كـرسـي التعآرف { الضيـف السادس} Ra Off

[Ra Off]

رد: كـرسـي التعآرف { الضيـف السادس} Ra Off

كانت باينة تكمل كيما هاك رؤووف هههه​

آجماعة ههههه نجيب بعثلي رسالة خاصة في نص ليل
قالي والله غضتني اخترتك وندمت
هههههه

يا نجيب يا خويا راك خرجت من الكرسي ومازلنا نكتشفو فيك هاد الحنانة والطيبة
ربي يحفظك مي ماتقلقش ، الدومان تعي الليل
وغدوة نخدم نص نهار برك ندير طلة خفيفة للشونطي ونرجع


​

 

[Ra Off]

رد: كـرسـي التعآرف { الضيـف السادس} Ra Off

مرحبا اخي
ان شاء الله تكون مرتاح معانا
الله يبارك الخاوة قرعجوا على كلش
عندي برك شوية اسئلة
و لي عودة
​

مرحبا ختي اسماااااااا .. لالا مرتاح على الآخر
راني غير نتشقلب فوق الكرسي .. شكرا يعطيكم الصحة

- هل تحس انك عضو مهم في اللمة ؟
في اللمة ؟ لا أظن بالدليل شكون تذكرني في غيابي ؟ ماعدا الأخ موحا Moha le sage ساعات يتفكرني برسائل
بصح ما فهمتش واش تقصدي بـ مهم ؟
اذا كانت الشهرة فأنا من هواة العمل في الكواليس .. شحال من حاجة خدمتها لوجه الله ولحد الآن واحد ما عرف وما رح يعرف أني أنا ..

أما في الحياة الواقعية فيكفي أني مهم عند والديا ، ومهم عند الناس اللي يحبوني ، والباقي لا يهم .. :graduation:

- مآ تحس عندما ترى ان عدد الناس الذين شاهدوك فاق 1,864 ؟
هذا ليس معيارا .. صراحة ماعندي حتى احساس تجاه كل هذا
سواء السمعات ، عدد المشاركات ، عدد الزوار ، الأوسمة ، او النجوم ..
فالفائدة في عدد زوار المواضيع وليست في عدد المشاركات
هنا نحس بلي وصلت فكرتي لكل من شاهد وليس من شارك فقط
- هل انت انسان حقود ام متسامح ؟
متسامح الى ابعد الحدود .. الحالة الوحيدة اللي ما نسامحش فيها
هي الخيانة

- رايك في عاشقة الجنة هههههه ؟
نحلة في المنتدى يكفي انك وبحوالي 500 موضوع هادف وفي كل المجالات
وفي ظرف وجيز .. نحييك على نشاطك وهذا يعكس شخصيتك النشطة في الواقع
​

 

[Ra Off]

رد: كـرسـي التعآرف { الضيـف السادس} Ra Off

مساء الخير خونا رؤوف
أهلا بيك ان شاء الله نكونوا خفاف عليك
الله يبارك تصاميمك روعة
نبداو على بركة الله

شكرا مساء النوووووور رزيقة ... ونعم الخفّة
من كل قلبي سعيد بلقائكم

أول شخص تعرفت عليه في اللمة
مانتذكرش مليح .. هنا خانتني الذاكرة باش نشفا على من تعرفت عليه كأول شخص ... :s
من هو قدوتك في اللمة
لكل واحد ميزة خاصة تميزه .. وأنا اتعلم منكم
وآخذ كل ماهو جميل ومفيد
من هو كاتم أسرارك
ماعندش أسرار .. ولو كانت موجودة فهو أحد المشرفين حاليا
هل تسامح من جرحك
نعم
كلمة تحب تسمعها وتريحك
السماح

هل حققت بعض من طموحاتك
بعض فقط .. البعض تحقق والبعض ضاع ،
وماتبقى احوال ان اصنع منه شبيها لما ضاع

ما هي المرحلة من عمرك تحب ترجع ليها
قبل سنتين

اصعب قرار درتو في حياتك وندمت عليه
قررت نغلق على نفسي ونبني مستقبلي .. ولما انتهيت لقيت نفسي
ضيّعت ناس قراب ليا بزااف

تحياتي
شكرا ولي عودة
شكراااا اختي رزيقة على الطلة الخفيفة
مرحبا بيك في كل وقت
​

 

[Ra Off]

رد: كـرسـي التعآرف { الضيـف السادس} Ra Off

الصورة الرمزية تاع الجوكر تخوّف :pعندك الحق كي بدلتي اسمك
:graduation:

هههه شفتي كيفااااه أول دخولي للمنتدى كان اسمي Raouf007
ثم JockeR ثم Ra Off الحالي


هل أنت انسان موسوس ؟
اعوذ بالله من التوسويس .. وشيا موسوس بمعنى شكاك ؟؟
لالا ياختي شوشو مانضنش أنو هاد الحالة حكمتني في حياتي

ووقتاه يتوسوس رؤوف من حاجة ؟
هههههه حابة توسوسيني بسيف ... واذا كان محتمة عليا نوسوس
الحاجة الغامضة واللي ماعندي عليها حتى فكرة هي لي توسوسني

-واش من برامج تحب تشوفها ؟
تلفزيونية ؟
مؤخرا وليت دايما نتبع بعض البرامج الجزائرية
PAS DE PANIQUE و جرنان القوسطو على الخبر تيفي كبرامج فكاهية وترفيهية
نحب تاني برنامج هنا الجزائر على الشروق كيما يتهاوشو زوج فالاستوديو
في النهار تاني نتابع بعض البرامج كـ تحريات و ماوراء الجدران ...
وكذلك تعجبني ( اليد في اليد ) على دزاير تيفي

-قناة يعجبوك برامجها ؟
صراحة ماعنديش ميول كبير للتلفزيون .. كنت نقعد امام الشاشة فقط
في حالة مقابلة لكرة القدم
أما مؤخرا وليت نشوف شوية وننتقل بين القنوات التالية
( الشروق - النهار - دزاير تي في - FRANCE 24 - الجزيرة )

-واش تعرف تطيب ؟
حساب الشوفة رح نولي نعرف هههه
صراحة ختى شوشو يؤلمني الكلام والأسئلة التي تدور حول الطبخ
ماتصدقيش لما نقولك انو حتى في رمضان البوراكة نتوحشها
المرأة في البيت عندها وزن كبير
والفت الماكلة لبرا في المطاعم والبيزيريات .. والاكلات التي تطبخ
على يد ناس لا اعرفهم ولا يعرفوني .. يطبخونها للحصول على ثمنها
لا يهم ان كانت لذيذة ، باردة ولا سخونة ، المهم اني ناكلها وندفع ثمنها

الوالدة تعي مريضة منذ سنوات دارت عملية ومن يومها لا تقوى على اعمال البيت
واختي الوحيدة متزوجة وفي الغربة .. يعني كي تسقسيني تعرف تطيب ولا لا
نقولك بلي مرة قليت الطماطم كونسارف بالزبدة ودرتها في كسكروط
في الأول بانتلي بنينة وكي كملت .. وكأني حطيت جربوع فالمعدة

ياعععععع ما تفكرينيش ههههه


-اعطينا الوصفة تاع الكسرة تاع سوقهراس :sport02: ؟
هههههه باينة ندي زيرو في الامتحان تعك هدا
مي نجاوبك
دقيق - زيت - ملح - خميرة - شوية ماء
خلطيهم ترااا

-تفضل هاذ التحلية باه تحلى

بيها السهر

اوووووووووووووووو ميام ميام شكرا شكراااااا
يكتر خيرك هادا وش خصني الوقت ادا


سرقتها غير من مطبخ الأحلام تاع الاخت سوسو :d:d:d:d:d


سهرة ممتعة للجميع


شكرا ختي شوشو على الطلة ما تحرميناش من طلاتك
تحياتي
​

 

[Ra Off]

رد: كـرسـي التعآرف { الضيـف السادس} Ra Off

السلام عليك
راني رجعت ليك

اهلا منيني وعليكم السلاااااااام
ههههه مليحة كي تسقسي بشوية هكا تعجبني



واش تغير بين البارح و اليوم في رايك؟
وين في اللمة ؟
ماكانش حاجة كبيرة .. ونشوف بلي راهي تتطور وتنتقل من الحسن الى الاحسن
ولو أنو الواحد مش بنفس النشاط كيما اول يوم
كانت اللمة شبكة اعلامية بأتم معنى الكلمة
فيها 3 منتديات
المنتدى الحالي اللمة الجزائرية
واللمة 2 : اسمها اللمة السياحية لكل ولاية قسم خاص بيها
واللمة 3 : باللغة الفرنسية
اضافة الى زووم فور الجيريا الموقع المتخصص في الصور
الخاصة بالأعضاء من مختلف مناطق الجزائر

أما اليوم راح كلشي وبقات غير اللمة 1 ، صامدة مع الزمن

واش هي الحاجة لي متقدرش تناسها في اللمة ؟
بزااف .. من بينها
يوم تلاقيت مع بعض الأعضاء من مختلف مناطق الجزائر

هل صحابك في اللمة هما نفسهم في الواقع؟
لالا مش بزاف هنا .. عندي صحاب منذ الصغر وصحاب قراو معايا .. وصحاب اخرين تعرفت عليهم في مواقع اخرى ...

كون نقولك وجه تحية للأخ حذيفة واش تقوله ؟

اهيييييييييه تعرفيه مالا ؟ هههههه راني دايما نتلاقاه
هيا يبلغ نشلله نقلو منيني بلغاتك السلام

شكراا منينووو أنستي وشرفتي .. نتمنى تكون الأجوبة قد وفت وكفت
ســـــــــلام



​

 

[Ra Off]

رد: كـرسـي التعآرف { الضيـف السادس} Ra Off

رؤوف هرب

​

هههههههه يا صاحبي
فاتني الماتش تع تشيلسي وباريس سان جيرمان

رحت نشوف فالشوط الإضافي
اني قتلك زعما درك نرقد مي ما قدرتش نخلي الناس تستنا
لازم نجاوب
​

 

[sahiko hamza]

رد: كـرسـي التعآرف { الضيـف السادس} Ra Off

هاكمل جاوب اني نستنى
​

 

[Ra Off]

رد: كـرسـي التعآرف { الضيـف السادس} Ra Off

السلام عليكم أخي رؤوف
ماشاء الله راهم قايمين بيك
هههه سمحلي أنا مالنوع يجي يسقسي غير في الليل :ضوء لمع وسط اللمة رسم نداءا لمحبينا حينا يظهر ويختفي حينا تلك إشارة .....(باتمان اللمه خخخخ)
​

وعليكم السلاااااااام
اهلا بخويا سماعيلو اذا انت باتمان انا راني الجوكر
مهبلك مهبلك ههههههه

قولي أنا جامي جيت لسوق أهراس إن حصل وكان لي الشرف
واش هي الأماكن لي تنصحني نزورها؟
يا خويا مرحبا بيك في كل زمكان
أولا سوق اهراس تقدر تزورها في الشتاء لانها منطقة جبلية ومرتفعة فالثلوج مضمونة هنا
اما في الربيع
فهو الموسم الأفضل لهذه الولاية
ننصحك بزيارة الطبيعة المحيطة بيها كغابات المزرعة بجبال المشروحة صدقني غابات ممكن تشوفها سوى في افلام الرعب الامريكية وماتصدقش نفسك انك في الجزائر

اما سوق اهراس المدينة
فللأسف عرفت السيركيلاسيون الشهيرة في قسنطينة وفي العاصمة .. لكن في سوق اهراس ما عندوش مثيل


الولايات اللي رؤوف زارها ؟ و التي استمتعت فيها و جامي تنساها؟
جاوبت على هاد السؤال
قسنطينة بذكرياتها الجميلة قالمة بناسها الطيبين
عنابة اللي عشت فيها 8 سنين
الطارف والقالة اللي يوميا فيها بحكم العمل
العاصمة عقبت فيها ايامات هبال
باتنة يوم تاريخي لا ينسي
تيبازة ذكرى طفولة
سكيكدة وذكريات ناس اللمة

كي تتقلق واش دير باه يروحلك الزعاف؟
ننعزل ونهدي نفسي بنفسي

ستايل اللبسة تاعك والمركة المخيرة عندك؟
اكثر حاجة ستايل sport
هاك صورة وانت استخرج الستايل

اما الماركات نلبس واش يحلالي في عيني
اكيد كاين ماركات خدمتهم دايما مليحة اديداس نايك تيمبرلاند
كابورال بولو ....
وعن قريب رح تتحتم عليا ندورها
نصف كلاسيك هكا باش نبان مهندس واعر هههههه

استناني مازال البركة من بعد هههههههه
بكّر باش تلحق دالتك بكري ههههه
ايا شكرا سماعيلو ومعذرة على التأخر هذا هو الجهد
​

 

[Ra Off]

رد: كـرسـي التعآرف { الضيـف السادس} Ra Off

عييت وانا نستنى
الحوار لي بيناتنا كان على نقاط التميز
كنت انت تشجع فالاعضاء وتمدلهم النقاط وانا كان همي نزيد تم بدينا نتخالطوا
​

سامحني حمزاوي اك تشوف سيركيلاصيون كبيرة هنا ليوم
ياو صح .. يعطيك الصحة مي نتا عندك ذاكرة تع فيل
يا راني نسّاي كبير يا محاينك


زيد جاوبني على موضوع لي درتو تاع الموسطاش
ارحم باباك كيفاه جاتك الفكرة ودرت عليه موضوع ؟
تقصد هاذ الموضوع ؟
::: المـــــــــوسطاش :::
ههههههههههههههه ظاهرة في طريق الانقراض برك حبيت
نشوف تفاعل واراء الاعضاء فيها ..
وتقرعيجة كشما نكتشف موسطاش عايش معانا في المنتدى
بصح الصح الصح كتبتو على الموسطاش لي هبلنا بالشرات في اللمة اك تشفالو انت وعبدو هههههه

هههههههه راك تجبد من الارشيف موضوعي وقريب نسيتو
مي خسارة الصور اللي فيه كانو مهمّين وراحو كامل

اللقاء تاعنا كان تاريخي وتقريبا اول لقاء مابين الاعضاء فاللمة ولا حتى في منتديات اخرين يعني اوصف شعورك بعد اللقاء ؟
امممممم صح كاينة .. يعني اعضاء في منتدى ومن مختلف الولايات
عنابة - سوق اهراس - قالمة - ميلة - وادي سوف - سكيكدة
يتفاهمو ويديرو لقاء حاجة مليحة
انا قلت كان يحكمونا يقولو هاذو يخططو لثورة هههههه


شكون لي من الجماعة هذوك لي لفوق كان كل موضوع مليح يقلبو دحك وتمسخير ومن بعد يغلقو بسبب انو دردشة
كاين هارد واي المهبول وكي يزيد يدخل فيها سمير وزازو
هذاك يحكي على القازوز والسيبار اللي بايت فيها
وشحال من قارو تكيفو فالموضوع
ولا خر يشر على الادارة ولاخر يقتبش في كلام خاطي ويجيب يطيشو فالموضوع ..
يولي الموضوع قهوة موح تنسا شكون صاحب الموضوع ووعلاه كتبو
هههههه

ياو هاد الموضوع سبيسيال تاع ذكريات جميلة
راني راح نسكن هنا ههه

ربي يحفظك حمزاوي مرحبا بيك خويا .. والله عصرت مخي معاك
وجبدتلي حوايج كنت ناسيها .. مرحبا بيك درك نعطيك لمفاتح تع الموضوع
وريح
​

 

[Ra Off]

رد: كـرسـي التعآرف { الضيـف السادس} Ra Off

هاكمل جاوب اني نستنى
​

يا موصيبة مارقدتيش ؟؟؟ ههههههه

​

 

[Ra Off]

رد: كـرسـي التعآرف { الضيـف السادس} Ra Off

سلام خويا رؤوف هههه سيور عيت تع الصح معليش اصبر برك حتى تخلاص السمانا

وشكرااا على النصيحة الغالية ربي ينورك
~~ارسمي هدف في حياتك وانظري كيف ستصلين اليه وتوكلي على الله لا على العباد
واذا واجهاتك عقبات في طريقك كسريها وفوتي ماتتراجعيش ~~

وعلى الاجوبة الصريحة والنافعة

تحياتي لك

بالتوفيق
​

وعليكي السلام ختي كوكو سارة
عييت تع الصح

نهاري لوّل كنت علابالي بيها تخلاص كيما هاك
مي راني موالف .. راني نجاوب ونخدم في خدمتي ( اللمة من جهة والاوتوكاد من جهة )
وكملتهم في وقت واحد :graduation:

العفو .. وربي يوفقك في حياتك ان شاء الله


​

 

[أم منيــــــر]

رد: كـرسـي التعآرف { الضيـف السادس} Ra Off

اليوم, 04:47:-o:-o:-o
​

صباح الخير
الله معاك انا هاد الوقت كنت قريب نوض من الرقاد
​

 

[آمِيْرَتُه]

رد: كـرسـي التعآرف { الضيـف السادس} Ra Off

السلام عليك
صباح الخير عليك
راهم سالخينك نتاع الصح
إن شاء الله تكون بخير
أسئلة خفيفة كي العادة
تصميم صممته و عجبك لحد الآن ؟
من غير مهندس شاهي المهنة لي تبغيها و تتمنى كون خدمة فيها ؟
على حساب ما نعرف أنت متخرج ياك هههه قولي شاهي الحاجة لي مازالت راسخة في ذهنك من نهار التخرج نتاعك؟
واش يعنيلك تصميم ملعب ؟:-r

 

[العـآئـدة إلـى الله]

رد: كـرسـي التعآرف { الضيـف السادس} Ra Off

عدنا
راني معوّل الليلة مهما كان نكمل كامل الأسئلة
عيب عليا نأجلكم لغدوة
​

وعليكم السلاااااااااام
اهلا اختي عابرة سبيل

لو خيروك تكون مشرف أي قسم تختار ؟
في الحقيقة اعتزلت الاشراف .. لتذبذب وقتي فهو مسؤولية ومانحبش نغيب ويلومني أحد الاعضاء على التقصير والإهمال ( هاد الكلمة اللي تقيسني بزااف )
أما اذا كنت مشرف بما أنو تعبتني الاقسام اللي فيها قيل وقال بزااف
نحب نهرب للضفة الجنوبية وين ناقصة الكثافة السكانية .. كمنتدى التصميم

- صــف نفســـك بكلمتيـــن فقـــط..!
جرح وابتسامة

-مــاهــو الشــئ الذي ندمــت علــي عمـلــــه؟!؟
عندما انهمكت في المهم واهملت الأهم

-كـلمـــة تمنيـــــت ان تسـتطيـــع سحـبهــــا؟!؟
وداعا

كلمة تود سماعها كل يوم؟!؟
دعوة خير مهما كانت

غرق المنتدى ومعك قارب مايشيل الا ثلاثه من تاخذ معك ؟
هكذا تولّي فيها بيسطون هههه
نثقب القارب و نروحو فيها كامل خير ما نفضّل واحد على واحد

يا نعيشو عيشة فل .. يا نموتو احنا الكل
هههههه

-حلم لا تستطيـــع تحقيقه؟!؟
ارضاء كل الناس

سلام
[/SIZE]
سلام اختي الكريمة نتمنى تكون الأجوبة وافية
شكرا لمرورك الطيب تحياتي
[/CENTER]

اجوبة في محلها تماما :thumb_up02:
راك غلبتني ههههههههه :bravo01:
اذا جا النهار وداروني فكرسي الاعتراف راح نردلك ونغلبك اهاه
عمبالك غير انت تغلبني ههههه
بارك الله فيك
ربي يحفظك
​

 

[اسماعيل22]

رد: كـرسـي التعآرف { الضيـف السادس} Ra Off

صباح الخير خويا رؤوف ههه راك غايضني الحق الحق
ماعليش اصبر معانا سمانة و تسلك على ربي

بسم الله
سامحني مارانيش نتابع الأسئلة إذا شفت سؤال مكرر فقط كتبلي مكرر ههه أكي

ما هو الشيء الذي تجد في نفسك و تقول أنا أختلف مع الآخرين فيه؟

رؤوف ضارب مع واحد ولا خاطيه المشاكل ..وشكون اللي غلب في النهاية بالطبع؟

كاين إنسان لوكان تشوفه في الطريق تبدل ديك الطريق؟ وعلاه؟

هل أنت من نوع اللي عنده صديق حميم يحكيله أسراره ولا با دو ثقة؟

صحيت راني بكرت اليوم هههه​

 

[صلوا على النبي]

رد: كـرسـي التعآرف { الضيـف السادس} Ra Off

السلام عليكم
وكالعادة دايمن روطار ا نا
1 ماهو فريقك الاوروبي الذي تشجعه
2 ذكرى لن تنساها
3 هل سبق لك وان رايت موضوعا من مواضيعي ههههه
4 هل حقا ستذهب لفرنسا
5 ماهي اخر مرة ضربت فيها واحد بكف
ولي عــــــــودة

 

[أم منيــــــر]

رد: كـرسـي التعآرف { الضيـف السادس} Ra Off

سؤال
اكيد ماشي هذا هو وجهك:p:p

علاش ماسكيت وجهك ؟؟؟:s:d​

 

[Ra Off]

رد: كـرسـي التعآرف { الضيـف السادس} Ra Off

اليوم, 04:47:-o:-o:-o
​

صباح الخير
الله معاك انا هاد الوقت كنت قريب نوض من الرقاد
​

صباح النووووووور
هههه يا حصرااا نورمال .. رقدت شوية بعد الفجر ونضت على 8:30 خدمت وجيت
درت فيها قيلولة وهاني جيت من جديد
​

 

[نجيب]

رد: كـرسـي التعآرف { الضيـف السادس} Ra Off

سلام و عليكم


واش راه رشيد نكاز نتمنى الاعضاء راهم متهلين فيك


رؤوف في هد الاسبوع كنت درت سوكسي في هد الموضوع ممكن تفهمني واش وقع


ربي معاك خويا هههه مزال تولي تحوس على الاجابة فالمنام

https://www.4algeria.com/forum/t/421130-2/
​

 

[Ra Off]

رد: كـرسـي التعآرف { الضيـف السادس} Ra Off

السلام عليك
صباح الخير عليك
راهم سالخينك نتاع الصح
إن شاء الله تكون بخير

وعليكم السلام اهلا منيني
اجمل سلخة في العالم ههههههه
الحمد لله والله بخير
​

أسئلة خفيفة كي العادة
:-r:-r:-r:-r:-r
تصميم صممته و عجبك لحد الآن ؟
في الحقيقة تصاميمي أعتبهم أولادي ، وكيف لأب أن يفضّل أحد ابنائه على الآخر ؟
على العموم أجمل التصاميم التي قمت بها موجودة على هذه الصفحة
http://raouf007.deviantart.com/gallery/

من غير مهندس شاهي المهنة لي تبغيها و تتمنى كون خدمة فيها ؟
والله ياختي كل عمل في الحلال يعجبني ، مهما كان نوعه
احب أكثر الأعمال التي تتطلب جهذا بدنيا أكره الركود والجلوس أمام شاشة

على حساب ما نعرف أنت متخرج ياك هههه قولي شاهي الحاجة لي مازالت راسخة في ذهنك من نهار التخرج نتاعك؟
نهار التخرج تعي ، فعلا لا ينسى ، وقفو معايا ناس وحباب من قريب ومن بعيد
وكانت فرحة لا توصف ، لأني حقيقة تعرضت لمشاكل كثيرة في الجامعة حتى فقدت الأمل في اكمال الدراسة ، لكن هاذاك اليوم كان بمثابة الخروج من عنق زجاجة

واش يعنيلك تصميم ملعب ؟:-r
تصميم الملاعب فيها تحدي كبير ، واطلاق لعنان المخيّلة ، مشروع تخرجي كان حول توسعة ملعب عنابة وتحويل المركب الى مجمع أولمبي وكان عملا شيقا للغاية
وفرصة تصميم ملعب قد تأتي مرة واحدة في عمر كل مهندس


شكراااااااا منيني على الحضور المميز
الف شكر
​