السلام عليكم و رحمة الله تعالى و بركاته ...
يوم الاحد صار جدال بيني و بين صديقاتي ...
و السبب ...الاوطان العربية الاخرى...
قالت احدى صحباتي : السعودية تكرهنا بزاف و ما تتحملناش ...و المغرب كثر منها ...و انا اللي ما يبغيش بلادي حتا انا نكرهه لحد ما تتوقعوش ...
و قالت الاخرى: ..واه عندك الحق ...
و هنا انتفضت و قلت : ماشي من حقكم تتهموهم بحاجا ما داروهاش ...ماشي كامل يكرهونا ...واحد ...زوج ..ثلاثة يكرهانا بصح ماشي كامل ...
ناضتلي وحدا و قالتلي : واللي حرق علامنا مل مغريب نسيتيه؟
قلتلها: هاداك واحد ماشي كامل اهل المغرب حرقوه ...
قالتلي: و هاداك الراجل اللي كان فل حج و دخلوه للحبس في السعودية و ما قالوش لعايلتو و عايلتو ظلت تحوس عليه حتا لتالي و قالولهم بلي مجنون علابيها دخلناه للحبس و عايلتو قريب تهبل ..ما سمعتيش بيه؟
قلتلها : يعني كامل السعودية رفداته و دخلاته للحبس؟ ...فقط رجال الشرطة ...يمكن هادوك وحدهم كانوا يكرهونا و لا دارلهم كاش حاجا ولا اي شي ...
و طال الجدال بزاااااف حتا بديت نبكي ...
قالولي علاش راكي تبكي ؟ قلتلهم انا عندي صحاباتي من السعودية بزاف و من المغرب ثاني و يضلو يدعولكم نتوبا صحاباتي و يدعوا لكامل الجزائريين و نتوما دروك تهدروا عليهم ...قالولي :لالا حنا تاني رانا نقولو 5 بلميا يكرهونا (م قبيلا و هوما يهدرو عليهم كامل و دروك يقولولي 5 بالمئة)
و نتي تاني الله يخليهملك و يحفظهمك ...و قالت وحدا بصح تونس يبغونا بزاف الله يبارك فيهم و يحفظهم و فلسطين تاني ..قلتلهم اه دروك ما قلتوش 5 بالمئة منهم يكرهونا ؟ ..تعرفوا ديرو لبيسطو ..ما شفتوش هاداك اللي م فلسطين دار رسالة لبوتفليقة يعايره فيها في لانترنيت؟ ...و من فماك و هيا نايضا بيني و صحاباتي ...اسفة على الاطالة و لكن؟ ..نتوما توافقوهم و لا توافقوني؟
يوم الاحد صار جدال بيني و بين صديقاتي ...
و السبب ...الاوطان العربية الاخرى...
قالت احدى صحباتي : السعودية تكرهنا بزاف و ما تتحملناش ...و المغرب كثر منها ...و انا اللي ما يبغيش بلادي حتا انا نكرهه لحد ما تتوقعوش ...
و قالت الاخرى: ..واه عندك الحق ...
و هنا انتفضت و قلت : ماشي من حقكم تتهموهم بحاجا ما داروهاش ...ماشي كامل يكرهونا ...واحد ...زوج ..ثلاثة يكرهانا بصح ماشي كامل ...
ناضتلي وحدا و قالتلي : واللي حرق علامنا مل مغريب نسيتيه؟
قلتلها: هاداك واحد ماشي كامل اهل المغرب حرقوه ...
قالتلي: و هاداك الراجل اللي كان فل حج و دخلوه للحبس في السعودية و ما قالوش لعايلتو و عايلتو ظلت تحوس عليه حتا لتالي و قالولهم بلي مجنون علابيها دخلناه للحبس و عايلتو قريب تهبل ..ما سمعتيش بيه؟
قلتلها : يعني كامل السعودية رفداته و دخلاته للحبس؟ ...فقط رجال الشرطة ...يمكن هادوك وحدهم كانوا يكرهونا و لا دارلهم كاش حاجا ولا اي شي ...
و طال الجدال بزاااااف حتا بديت نبكي ...
قالولي علاش راكي تبكي ؟ قلتلهم انا عندي صحاباتي من السعودية بزاف و من المغرب ثاني و يضلو يدعولكم نتوبا صحاباتي و يدعوا لكامل الجزائريين و نتوما دروك تهدروا عليهم ...قالولي :لالا حنا تاني رانا نقولو 5 بلميا يكرهونا (م قبيلا و هوما يهدرو عليهم كامل و دروك يقولولي 5 بالمئة)
و نتي تاني الله يخليهملك و يحفظهمك ...و قالت وحدا بصح تونس يبغونا بزاف الله يبارك فيهم و يحفظهم و فلسطين تاني ..قلتلهم اه دروك ما قلتوش 5 بالمئة منهم يكرهونا ؟ ..تعرفوا ديرو لبيسطو ..ما شفتوش هاداك اللي م فلسطين دار رسالة لبوتفليقة يعايره فيها في لانترنيت؟ ...و من فماك و هيا نايضا بيني و صحاباتي ...اسفة على الاطالة و لكن؟ ..نتوما توافقوهم و لا توافقوني؟
