الغالية خليها عند يماك
تبقالك حاجة نتاع دراهم ماتخليهاش في الطريق والا نتي تكوني الغالطة لومي روحك فقط

ربي يعينك
ان شاءلله الاعضاء يعطوك حل ينفعك
الكلمة الطيبة صدقة لصاحبها
​

 

[السلطانة]

وعليكم السلام

خبي حوايجك اختي وديري الحيطة

باه ميزيدوش يسرقوك

ومكنلاه تهدري عليهم وتقولي يسرقو ماراحش يصدقوك دار راجلك
ويوليو يقولو راهي تسرق في ولادنا

مالا صدي بابك وربي يسهل عليهم وراجلك قولو فيق مع روحك تفتح لاشومبر راه من هب ودب يجي يدخل هادي راهي غرفة خاصة بينا انا وانت ماشي صالون لي يجي يفوت فهميه او لازم يفهمها هادي قولو حوايجي منحبش يشوفوهم ولا يدخلو فيهم
ربي يوفقك اختي
سلام

 

[Moha le sage]

السرقة مشكل كبير ... و المشكل الأكبر كي ما يلقاوش الذراري هاذو اللي ينهرهم و يعيط عليهم ...

كون جا سراق و ما عرفتيهش شكون كون قتلك ديري لاباراي لي تسجل و ركبي كاميرا صغيرة ولا زوج .. و تشوفي كلش بعينك .. أما في الحالة هاذي لازم تقنعي راجلك و تقوليلي يا تدير حل يا نغلق كلش بالكدنات ... و الغاشي لاخر ما تحكيش معاه باسكو تلقايهم اصلا يستناو في ديفواتك و ينتهزو الفرصة باش يدخلو معاك في مشاحنات و ............

اذا تفاقمت الامور و المسروقات زادت و صارت مثلا جوايج ذهب ولا مبلغ كبير اشري لاباراي هاذي لي قتلك عليها و راهي تسجلك شهرين من التحركات و تقدري تلقاي معاها كاميرا وحدة ( السومة تاعها وحد المليون اوكازيون و 2 ملاين جديدة )

هاذا الحل لي لقيتو في راسي باش يامنك رجلك .. اما فاميلتك فمايامنوكش كون تجبديلهم يدك خضرا من الجنة ... هاذا حال كامل العايلات ...

​

 

[Raven Queen]

بسيطة كي يدخل ليك ضربو بالمصلحة في وجهو ما يزيدش يشوف:up::up::up:

 

[mina12]

اقفلي شومبرا تاعك باه تنvيتي المشاكل و راجلك حاولي تقنعيه

 

[wafatam]

علاه أختي ماترقبيش بنات هادم هوم يسرقوا تحكميهم بالسرقة وهدديهم تقولي والديهم وجداهم

 

[yousefislam]

السلام عليكم اختي عليك وعلى المطرق اما هما اما انت متخليش المشكله تكبر لزم تصلحيهم ولا يخطوك

 

[حُلم عابرْ]

نقلك حاجة اشري بورت موني بالخيط تاعو علقيه في رقبتك دراهمك على صدرك وماكان حتى سرقة من اليوم فصاعدا + الحاجة الثقيلة ديريها في كانش صندوق بال***** وخبيه في بورت موني على صدرك ثاني

على بالك بنات يسرقوا غير دراهم راهي واعرة شوي لو انا نخمم نسرق نسرق حاجة ماكلة ولا بوبيا تاع زواق بصح دراهم صدقيني الامر فيه شك انا من رأي تهدري مع الاهل تاعهم ماهيش حاجة مليحة لاخلاقهم ولا لتربيتهم

 

[djihane_obey]

من لاحسن لك انك تغلقي بيتك بال***** وتوصي شيخك ولا واحد في البيت تثيقي فيه ويحرس حتى واحد مايمس بيتك

او غادري البيت وروحي اسكني مع زوجك في بيت اخر هذا افضل

 

[YARA 26]

ربي يسترنا كلنا ان شاء الله

 

[anissa 13]

هاد البنات لازم يترباو
المشكل هدا صرا لاخت راجلي بنات لوسها كانو يسرقوها وطورت الحالة حتى وصلو يسرقولها الدهب
ووصلت بيهم الوقاحة يسرقو حتى القش اللي تكون ناشراتو والغريب امهم ولا مرة هدرت معاهم
اختي شوفي طريقة باه الكل يصدقك
مثلا قولي لراجلك يحط دراهم في مكان معين ادا اتسرقو راح يصدق بلي كاين سراقين
ماتصغروش هاد المشكل راه كبير
ربي معاك ياختي وربي يهدي هاد الوالدين اللي يخليو ولادهم بلا تربية
​

 

[**laila**]

صوريهم نهار

و وري لراجلك باه يصدق و اذاشاف يقدر هو يتكلم

 

[RoseBonbon]

الوقاية خير من العلاج

اغلقي بابك وعسي حوايجك

زما تزيديش تقوليلهم أي شيء

أنت هدرتي وليتي مشي مليحة


ألوغ خليهم يباصيو بولادهم

نتي درتي لي عليك

ورح ينكشفو أكيد..بصح رح ينكشفو من طرف شخص آخر

وسيثبت أنك كنت على حق

الله يهديهم ويهدي أولياءهم