محتاجتكم

[انثى المطر]

سلام وشلراكم لبنات صفا
حبؤيت تعطوني لغوسات تاع المقروط

بنتظاركم

 

[قوقا]

3تكرمي
انا مقروضي يجي كي شغل مقرمش وفي نفس الوقت يجي طري من الداخل
ندير فيه 3 كيلات سميد حرش
كيلا سمت ونصف كاس زيت
3معالق فرينة
نصف كيس فرفارة
حبة بيض باه تضمني ما يتفتتلكش
ونديرلو شويا ملح
ونبسسو
ونخليه 24 ساعة ومنبعد نلمو بخليط الماء وماء الزهر
ونشكلو
ونعملو الحشوا ديفوا ما نديرلوش التمر
ندير غير الكوكاو واللوز والقرقاع
ونخليه يرتاح ومنبعد عاد نقليه ونعسلو مرتين بعد ما يبرد
نتمنى نكون افدتك
واي استفسار اسالي

 

[نجيب]

نموووت على المقروط


كي ندخل لهد القسم نجوع


يعطيكم الصحة

 

[~خفة روح~]

راني مقلقة ضرك عنديش وقت انشاله لي عودة ونحطلك لاغوسات
مع تحياتي​

 

[Ryry_Ndj]

السلام عليكم
اختي انا نسمع ماما تقول 3كيلات سميد متوسط بين الخشين والرقيق على كيلة وحدة دير فيها labelle و star
وملح وتبسسوا بيديها من بعد دير شوية ماء الزهر هكاك خمس مغارف كبار وتجمع بالماء
في الصيف نديروا لعجينة في الفريجيدار باه تتماسك ونجبدوها قبل التشكيل بساعة اما في الشتاء خليها ترتاح قدم ماتقدري علي كلما ارتاحت كلما يجيك وجه المقروط شباب
نتمنى نكون فدتك مام شوية برك
تقبلي مروري

 

[انثى المطر]

مرسي لبنات
ربي يخليكم

 

[prncess fifi]

لي عودة من بعد اختي نكتبلك الوصفة ديالو مع الصور​

 

[miimi]

سلام اختي
هذا المقروظ يطيب في الفرن وهكذا نعملوه
3 كيلات دقيق خشين من الاحسن تعملي بدقيق عمر بن عمر
1 كيلة سمن اعملي بسمن المدينة تزيدي فوقها شوية زيت
ملح
ومن بعد تبسسيه ثم تعجني بشوية ماء يكون دافي وتخليها ترتاح شوية
و الغرس او عجينة التمر تكوني نقيته ورحتيه وتضيفيلو شوية قرفة و شوية ماء زهر وتعملي حرابيش وتخيله
تم ترجعي الى العجينة تعملي حربوش صغير وتفتحيه في الوسط و توضعي حربوش تاع الغرس و تحاولي تغلقيه مليح و ماتخليش الغرش يبان و تعملي بالطابع لي عندك ومن الاحسن تكون الحبة على شكل معين تم تهطيه في بلاطو تاع الفرن قبل ما يطيب لازم وضروري الفرن يكون سخون بزاف باه ما يكونش ناشف
وهذه الوصفة تقريبا يعملو بيها كامل اللي في الشرق
واتمنى ان اكون قد افدتك ولو بالقليل

 

[samah06]

حبيبتي انا ممكن المقروض تاعي شويا مغاير لكنه والله العظيم اللي ياكلو يبقالو بين عينيه
شوفي اندير 2 كيلات سميد متوسط مع كيلة سمن ذايب وباردوملح ولميه بالماء وماء الزهر شرط يكونو باردين
اذا في الشتاء معليهش راهو الحال بارد الماء راح يكون بارد لكن في الصيف انا ندير من الثلاجة باه يجمد السمن تجي العجينة ساهلة في الخدمة تاعو
وتكوني حضرتي الغرس كيما نعرفو كامل
وتعجني لعجينة تاعك مليح متخافيهاش راح يجي المقروض ميتة الحرشة تاعو ويكون شكلو رطب
والباقي اكيد تعرفي تشكليه وهاهو شكل المقروض تاعي

 

[Oum Loukmane]

السلام عليكم بنيتي انثى المطر انا نصنع المقرض دائما وهذ المقا دير
2كغ سميد متوسط +رطل فرينه +قرصه ملح +3مغارف سكر +رطل زبده ذائبه sol
مرات سميد يشر ب الزبد نزيد عينك هي ميزا نك لازم تحكمي شويه من الخليط في يدك كي يتشكل كوره هذاك هو تركيه ليله كامله و من بعد خدميه عادي وهذا هو مقروضي