كيف كانت الفروض

[صلوا على النبي]

سلام عليكم كيف الاحوال يااحلى ناس
اليوم كملنا الفروض خلاص ..... وكاين لي خدمت فيهم وكاين لي لالا المهم مفهمتش حاجة المواد لي
خدمت فيهم فالفصل 1 مخدمتش فيهم هذ الفصل والعكس وكي نتفكر الغلطة لي درتها فالمات اليوم تقول نحك البصل في عينيا هههه تمرين قاع رحلي على جال - ناقص واذا ديت 5 والله منتشوكا نستاهلها ومبعد تجيني قراية راح تجيب 20 (الله يبارك على كل حال ) تقولي والله ماخدمت راح نجيب 5 ايييييييييييييي راسي قولولي برك عنكم هذا النوع
والله اليوم راني حابة نحكي ومعلباليش علاه المهم احكولنا على الفروض كيفاش جازوا واذا خدمتوا شحال راح تدوا
انا في الانتظار اثبتوا انفسكم

 

[السلطانة]

رد: كيف كانت الفروض

وعليكم السلام
ياحصراه على الفروض هههههه منلي كنت نديرهم
معليهش اختي طولي بالك هادي هي القراية مرة تصيبي ومرة تخيبي

ربي يوفقك

 

[صلوا على النبي]

رد: كيف كانت الفروض

شكرا حبيبتي ايه كامل يقولوا هاكا ههههههه وتمضي الايام
المهم شكرا والف شكر

 

[stelllo]

رد: كيف كانت الفروض

ربي يوفقك ويوفق الجميع

 

[red rose]

رد: كيف كانت الفروض

خخخخ راكي هكا برك و تعاني ههههه ممم انا عندي صاحبتي ماشاء الله ديما فوق 15 جامي هبطت الله يبارك مي من داك نحب نخنقها ههههه تخرج من الفرض تبكي و تشكي مادرتش و ماجوبتش و منعرف كيفاه حتى تغيضني هههه و مين داك تخرج بنقطة انا و نكذب عيني ههههه ايا الله يهديكم الي كيفها هههه قولوا منقولش وعلاه ديرونا في الخلايع هههههههه

 

[صلوا على النبي]

رد: كيف كانت الفروض

شكرا لكم الحباب ربي يوفقنا جميعا ويكون معانا
تهلاو في روحكم