وش ندير معاه ؟؟

[: Imane :]

اممم اختي اذا كان صح مستحيل يخليك
يقدر يصبر عام ولا عامين و يجي يخطبك
بالنسبة ليا مش لانك صغيرة ولا متقدريش على المسؤولية
لوكان انا في بلاصتك ندير حساب لقرايتي و كيفاش نكملها
بالاك تصبري شويا خير :/
و الله اعلم ، هذا هو رأيي
ربي يهنيكم على كل حال ^^
ان شاء الله تفيدك اجابات الاعضاء =)

 

[Silent Hill]

انا هذا هو تاعي
عجبتني العبارة ، بالصح انت خلعتيني
دام تحبيه و يحبك واش راحلك في كلام الناس
قالك كلام الناس لا يقدم ولا يوخر
واش نقلك ربي يسهلكم فالحلال ان كان خيرا لكما
و قولي لتاعك يزرب يخطبك ليدوه عليك ههه ...
ربي يهنينا ، سلام ... ​

 

[♫الباحثة عن الحظ♫]

سلام عليكم

واعلاه صغيرة انت مش راح تتزوجي
صح دورك يقولك الطفلة صغيرة و متنجمش وهاك مي انت مش راج تديري دار من دورك
ومدام ناويين لحلال و انت تحبيه و يحبك نورمال يقدر يحط عليك الكلمة
و باقي مع الوقت مين تكبري شوي تتزوجي
بلاك انت حاطة فكرة انك صغيرة و تخافي يتبدل تفكيرة لان قد ما تكبري في عمرك
على قد ما تنضج شخصيتك و عقليتك
انت شوفي الا راكي تلقاي في روحك هدا هو الشخص الي راكي حابة تكملي معاه حياتك
و بلي في عايلتك مش يرفضوا فكرة ان يمشي عليك وانت في العمر هدا
بلوس اختي جامي تسمحي في وليد لحلال الي يجي لبابك جامي لان يجي نهار وتندمي
الراجل الي يبين روحو من الاول واش باغي هداك بكنوز الدنيا مش لازم تبيعيه
العكس ينوي و يقدم وربي راح يسهل كلش
بالتوفيق و ربي يفرحكم
​

 

[nina usma]

السلاام عليكم و رحمة الله و بركااته
اييه يا ختي راني حااسة بيك . .. الله اعلم نتي تقرااي
مي يلزم يتوكل على ربي و يتقدم .. نتي راكي داايرة ف راسك بلي تلعبوهاا اصدقااء
مي كي لعااادة لكلمة لي نقوولها و نعااودهاا الناس كل شي يديرولي يدين و رجلين
ما قتلكش ديري حسااب للنااس بويسك انا مااشي من هااد النووع
مي تخاافي توصل لواالديك و لخااوتك و بالااك ادا كانو رايحين يقبلو بيه كي يجي لتم ما يقبلوووس
يقولولهم النااس هاداك كاان يمشي معى ختكم .. راكي عاارفة النااس فارغين شغل و ما عندهم حتى خدمة اباااغ الهدرة الزاايدة بلااا فايدة
راني نقولك هكداا بااه تقرااي حساااب لكلش .. الدنياا هادي حساابات
قوليلو يتوكل على ربي و بلا ما تنساااو صلو الاستخاارة
و يطلبك من ربي قبل ما يطلبك من والدييك ...
ربي يوفقلكم و مااكااش يا ختي قد لحلااال و الحلااال ما عندوش عمر
السلام عليكم و رحمة الله و بركااته​

 

[abdel kader03]

اذا كنت متفاهمة معاه في كل امورك فخير البر عاجله واما بانسبة للسن فلا مشكلة منه وربي يتمم غلى خير

 

[بقايا إنسان]

للأسف الموضوع طويل وما فهمت والو