السلام عليكم ^____^
رجعت .. ! D:
bn .. نبداو ..
مرحبا على حساب الفوطو راه قاتلك الفيد ههه
___واش من ستيل تلبس ؟؟
نلبس كلش
__واش تسمع غنا ؟؟ (باينة من جماعة الواي الواي .. و الخ خخخ جينيرالمو ناس بلعباس gاع هاك.. صح ولا لا ؟؟)
صح جماعتنا أغلبيتهم الراي والوايواي مي أنا لا نسمع الفرونسي والأونGلي
___بشحال ديت الباك؟؟ووقتاش؟
2012 بمعدل 13.50
___حسب تجاربك في الحياة ! تشوف بلي عندك الزهر ؟ و علاه ؟
أنا نقول لا بنبة كبيرة لأني مازال محققتش واش نطمح ليه+لي نحب نديرها تنعكسلي
___كي يحكمك لviiid و Dégoutage ! واش دير ؟؟
الرياضة
____اخر مرة ضحكت فيها من قلبك ؟ وعلاه ؟
اليوم القعدة مع الحباب هنا
___شحال تلبس "صباط"؟؟ خخ
41 باينة راح تجيبيلي صباط كادو ههههه
___واش تسيبورتي ؟؟ "equipe"
ريال مدريد
____في رايك كاين "l'Amour في Dz ؟؟ و علاه ؟؟و عشتو من قبل ؟؟
وي كاين علاخاطرش نحن بني آدم عندنا قلوب نحسوا.... نعم عشته وراني نعيش فيه هههه
_____في الأخير ... أحكيلي كاش زبلة درتها من قبل خخ باين عندك بزااف
نحكيلك أول واحدة درتها كنت صغير ما نقولك كان عندي 5 سنين ما نقولك 6
كان واحد في الحومة كبير علينا كان عنده بالاك 13 ولا 14 سنة داك الوقت يحقر الدراري ويخونلهم صبابيطهم مرة كنت أنا وجارنا حب يحقرنا أنا هربت جارنا بقى طلعت للسطح ورميت عليه حجرة للراس ههههههههه داك النهار صرى ما صرى مي الحمد ببه كيما نقولو علمته مايزيدش يحقر حتى واحد و كل ما يجي يتفكرها درك كبرنا الحمد لله ولينا نقصرو عليها يبقى يضحك كي يتفكرها ههههه
