ولله تعبتتتتتتتتا ساعدوني

[asma2090]

يا جماعة لباس عليكم ان شاء الله تكونو لباس انا حامل في شهر الثاني و تعبت بزاف من القئ ساعدوني اعطوني اي حاجة طبيعية تخفف من القئ ارجوكم ولله تعبت و ربي شاهد

 

[سفيان اسلام]

بسم الله الرحمن الرحيم
اختي استشيري الطبيبة او الطبيب
او الصيدلية احسن واقرب للنصيحة
وهم اهلا لدلك
اسال الله العظيم رب العرش العظيم ان يشفيك
​

 

[RoseBonbon]

السلام عليكم

مبروك عليك الحمل حبيبتي.. ربي يتممهولك على خير

بصراحة عندي مشكلة القيء أعزكم الله فقط في الصباح

عبارة عن حموضة

وهذا مزعج جدا...

ولكن بعد ذلك يزول عليا. الحمد لله

كلي البسكويت بمجرد النهوض من الفراش أو عند الرغبة بالقيء

وكلي البرتقال


ولازم مرة على مرة تاكلي حاجات خفيفة مثلا مكسرات بسكويت حلويات

مالاومش تخلي بطنك فارغ بزاف خاتش هذا الشيء يزيد من حدة المشكلة

 

[نبض الحياة]

السلام عليكم
مبروووك عليك حبيبتي وربي يثبت حملك ويرزقك ذرية صالحة يا رب
شوفي الزينة القيء حاجة عادية مع ارتفاع نسبة الهرمونات في جسم المراة
وتاني هو حاجة دارها ربي سبحانو تحمي البيبي من المواد اللي مشي مليحة ولا كاش بكتيريا او غيرهم
الاخت قبلي ذكرت نصآئح مليحة
كولي البسكويت، اشربي الماء، ايفيتي الدهون ولا الماكلة الدسمة بزااااف ولا فيها التوابل بكثرة
حاولي ما تبقيش متكسلة بزااف برك حتى تاكلي
كولي الفواكه وعصير الفواكه تاني مليح بزااف
وتاني مين تاكلي اهضمي مليح الماكلة
الادوية من رايي تايفيتيها احسن
ربي يقويك حبيبتي

​

 

[melissa lola]

اختي ربي يكملك يقولك الكفكوف ولا الرغوة اللي تطلع من البوزلوف كي يكون يغلي كولي مغرفة واحدة وانساي حاجة يسموها الوحم

 

[nabilem]

رد: ولله تعبتتتتتتتتا ساعدوني

يا اختي اي شيىء غير طبيعي في الحمل هو طبيعي...

 

[ياقوتة الصحراء]

رد: ولله تعبتتتتتتتتا ساعدوني

انا ثاني كرهني القيا وتعبني الوحم بزاف
الصبر ياختي ماكان والو ينحي القيا
يكمل الشهر الثالث يحبس ان شاء الله

 

[دقة♥قلب]

رد: ولله تعبتتتتتتتتا ساعدوني

جارتي حملها صعيب بزاف
يماها دارتلها الندي نتاع صباح الي يجي على اوراق

من يومها راحلها كلشي
وربي يكملك ويثبت حملك