واش ندير بين خالي وخطيبي...؟

[دعاء الجنات]

***********************

بعدما ترددت ....حبيت نفرغ ليكم قلبي
لأني شوفت أنكم تهتمو وتفهمو من قلوبكم
وتعاونو الناس بالرشد والنصح
__________________
لدي خالي عمره 40 سنة لم تكن علاقتنا كالأخوال
كان صديق لي و اكثر من أخ أو أب
بحكم انا ماعشتش مع أبي
كنت نحكيلو أسراري وهو أيضا في ايطار محترم
_____________________
هو كان بعيد في العاصمة وأنا نسكن في سطيف
نلتقي غير في العطلة وغيرها....
______
وفي يوم من الأيام تعرفت على شاب صالح
أحبني وجاء الى البيت مباشرة ...
وجدت فيه كل الصفات التي تتمناها كل امرأة في رجل...
--------
المشكلة لما جاء للدار أول مرة ماقةلتش لخالي كان مسافر بعببببد
ولما عاد حسبت أنو راح يفرح لكنه غضب علي لأني لم أشاوره
_______________________
طلب مني ان لا أتسرع في الفاتحة
حتى يقرر هو...
أحنا طولنا وماديرناش الفاتحة وخالي حابني نبطل
من هاذ الرجل....علاه نبطل انا راضية بيه وهو راضي
بيا......
______________
ومرة طلب مني خطيبي انو يتلاقا خالي وكان كذلك
______________
خالي ماهدرش مع خطيبي بطريقة مليحة
وبين روحو أنو ماعاجبوش الحال
حتى أنو مابتسمش في وجهو
_____
خطيبي ماعادش يحب خالي ولا خالي يحبو
في الفاتحة تاعي خالي ماجاش قالي أنا مريض
المرة الأولى صدقتو لكن جدتي اخبرتني أنو ماكانش مريض
_____________
ومن بعد ساعة على ساعة يعيطلي ف التلفون خالي
بصح جامي هدرلي على خطيبي حتى انو ماقاليش على الفاتحة
مبروووك
___________
بلاعقل ولا مايهدرش معايا فالتلفون
حتى يما اختو مايعيطلهاش
وكيما نعيطلو يهدر معي بالتشناف
اصبحت نخاف نعيطلو
وهو أبدا مايعيطش
وزيد خالاتي الغيورات سير عمرولو
راسو علي
------------------
خالي دار فيا بزاف خير كيما كنت صغيرة
ماعلاباليش اذا راني غالطة
اما علاقتي مع خطيبي ماشاء الله وعمري
ماندمت لاني خيرتو...
واش تنصحوني

​

 

[بنت الـ25]

السلام عليكم أختي ملاك
صحيح أن لخالك فضل كبير عليك وانت لم تنكري هذا الفضل
بالعكس أنت معترفة بجميله عليك
ولكن هذه حياتك ووالداك هما الوحيدان اللذان لهما الحق في التدخل فيها
وبما أن خطيبك صاحب خلق ودين وأنت وعائلتك رضيتم به ومرتاحون له
أنا أظن أنو مشكلتك مع خالك محلولة إن شاء الله
انتي برك حاولي كيفاش تقعدي معاه راسك لراسو وتفتحيلو الموضوع من جديد (مدامكي قلتي انكم اصدقاء)
اشرحيلو وعلاش ما شاورتيهش ،، وافهمي منو علاش حابك تبطلي؟
حطيه فالصورة إذا انتي بطلتي ش رح تستفادو؟
وفي النهاية يا انتي تقنعيه يا هو يقنعك
المهم ما تخليش الأمور عالقة بينكم ورجعي هديك العلاقة الرحيمة اللي كانت بينكم
ربي يكملك بالخير والهنا ان شاء الله
​

 

[دعاء الجنات]

شكرا اختي على الاهتمام.

 

[السلطانة]

وعليكم السلام انتي مغلطتيش اختي في حق خالك
كان يكون ليه الحق كون مثلا وضحلك علاه محبش خطيبك ؟
لكن باه يجي يحكم عليه بالطريقة هادي ويتصرف كيما هك ماش مقبولة منو
سقسيه وشوفي واش يقولك
ربي يسهلك امورك ويهنيك مع خطيبك

 

[نجيب]

الى كان خالك يحبك راهو زعفا و يجي نهار و يولي معاك كيما كان


بصح نقولك حاجة راجلك باين بلي ناس ملاح لوكان أنا منحملش خالك يحكي معايا


نحكي مع خوك ولا باباك مي خالك ولا عماك منحكيش معاه


تهلاي في راجلك و خالك الى كان يحبك يجي نهار و يندم.

 

[الباندي]

"المشكلة لما جاء للدار أول مرة ماقةلتش لخالي كان مسافر بعببببد"

اختي انا نظن منا بدات المشكلة و الله اعلم من كثرة اللي خالك قريب ليك حس انو في النهار الكبير مكانش حاضر وانا متأكد انو راه

حبك تخرجي عروسة Gدام عينيه و محال يعرقلك زواج ..انا نظن بقات في gلبه و هذا اللي فهمته انا و الله اعلم

ربي يكملك زواجك و نسمعو عليك كان الخير ان شاء الله

 

[أم لينة]

انا مع الاخ في رأيو المهم انت خليها على الايام و ان شاء الله يرضى لانو مثل ابوك معناتو يحب مصلحتك و انت مصلحتك و مستقبلك كزوجة مع خطيبك . ان شاء الله يتحل سوء التفاهم مع خالك و انت متقطعيش عليه حتى يرضى عليك . ان شاء الله يقدملك لي فيه الخير يا رب ..

 

[دعاء الجنات]

يعطيكم الصحة على وقفتكم__‏ راح نعطيكم بعض أسباب ر فض خالي أنا سطايفيا وخوالي كامل في العاصمة_‏ أما راجلي من ولاية مسيلة_‏ __ ماعاجبوش لحال على مسيلة‏ ‏ ولي يسكنو في مسيلة نتمنى حتى هوما يجاوبوني__‏ علاه واش بيها مسيلة ناسها ملاح والحمدو لله وراجلي مايسكنش في لافيل يعني منطقة عادية هاذي حاجة لي زادت قلقت خالي__‏ __ وخالي كان حابي ناخذ رايو ونخليه ولما ماديتش برايو__‏ كشغل دار فيا الخير لازم نتبعو _؟

 

[أم لينة]

يا حنونة الناس تتقاس بالتربية و الاخلاق مش لحساب المنطقة لي يسكن فيها .. المتربي في كل بلاصا و الي مش متربي في كل بلاصة هذا عمرو لاعاد مقياس لرفض العريس اواه هنا يسمحلي خالك المصون راه غالط هذا مش سبب باش يرفضو .
الرجال تاع المسيلة واش يخصهم ؟ مش رجال ؟؟؟
ان شاء الله يكون من مكتوبك قولي آمين..

 

[سفيان اسلام]

السلام عليكي اختي

اختي خالك بغاك تشاوريه مع الاول
بصح اختي هو مشي ولي امرك
ولي امرك ابوك وجدك وامك واخوتك
ولا كان ميحبهش هدا مشي دليل انك متتزوجيش بخطيبك
وخالك نتي متقطعيش العلاقة بيه
وتزوجي يلا كان هدا الخاطب رجل دين
ويخاف من الله ويحبك
ومقتنعا بيه هدا هو الصح
ربي يوفقك اختي

​

 

[Ryry_Ndj]

السلام عليكم
اولا مبروك حنونة الخطبة وربي يهنيكم ويقدملكم يلي فيه الخير
خالك نظن زعفان علي ما كانش اول من يسمع بالرغم من انو كان مقرب ليكي كيما ذكرتي في موضوعك لكن ماذامك انتي مرتاحة في اختيار خطيبك ويحمل موصفات فارس احلامك فلا تندمي على قرارك ابدا وحاولي توضحي هذا الشئ لخالك
وموفقة اختي في حياتك
تقبلي مروري​

 

[Hakan]

ننصحك تتوكلي على ربي لانو خالك يمشي بخشانة الراس و الغضب وكيما قلتي معمريلو راسو ربي يهديه ةانت ربي يهنيك.​

 

[دعاء الجنات]

يعطيكوم صحة راكوم ريحتولي قلبي__ بصح حاليا مانيش حابة نعيطلو _لأني حساسة ونتأثر بزاف مانيش حاباتو يحكي معايا بهذيك طريقة وكأني قتلت انسان_‏ الله يهديه اذا كانت حاجة جديدة راح نخبركم_شكرا

 

[السلطانة]

يعطيكم الصحة على وقفتكم__‏ راح نعطيكم بعض أسباب ر فض خالي أنا سطايفيا وخوالي كامل في العاصمة_‏ أما راجلي من ولاية مسيلة_‏ __ ماعاجبوش لحال على مسيلة‏ ‏ ولي يسكنو في مسيلة نتمنى حتى هوما يجاوبوني__‏ علاه واش بيها مسيلة ناسها ملاح والحمدو لله وراجلي مايسكنش في لافيل يعني منطقة عادية هاذي حاجة لي زادت قلقت خالي__‏ __ وخالي كان حابي ناخذ رايو ونخليه ولما ماديتش برايو__‏ كشغل دار فيا الخير لازم نتبعو _؟

خالك راه غالط في حساباتو اختي ربي يهديه

راني رديت عليك برسالة

 

[RoseBonbon]

رد: واش ندير بين خالي وخطيبي...؟

أختي العزيزة..

إذا كان سبب عدم رضا خالك عن زواجك شيء منطقي... كأخلاق خطيبك أو تصرفاته أو سمعته

فمعه حق

أما إذا كان فقط مبني على سراب.. فلا تهتمي كثيرا

سوف يعرف خطيبك عاجلا أم آجلا

وأكيد سيحب فيه الأشياء التي أحببت فيها خطيبك

أنت اعملي الي عليك... يعني اسألي على خالك في كل مناسبة وزوريه كي تقدري

وإذا ما فرحلكش ولا ما حبش يجي.. يا ختي ماشي بسيف

من المفروض المحبة تبان في الفرح والحزن

إلا ما وقفش معاك في خطوبتك وزواجك وقتاش يوقف معاك

وفي النهاية


مبروك عليك حبيبتي

وربي يهنيك ويكمل لك كل شيء على خير

 

[دعاء الجنات]

رد: واش ندير بين خالي وخطيبي...؟

~شكرا روز والله لو رأيت في خطيبي غير الدين ،كنت أنا من الأساس لم أقبل،وهو أصلا لا يعرف شيئ عنه كيما نقولو لامليح ولا حاير،أما أنا عندي مشكل كيما نشوف انسان مش حاب يحكي معايا،متسمحليش نفسي نهدر معاه ،وهو لحد الآن مازال ماعيطليش،والله لم أفهم لحد الآن لمذا انقلب ضدي ..........قالت لي أختي ربما غيرة كنت أنا أقرب الناس إليه حتى على أمه جدتي ،وفجأة جاء رجل آخر وأصبح رفيق عمري-كأنه أحي بالغيرة الشديدة......الله يصلح الأحوال.

 

[الناقد الصريح]

رد: واش ندير بين خالي وخطيبي...؟

اسال الله أن يسعدك في الدنيا والآخرة
لا ألوم خالك لاني متاكد بانه قال ذلك خوفا عليك لا غيرة ورفضه ربما لعلمه بعدم قدرتك على التأقلم في المسيلة ولا دخل للأخلاق والطيبة هنا فكل منطقة بها الأخيار وبها الاشرار
واعلمي ان طبيعة العيش في المسيلة ليست مثل طبيعتكم و حسب خالك لا يوجد أي عامل مشترك
دمت كاتبة سالمة