كـرسـي التعآرف { الضيـف الثــآمن} اسماعيل22

[اسماعيل22]

رد: كـرسـي التعآرف { الضيـف الثــآمن} اسماعيل22

وعليكم السلام اهلا باخينا اسماعيل

أهلا أخي مرحبا بك
اسئلة للبراكة فقط هدا مافي الامر

بسم الله تفضل براحتك

1 - ماهي المفاهيم المغلطة التي تود تصحيحها لبعض الاعضاء ؟

سؤال في محله شفت كثير من الملاحظات
والأبرز اللي متداول هو المواضيع المنقولة ..بعض الأعضاء يظن راح كي ينقل موضوع ماكانش لي يفيق بيه ويحسب غلط الناس باش يقولوا مثقف
أنا نقول ماشي عيب كي تنقل موضوع لأني كإنسان لا أوحي من رأسي المواضيع بل إطلعت عليها في أماكن أخرى لكني أنقلها بأسلوبي الخاص أضيف إليها أفكاري لأجعلها حصرية بقلمي فلا تجد أوجه الشبه بينها و بين المواضيع الأخرى من حيث المضمون
والعيب الأكبر أنك تنقل موضوعا ولكن لا تفهم مغزاه وأنك تنقل حتى الردود من الموضوع الذي نقلته يعني لا صلة لك بمحتوى المكتوب

2-كلمة تساوي عندك دهبا ؟
هي جملة تقولها أمي لي كل صباح لما أخرج من البيت"الله يسهل يا ولدي ومتنساش تتوكل على ربي "

3-ماهي مشاريعك المستقبلية لتنشيط القسم الدي ستتولى الاشراف عليه ؟
لدي بعض الأفكار سأحاول تجسيدها فيما بعد لكن بمشاورة الزملاء المشرفين وهي قيد التطبيق إن شاء الله في غضون أيام

4-هل انت من محبي المطالعة ؟ ولمن تطالع و تقرا ؟
اختلف الحال معي من الثانوية ثم الجامعة
الآن أصبحت أركز على الكتب الدراسية لأن إختصاصي واسع المجال (إعلام آلي) ونظن الأخ فتحي أو master سيفهمان ما أقول
أما في الثانوية كنت أحب مطالعة كتب الفلسفة لأنها تعلمك كيف تفكر


5-هل تشعر بقصور المشرفين بالردود والمتابعة ؟

في بعض الأحيان نعم فقد تجد بعض المشرفين لا يلمون بشكل كامل حول القسم الذي يشرفون عليه وتجدهم أكثر بروزا في الأقسام الأخرى

6- كتبت موضوعا بذلت جهدا انفقت وقتا ايقنت ان الموضوع اصبح جاهزا للطرح والعرض قدمته توقعت زوار توقعت تفاعل موضوع هام انتظرت يوماً ويومين وثلاثة والنتيجة عشرة زوار او عشرون والردود لا أحد ما هو شعورك ؟

تتحسر لذلك بالطبع ولكن يوجد مواضيع لما أكتبها عندما أرى زوارا ولو لم يكتبوا ردا المهم أتيقن أن فكرتي وصلت فبعض المواضيع أكتبها لا يمكن أن يكون لها رد خاص رؤية أنه ألهم الجميع وقد تأنوا في قراءته ذاك هو

7-هل تشعر انك ستحدث تغييرا في القسم العام بعد الاشراف عليه؟

في الحقيقة متفائل لذلك لكن كل شيء يعود للأعضاء بهم يتغير للأحسن وبهم يتراجع للخلف

8-اكتب لنا بيتين شعريين تصف فيه منتدى اللمة ؟
ههه لست بارعا في الشعر
ولكن سأحاول يوما ما أن أكتب عنها شعرا لن ينساه أحد

ربي يوفقك ان شاء الله

أمين شكرا لإطلالتك الجميلة بارك الله فيك
السؤال الأخير كان صعب ههههه​

 

["viola"]

رد: كـرسـي التعآرف { الضيـف الثــآمن} اسماعيل22

السلام عليكم و رحمة الله و بركاته

اهلا بيك خويا اسماعيل في الكرسي

شوف ..اصبر شوي نروح نوجدلك قهيوة و طبسي أسئلة و نولي :d

وجد روحك

سلام​

 

[حلم ساندريلآ]

رد: كـرسـي التعآرف { الضيـف الثــآمن} اسماعيل22

السلآم عليك اسمآعيل
نبدا بالاسئلة مبآشرة

كم عمرك
اقل علآمة تحصلت عليهآ في درآستك
مآ هو طموحك في الحيآة
القسم الذي تحبه كثيرآ مآ هو
مآ شعورك بعد ان ترشحت للاشرآف
اعطي لنآ كلمة تصف فيهآ المنتدى
كيف تعرفت عن المنتدى
هل لديك أعضآء مشآركون في اللمة وهم يقربونك في الحقيقة ومن هم
اعلى علآمة تحصلت عليهآ في درآستك
ماهو شعورك الآن
كم حزب حافظ في القرآن
هل تصلي في المسجد كل الصلوات بانتظام
ماهي نسبة توآجدك في المنتدى
ماهي اكبر غلطة فعلتها في حيآتك
من بين كل الأعياد أي عيد تحب
هل تحب الدرآسة أم تكرههآ
كم أخ لديك
مآ هو الفصل الذي تحبه كثيرآ.

هذه هي اسئلتي وان شآء الله لي رجعة ان رضيت بذلك
اتمنى لك ضيآفة ممتعة.

 

[ام اشراق]

رد: كـرسـي التعآرف { الضيـف الثــآمن} اسماعيل22

السلام عليكم نورت اخى اسماعيل كرسى التعارف فاهلاوسهلا بيك
عندى بعض الاسئلةليك
شفت الاخ ابو ندى قالك
اكتب لنا ابيات شعرية فهل لك ميول ادبية
ومن هو الشاعر الذى يعجبك
وهل سبق وكانت عندك تجربة مع الشعر
هل عندك اخوات بنات كيف العلاقة بينكم
هل اسماعيل يدخن
سؤال نسيت ماسالتوش للاخوة قبلك عندك الكرطة الصفراء
ولا رك حاب تجوز لارمى
صراتلك ودخلت للكوزينة ولا جامى اذا نعم واش طيبت
هل تساعد والدتك فى البيت
عندك منتديات اخرين مشارك فيهم او لا
هل عندك رخصة سياقة وهل انت سائق ماهر
ان شاء الله مانكونش كثرت عليك هذى اسئلتى فى الوقت الحالى اذا كاش ماتفكرت نرجع
والله تشرفت كثير بمعرفتك
بالتوفيق ان شاء الله هنا فى المنتدىوفى حياتك العادية وربي يحقق كل امانيك
سلام

 

[اسماعيل22]

رد: كـرسـي التعآرف { الضيـف الثــآمن} اسماعيل22

السلام عليكم الشيخ اسمااعيل :
رايح ان شااء الله نكون في الموعد :

أهلا بيك السي حكيم ومرحبا بأسئلتك

قلت وحد الخطرة لما حطيت موضوع عن النت والعلاقات قلت انك كنت من بين ضحايا العلاقات نتاع النت ممكن توضحلي؟

قصدي أنا تاني دخلت في علاقة مع بنت في النت وتسكن بعيد وحسبناها راح طول لكن إختلاف الثقافات والأديان منعت هذا الشيء

ممكن سنك ومستواك التعليمي؟
21 سنة نقرا سنة ثالثة جامعي

هل انت رياضي بدنيا ولا غير رياضة العقل ؟

ههههه سبورتيف خويا أما هاذيك الفوتو كاتن في الشتاء وكنت متخبي من المطر عليها بنتلك قليل وكنت في حالة من حالات النرفزة شفت انت واحد في وسط الشتاء يهبط يجري للبحيرة ؟ + راك تشوف اللحية و كامل ههه غير هادي تبينلك شحال من حاجة


وين تسكن في بلعباس ولاية ولا دائرة؟
بلعباس القلب النابض تحديدا سيدي الجيلالي أجمل منطقة

هل تستمع للغناء واي نوعية تحبها؟

نسمع كلش غير الشرقي خاطيني ومن عشاق الراب طبعا

ناديك المفضل؟
ميرينغي (ريال مدريد)

لاعبك المفضل ؟

رونالدو الظاهرة (البرازيلي)

تشاهد الافلام او لا ...؟
هههههه هي تحبني

ماهي نوعياتها ؟
الأكشن والكوميديا و الخيال

هل احببت ؟
نعم

وهل فارقت ؟
لا
اذا نعم ما هو شعورك؟
///
هل تعمل ولا ؟
أحيانا كي الجيب يطيب ههه راك فاهم
سلاااااااااام نرجعلك ان شاااء الله..​

وعليكم السلام ورحمة الله وبركاته
مرحبا بيك ​

 

[اسماعيل22]

رد: كـرسـي التعآرف { الضيـف الثــآمن} اسماعيل22

السلام عليكم و رحمة الله و بركاته

مرحبا بيك اسماعيل منور الكرسي خويا
الله يسلمك أختي هاذي غيبة ماكيش تسقسي علينا هههه

حشمت على روحي مع الصباح نجيبلك أسئلة هيهيهيهيهيهيهي
ههههه ماعليش لي تجي من عندك مرحبا بيها


بصح معليش نبداو بسم الله

اسماعيل شا يبغي في الرياضات ؟
كنت نحبها كامل جاو أساتذة كرهوهالي كنت نحب المتتاليات و الأعداد المركبة


شاهي الرياضة الي تمارسها ؟
كرة القدم ، كمال الأجسام(بالرغم مشي معتابرينها رياضة بصح أنا عندي رياضة ههه)

أقرب عضو ليك في اللمة ؟
كاين لي نظل نقصر معاهم كيما نجيب و رؤوف أما صديق دربي هو أخي عادل

أقرب عضوة ؟ ؟
إنسانة عندها بزاف مدخلتش للمة هي أختي نقطة حبر



شكون تلاقيت من أعضاء اللمة ؟
مازال مكانش عدا عادل جاري بيناتنا حيط برك هههههه

هاد السؤال خاص غي انت الي تجاوب عليه


""سارة مازالت في بلعباس ولا رحلت ؟ اذا مازالت ثم بلغلها سلامي راحلي الـmsn القديم و انقطع بيناتنا الإتصال !""

ههه والله منكذب عليك بصح راني نشوف أختها في الجامعة إذا مازالو هنا (نبشرك أختها خطبوها هههههه)
هواياتك ؟
تنشيط مخيمات صيفية

​

أهلا بك أختي نورتي الموضوع بأسئلتك وإذا مازال عنك أبعثي هههه

 

[اسماعيل22]

رد: كـرسـي التعآرف { الضيـف الثــآمن} اسماعيل22

صباح النور عليكم جميعا


و الله العظيم الاعضاء راهم مفرحيني فيك و نشكرهم بزااااااااااف راني جيتك​

ههه أهلا خويا نجيب راك نورت الموضوع أسمحلي هذا وين جين من ماتش تاع بالون إن شاء الله مطولتش عليكم
راني نستنى الأسئلة تاعك أنت و أميرة و رؤوف الله يجيب الخير ههههه​

 

[Oussama.GF]

رد: كـرسـي التعآرف { الضيـف الثــآمن} اسماعيل22

باغي نسقسيك نتا في اي نيفوا من دراستك

 

[اسماعيل22]

رد: كـرسـي التعآرف { الضيـف الثــآمن} اسماعيل22

السلام عليك
مرحبا بالأخ في الضيافة
أهلا بيك أختي

شعارك في الحياة ؟
when you want to give up remmeber why you started
الترجمة: عندما تريد الإستسلام تذكر لماذا بدأت


منظارك للحياة؟ منظار اسود ابيض او مختلط؟

مختلط كيما تلقى الأشياء المليحة تلقى الأشياء مش مليحة

شكرا على الأسئلة الخفيفة ههه هادو هوما لي نحبهم ههههه
إذا فيه أسئلة أخرى تفضلي​

 

[Oussama.GF]

رد: كـرسـي التعآرف { الضيـف الثــآمن} اسماعيل22

شحال عمرك ?
متوج ولا لا?
عندك دار ?
عنك وضيفة ?
متخرج من جامعة ?

 

[اسماعيل22]

رد: كـرسـي التعآرف { الضيـف الثــآمن} اسماعيل22

راني شديتك يااسماعيل بعد تفتيش دقيق هههههه
لجميع بيانات اتصالك لقيت هادا الفوطو
الله يبارك بصح اك ناقص في الميزان اجري على روحك
واقبل طلب الصدااقة اللي بعثتولك ههههه
hakim vét
متشرفين...

​

هههه صاحبي ناس تخير صورة بالكوستيم والله الله وانت جبتني ب سيرفات لي نجري بيها
ماعليش الراجل مايتعيبش
البنات الصورة خطر على قلوبكم الضعيفة هههههه

إن شاء الله .. زيد شوف بالاك تلقى صورة بفوطة تاع حمام هههههه​

 

["viola"]

رد: كـرسـي التعآرف { الضيـف الثــآمن} اسماعيل22

و اخيرا جيت

القهوة سخنتها 3 خطرات و تبرد

المهم هاك اسقهوى ضرك يلحق الطبسي اللي قتلك عليه:p

 

[{مُدَلَّلَتُهُ}]

رد: كـرسـي التعآرف { الضيـف الثــآمن} اسماعيل22

السلام عليكم

كنت نحبها كامل جاو أساتذة كرهوهالي كنت نحب المتتاليات و الأعداد المركبة

يعطيك النو أ سماعيل قلتلك رياضات قلتلي المتتاليات -_- يااو الرياضات مشي الرياضيات :p

مشي مارانيش نسقسي .. حتى انا مانيش ندخل بزاف حسنة في 100 سنة الله غالب بصح كي ندخل نشوف غي مشاركاتكم نعرفكم راكم غايا :$

ههه والله منكذب عليك بصح راني نشوف أختها في الجامعة إذا مازالو هنا (نبشرك أختها خطبوها هههههه)

امم مبروك عليها ربي يكمللها ان شا الله !

بالاك نضرب دورة شوية هاكا :sport01: وجد روحك
​

 

[اسماعيل22]

رد: كـرسـي التعآرف { الضيـف الثــآمن} اسماعيل22

سلام عليك اخي اسماعيل مرحبا بيك

وعليكم السلام ورحمة الله أهلا بيك أختي
الاسالة ......

1 الماكلة المفضلة ؟

ناكل كلش أخطيني من المرقة جلبان هههه

2 اللون المفضل ؟
الأزرق بكل أنواعه

3حاجة عزيزة عليك ؟
لا قصدك أشياء ماعنديش حاجة بالذات

4 حاجة تحبها ؟
الصدق والوفاء

5 حاجة تكرهها ؟
الخيانة والنفاق

ا6 موقف صرالك ما تنساش طول حياتك ؟
نهار غدرو بيا حبابي و وقفوا معايا الناس لي منعرفهمش

7 احسن صديق تعرفت عليه هنا في اللمة ؟
صديقي و درب حياتي كيما قلت راهو عادل
أما صديق اللمة منقدرش نفضل واحد على واحد كاين نجيب و رؤوف كيما قلت من قبل


8 شحال ساعة وانت في النت بصيفة عامة ؟
والله منكذب عليك كل مرة و كيفاه كيما قادر تلقيني كامل النهار كيما قادر تشوفيني غير فالليل على حساب الظروف

أهلا بك سعدت بالإجابة على أسئلتك​

 

[Hakan]

رد: كـرسـي التعآرف { الضيـف الثــآمن} اسماعيل22

هههه صاحبي ناس تخير صورة بالكوستيم والله الله وانت جبتني ب سيرفات لي نجري بيها
ماعليش الراجل مايتعيبش
البنات الصورة خطر على قلوبكم الضعيفة هههههه

إن شاء الله .. زيد شوف بالاك تلقى صورة بفوطة تاع حمام هههههه​

ههههههههههههههههههههههههههههههههه
يا خويا زعما هادي غابتلي حوست حوست مي وجهك باين ف هاد الفوطو
ربي يخليك ان شااء الله
ضحكتني .....[/​

B]

 

[اسماعيل22]

رد: كـرسـي التعآرف { الضيـف الثــآمن} اسماعيل22

صباح الخيـــر عليكم
زعما نضت بكري ودرنا ميناج ووجيت قلت مزيا يكونو عاد مجاوش كامل الاعضاء

واش داخلة حالفة فيا هههههههههه غير بالشويا عليك خخخخخ
انا دخلت حتى نلقى الموضوع دخاخن تطاير فكل جيهة .. ومن كل جيهة طايحة قنبلة
وانا حاسبة روحي راني جاية انا لولا ههههه
يعطيكم الصحة راكم هلكتوه هههه

يا ودي قطعو مني اللحم هكا ومازالني قادر على شقايا هههه
اسماعيل درك نقلشوك راك عاد فالساعات الاولى هاك اشرب باش دير شوي اينارجي وتقدر ترد عليهم كاامل

ههههه كثريلي من هاذا باين بنين
عندي لدرك غي سؤال واحد من بعد راني نجيك بالمتفجرات هههه
يا لطيف الله يستر برك
جاوبني بصراحة راني حاسة بلي ظلمتك كي حطيتك اليوم وزيد حرضتهم باش يقتلوك بالاسئلة
تع صح ظلمتك ولا راني غالطة ؟ هههههه
هههههه لالا نورمال لي يعجبني نجاوب ولي مايعجبنيش منجاوبش هههههه
​

أ راني نستنا الأسئلة الموقوتة ههههه أكي ​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

حالياً الأعضاء النشيطين الذين يشاهدون هذا الموضوع : 16 (7 عضو و 9 ضيف) ‏أم منيــــــر, ‏"Màrià", ‏"viola", ‏مرام التيبازية, ‏نجيب, ‏اسماعيل22, ‏hakim story

 

["viola"]

رد: كـرسـي التعآرف { الضيـف الثــآمن} اسماعيل22

ايا هاك بصحتك:d



*‏هل تهمك نظرة الناس لك ؟

*من هم الأناس الذين تقضي معظم وقتك معهم؟

*كم مرة تضغط على زر الغفوة في المنبه قبل أن تستيقظ؟

*نقد الذّات محطمًا لكَ ام دافعًا لك للأمَام.. ؟

*ايهما اصعب: ان تكره انسان قد احببته ام تحب انسان قد كرهته؟؟

‏*ضع صورة للممثل المفضل لديك.

*هل اسماعيل متفائل او متشائم؟

*كلمة تستعملها دائما؟

*كارتون اتحبو للآن؟

*اسم صديق الطفوله ؟

*ما هواكتر شي ممكن ينرفزك؟

*نسبه نجاح الصداقه بين البنت والولد؟؟

*ما اليوم الذي له ذكرى خاصة في حياتك؟

*إذا كان بامكانك أن تكون شخصاً آخراً لمدة يوم واحد، فمن ستكون؟

يتبع.........:p

​

 

[نجيب]

رد: كـرسـي التعآرف { الضيـف الثــآمن} اسماعيل22

اسماعيل راك عجبني فالاجوبة


بصح مزال هدا النهار الاول برك مزال باقي الايام بزاااف

​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

هههه صاحبي ناس تخير صورة بالكوستيم والله الله وانت جبتني ب سيرفات لي نجري بيها
ماعليش الراجل مايتعيبش
البنات الصورة خطر على قلوبكم الضعيفة هههههه

إن شاء الله .. زيد شوف بالاك تلقى صورة بفوطة تاع حمام هههههه​

ههههه الله يعطيك النًّو تصب عليك ضحكتني
يسمى راك تبعد في العين على روحك
مين هاد الصورة ماشي مليحة امالا كتكون مستيكي وضارب الحطة كفاش تكون :p:p
خموس على ولدي ربي يحفظو من العين
​