كـرسـي التعآرف { الضيـف السابع} AmiR@RoRo

[أم لينة]

رد: كـرسـي التعآرف { الضيـف السابع} AmiR@RoRo

السلام عليكم مساكم الله بالخير ، ياحصراااااه راني روطار و هذا كلو بسبت الريزو عندنا هاذو الايام ززززززفت.
فاتني بزاف أكيد واش نقلك اميرة راكي عقابها الله يبارك بلاك تفشلي في نص الطريق هههه ..للأسف انا مضطرة للغياب هذا الاسبوع عن الساحة اللماوية لظروف قاهرة ، اسمحيلي ختيتي كنت متمنية نشارك مع الاخوة و الاخوات ...
المهم معريفة خير ان شاء الله ايتها الطيبة و حظ سعيد .تحياتي الخالصة ليك و للاخوة و الاخوات الكرام.​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

رؤوف لي عجبني فيه وتلاقينا كنا شفنا بعضانا فالتصاور قبل مالا كي قعنا فالقهوة قالي معاك رؤوف 007 ونطق وليد عمو قالي معاك سامي 007ههههههه
وتاني رديت قلتلهم معاكم حمزة هيب هوب :d

هههه عقبال مرة تانية ان شاا الله
:regards01: :graduation: :thumb_up02: :d :up: :yahoo01: :bravo01:


اي من الرموز تستعمليهم بكثرة .

امممم هذا :regards01:

اعطينا رمز تستعملو الاخ مينات بزاف
اممم يبالي هذا :p
ندخلو فالجد

انتي كتلمسانية باش تنصحيني كي نجي لتلمسان وديري فحسابك راح نجيب معايا المادام لاسهل ربي :$

والله مرحبا بيك نتا والمدام وحتى لولاد ان شا الله
اممم ننصحك تحوس هاد المناطق

منصورة

مغارات بني عاد ( ادا كانت المدام من ذوي القلوب الضعيفة غي ما دخلهاش راهم يخوفو ههه)

مرسى بن مهيدي (تضرب طلة على جيرانا المغاربة :d)

شلال الوريط

grand bassin

لالة ستي

قلعة المشور

اممم وتاني ذوق الحريرة التلمسانية بصح روح عند ذوي الاختصاص فيها متروحش عند اي واحد عاد يتعلم فيها تعاود تقولنا ماشي شابة ههههه






من فضلك بالصور لا قدرتي

هاني نستنى :up:
​

تنور اخي حمزة تلمسان كامل ترحب بيك​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

السلام عليك
مرحبا بالامورة
وعليكم السلآم اهلا بيك منمن
ناس مراهيش تجمل هنا ههه مخلونا والو
ههههه لازم تلحقي تورك راهم محلفين
الأسئلة
عدد محبب لك؟
11
من شاعرك الفمضل؟
احلام مستغانمي ، نزار قباني
آخر كتاب تم قراءته ؟
راني نقرا في كتاب .. لوعة الغاوية .. مزال ما كملتوش
الفصل المفضل؟

الربيع والصيف
البلد المفضل؟

الجزائر وطني وبعدها اسبانيا

شكرا اختي عالاسئلة الخفيفة
منورة :regards01:
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

السلام عليكم مساكم الله بالخير ، ياحصراااااه راني روطار و هذا كلو بسبت الريزو عندنا هاذو الايام ززززززفت.
وعليكم السلآم اخي ام لينة وصباح النوور
معليــــش كامل رانا نعانيو مع انفصالات الجزائر هادي بلادنا واش حا نديرو
وسعي خاطرك برك

فاتني بزاف أكيد واش نقلك اميرة راكي عقابها الله يبارك بلاك تفشلي في نص الطريق هههه ..للأسف انا مضطرة للغياب هذا الاسبوع عن الساحة اللماوية لظروف قاهرة ، اسمحيلي ختيتي كنت متمنية نشارك مع الاخوة و الاخوات ...
المهم معريفة خير ان شاء الله ايتها الطيبة و حظ سعيد .تحياتي الخالصة ليك و للاخوة و الاخوات الكرام.​

معليش تكفيني هاد الطلة البهية ديالك
هههه لا ان شا الله نوصل لخط النهاية
معليش ربي يكون معاك والله يسهلك زينة
وتحياتنا ليك يا طيبة سلميلنا على الامورة الصغيرة
:regards01:​

 

[ام اشراق]

رد: كـرسـي التعآرف { الضيـف السابع} AmiR@RoRo

السلام عليكم ورحمة الله وبركاته
نورتى كرسي الاعتراف يا سمو الاميرة
راك جايبتها ماشاء الله وحتى الاخوة والاخوات راه قايمين بالواجب معاك ربي يخليهم كاملين
درت جولة وقريت الاسئلة يعنى ماخلاو والوا:d
نبداو بالمطبخ
تساعدى الوالدة فى البيت
هل عندك اخوات بنات وكيف علاقتك بيهم
تقدرى توفقى بين دراستك والمنتدى و اشغال البيت
هل عندك حساب فى الفاسبوك
وهل عندك صديقات من الثناوية معاك فى المنتدى
رديتى على واحد السؤال قلتى
- عضو/ة تعلمتي منه الكثير ؟
نجيب وحكيم ونور
اذا كنت تقصدينى ممكن نعرف واش تعلمتى منى
هذه هى اسئلتى الان اذا كاش ماتفكرت نعاود نرجع اذا ساعدتنى النت راهى ثقيييلة
بالتوفيق ان شاء الله وربى يحقق جميع امانيك

 

[AmiR@RoRo]

رد: كـرسـي التعآرف { الضيـف السابع} AmiR@RoRo

السلام عليكم ورحمة الله وبركاته
نورتى كرسي الاعتراف يا سمو الاميرة
وعليكم السلآم والرحمة والاكرام
منور بوجودكم غاليتي الله يسلمك
راك جايبتها ماشاء الله وحتى الاخوة والاخوات راه قايمين بالواجب معاك ربي يخليهم كاملين
ايه صح ربي يبارك فيهم كامل
درت جولة وقريت الاسئلة يعنى ماخلاو والوا:d
هههه راهم محلفين
نبداو بالمطبخ
تساعدى الوالدة فى البيت
أكيـــد بحكم اني البنت الوحيدة
هل عندك اخوات بنات وكيف علاقتك بيهم
لآ غي انا بنت وحدة
تقدرى توفقى بين دراستك والمنتدى و اشغال البيت
بالطبع ، كل شي وعندو وقتو
بصح كي نكون عطلة نخدم مع ماما ونهار نكمله مع المنتدى
هل عندك حساب فى الفاسبوك
حاليا لآ
وهل عندك صديقات من الثناوية معاك فى المنتدى
لآ
رديتى على واحد السؤال قلتى
- عضو/ة تعلمتي منه الكثير ؟
نجيب وحكيم ونور
اذا كنت تقصدينى ممكن نعرف واش تعلمتى منى
صحيح ، نشوف خواطرك ونلقى فيك نوع من العزيمة ومرات حزن واحباط بصح تتغلبي عليهم
خاصة هاد الخاطرة عجبتني بزاف
كلمة محال لفظ عابر

وحتى من ردودك

هذه هى اسئلتى الان اذا كاش ماتفكرت نعاود نرجع اذا ساعدتنى النت راهى ثقيييلة
بالتوفيق ان شاء الله وربى يحقق جميع امانيك

مشكورة اختي نور عالاسئلة الظريفة
اللهم آمين ولك بالمثل اختي
نورتي ، ربي يحفظك :regards01:​

 

[سجل أنا جزائري]

رد: كـرسـي التعآرف { الضيـف السابع} AmiR@RoRo

يعطيك الصحة على صور تع أماكن تع تلمسان

أنا اني ان شاء الله ناوي نزور تلمسان هذي ليمات مع المدام ثاني :d

ثاني سقسيك هذو اماكن بعاد على لافيل تع تلمسان يعني قصدي نروحلهم طاكسي برك و كيفاش ؟

ممم كاين مطعام ملاح تكون مناسبة لزوجين جديدين ؟ :love01: ههه

 

[AmiR@RoRo]

رد: كـرسـي التعآرف { الضيـف السابع} AmiR@RoRo

يعطيك الصحة على صور تع أماكن تع تلمسان

أنا اني ان شاء الله ناوي نزور تلمسان هذي ليمات مع المدام ثاني :d

ان شا الله ومرحبا بيك في تلمسان تنور

ثاني سقسيك هذو اماكن بعاد على لافيل تع تلمسان يعني قصدي نروحلهم طاكسي برك و كيفاش ؟

كاين وكاين
مثلا المشور والاحياء العتيقة في قلب لافيل
لالة ستي تحب تروح بتيليفيريك ول بالطاكسي كما تحب
منصورة تاني تروح لها بالطاكسي وحد 10 دقايق طريق على لافيل
مغارات بني عاد تاني تروح بطاكسي شوي بعيدة
كاين بورساي على الحدود طبعا واحد ساعتين طريق في الطاكسي تاني
بصح ننصحك ما تراطي والو عمر جيبك و فحشش العروسة :d

ممم كاين مطعام ملاح تكون مناسبة لزوجين جديدين ؟ :love01: ههه
كاااااااين مطاعم بزااااااف شابين للعائلات و لي بيتزيريا... لي تحب مرحبا بيك وبصحتك ومبروك الزواج
بالرفاء و البنين ان شاء الله​

تنور تلمسان خويا ومرحبا بيك وبالمادام :regards01:
​

 

[نجيب]

رد: كـرسـي التعآرف { الضيـف السابع} AmiR@RoRo

جميلة و هي للجمال اسيرة

اسمها أميرة


جوهرة الاندلس و ابنة


الزيانين


حضارة و ثقافة هي


ملكة قلعة يغمرانس


صاحبة العزة و الكرامة


لا تسأل يا صديقي عن جمالها


و لا على طولها و قصرها


يكفيك فقط نسبها


بالله عليك يا صديقي


الا تعلم ان الحسن و الجمال


في تلمسان قد خلق


اسمها اميرة


تخطو بخطوات ثابتة بين لمتنا


تزين مواضيعك باحساسها الجميل


تواسيك و ان اشتدت الصعاب


فهي يا صديقي تبكي عليك


فبالله عليك لا تسأل عن جمالها


فهي زهرة نرجيسية


صاحبة الاخلاص و المبادئ


نشأت بين أزهار الجلاديلياس


تقدفنا بعطر شخصيتها و خفة ظلها


اسمها اميرة يا صديقي


تربت بين أحظان أجمل الملكات


على مبادئ الاسلام نشأت


اسمها اميرة يا صديقي


من عروس الجزائر خرجت


تنادي للسلام تنادي


و لصداقة دائما ما فرطت


ايا صديقي بالله عليك تمهل


فانت عن صاحبة الجود و الكرم


تسأل و لا تخجل


اسحب كلامك و فكر


و راجع حسابتك و لا تخجل


اسمها اميرة


هي القصيدة


و الشعر و الاغنية


هي زهرة نرجيسية


تقرأها بكل اللغات و لا تتعب


أعلمت الان عما أنت تسأل؟


اسمها أميرة يا أصدقائي


و هي للجمال أسيرة.



نجيب

كلما أردت الكتابة عن صديق يخونني هدا القلم مع علمه المسبق بانني احب كل اصدقائي

فياله من قلم خائن لا استطيع حتى محاربته فهو على اتفاق مع الكلمات الجميلة.

​

​

 

[Hakan]

رد: كـرسـي التعآرف { الضيـف السابع} AmiR@RoRo

جميلة و هي للجمال اسيرة




بالله عليك يا صديقي


الا تعلم ان الحسن و الجمال


​

​

هدي ياخويا نجيب غير اسمحلي فيهاااا
مالغري راني معاااك
مي الجماااال
عندهم لهيه من ورااء البحر
وفي الشااام
هنا في دزاير كااين الديباناااج برك
خخخخخخ
والقصيدة رائعة بصح علاش مادرتليش وحدة ة ولا كي عادت تلمسانية
ملا انا تاني نوجدلهاا قصيدة ان شاااء الله
الله يهنيك اميرة راني دخلت برك طلة خفيفة
راني مع العرضاات اليوم
نشوف كامل الاحباب و نرجعلك.​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

اهلآ بصاحب القلم الذهبي
كم انتظرت اطلالتك البهية
وها انت تطل بمفاجاة اخرى
كل هذا كان نتيجة خيانة قلمك لك فماذا لو لم يخنك واتفق معك ؟؟
والله انا من خانتني الكلمات لاعبر عن انبهاري بما كتبت
انا من خانتني الكلمات لاعبر عن شكري لك ولقلمك المبدع
قريب بكيت والله هههه
بوركت اخي نجيب .. ربي يحفظك ويخليك
رايحة نكتبها ونخليها ذكرى عندي فكراسي :d​

 

[اسماعيل22]

رد: كـرسـي التعآرف { الضيـف السابع} AmiR@RoRo

جميلة و هي للجمال اسيرة

اسمها أميرة


جوهرة الاندلس و ابنة


الزيانين


حضارة و ثقافة هي


ملكة قلعة يغمرانس


صاحبة العزة و الكرامة


لا تسأل يا صديقي عن جمالها


و لا على طولها و قصرها


يكفيك فقط نسبها


بالله عليك يا صديقي


الا تعلم ان الحسن و الجمال


في تلمسان قد خلق


اسمها اميرة


تخطو بخطوات ثابتة بين لمتنا


تزين مواضيعك باحساسها الجميل


تواسيك و ان اشتدت الصعاب


فهي يا صديقي تبكي عليك


فبالله عليك لا تسأل عن جمالها


فهي زهرة نرجيسية


صاحبة الاخلاص و المبادئ


نشأت بين أزهار الجلاديلياس


تقدفنا بعطر شخصيتها و خفة ظلها


اسمها اميرة يا صديقي


تربت بين أحظان أجمل الملكات


على مبادئ الاسلام نشأت


اسمها اميرة يا صديقي


من عروس الجزائر خرجت


تنادي للسلام تنادي


و لصداقة دائما ما فرطت


ايا صديقي بالله عليك تمهل


فانت عن صاحبة الجود و الكرم


تسأل و لا تخجل


اسحب كلامك و فكر


و راجع حسابتك و لا تخجل


اسمها اميرة


هي القصيدة


و الشعر و الاغنية


هي زهرة نرجيسية


تقرأها بكل اللغات و لا تتعب


أعلمت الان عما أنت تسأل؟


اسمها أميرة يا أصدقائي


و هي للجمال أسيرة.



نجيب

كلما أردت الكتابة عن صديق يخونني هدا القلم مع علمه المسبق بانني احب كل اصدقائي

فياله من قلم خائن لا استطيع حتى محاربته فهو على اتفاق مع الكلمات الجميلة.

​

​

سامحني يا صديقي لن أستطيع البدء في أسئلتي إلا بعد أن أمر على قصيدتك اليوم
قلت لك سابقا إني أصبحت حائرا عاجزا مما يأتي به قلمك الذهبي
كلمات روعة قمة في الأناقة واللباقة بوركت أخي على مشاركاتك المميزة دائما فضلك على اللمة عظيم ربي يكثر من أمثالك إن شاء الله

روروميرارورو نرجعلك درك ههه دوختينا بهاذ الإسم ههههه
صباح الخير عليك و على جميع أهل اللمة
نبدا مع أسئلتي المتواضعة مازال ماقريتشواش سألوك الأعضاء المهم إذا شفتي سؤال مكرر كتبيلي مكرر

من أقرب الناس إلى قلبك أمك أم أبوك ؟(يقولو البنت تقرب لبوها ههه هل تنكسر القاعدة معك)ههه؟

المستوى الدراسي؟ ومعدلك هذا الفصل ؟

هل انت من الناس اللي قلبها غيور(يعني متحبش واحد خير منها في كل المجالات دراسة ملابس إلخ....)؟

سبقلك و جيتي لبلعباس ؟ خصوصا يقرو معايا ناس من تلمسان يقولك سمعنا عليكم حاجة كبرنا عليها و كي جينا إكتشفنا العكس ،إذا إذا جيتي واش رايك في بلعباس وناسها؟

أميرة عندها رخصة السياقة ولا ناوية ديرها ولا خاطيها متحبش تسوق السيارة؟

صح فطوركم من بعد نزيد نخمملك في أسئلة أخرى​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

هدي ياخويا نجيب غير اسمحلي فيهاااا
مالغري راني معاااك
مي الجماااال
عندهم لهيه من ورااء البحر
وفي الشااام
هنا في دزاير كااين الديباناااج برك
خخخخخخ
والقصيدة رائعة بصح علاش مادرتليش وحدة ة ولا كي عادت تلمسانية
ملا انا تاني نوجدلهاا قصيدة ان شاااء الله
الله يهنيك اميرة راني دخلت برك طلة خفيفة
راني مع العرضاات اليوم
نشوف كامل الاحباب و نرجعلك.​

واش حكيم واقيلا الغيرة هدراتك :p

وعلى حساب الشوفة راك من النوع لي يديها بزااف فبنات الغرب وبنات لبلاد مامعمرينلوش عينو :smile02:

ادا كان هاك مالا حتى رندة لي كنت تتغنى بجالها وسحرها وجمال عيونها ماشي صح شابة ولا واش قلت ؟:p

سقسي على الزين التلمساني يقولولك عليه :regards02:

وربي يبارك فكامل حسناوات لبلاد لي نتا تعتبرهم ديباناج

امين ويهنيك نتا تاني

في انتظارك :regards01:
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

سامحني يا صديقي لن أستطيع البدء في أسئلتي إلا بعد أن أمر على قصيدتك اليوم
قلت لك سابقا إني أصبحت حائرا عاجزا مما يأتي به قلمك الذهبي
كلمات روعة قمة في الأناقة واللباقة بوركت أخي على مشاركاتك المميزة دائما فضلك على اللمة عظيم ربي يكثر من أمثالك إن شاء الله
ايه شفت صديقي والله مبدع تع صح
ربي يحفظو ويبارك فيه
روروميرارورو نرجعلك درك ههه دوختينا بهاذ الإسم ههههه
هههه كما قلت لرؤوف نقولكم كامل
قول ميرا تجيكم ساهلة :d
صباح الخير عليك و على جميع أهل اللمة
صباح النــــــــــــور
نبدا مع أسئلتي المتواضعة مازال ماقريتشواش سألوك الأعضاء المهم إذا شفتي سؤال مكرر كتبيلي مكرر
بسم الله واذا كان مكرر نعاود نجاوبك عليه نورمال منخليكش تفتش عليه بين الباجات هههه


من أقرب الناس إلى قلبك أمك أم أبوك ؟(يقولو البنت تقرب لبوها ههه هل تنكسر القاعدة معك)ههه؟
ههههه والله حقيقة هادي
وانا متنكسرش عندي هاد القاعدة :$
سبحان الله يمكن بالفطرة تميل البنت لابوها والابن لامو

معدلك هذا الفصل ؟
هاد الفصل كانو مع الاضرابات ايا نهار الثلاثاء كملنا امتحانات ومزال ما رجعولنا لحتى الفصل الثالث .. بصح الاول ديت 13 :down: مخدمتش
هل انت من الناس اللي قلبها غيور(يعني متحبش واحد خير منها في كل المجالات دراسة ملابس إلخ....)؟
لآ عادي
عندي غيرة بصح مش لي تحقد على الناس
يعني نغير من وحدة تقرا خير مني ندير هاد الشي فراسي ونسعى باش حتى انا نوصل ونكون احسن
اما اللبس عادي كما تقول ماما الوزين ميخدملكش غير ليك هههه

سبقلك و جيتي لبلعباس ؟
نفوتو عليها طريق برك يعني ما هبطناش
خصوصا يقرو معايا ناس من تلمسان يقولك سمعنا عليكم حاجة كبرنا عليها و كي جينا إكتشفنا العكس ،إذا إذا جيتي واش رايك في بلعباس وناسها؟
مالقري ما هبطناش وفتنا طريق برك بصح شابة عجبتني
ووعدني بابا باش نحوسوها غايا بصح مزال كل يوم يقولنا صحا ان شا الله ومزال مابان والو:down:
يظل يقولنا كاين بحيرة ولا نهر ولا منعرف يقولنا شباب وفيه قعدة تهبل (يغير فينا زعما :p)
وناسها ماتعاملتش معاهم
بصح من خلال العالم الافتراضي ناس ماشاء الله
وعلى حساب ما يحكيو فالمحيط ديالي ناسها ماشاء الله ناس كرم وملاح بزاف
أميرة عندها رخصة السياقة ولا ناوية ديرها ولا خاطيها متحبش تسوق السيارة؟

لآ مزال ماعنديش
بصح ناوية عليها الا كتب ربي
صح فطوركم من بعد نزيد نخمملك في أسئلة أخرى​

الله يسلمك وصحا فطورك مام نتا
تنور فاي وقت ، اهلا بك :regards02:
​

 

[نجيب]

رد: كـرسـي التعآرف { الضيـف السابع} AmiR@RoRo

اهلا بك أميرة

رؤوف راه يخدم و اسماعيل راه يقدم نشرة الاخبار هنا فاللمة ام منير راه مع المشكل نتاع التلاميد

يام ام منير كاد المعلم ان يكون قرصا مضغوطا.

أميرة و الله ما نعرف نطيب بصح رايح ندير مجهودي نتي زوقتيلي الصفحة بالماكلة الى ما عجباتكش كولي و سكتي.


درك نرجع و نجيب الاسئلة . والله كنت موجدلك اسئلة واش نقولك كنت جايبها من لالة ستي و جوزت على مليحة و زدت

شوية من المشور و سيدي بومدين بصح تراجعت عليها راني نخدم في اسئلة اخرى درك نجي
​

​

 

[أم منيــــــر]

رد: كـرسـي التعآرف { الضيـف السابع} AmiR@RoRo

ما شاء الله عليك يا نجيب
والله قصيدتك عجبتني بزاااااااف
بارك الله فيك و في اناملك :thumb_up02::regards01:

اما سي حكيم والله خلعتني هكدا بناتنا ديباناج ياك ايه الله يسامحك:down:
على بالك البنات كامل راهم مزعفين من كلامك
دور دور وتدي غي بنت بلادك ودرك تشوف:bravo01:
امورة زيري راسك ما زال الخير لقدام:love01:

​

 

[نجيب]

رد: كـرسـي التعآرف { الضيـف السابع} AmiR@RoRo

حالياً الأعضاء النشيطين الذين يشاهدون هذا الموضوع : 8 (4 عضو و 4 ضيف)
‏نجيب, ‏أم منيــــــر, ‏أبو عبد السميع, ‏سجل أنا جزائري



مرحبا ب الاسئلة ههههه​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

اهلا بك أميرة
مرحبا بيك نجيب
رؤوف راه يخدم و اسماعيل راه يقدم نشرة الاخبار هنا فاللمة ام منير راه مع المشكل نتاع التلاميد

يام ام منير كاد المعلم ان يكون قرصا مضغوطا.

ههههه كل واحد وراه شاد كوان يفرغ فيه
أميرة و الله ما نعرف نطيب بصح رايح ندير مجهودي نتي زوقتيلي الصفحة بالماكلة الى ما عجباتكش كولي و سكتي.

هههه الحق انا ذوقي فالماكلة شوي صعيب
بصح هات مانقولش لا ديجا راني جيعانة هههه
يعطيك الصحة :d
درك نرجع و نجيب الاسئلة . والله كنت موجدلك اسئلة واش نقولك كنت جايبها من لالة ستي و جوزت على مليحة و زدت

شوية من المشور و سيدي بومدين بصح تراجعت عليها راني نخدم في اسئلة اخرى درك نجي
​

​

لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ

انا اعترض مخاصنيش تغيير
خاصني هاد الاسئلة تاع من لالة ستي لحتى سيدي بومدين :d + واحدخرين لي راك حابهم
متخلينيش نندم لي قتلك
​

 

[نجيب]

رد: كـرسـي التعآرف { الضيـف السابع} AmiR@RoRo

اميرة واش رايك في عد المرأة؟؟

موقف صعب صرالك و متنسايهش؟؟

واش فطرت بكل صراحة؟؟


يا اخوانا اعطونا اسئلتكم او غضوا ابصاركم

غض البصر ههههه​

 

[نجيب]

رد: كـرسـي التعآرف { الضيـف السابع} AmiR@RoRo

أميرة و الله نسيت


واش رايك في تعدد الزوجات ؟؟؟

واش رايك في القانون نتاع المرأة تشوف فيها 6 اشهر حبس؟؟

السؤال لي محبيتش نطرحو هو كيفش تحبي يكون فارس احلامك مع العلم باقي غي الاحلام الفارس هرب ؟؟؟

اميرة كاين واحد المثل يقول كيما دير يديرولك حتى حنا درك نروحو نطلوا على المواضيع نتاعهم متخافيش.

درك نرجع و رؤوف راه قريب يلحق راه يوجد فالاحصائيات نتاع الانتخابات ههه قبل ما يخلاص وقت الانتخاب​