كـرسـي التعآرف { الضيـف الثــآمن} اسماعيل22

[AmiR@RoRo]

رد: كـرسـي التعآرف { الضيـف الثــآمن} اسماعيل22

الســلآم عليـــكُم
واش حوالكم
خويا اسماعيل ان شا الله بخير
شفت اسمي يدور هنا كنتو تمنشرو .. حلو عينيكم هههه
لبارح كنت غي نتبع فيكم الغاشي كان بزاف وما حبيتش نزيد خليت زعما حتى للسهرة بصح غلبني النعاس ورحت نرقد
المهم راهم تهلاو فيك الاعضاء من جيهة الاسئلة ومن جيهة القهاوي والحلوى الله يبارك
راك توزن 68 ما تجي تنوض من الكرسي حتى تولي حا 105 ولا 110 كيلو هههه

تأمن والله تلفتلي واش نسقسيك الشعب الاسئلة تع الدنيا كامل حطوهم هههه
راك قلت تحب الفاست فود مالا هاك هادو

بما انك من مشجعي الميرنغي .. كفاش كانت ردة فعلك كي شفت النتيجة نهار الكلاسيكو ؟

عندك جارة كما جارة نجيب ؟هههه

تخدم فالعطل ؟

كاش ما نتفكر راني نرجع ​

 

[اسماعيل22]

رد: كـرسـي التعآرف { الضيـف الثــآمن} اسماعيل22

أنا ما درت والو غير فطنتك من رقاد


ناس راهي تستنى فيك

​

ههه واه راني مريقلهم أ خويا
غير ميزعفوش علينا
ههههه صح نوضتني من الرقاد بارك الله فيك :p​

 

[اسماعيل22]

رد: كـرسـي التعآرف { الضيـف الثــآمن} اسماعيل22

الســلآم عليـــكُم
واش حوالكم
خويا اسماعيل ان شا الله بخير
ياودي رحمة ربي الحمد لله السوال عليك
شفت اسمي يدور هنا كنتو تمنشرو .. حلو عينيكم هههه
هههههههه لالا حاش يخاه قاتله تمنشروا شكون داا لي منشر فيك نعطيه كارت أحمر
لبارح كنت غي نتبع فيكم الغاشي كان بزاف وما حبيتش نزيد خليت زعما حتى للسهرة بصح غلبني النعاس ورحت نرقد
هههههه شكارة تاع رقاد غير كيما خوك منا ههههههه
المهم راهم تهلاو فيك الاعضاء من جيهة الاسئلة ومن جيهة القهاوي والحلوى الله يبارك
راك توزن 68 ما تجي تنوض من الكرسي حتى تولي حا 105 ولا 110 كيلو هههه
هههه ياودي راني ننقص دخلوهالي غير قهوة و قاطو مكانش لي تفكرني في فطور ولا عشا هههه

تأمن والله تلفتلي واش نسقسيك الشعب الاسئلة تع الدنيا كامل حطوهم هههه
راك قلت تحب الفاست فود مالا هاك هادو

واه حاجة خفيفة باه يبقى للعشا هههه
بما انك من مشجعي الميرنغي .. كفاش كانت ردة فعلك كي شفت النتيجة نهار الكلاسيكو ؟

انا نقولك فوز كان بين يدينا و ضاع كاين لاعبين أثبتو محدوديتهم لازملهم تغيير
هكذا و بهدلناكم في الكامب نو ..مباراة تكتيكية مكانش فيها نزاعة هجومية لي تعودنا عليها
عندك جارة كما جارة نجيب ؟هههه

ههه عندي جارة أكثر منها لازم كي تجي خارج من الدار تنحي صباطك وماديرش الحس قادر في أي لحظة تخرجلك
أنا شكيت اهي تبات عند العين تاع الباب
راني نكتب وخايف لا راهي تشوف فيا خخخخخخ
تخدم فالعطل ؟
ههه العطلة التحواس قليل وين تبانلي في خدمة
ديفوا نخدم بالتحواس كالمخيمات الصيفية نخدم كمنشط راني حواس ونلعب ونخلص هههه
كاش ما نتفكر راني نرجع ​

هههه مرحبا بيك ختيتو :bravo01:​

 

[@R@ZIK]

رد: كـرسـي التعآرف { الضيـف الثــآمن} اسماعيل22

صباح الخير عليكم


رزيقة هي لي فتحت الباب راهي ناشطة

واش مكان لا قهوة لا والوا راهي ناشفة​

شكرا نجيب
ماتخافش راني دايرة حساب قهوة العشية
درت غير هنا لقيت طابلة ماشاء الله
راكم كامل معروضين

بصحتنا


واسماعيل دوك نولي ليه
الكونيكسيون اليوم راهي مهبلتني

​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

يسمى فيك ريحة من تلمسان الله يبارك
شوقتني نروح للبحيرة
ماشاء الله على حساب اجوبتك قد الرجلة الله يكون في عونك وتحمل ثقل المسؤولية على يماك وتريحها
تحياتي الخالصة
​

 

[اسماعيل22]

رد: كـرسـي التعآرف { الضيـف الثــآمن} اسماعيل22

الله يجيب الخير برك ههههه
الحاجة المليحة إكتشفتها حد الآن أنه كاين ناس يحبوني ويهتموا بي كيما يلزم
ويحوسوا يتعرفوا عليا أكثر وأكثر والله مام أنا نحب نتعرف عليكم كامل خاطرش راكم حبابي و لي يفرحكم يفرحني و لي يضركم يضرني ​

 

[اسماعيل22]

رد: كـرسـي التعآرف { الضيـف الثــآمن} اسماعيل22

يسمى فيك ريحة من تلمسان الله يبارك
شوقتني نروح للبحيرة
ماشاء الله على حساب اجوبتك قد الرجلة الله يكون في عونك وتحمل ثقل المسؤولية على يماك وتريحها
تحياتي الخالصة
​

ههههه كيف لا و لقبي عماري نورمالمون معروفين في تلمسان على حساب واش قالولي
البحيرة تزداد جمال في الربيع والصيف

إن شاء الله كامل لي نديره على جالها وقليل
ربي يحفظها و يطول في عمرها
شكرا خالتي ماعلاباليش علاش كي نقرى أسئلتك نحشم هههههههه
بالرغم من سهولتها لكن إجاباتها صعبة
ربي يخليك ويحفظك​

 

[@R@ZIK]

رد: كـرسـي التعآرف { الضيـف الثــآمن} اسماعيل22

مساء الخير اسماعيل خويا​

لوكان يقولولك نتعتذر ما نكملوش القعدة على كرسي الاعتراف مدة أسبوع واش تقول​

واش هي الحاجة لي تقلقك بزاف​

​

نفرض راك قلقت يماك باه تراضيها​

انا قررت نجي للبحيرة شابة بزاف اما الغابة فيها لخرين هههه​

 

[نجيب]

رد: كـرسـي التعآرف { الضيـف الثــآمن} اسماعيل22

ام منير انا راني موالف نروح لبحيرة لاك بصح الغابة يا ام منير سلكتني غير 21 لوكان راكي شفتيني فالنهار ههه

بصح هد المرة راني رايح نتلاقو تما اسماعيل تما نديرو كرسي اعتراف نتاع بصح ههه

الاخت لي راه خاصها نجمة اي تهلا فيها اسماعيل راه خاصها غي نجمة وحدة

​

 

[اسماعيل22]

رد: كـرسـي التعآرف { الضيـف الثــآمن} اسماعيل22

مساء الخير اسماعيل خويا​

لوكان يقولولك نتعتذر ما نكملوش القعدة على كرسي الاعتراف مدة أسبوع واش تقول​

واش هي الحاجة لي تقلقك بزاف​

​

نفرض راك قلقت يماك باه تراضيها​

انا قررت نجي للبحيرة شابة بزاف اما الغابة فيها لخرين هههه​

مساء الفل يا أهلا و سهلا
السؤال الأول لوكان يقولولي نحبسو الكرسي اليوم نقولهم نحوه لي يحتاجني يعرف وين يلقاني :p
الحاجة لي تقلقني هي الكذب منحملهش

هههه كي تزغف مني نقولها أضربيني و متنايفينيش لا نايفتني نحس روحي خيال في الدار منقدرض نوض بلا منقولها صباح الخير ولا نخرج بلا منقولها راني خارج وإذا دخلت للدار منسقسيش وين راهي نحمل الموت ومنحملش زعافها
الكلام الحلو أبسط وسيلة لإرضاءها

هههه ماعليش البحيرة أفضل مرحبا بيك خيتو ربي يحفظك​

 

[mà_dikrà]

رد: كـرسـي التعآرف { الضيـف الثــآمن} اسماعيل22

اختي ذكر سقسي من لول تقاي اجابة
لوكان جيت في بلاست اسماعيل تخرفي ههههه

أولاً " ذكرى" ههه ~

واش نديرلو نجي نخمم يحبس مخي ع خاطر لي قبلي سقسوا /:
ههه
و آيآ بطلنآ تقرعيج :/

 

[Ra Off]

رد: كـرسـي التعآرف { الضيـف الثــآمن} اسماعيل22

مسااااااااء لخير سماعيلو ، مسا لخير حضرات المستشارين

راني غير نتبع ونتعرف على خويا من خلال الأسئلة والإجابات الرايعة
ربي يبارك آرقاز

عندي سؤال واحد سماعيلو
ماذا تعنيلك كلمة ( فرصة ) في الحياة ، وكيفاه تتعامل معها ؟؟


​

 

[نجيب]

رد: كـرسـي التعآرف { الضيـف الثــآمن} اسماعيل22

اسماعيل راني سرقتلك المسمن من قسم هدا لي قدامنا


استنا اميرة تجيبلك القهوة


و يرحم والديك فهمني واش صرا نهار لي احتفلنا بعيد المرأة و عيد الام الهدرة مزالها تابعتنا يا خويا


جواب و منبعد تجيك القهوة

​

 

[اسماعيل22]

رد: كـرسـي التعآرف { الضيـف الثــآمن} اسماعيل22

أسمحولي برك نتفرج الماتش ونجي نركز معاكم خاطرش نخاف نغلط ههه تباسوني ههههههههههه
مور الماتش نجاوبكم على كلش إن شاء الله لي عنده أسئلة يكتبها وغير نجي نجاوبكم و نتناقشوا في هذه الأسئلة
ربي يحفظكم
زهور تخدمي المسمن وما تجيبيليش حتى يوصل نجيب يسرق و يجيبلي راني زعفت منك ههههه​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

ههههه كيف لا و لقبي عماري نورمالمون معروفين في تلمسان على حساب واش قالولي
البحيرة تزداد جمال في الربيع والصيف

إن شاء الله كامل لي نديره على جالها وقليل
ربي يحفظها و يطول في عمرها
شكرا خالتي ماعلاباليش علاش كي نقرى أسئلتك نحشم هههههههه
بالرغم من سهولتها لكن إجاباتها صعبة
ربي يخليك ويحفظك​

امالا ماشي فيك ريحة برك انت اصلك من تلمسان الله يبارك
انا نهار شفت عماري قلت هذا من تلمسان وعاود قلت بالاك تشابه اسماء برك
هاد الخطرة نحمق راجلي حتى يديني نكتشف جمال لبحيرة
ربي يخليلك الوالدة ويفرحها بيك
الله يحفظك وينورك :regards01:
​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

ام منير انا راني موالف نروح لبحيرة لاك بصح الغابة يا ام منير سلكتني غير 21 لوكان راكي شفتيني فالنهار ههه

بصح هد المرة راني رايح نتلاقو تما اسماعيل تما نديرو كرسي اعتراف نتاع بصح ههه

الاخت لي راه خاصها نجمة اي تهلا فيها اسماعيل راه خاصها غي نجمة وحدة

​

ههههههههههههههه كامل هكدا الغابة تخوف ار 21 مسكينة متعددة الاستعمال سلكاتك من الحصلة مليح:p
ايا متنساش تجيبلنا صور من الغابة باش نكتشفوها هنا يلا عجبتنا نروحولها
صحيت على النصيحة نجيب:regards01:
​

 

[Hakan]

رد: كـرسـي التعآرف { الضيـف الثــآمن} اسماعيل22

ooooooo
المنتخب الجزائري وشوط اول سيء الجزائر تخسر1-0

ايا اسماعيل نسقسوك سؤال للمباراة ؟
شكون هو اللاعب اللي راهو خارج على معنى كرة القدم في المنتخب الجزائري؟
سؤال تاني
هل يمكن لقطر ان تنظم مونديال 2022 ؟​

 

[touta04]

رد: كـرسـي التعآرف { الضيـف الثــآمن} اسماعيل22

السلام على الجميع :regards01::regards01:

اهلا برئيس اللمة لهذا السبوع :graduation::graduation::regards01::regards01::regards01:

سؤالي ؟لو كنت رئيس الجزائر شكون اول وزير تنحيه من الوزارة؟؟؟؟؟

واش تقول في واقع البلاد؟؟ وش تتوقع يصرا بعد وفات رئيس :-o:-o الموت حق

كي تكون بدارك ان شاء الله قولنا اذا معجبتكش ماكلة تع الدار est ce que تقلبها عليها ولا تخرج تاكل برا :p:p؟؟قولنا وش تعمل بصراحة

هل اصحاب اسماعيل يمثلون شخصية اسماعيل؟؟ام صحاب و برك(يخي الكثل يقول قولي شكون صحبك نقولك شكون انت)

هل تثق بأن هناك اصدقاء اوفياء و تتاكل عليهم؟؟ام غير اصدقاء وقت و مصلحة؟؟

اللمة هل تستطيع تخلي عنها؟؟و متى؟؟؟

لو يوم تعمل دارك و زوجتك تكون غيارة زيادة ههه :d:d:d و ماتحبك تشارك في لمة وش تكون ردة فعلك؟؟؟:p:p:d:d:d

نتمنى تكون اسئلتي خفيفة :-r:-r:-r:-r:-r

بصحتك الماتش نتمنى تفوز باه تجينا بمورال افضل :d:d:d

سلام

 

[AmiR@RoRo]

رد: كـرسـي التعآرف { الضيـف الثــآمن} اسماعيل22

مساء الخيــــر عليـكُم

المسمن مقبيل راه يسنى

تنفيدا لطلب نجيب راني جبت أتاي مشي قهوة شفيتني دعزوك بالقهوة هههه

ليك ولكامل الحباب

​

 

[اسماعيل22]

رد: كـرسـي التعآرف { الضيـف الثــآمن} اسماعيل22

مسااااااااء لخير سماعيلو ، مسا لخير حضرات المستشارين

راني غير نتبع ونتعرف على خويا من خلال الأسئلة والإجابات الرايعة
ربي يبارك آرقاز

عندي سؤال واحد سماعيلو
ماذا تعنيلك كلمة ( فرصة ) في الحياة ، وكيفاه تتعامل معها ؟؟


​

أهلا بيك خويا رؤوف إسمحلي هذا وين لهيت
يبارك فيك خويا هوما تاني مقصروش في حقي هههه
الفرصة هي عبارة عن طلقة زناد إما تجيب أو تخيب لإما تكون قدها و إما تعميها
إذا أتتك فرصة فاغتنمها فلا تدري ماذا يوجد خلف تلك الفرصة
ولا تخطىء التصويب فيها فقد لا تكون لك مرة أخرى
صحيت على السؤال الرائع ​