السلام عليكم اريد ردا حكيما

[حلوم]

السلام عليكم
سادخل في الموضوع مباشرة
انا محتارة و اريد معونتكم و رايا سديدا
انا متزوجة منذ 3 سنوات و زوجي يعمل في ادارة في اطار الاسلاك المشتركة
لا باي نتاعو ماشي كافيتنا خاصة مع وجود اعباء مثل الكرا
اضافة الى انه يعمل في ادارة كلها تعب و ارهاق و مشاكل لا تنتهي و المدير مزيرو الى درجة انو تخنق و خنقني معاه
زائد المحيط لي يخدم فيه مغلق و مهدد فيه من كل النواحي
زوجي هاذا عندو موهبة رائعة و ممتازة في تصليح اجهزة الاعلام الالي و عندو فيها خبرة من وكتاش
الآن انا ممكن انو يتوفر عندي مبلغ لاباس بيه اذا جاني حقي من ورثة ابي
هو اقترح عليا انو نشرو لوجما طبعا باسمي و الباقي يحل بيه محل لتصليح و بيع اجهزة الاعلام الالي
و في العام الاول يدير اجازة بدون راتب لمدة سنة
بحيث اذا ما نجحش المشروع يرجع لخدمتو
لكن انا خايفة و مترددة
اولا انو يضيع هذا الحانوت و ما يوقفش عليه
ثانيا اني حامل و جايتني مصاريف ياسر
ثالثا في البداية اكيد رايحين نتعبو في المصاريف
و في نفس الوقت غاضني ياسر لانو فعلا في ضغط عظيم ضغط حاسة انو رايح يدمرو و يدمرني معاه
واش ندير اذا بقا في خدمتو هادي يا ربي و تكفي نصف شهر زائد الضغط الهائل
و اذا خلاها واش يضمني انو رايح ينجح
اشيرو عليا الله يحفظكم انا في الانتظار للعلم راه ظالو 7 سنين في هاد الخدمة و يا ربي و عايشيين منها بالسيف

 

[RoseBonbon]

حبيبتي

الأولوية هي شراء البيت

على الأقل ينقص عليكم عبئ الكراء

ومبروك عليكم البيبي

أما بالنسبة للمحل

فيقدر يكري محل ويدير فيه واحد يشدلو المحل ويكون في المجال

يعني يصلح الأجهزة واللي جاوه صعاب زوجك يصلحهم

لأن العمل في القطاع العام مضمون حتى ولو كان لأقل من العمل الخاص

لا تنسي أنو فيها التأمين ولاروترات

ما تفكروش في ضرك برك

على الأقل هو مأمن وأنت ووليدكم المستقبلي أيضا

برأيي ما يضيعش خدمتو والمسؤولين يتبدلو

ممكن بين عشية وضحاها يتبدل

برأيي يزيد مهنة تصليج الأجهزة كنشاط إضافي في المساء

ويقدر يعمل حتى في البيت

ربي يسهللكم

 

[wahid tdci]

السلام عليكم و رحمة الله
أنت الوحيدة القادرة على تقييم الوضع المادي و النفسي لزوجك
إن كان زوجك صاحب مبادئ و صادق القول و نقي الفعل فما
الظير في أن تساعديه و تكوني ساعده اللذي يرتكز عليه
لأن المعيشة صعبة للغاية و القدرة الشرائية متدنية
زد على ذلك مصاريف الكراء و الأبناء و الجنين القادم بإذن الله
أعتقد أن رأيه سديد فتوكلي على الله و لن يخذلك إن شاء الله

 

[James Rodrigez]

تفائلو خيرا تجدوه​

 

[أم محمد وأمين]

سلام أختي في البداية نقولك ربي أن شاء الله يسرلك حالك
1: هذه هي الحياة لازم نجوزو بمشاكل وصعوبات أو حمدي ربي أنو عندك عائلة وراكي مع راجلك حاسة بيه أو أحابة تعاونية أو راكم تحلو مشاكل كم مع بعض.
2:دايما في بداية أي مشروع لازم واحد يوجد فيه صعوبات لكن كي كون واحد عارف الهدف تاعو مليح أو واثق بالشئ ألي راهو يدير فيه أن شاء الله ينجح
3: عليكما بصلاة الإستخارة والدعاء إلى الله العلي القدير لأنو هو ألي عالم بأحوالنا أو وين راهي مصلحتنا.
وسلام

 

[anissa 13]

اولا مبرووووووك عليك الحمل خبر يفرح ربي يفرحكم بيه
نظن مشروع مليح خاصة وانو راح ياخد اجازة من عملو السابق
وزيد الوجمو حاجة مليحة لانو حتى لو مشروع زوجك مانجحش لا قدر الله تقدرو تديرو فيه حاجة اخرى
ربي يوفقكم اختي​

 

[حلوم]

اولا شكرا لكل من تفاعل و ابدى رايه الذي بالتاكيد احترمه و اقدره
و لكن انا خائفة من امور محددة هي انني بحاجة الى المادة حاليا مع الاطباء و غيره و المشروع اكيد انه سياخذ وقته لكي ينجح
و الاجازة التي سياخذها هي بدون اجر اي انه لن يكون هناك مدخول
زائد انه المحل الذي سيفتح فيه رايح يكريه يعني عبا جديد
اضافة الى انو اهله رايحين يستغلوا الفرصة و ما يخلوهاش حتى يريح في هاذ الحانوت من طلبات ارواح و دي راني تعرفهم هما اصلا سبب تعبو بزيادة خاطر في كل ويكاند لازم يعيطولوا باه يجيبلهم و يديلهم مام عندهم لي يخدملهم مازالني حايرة المشكل انو مادي مني موقف و ماش حاب يهدر معايا و ماش مراعي اني حامل و في قترة وحم صعيب راني مخنوقة و حاسة روحي وحدي مشتاقة اني نضحك اني نبتسم كيما قاد الناس مللي دخل هاد المدير الجديد و نا في الهم و زاد مللي رفدت بالحمل و نا في المرض و الهم و هو ما حاولش حتى يفرجها عليا و عليه
ادعولي ربي يفرج عليا همي و غمي و يهديه و يوصلني لحل ان شاء الله

 

[iAyoub]

يمكنه الابقاء على عمله القديم وفي وقت الفراغ يقوم بتصليح الاجهزة بمقابل