كـرسـي التعآرف { الضيـف الثــآمن} اسماعيل22

[اسماعيل22]

رد: كـرسـي التعآرف { الضيـف الثــآمن} اسماعيل22

ايآ رآني رجعت ومعي اسئلة اخرى

أهلا هلا بالبركة ههه
ماذا يمثل الرقم ٢٢ في اسمك
هههه ماتريكيل تاع بلعباس 22
مآ رأيك في المنتدى حآليا وماذا ينقصه في رأيك
منتدى بدا ينشط الحمد لله لكن خصه تفاعل الأعضاء بأقلامهم الخاصة كثر الكوبي كولي
سؤآل لآ تحب أن يطرحوه عليك
إسم الوالدة والأخت ههه التوسويس خخخخخ
أجمل موضوع قرأته
عجبني الموضوع تاع رؤوف اليوم قررت نربي بومة هههه
مآ هي أكلتك المفضلة
معنديش إختيار محدد لكن تقدري تقولي الحوت من صغري نبغيه
مآ هي نسبة حبك للمة
100% :thumb_up02:
هل عندك حسآب فيسبوك
نعم عندي حساب في الفيسبوك تلقيه في البيانات الشخصية هههه
هل تحب التصميم
بطبيعة الحال لكني لست بمصمم بارع يعني غير نخلط برك ههه
من هو العضو الذي تريد رؤيته أمامك
رؤوف و نجيب
صفة تكرهها كثيرا
الكذب والنفاق
مآهي السن الأنسب للزواج في رأيك
25 أو 26 سنة مليحة بصح الظروف درك راهي تحتم أكثر
كم طولك وكم وزنك
الطول 175
الوزن 68
هل أعدت سنة في درآستك
نونو كنت نباسي من الفصل الثاني ههه
من أسمآك اسمآعيل
الأب
ان قآلو لك غير اسمك مآ هو الاسم الذي ستختآره
نحب إسمي كيما هو هههه لكن إن كان إضطرار أسامة لأن أمي تحب هذا الإسم
مآ نسبة التنبيهآت (الإشعارات) يوميآ في المنتدى

ههه كيما اليوم لحقت فايت 200 تنبيه ههههه
ايا مع السلآمة..

ترجعي بالسلامة أختي
أسعدتني أسئلتك​

 

[BLEU PEARL]

رد: كـرسـي التعآرف { الضيـف الثــآمن} اسماعيل22

خويا اسماعيل راهم يخمو فيك وديفونداو قالولي بزاف عليه مسكين
والله عندك صحبة رائعة ربي يدوم ويخليلك خونا حكيم
نتمنى نكون ماقسيتش عليك بويسك فرغت زعافي لي ماشاركتش في الأعضاء الأخرين ههههه
غيرلا نضت من الكرسي وفيك رطل ههههه
نورمالمو تسموه كرسي العذاب ولاواش قالو؟؟ههههههههه
تحياتي لكم​

 

[اسماعيل22]

رد: كـرسـي التعآرف { الضيـف الثــآمن} اسماعيل22

السلام عليكم وعودة من جديد خويا اسماعيل ماكنتش معولة نولي لكن كي حلفتلي وقلتلي أرواحي حشمت نردك ههههههه
ههههههههههه راني خايف كامل حلفتلهم ماشي غير أنت ههه
أولا بارك الله فيك على صراحتك معايا
وفيك بركة
قتلي النية بزاف مش مليحة وصح سببتلي مشاكل
أين وكيف لمحت في هذه الصفة ممكن؟؟
أقرب الناس إلي كان نية وصراوله بزاف مشاكل من هذا الطبيعة
لكن الحيلة تان واعرة ولا واش قلت؟
كاينة حاجة كون نية مع اللي نية و كون حيلي مع اللي حيلي هكذا تتقي شره
نقولو راك درت الدار والحمد لله والزوجة خدامة جيت مرة ومالقيتش الفطور ولقيتها راقدة وأنت ميت للشر واش تدير؟
لا كان على نهار واحد نورمال إذا كل يوم تروح لدارهم هههههه أنا كرشي عزيزة هههه
مرة أخرى كان عندك لقاء هام ووصيتها تغسلك الكوستيم والحوايج وماعندكش واش تلبس وكي نضت لقيتهم مازالو فالسلة واللقاء بعد ساعة ماهي ردة فعلك؟
هذي في الدار درك راني عايشها ههه ما بالك بالزوجة
هي الغلطة فيا لأني نلبس و نحط منقدرش نبقى بلبسة واحدة أكثر من يومين
ندير كيما تقول ماماتي "اللي يبغيك يبغيك ب ...... ههه كمليها انت "
الموقف الثالث مرة دخلت للبيت ولقيت زوجتك تقرأ في رسالة وتبكي وكي شفت لقيتها من حبيب سابق أيام الصغر ماذا ستفعل؟
نو هاذي متصراش هنا الحرب تنوض والقيامة ووووو هههههههه
لوكان يجيك طفل واش تسميه؟
ممممم ربما إبراهيم
لوكان تجيك طفلة واش تسميها؟
رباب (السحابة البيضاء)
لوكان يقولك نجيب سمي ولدك عليا ديرها؟والزوجة تقولك نسميه حاجة أخرى...
هههههه قنابل نووية
باينة بلي الأولوية لزوجة هههه تقولك يا نسميه هكذا سينون منولدش هههه
ذرك زعماكنت تسوق فالبليدة وقستك بالطونوبيل واش تتصرف؟بلا ماتعرف بلي أنا
راكي تلعبي في ستادكم ههه ما عندي ما ندير نقولك الأوراق تاع السيارة هذا واش نقولك ههه
وبعد ماتعرف بلي أنا أختك اللماوية؟؟ههههههه
أه هنا تولي في تخلصي عليا فطور باه منزعفش و تحوسي بيا في البلاصة لي تبانلك شابة في البليدة
أكتفي بهذا القدر
إذا عرضتني نولي هيهيهيهيهيه
ربي يحققلك ماتبغي خويا​

هههه أمين أختي
أهلا بيك بلا منحلفلك الدار دارك ههههههه​

 

[اسماعيل22]

رد: كـرسـي التعآرف { الضيـف الثــآمن} اسماعيل22

خويا اسماعيل علاه مرديتش على الأسئلة نتاوعي
راني رديت ديري النواظر هههه
https://www.4algeria.com/forum/t/422556-3/

هذو اسءلة اخرى

هل ترضى مشاركة البنات في المنتديات؟
أنا بالنسبة ليا المنتدى كاللمة نقول واه مافيه حتى مشكل
ما تعليقك في مزاحمة المرأة للرجل في المهن خاصة كشرطة و الجمارك و غيرها ؟

ههههه ياو مخليتولنا والو هههههه
أنا بالنسبة ليا المرأة مكانها ليس الشرطة والجمارك لأني شفت العجب فيهم حشومة كبيرة
مانيش حاب نعمم لكن الأغلبية لي في هاد المجال :down: (والفاهم يفهم)
ركي عاجبتني أسئلة حبة زوج خفاف كي شغل fast food
هههه لخرين تحسبي كوميسار التحقيق
​

​

 

[knadja]

رد: كـرسـي التعآرف { الضيـف الثــآمن} اسماعيل22

دوك يبداو الاسئلة

 

[اسماعيل22]

رد: كـرسـي التعآرف { الضيـف الثــآمن} اسماعيل22

خويا اسماعيل راهم يخمو فيك وديفونداو قالولي بزاف عليه مسكين
والله عندك صحبة رائعة ربي يدوم ويخليلك خونا حكيم
نتمنى نكون ماقسيتش عليك بويسك فرغت زعافي لي ماشاركتش في الأعضاء الأخرين ههههه
غيرلا نضت من الكرسي وفيك رطل ههههه
نورمالمو تسموه كرسي العذاب ولاواش قالو؟؟ههههههههه
تحياتي لكم​

ههه يا ودي هادوك دوك يطيحو عليا في الليل ههه راني نعرفهم مليح خخخخخ
نونو مرحبا بيك و بأسئلتك
صح كرسي العذاب ههههه
شكرا لك وبارك الله فيك​

 

[@R@ZIK]

رد: كـرسـي التعآرف { الضيـف الثــآمن} اسماعيل22

السلام عليكم ورحمة الله تعالى وركاته
نرحبو بخونا اسماعيل وان شاء الله نكون خفاف عليه
اليوم الاول والصواريخ راهي طول
الله يجعل خير
اسماعيل الاسئلة يجوك غير في الليل ويا درى الأجوبة كيفاه
أصعب موقف صرالك في حياتك وما قدرتش تنساه
هل تؤمن بالمثل بعيد عن العين بعيد عن القلب
ما تعني لك هذه الكلمات
الصداقة، الحب، الخيانة، النسيان
لو اعطوك المصباح السحري وطلب منك اختيار أمنيو واحدة فقط ماذا تختار
في ميزك شكون هو الوفي البنت ولا الشاب

نخليك تخمم نضرب دارة ونرجع
تحياتي​

 

[Hakan]

رد: كـرسـي التعآرف { الضيـف الثــآمن} اسماعيل22

لوكان يقولك نجيب سمي ولدك عليا ديرها؟والزوجة تقولك نسميه حاجة أخرى...
هههههه قنابل نووية
باينة بلي الأولوية لزوجة هههه تقولك يا نسميه هكذا سينون منولدش هههه
....
..


.
.
.


انا نقلك هنا طيحتني الارض من الضحك هههههههههههه
والله روعة الاجااابة.​

 

[BLEU PEARL]

رد: كـرسـي التعآرف { الضيـف الثــآمن} اسماعيل22

ربي يعاونك خويا مادام نجيب وحكيم ورؤوف مازال مابداوش المعركة مازال مابداتش أسئلتنا كي شغل محارق برك ههههه
رفعت راية الأسئلة سأكون في المتابعة ان شاء الله
ربي يسهلك خويا​

 

[نجيب]

رد: كـرسـي التعآرف { الضيـف الثــآمن} اسماعيل22

لوكان يقولك نجيب سمي ولدك عليا ديرها؟والزوجة تقولك نسميه حاجة أخرى...
هههههه قنابل نووية
باينة بلي الأولوية لزوجة هههه تقولك يا نسميه هكذا سينون منولدش هههه
....
..


.
.
.


انا نقلك هنا طيحتني الارض من الضحك هههههههههههه
والله روعة الاجااابة.​

هي صح الاجابة تضحك بزااااف:d

بصح الاجابة لي بكتني بالضحك هي

إن شاء الله .. زيد شوف بالاك تلقى صورة بفوطة تاع حمام هههههه:bravo01:



حبيبنا يجاوب و يضحكنا
​

​

 

[اسماعيل22]

رد: كـرسـي التعآرف { الضيـف الثــآمن} اسماعيل22

دوك يبداو الاسئلة

هههه راهم بداو
راني نستنى أسئلتك أكي خيتو​

 

["viola"]

رد: كـرسـي التعآرف { الضيـف الثــآمن} اسماعيل22

عدنا:d

*ما الشيء الذي يفزعك؟

*عندما يكون عمرك 90 عاماً .. ما أكثر شيء سيهمك ؟

*إذا كنت ستختار لحظة تاريخية كنت تتمنى أن تكون شاهداً عليها، فأي لحظة ستختار؟

*ما هو الخطأ الذي تكرره باستمرار؟

*ما أفضل نصيحة تلقيتها في حياتك؟

*ما هو الشيء الذي تمنيت الحصول عليه دائماً في طفولتك ولم تحصل عليه أبداً؟

*ما هي نقاط ضعفك؟

...........................

خلينا من السيريو ضرك:d

*اسماعيل كي ينوض الصباح ينوض مشنف و لا يتبسم ؟

*تشخر في الليل و لا لا:p

*كي تزعف واش ادير؟

*كي تغير واش ادير؟

*كي تفرح واش ادير؟

*اجيح إشهار شفتو فاليتيمة:p(اجيح من الجياح زعما)

*رقدت في القسم كي كنت تقرا و لا لالا

*طريحة ديتها من عند الوالد..ويكتا و علاه و كيفاه كانت ردة فعلك:d

*نكتة متضحكش خخخخ

يتبع.............................:thumb_up02:​

 

[اسماعيل22]

رد: كـرسـي التعآرف { الضيـف الثــآمن} اسماعيل22

لوكان يقولك نجيب سمي ولدك عليا ديرها؟والزوجة تقولك نسميه حاجة أخرى...
هههههه قنابل نووية
باينة بلي الأولوية لزوجة هههه تقولك يا نسميه هكذا سينون منولدش هههه
....
..


.
.
.


انا نقلك هنا طيحتني الارض من الضحك هههههههههههه
والله روعة الاجااابة.​

ههههه هكذا و إسم نجيب عزيز عليا ويا ريت إبني يكون إسمه نجيب إسم رائع
أنا قلت هاك خوفا من السجن راك عارف قانون المرأة الجديد
دابز المرأة على حاجة تضربها تجيبك في الحبس
15 عام تروحلك على واش تسمي ولدك ههه
الله يدوم الضحكة
​

 

[{مُدَلَّلَتُهُ}]

رد: كـرسـي التعآرف { الضيـف الثــآمن} اسماعيل22

سلآمو

اسماعيل راني نشوف فيك عندك عقدة من الكوبي كولي راه يقولي راسي نروح نكوبي كاش أسئلة يخرجولك الـgـرون بالاك تروحلك العقدة :d

احم نبداو 'هادو من عندي ما جبت من حتى بلاصة ما تقولش عليا نقالة "

زرت كاش ما نهار إقامة جامعية ولا مازال ؟ اذا واه شا رايك فيها هيهيهي ؟
'ما نعرف مين جاني هاد السؤال بالاك من ميزيرية لاسيتي "'

وينها مرحلة في حياتك الي حسيت روحك بعدت على طريق الصواب ؟

الغلطة الي درتها و ندمت عليها ؟

كاين واحد غلط معاك و ما تسمحلوش ولا ماكانش ؟

شكون أول شخص تخمم تروح عنده نهار تدير كاش مصيبة ؟

أجمل منطقة زرتها ؟

منطقة باغي تزورها داخل الجزائر ؟

و خارج الجزائر ؟

انت من العباد المتهورين ولا تخمم قبل ما تدير كاش حاجة ؟

احكيلنا موقف محرج انحطيت فيه ؟

بزاف عليك واقيلا !

راجعتلك ان شا الله بلا ما تحلف عليا :d سامطة بسلامتي
​

 

[اسماعيل22]

رد: كـرسـي التعآرف { الضيـف الثــآمن} اسماعيل22

السلام عليكم ورحمة الله تعالى وركاته
نرحبو بخونا اسماعيل وان شاء الله نكون خفاف عليه

أهلا بيك ياو قطعو مني اللحم هههههه
اليوم الاول والصواريخ راهي طول
الله يجعل خير
أمـــــين
اسماعيل الاسئلة يجوك غير في الليل ويا درى الأجوبة كيفاه
هههه يجو في النهار:p

أصعب موقف صرالك في حياتك وما قدرتش تنساه
سبق و جاوبت عليه next
هل تؤمن بالمثل بعيد عن العين بعيد عن القلب
مممم إذا كنت القلوب صافية ومبنية على الثقة نقول لالا منأمنش بيه
ما تعني لك هذه الكلمات
الصداقة، الحب، الخيانة، النسيان
الصداقة: هي أنك تكذب على شخص و صاحبك يعاونك في الكذبة هههههه نضحك برك
الصداقة أنك تعيش كل الأوضاع الإجتماعية مع صديقك تفرحوا كيف كيف تلعبو كيف كيف
وتكبرو كيف كيف تتضاربو كيف كيف وهي ماشية هههه
الحب:أنك تلقى نصفك الثاني اللي يفهمك و يثيق فيك ثقة عمياء وأنك تكون بالمثل معاه و متخليش كلام الناس يأثر فيكم و تتعاشروا بالمعروف
الخيانة: أسوأ صفة تخسر الإنسان لأصدقائه و من يحبونه للأسف منتشرة بشكل كبير
النسيان: يقولك لي نساني هناني ..لأنه الناس لي تحبك عمرها ولا تنساك و تتفكرك ولو بدعوة خير


لو اعطوك المصباح السحري وطلب منك اختيار أمنيو واحدة فقط ماذا تختار
هداية شخص قريب
في ميزك شكون هو الوفي البنت ولا الشاب
أنا نقول الشاب
نخليك تخمم نضرب دارة ونرجع
تحياتي​

أهلا بيك أختي سمحيلي طولت غليك الله غالب ظروف و مرحبا بك

 

[اسماعيل22]

رد: كـرسـي التعآرف { الضيـف الثــآمن} اسماعيل22

ربي يعاونك خويا مادام نجيب وحكيم ورؤوف مازال مابداوش المعركة مازال مابداتش أسئلتنا كي شغل محارق برك ههههه
رفعت راية الأسئلة سأكون في المتابعة ان شاء الله
ربي يسهلك خويا​

ههه أمين أهلا يبك لوكان غير ب تقرعيجة خفيفة
ربي يسهل علينا وعليك نورت تشرفت بيك
تحياتي :regards01:​

 

[آمِيْرَتُه]

رد: كـرسـي التعآرف { الضيـف الثــآمن} اسماعيل22

مرسي خويا اسماعيل الردود بزاف نعميت مشفتش
مزية الأسئلة عجباتك هه
مادة كنت تكرها و السبب ؟
كي تقعد حدا المكرو اول حاجة ديرها ؟

 

[اسماعيل22]

رد: كـرسـي التعآرف { الضيـف الثــآمن} اسماعيل22

عدنا:d

هههه أهلا راكي ناشطة الله يبارك
*ما الشيء الذي يفزعك؟

حاجة لي خلعتني كي كنت صغير لأول مرة نشوف ناس رافدة سيوف و يحاوقو في واحد

*عندما يكون عمرك 90 عاماً .. ما أكثر شيء سيهمك ؟
الله لا يوصلني لذاك العمر هههه

*إذا كنت ستختار لحظة تاريخية كنت تتمنى أن تكون شاهداً عليها، فأي لحظة ستختار؟
ثورة أول نوفمبر أو الحرب العالمية الثانية
*ما هو الخطأ الذي تكرره باستمرار؟
هو الخطا الذي لا أتعلم منه هههه سؤال صعب و إجابة أصعب خخخ

*ما أفضل نصيحة تلقيتها في حياتك؟
خطيك من ولاد الحرام

*ما هو الشيء الذي تمنيت الحصول عليه دائماً في طفولتك ولم تحصل عليه أبداً؟
حنان الأب
*ما هي نقاط ضعفك؟
ههههههههههههه جامي تصرا خخخخخ
...........................

خلينا من السيريو ضرك:d

*اسماعيل كي ينوض الصباح ينوض مشنف و لا يتبسم ؟
كاش نهار شفتي جزائري ينوض يضحك :thumb_up02:

*تشخر في الليل و لا لا:p
ههه لالا
*كي تزعف واش ادير؟
نطرطق ههههه سبق و جاوبت
*كي تغير واش ادير؟
مممم نسكت و نبقى نخزر
*كي تفرح واش ادير؟
نشطح ونغني هههههه
*اجيح إشهار شفتو فاليتيمة:p(اجيح من الجياح زعما)
خاطيني اليتيمة تالمون عندي شحال متفرجتهاش نسيت واش كانو يديرو ههههه
*رقدت في القسم كي كنت تقرا و لا لالا
لالا كنت مجتهد ههه

*طريحة ديتها من عند الوالد..ويكتا و علاه و كيفاه كانت ردة فعلك:d
مممم أولها نهار ربحت السيزيام يعني الحالة في العائلة مخلطة ليقلها قهوة وقاطو و جماعة
ردة الفعل منحكيش خير لأانه صرا ما صرا

*نكتة متضحكش خخخخ
قالك واحد النهار واحد ، زوج ،ثلاثة........

يتبع.............................:thumb_up02:​

في الإنتظار.......
شكرا لأسئلتك بالرغم لم أجب على بعضها إجابة كاملة
​

 

["viola"]

رد: كـرسـي التعآرف { الضيـف الثــآمن} اسماعيل22

هههه أهلا راكي ناشطة الله يبارك

خخخخخخخخخ حلفت نخليكم تشفاو على هاذي الفيgورة هههههههه

 

[اسماعيل22]

رد: كـرسـي التعآرف { الضيـف الثــآمن} اسماعيل22

سلآمو
وعليكم السلام هههه ها هي جات
اسماعيل راني نشوف فيك عندك عقدة من الكوبي كولي راه يقولي راسي نروح نكوبي كاش أسئلة يخرجولك الـgـرون بالاك تروحلك العقدة :d

هههههههههه
احم نبداو 'هادو من عندي ما جبت من حتى بلاصة ما تقولش عليا نقالة "

زرت كاش ما نهار إقامة جامعية ولا مازال ؟ اذا واه شا رايك فيها هيهيهي ؟
'ما نعرف مين جاني هاد السؤال بالاك من ميزيرية لاسيتي "'

لالا كاين إقامة من جهة لي نسكن فيها لكن مدخلتلهاش
نظن أنه الرقابة مكانش عليها سمعنا بزاف صوالح ماش ملاح عليهم
بالنسبة للأولاد ورمال لكن المشكل عند البنات هكذا تبانلي واله أعلم
وينها مرحلة في حياتك الي حسيت روحك بعدت على طريق الصواب ؟
مممم ربما مين كان عندي 13 14 سنة كنت خطرة نصلي خطرة لا حتى ربي هداني الحمد لله
الغلطة الي درتها و ندمت عليها ؟
جاوبت عليه من قبل روحي حوسي عليها هههه
كاين واحد غلط معاك و ما تسمحلوش ولا ماكانش ؟
كاين لي غلطو معايا مي نسامحهم ربي رحمته كبيرة و يسامح العباد واش نكون أنا باه منسامحش الناس
شكون أول شخص تخمم تروح عنده نهار تدير كاش مصيبة ؟
الأم هههه ديراكت هي اللي تسلكني خخخخ

أجمل منطقة زرتها ؟
تلمسان عاصمة الثقافة

منطقة باغي تزورها داخل الجزائر ؟
جيجل بجاية عنابة
و خارج الجزائر ؟
سويسرا :tongue02:
انت من العباد المتهورين ولا تخمم قبل ما تدير كاش حاجة ؟
لالا كل حاجة نديرها نخمملها قبل الف حساب
احكيلنا موقف محرج انحطيت فيه ؟
كيما قلت من قبل مسرحية ونسيت النص بديت نخلط من راسي والشعب يضحك هيهيهي
بزاف عليك واقيلا !

راجعتلك ان شا الله بلا ما تحلف عليا :d سامطة بسلامتي
​

ههه مرحبا بيك وخطيك ماكوبي كولي ههههههههههه​