كـرسـي التعآرف { الضيـف السابع} AmiR@RoRo

[AmiR@RoRo]

رد: كـرسـي التعآرف { الضيـف السابع} AmiR@RoRo

السلام على الجميع و اهلا بالاخت ميرا على الكرسي

وعليك السلآم اختي اهلا بيك
الشعب راه سقساك كلش ما خلا والو
المهم هاكي شوي أسئلة طايشة ...بسم الله نبداو

امنيتك المستحيله...؟
نطيـــــــــر :d
كل_خميس_لازم‏ ؟؟
نســـــهـــــــــــــــــــــــــــر :d
لو تغير عليك شخص تفضلين العتب ام الصبر والصمت ..؟؟
نفضل الصمت والابتعاد
شيء تتمنين إتقانه؟‏
الطبخ
مقوله تمثلك ؟‏
من تواضع لله رفعه
شي تعودتي عليه ؟
اللمة وناسها
كلمه لصديق.....؟
ربي يكون فعونك ويفرج عليك
أسخف نكته سمعتيها او قريتيها في حياتك..؟؟
واحد تقلق مات -_-
رأيك في viola:d...........؟؟
محترمة طيبة خفيفة الظل .. تكره الماكلة تع الجامعة هههه
ربي يحفظك ويوفقك
بالتوفيق ..و كشما نلقا راني نولي :p

سلآآم


​

مشكورة غالتي نورتي
ادا كاش ما تفكرتي راني هنا
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

أختي ميرا
سؤال خفيف ظريف جاني في راسي لازم نسأل مادام قلتي إستفدت من نجيب

بعد هذه القصيدة لي كتبها و القصائد
هل تشوفي في نجيب قادر يكون شاعر كبير ؟
لأنه قادر من لقطة أو كلمة يعمل العجب فهل تؤيدين هذا الرأي؟

شكرا إلى حين :thumb_up02:​

1. أكيــد نجيب قادر يكون شاعر كبير
   تبارك الله عليه في ظرف زمني وجيز يحطلك قصيدة وقصيدة مشاء الله ماشي غي شكيل ولا
   نتمناله التوفيق ونتمنى انه ما يخليش هاد الموهبة تضيعله هكاك
   ربي يوفقه
   مشكور خويا اسماعيل سؤال :up:
   

 

[AmiR@RoRo]

رد: كـرسـي التعآرف { الضيـف السابع} AmiR@RoRo

آه فاتتني يا صديقي ،

روعة قلمك لخصت كل شيء
وكتعقيب ، أكيد خويا نجيب لازم نلتزمو بقيمنا الثابتة فهدفنا من الموضوع
سلوكي ثقافي وليس شخصي .. بارك الله فيكم

يعطيك الصحة نجيبوووووو لأنك نبهتنا

:regards01::regards01::regards01:
​

بون الجزء التاني من أسئلتي لأختنا ميرة

1. تعرفي تحكي شوية بلهجة الشرق ؟ العنابية والسوق اهراسية مثلا هههه
ههههه لا والو نعرف شوي سطافية
والفتها من السطايفية لي راهم عنا فتلمسان
راهم دايرين تجارة في تلمسان ماشاء الله عليم

2. هل الضيف القادم بدات ملامحو تبانلك ولا مخلية القرار لآخر يوم ؟
امم راهم فراسي بزاف بصح مزال ما قررت
3. نصيحتك اللي تقدميها لأخوك الكبير رؤوف ؟
هادي اول مرة واحد كبير عليا يطلب مني نصيحة
نقولك اتقي الله ورضي والديك وتهلا فالمرا لي تديها وربي ولادك احسن تربية ومتنساش تدخلهم للمة كي يكبرو هههه

4. مادام قلتي راني نخدم فالتحريات قررت نديرلك هدية لكن مانقولكش عليها
حتى آخر يوم في الكرسي هههههه
ههههه شوقتني .. ان شا الله
يعطيك الصحة
فهل انتي من النوع اللي يصبر ولا حب الاستطلاع يقربع في راسك ؟
لا نحب نصبر باش تكون مفاجاة مليحة
منحبش نخسرها
5. بصراحة كلمة في حق كل شخص من المذكورين
نجيب - سماعيل 22 - مينآت - حمزة - ساندريلا زماني - ام منير

:regards01:
​

نجيب : شاعر حساس يقدر الناس ويحترمهم ويبذل مجهود باش يفرحهم .. ربي يحفظه ويرزقه ببنت لحلال كما يحب قلبه
سماعيل : جاري النشيط ييهتم لقضايا الناس ويحب يساعدهم بصح ميعرفش يطوي حتى كوات هههه .. دار موضوع فاللمة بدل كلشي .. ربي يوفقه فقرايته وعقبال ما نفرحو بيه
مينات : انسانة ظريفة ومحبوبة ونشيطة وكل مرة تخرجلنا خرجة جديدة فاللمة..يعطيها الصحة ويكمللها في زواجها بالخير
حمزة:صاحب الذاكرة القوية الحمزاوية هههه متمني يزور تلمسان هو والزوجة ونقولوله مرحبا بيك وتنور تلمسان بجيتكم
ساندريلا : الطيبة الحنونة النشيطة .. نتمنالها حياة هنيئة وربي يرزقها بالذرية الصالحة
ام منير : الام الطيبة كما يقول معتز .. ربي هنيها ويوفقها
​

 

[@R@ZIK]

رد: كـرسـي التعآرف { الضيـف السابع} AmiR@RoRo

السلام عليكم​

أهلا بأميرتنا
ان شاء الله تكوني بخير
جيت روطار للموضوع الله غالب راني مريضة بانفلونزا وخفت نعديك
مي شفت الموضوع شارع شارع والأعضاء تهالاو فيك
مرحبا بيك ومبروك الاشراف
واشربي هذي باه ما نعديكش

​

ودوك نرجعلك بالأسئلة
وزيدي العصير

 

[AmiR@RoRo]

رد: كـرسـي التعآرف { الضيـف السابع} AmiR@RoRo

Princesa Es La Princesa
وَفَّقَكَ اللَّهُ لَمَّآ يَحْبُهُ وَيَرْضَآهُ
تَحِيَّةَ كبييييرة لَكَ
{ آحْتِرآمَآتِي }


​

اللهم آميــــن اخي مينو
تحية اكبر لشخصك الكريم
Gracias Senor
:regards01:
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

ماعرفتش واش نسال المهم
موقف ماتنسيش طؤل عمرك ؟
نهار جبنا الكبش وكي هبطوه من اللوطو هربلهم وبقاو كامل يجرو موراه وانا عند الباب طااااايحة بالضحك .. هذا لي راني متفكراتو درك
حاجة تكرهيها ؟
النفاق ، تعدد الوجوه
حاجة تحبيها ؟
الرقـــــــــــاد والسهر والنت :love01:
احسن صديقة تعرفتي عليها في اللمة ؟
كاين بزاف بصح لي اقرب ليا اكتر
ايمان

شكرا اختي عالاسئلة الخفيفة
ربي يوفقك
​

 

[نجيب]

رد: كـرسـي التعآرف { الضيـف السابع} AmiR@RoRo

حشمتيني يا اميرة بالاجوبة ههه


و الله درتي الروتار بزااف حتى رؤوف راح اسماعيل راه مع الاحوال الجوية.



ربي معاك لي جاي كثر ملي فات عليك​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

السلام عليكم​

أهلا بأميرتنا
ان شاء الله تكوني بخير
وعليكم السلآم
اهلا بيك اختي رزيقة كالعادة كي الخفاش تباني غي فالليل هههه
انا الحمد لله بخير
جيت روطار للموضوع الله غالب راني مريضة بانفلونزا وخفت نعديك
لباس عليك حبيبة و بالشفا عليك
مي شفت الموضوع شارع شارع والأعضاء تهالاو فيك
هههه وي تبارك الله عليك وصلني 65 اعجاب اغلبهم من عندك :sport02:
مرحبا بيك ومبروك الاشراف
ترحب بيك الجنة .. يبارك فيك اختي ولعقوبة ليك
واشربي هذي باه ما نعديكش

​

ودوك نرجعلك بالأسئلة
وزيدي العصير

يعطيك الصحة
هاتي اسئلتك راني درك ممنعة ضد الانفلونزا :d
والعصير جا فوقته باش ننشط روحي شوي :sport01:
في انتظارك
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

حشمتيني يا اميرة بالاجوبة ههه


و الله درتي الروتار بزااف حتى حكيم راح اسماعيل راه مع الاحوال الجوية.



ربي معاك لي جاي كثر ملي فات عليك​

هههه

ايه والله غي سمحولي فالاول كنت مع الماعن عاود تاني طولت باش رديت حكموني بالهدرة :d
معليش حكيم راه فاكونص
واسماعيل راه عين هنا وعين لهيه
هههه الله يجيب الخير
مزال واقفين :sport02:
الله يسلك ماتروحليش الكونيكسيون برك
مانيش متاكدة من التاريخ تاعها اذا غدوا تخلاص ولا لا
المهم اذا شفتوني مابنتش غدوا اعرفة بلي النت راحتلي
والسبت ان شا الله نكون هنا :d
​

 

[@R@ZIK]

رد: كـرسـي التعآرف { الضيـف السابع} AmiR@RoRo

أميرة شكون مَثلُك في الحياة؟
بلد زرتيه وعجبك وراكي حابة تولي ليه؟

عضو يعجبك توقيعه
لو طلبو منك تكتبي شعر في أحد الاعضاء شكون هو
ماذا تعني هذه الكلمات: الخيانة ، الانتقام، الصراحة
لو حصل معك موقف حزين هل تبكين أو تخفي دموعك
واش هو القاطو لي تحبي تصنعيه بزاف


لي عودة

​

 

[Ra Off]

رد: كـرسـي التعآرف { الضيـف السابع} AmiR@RoRo

حشمتيني يا اميرة بالاجوبة ههه
و الله درتي الروتار بزااف حتى رؤوف راح اسماعيل راه مع الاحوال الجوية.
ربي معاك لي جاي كثر ملي فات عليك​

راني غير هنا مممممممم رحت كملت وحد الخدمة برك ورجعت
هاكم تعرفو اللمة والليل والبيداء تعرفني
هههههههه​

هههه
المهم اذا شفتوني مابنتش غدوا اعرفة بلي النت راحتلي
والسبت ان شا الله نكون هنا :d
​

آأاااااااااااه منا للسبت ان شاء الله
رح تلقاي كداديس تع اسئلة غير ربي يوفق .. ههههه

وشكرااا على النصيحة اللي أكيد رح نعمل بيها
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

أميرة شكون مَثلُك في الحياة؟
بعد الرسول صلى الله عليه وسلم أمـــي
بلد زرتيه وعجبك وراكي حابة تولي ليه؟
صراحة مزال ماخرجتش خارج البلاد بصح متمنية نزور اسبانيا
عضو يعجبك توقيعه
اممم اسماعيل

نَـاسّْ ‫#‏بَكْـري‬ قَـالٌـوا ٌ :
.
‫كُلْشِِي‬ ٌ فِـيّ وَقْتُـوا ٌ ‫‏زِيـنّ‬ ٌ وَلِي ‫‏يَزّرَبْ‬ عْـلى خُـبْزتُـوا يَكُلهَا ‫‏عْجِِِينّ‬ ٌ
لو طلبو منك تكتبي شعر في أحد الاعضاء شكون هو
نكتب قصيدة ونجمع فيها كامل الاعضاء لي نحبهم ونعزهم مكانش عضو واحد برك
ماذا تعني هذه الكلمات: الخيانة ،
ورم خبيث
الانتقام،
لا فائدة منه وانما يزيد يعقد الامور
الصراحة ،
اساس لنجاح العلاقات وراحة للنفس

لو حصل معك موقف حزين هل تبكين أو تخفي دموعك
أبكي ، منقدرش نتحكم فدموعي
واش هو القاطو لي تحبي تصنعيه بزاف
العرايش


لي عودة

​

يعطيك الصحة اختي رزيقة
في انتظارك
​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

راني غير هنا مممممممم رحت كملت وحد الخدمة برك ورجعت
هاكم تعرفو اللمة والليل والبيداء تعرفني
هههههههه

ههههه يخوف هاد البيبي لي حطيته
اييه نعرفوك من خفافيش اللمة
​

آأاااااااااااه منا للسبت ان شاء الله
رح تلقاي كداديس تع اسئلة غير ربي يوفق .. ههههه

وشكرااا على النصيحة اللي أكيد رح نعمل بيها
​

ههههه صح حتى انا قلت شحال قدني نجاوب
ان شا الله ماتروحش غدوا
امين الله يجيب الخير

العفــــو :d
ونسيت حاجة تاني متنساش تجيو تحوسو تلمسان وراه نجيب يديكم للمرسى :d
​

 

[@R@ZIK]

رد: كـرسـي التعآرف { الضيـف السابع} AmiR@RoRo

هاني رجعت
امممم راكي جوبتي نعطيك 9.75 /10

زيدي هادو ونعطيك10/10


كيف تستغلين وقتك؟
آخر كتاب قرأته؟
لو تكلمنا عن القضية الفلسطينية ماذا تقول أميرة؟
أي فصل من الفصول تفضلينه؟
هل تطمحين لحفظ كتاب الله عزو جل كاملا؟
ماذا تفعلين في حالة الغضب الشديد؟


تحياتي​

 

[أم منيــــــر]

رد: كـرسـي التعآرف { الضيـف السابع} AmiR@RoRo

حالياً الأعضاء النشيطين الذين يشاهدون هذا الموضوع : 10 (4 عضو و 6 ضيف)
‏أم منيــــــر, ‏@R@ZIK, ‏مرام التيبازية, ‏نجيب
مرحبا بضيوفنا الكرام​

 

[نجيب]

رد: كـرسـي التعآرف { الضيـف السابع} AmiR@RoRo

رزيقة راهي مفرحتني فالاسئلة

ام منير وين راهي الاسئلة نتاعك نعرفك شاطرة و الاسئلة نتاعك تكون صعيبة

حاب نشوفها درك​

 

[أم منيــــــر]

رد: كـرسـي التعآرف { الضيـف السابع} AmiR@RoRo

رزيقة راهي مفرحتني فالاسئلة

ام منير وين راهي الاسئلة نتاعك نعرفك شاطرة و الاسئلة نتاعك تكون صعيبة

حاب نشوفها درك​

البركة فيكم راكم قايمين بالواجب و راني تاكلة عليك يا نجيب:p:up:​

 

[اسماعيل22]

رد: كـرسـي التعآرف { الضيـف السابع} AmiR@RoRo

غدا أجواء ممطرة مع رطوبة خفيفة الحرارة منخفضة و احتمال هبوب رياح جانبية غربية من تلمسان مرورا بسيدي بلعباس إلى أقصى الشرق
أما الجنوب قالك تقتلكم السخانة هههههههه
أهلا بع معركة طويلة مع الإنترنت راني جيت
جمعة مباركة أحبابي
ميرا تهلوا فيك خوتي هنا ولا والو؟ قوليلي لي ماياتهلاش فيك أختي نخرجله كارت أحمر ههههه
شكرا على الإطراء رغم قضية الكوات التي تظل تلقي بتبهديلاتها علي
سؤالي ليك
يقولو علينا حنا صحاب الغرب منرفزين ولي يخلط فينا متفراش معاه ههه؟ تعليقك وهل تشوفيها ميزة ولا عادة مش مليحة؟​

 

[AmiR@RoRo]

رد: كـرسـي التعآرف { الضيـف السابع} AmiR@RoRo

هاني رجعت
عودة ميمونة :d
امممم راكي جوبتي نعطيك 9.75 /10

زيدي هادو ونعطيك10/10
هههه صحا

كيف تستغلين وقتك؟
نقسم وقتي بين اشغال البيت والقراية والنت
ونهار مانكونش نقرا نكمل اشغال البيت ونبقا مع النت
آخر كتاب قرأته؟
راني نقرا في كتاب بصح مزال ما كملته
- لوعة الغاوية -
لو تكلمنا عن القضية الفلسطينية ماذا تقول أميرة؟
قضية الامة الاسلامية ووجع كل المسلمين
أي فصل من الفصول تفضلينه؟
الربيـــع ، الصيف
هل تطمحين لحفظ كتاب الله عزو جل كاملا؟
اكيد باذن الله
كنت قد بدات في حفظه لك تهاونت للاسف
ربي يهديني
ماذا تفعلين في حالة الغضب الشديد؟
نخرج جنوني فاي واحد قدامي
ومرات نطلع للسطح نقعد وحدي لتفادي اي حسائر مادية او بشرية ههههه

تحياتي​

يعطيك الصحة رزيقة
يا درا نستاهل 10 نورمالمو :d
​

 

[@R@ZIK]

رد: كـرسـي التعآرف { الضيـف السابع} AmiR@RoRo

رزيقة راهي مفرحتني فالاسئلة

ام منير وين راهي الاسئلة نتاعك نعرفك شاطرة و الاسئلة نتاعك تكون صعيبة

حاب نشوفها درك​

شكرا نجيب تلميذتك​