كـرسـي التعآرف { الضيـف الثــآمن} اسماعيل22

[اسماعيل22]

رد: كـرسـي التعآرف { الضيـف الثــآمن} اسماعيل22

بصحتك املا قل للزوجة المستقبلية تتعلم دير لمبسس كما يماك
قالك جديد حبو ولقديم لا تفرط فيه
​

إن شاء الله :thumb_up02:​

 

[AmiR@RoRo]

رد: كـرسـي التعآرف { الضيـف الثــآمن} اسماعيل22

يا اسماعيل


عاشقة الجنة منيش نشوفها موالفة غير من لقسم لقسم

راك بزهرك كي معطتكش اسئلة .

ان شاء الله راهي لباس​

راها لباس بيها على حساب ماقاتلي عندها مشكل فالنت

غي هاد ليام كانت معرسة واش يخصها هههه

على ذكر الاعراس

اسماعيل حتى نتوما عندكم فالعرس العريس يدخل بالعوْد ؟

واش هي اللبسة لي تخرج بيها العروسة من دار باباها عندكم ؟

لبارح فات على دارنا عريس بالعود وطبل ووو

بصح فوجهه يبان صغيـــر :s

كي سقسينا قالونا ولاد خالي بلي فعمرو 21 سنة :-o

واش رايك فهاد الزواج المبكر ؟

وواش لي يدفع الشاب باش يتقلق على الزواج ؟

وشحال نسبة نجاح هاد الزواج في رايك ؟

جاوب على هادو وراني مااااجيا :d​

 

[آمِيْرَتُه]

رد: كـرسـي التعآرف { الضيـف الثــآمن} اسماعيل22

عدت مرة اخرى
لو كان مكنت اسماعيل واش كنت راح تكون مثلا ههه ؟
بعد الوالدة ربي يطول في عمرها شكون لي يبغي اسماعيل ( الزوجة المستقبلية راهي تشوف فيك حرز تغلط هه)
كون مكنت تسكن في بلعباس وين كنت تبغي تسكن ؟

 

["viola"]

رد: كـرسـي التعآرف { الضيـف الثــآمن} اسماعيل22

اسماعيل راني تفكرتلك وحد السؤال حصري خخخخ سقسيتو لحكيم من قبل

*الوالدة كيما كانت حامل بيك على واش توحمت ؟؟ (ماكلة)​

 

[ثَسْكُورْثْ نَثْدُوكْلِي]

رد: كـرسـي التعآرف { الضيـف الثــآمن} اسماعيل22

سلام عليكم خويا اسماعيل
هههه جيت روتار لقيت 47 باجا
توجور ننسى هذا الكرسي معليه
ايا قرعجت شويا برك ههههه
والاسئلة الله يبارك الكل قايم بالواجب
بالتوفيق لك
تحياتي
وتقبل مروري

 

[اسماعيل22]

رد: كـرسـي التعآرف { الضيـف الثــآمن} اسماعيل22

راها لباس بيها على حساب ماقاتلي عندها مشكل فالنت

غي هاد ليام كانت معرسة واش يخصها هههه

على ذكر الاعراس

اسماعيل حتى نتوما عندكم فالعرس العريس يدخل بالعوْد ؟
كل واحد وواش يبغي كاين لي يدخل بالعود وكاين لي لا تاع العود راها في إنقراض شيئا فشيئا

واش هي اللبسة لي تخرج بيها العروسة من دار باباها عندكم ؟
على حساب ما حضرت للأعراس تاع العائلة بالشدة نورمالمون

لبارح فات على دارنا عريس بالعود وطبل ووو

بصح فوجهه يبان صغيـــر :s

كي سقسينا قالونا ولاد خالي بلي فعمرو 21 سنة :-o

واش رايك فهاد الزواج المبكر ؟
إذا كان قد المسؤولية وعلاه لا +إذا كان عندك الدراهم دير طريق في البحر ونورمال هههه

وواش لي يدفع الشاب باش يتقلق على الزواج ؟
أحداث لي رانا نشوفوها اليوم في المجتمع اليوم ،البنات تاع درك بين قوسين هوما لي يخلو الشباب يعجلوا بالزواج للبعد عن المحرمات

وشحال نسبة نجاح هاد الزواج في رايك ؟
أنا نقول فاشل لأنه الشاب لم ينضج بعد ومازال لازم يتعلم مليح من الدنيا راهم كبار و يتطلقوا ..نسبة الطلاق عام مورا عام راهي تزيد في الجزائر وذلك لعدم الإختيار الصحيح والتوافق بين الزوجين انعدم تقريبا والجهل بالأمور الأسرية يغني الزواج رجع لإشباع الشهوات فقط وهنا المشاكل تكبر لأتفه الأسباب

جاوب على هادو وراني مااااجيا :d​

أهلا بيك متنسيش العشا برك في طريقك :p
​

 

[اسماعيل22]

رد: كـرسـي التعآرف { الضيـف الثــآمن} اسماعيل22

عدت مرة اخرى
لو كان مكنت اسماعيل واش كنت راح تكون مثلا ههه ؟
ههههه منكونش :p القانون يقول أكون أو لا أكون الله غالب أحكي مع اللي خرج هذا القانون أنا خاطيني هههه
بعد الوالدة ربي يطول في عمرها شكون لي يبغي اسماعيل ( الزوجة المستقبلية راهي تشوف فيك حرز تغلط هه)
بيان سور الزوجة المستقبلية ههههههه أنا منكذبش خاطيني الكذب ههههه
كون مكنت تسكن في بلعباس وين كنت تبغي تسكن ؟

تلمسان (أرض جدودي)​

 

[touta04]

رد: كـرسـي التعآرف { الضيـف الثــآمن} اسماعيل22

اهلا بعوتك و اهلا بعودتي :d:d:d:d:d

اولا وش الماتش تعك فوتيه او لا؟؟و ربحتي ولا خسرتي؟؟

وش من جهة تلعب؟؟دفاع او هجوم ؟؟؟وش يقولو في لعبك؟؟؟

في اخير علاه نجيب مهوش يسأل فيك كيما احنا ولا راهو خايف منك او عليك؟؟؟:p:p:p

يلا نجيب ماتخاف رانا معاك سقسي و انا محامية تعك قدام قصاة المنتدى ههههه:p:p:p:p

 

[اسماعيل22]

رد: كـرسـي التعآرف { الضيـف الثــآمن} اسماعيل22

اسماعيل راني تفكرتلك وحد السؤال حصري خخخخ سقسيتو لحكيم من قبل

*الوالدة كيما كانت حامل بيك على واش توحمت ؟؟ (ماكلة)​

هههههه علاه تحشمي فيا :$ توحمت على ليوناردو دي كابريو ما كيش تقولي دا الزين منين جا كامل ههههههه
سألتها قاتلي مانيش عاقلة :p​

 

[اسماعيل22]

رد: كـرسـي التعآرف { الضيـف الثــآمن} اسماعيل22

سلام عليكم خويا اسماعيل
هههه جيت روتار لقيت 47 باجا
توجور ننسى هذا الكرسي معليه
ايا قرعجت شويا برك ههههه
والاسئلة الله يبارك الكل قايم بالواجب
بالتوفيق لك
تحياتي
وتقبل مروري

أهلا بيك و مازال الحال تقدري تسألي واش حبيتي راني غالبهم مقدروليش هههه
التحية متبادلة ربي يحفظك​

 

[اسماعيل22]

رد: كـرسـي التعآرف { الضيـف الثــآمن} اسماعيل22

اهلا بعوتك و اهلا بعودتي :d:d:d:d:d

اولا وش الماتش تعك فوتيه او لا؟؟و ربحتي ولا خسرتي؟؟
ملعبناش (بروبلام تاع بالون هههه) بكل تواضع عندي فريق من أفضل الفرق في ولاية سيدي بلعباس ماشي راني نزوخ النتائج تقول هاك :up:
وش من جهة تلعب؟؟دفاع او هجوم ؟؟؟وش يقولو في لعبك؟؟؟
أنا نحب وسط الميدان يعني نلعب مركز 6 لكن نلعب تاني 11 خاطرش نتميز باللعب بالرجل اليسرى
يقولولي عندك أسلوب إنييستا ههههه بالرغم أني مدريدي :p
في اخير علاه نجيب مهوش يسأل فيك كيما احنا ولا راهو خايف منك او عليك؟؟؟:p:p:p

يلا نجيب ماتخاف رانا معاك سقسي و انا محامية تعك قدام قصاة المنتدى ههههه:p:p:p:p

نجيب يعرفني صعيب في الإجابة :p​

 

[@R@ZIK]

رد: كـرسـي التعآرف { الضيـف الثــآمن} اسماعيل22

مساء الخير عليكم كي راكم لاباس
واش تعشيتوا ولا مازال
انا جبت معايا سندويشات تصبرو روحكم بيهم تفضلوا

واش اسماعيل اذا الزوجة المستقبلية ما تعرف تطيب واش دير
اسكو تدخل معاها الكوزينة تعاونها

نضرب دورة ونولي
تحياتي​

 

[اسماعيل22]

رد: كـرسـي التعآرف { الضيـف الثــآمن} اسماعيل22

مساء الخير عليكم كي راكم لاباس
واش تعشيتوا ولا مازال
انا جبت معايا سندويشات تصبرو روحكم بيهم تفضلوا

واش اسماعيل اذا الزوجة المستقبلية ما تعرف تطيب واش دير
اسكو تدخل معاها الكوزينة تعاونها

نضرب دورة ونولي
تحياتي​

وها قد بدأت الحرب من جديد هههه
شكرا على السندويش لكن فات فيا تعشيت شكرا :p
إذا كان متعرفش طيب علاه نتزوجها أصلا هههه لزرقة عينيها ام ماذا ههه؟
مرحبا بك السهرة مازال مطولة
​

 

[touta04]

رد: كـرسـي التعآرف { الضيـف الثــآمن} اسماعيل22

ممممممممممممممم الظاهر الحباب خابو ا اليوم او فظولهم الاسئلة ام انك تهرب بزاف في اجوبة ولاو كرهوا :p:p:p:p خير اجابة منهم

وش اسماعيل كشما نهار دابزت مع حد؟؟قولنا مشكل؟؟؟

وش الغناء وش من نوع تسمع؟؟؟و هل تحب لطفي دوبل كانو؟؟؟

وش هي رنتك تع تلفون؟؟؟؟

هذو مفاية نزيد شوزي و نجيك هه

 

[اسماعيل22]

رد: كـرسـي التعآرف { الضيـف الثــآمن} اسماعيل22

ممممممممممممممم الظاهر الحباب خابو ا اليوم او فظولهم الاسئلة ام انك تهرب بزاف في اجوبة ولاو كرهوا :p:p:p:p خير اجابة منهم

نظن فظولهم الأسئلة هههه وهذا يدل على أنني الفائز ههه
وش اسماعيل كشما نهار دابزت مع حد؟؟قولنا مشكل؟؟؟
أنا ندابز برك كي يمسني واحد يعني نحاول كل جهدي نبعد على الدبزة بصح إذا خرب فيا هو اللي بغا ماشي أنا
نحكيلك وحدة برك العام تاع الباك كنت نقرى دعم بالجمعة واحد السيد طاح عليا بغى يgريسيني في دراهم و بورتابل طاح في ولد أمه كيما نقولو عندنا توتة توتة وخلصت الحتوتة
ههههه
وش الغناء وش من نوع تسمع؟؟؟و هل تحب لطفي دوبل كانو؟؟؟
سبق وجاوبت عليه

وش هي رنتك تع تلفون؟؟؟؟
فيبرور على العام

هذو مفاية نزيد شوزي و نجيك هه

ههه بديتي تنعسي راني نحس روحي فور اليوم :yahoo01:​

 

[touta04]

رد: كـرسـي التعآرف { الضيـف الثــآمن} اسماعيل22

شوف الجماعة اي هنا لكن الأسئلة جيب ربي :s:s:s

حالياً الأعضاء النشيطين الذين يشاهدون هذا الموضوع : 21 (3 عضو و 18 ضيف)
‏touta04, ‏نجيب+, ‏Lovely ღ smile

هيا نجيب انر لنا الطيرق اسأل شوي راك مخلي خونا براحتوا بزااااف :p:p:p

 

[اسماعيل22]

رد: كـرسـي التعآرف { الضيـف الثــآمن} اسماعيل22

شوف الجماعة اي هنا لكن الأسئلة جيب ربي :s:s:s

حالياً الأعضاء النشيطين الذين يشاهدون هذا الموضوع : 21 (3 عضو و 18 ضيف)
‏touta04, ‏نجيب+, ‏Lovely ღ smile

هيا نجيب انر لنا الطيرق اسأل شوي راك مخلي خونا براحتوا بزااااف :p:p:p

بالاك كاش عرضة من جيهة أخرى ومعلاباليش هههه​

 

[أم منيــــــر]

رد: كـرسـي التعآرف { الضيـف الثــآمن} اسماعيل22

الحالة راها راقدة اليوم:down:
بروفيتي اسماعيل وريح شوي:-r
​

 

[اسماعيل22]

رد: كـرسـي التعآرف { الضيـف الثــآمن} اسماعيل22

الحالة راها راقدة اليوم:down:
بروفيتي اسماعيل وريح شوي:-r
​

هههه يا خالتي حتى اليوم راني نشوف الضوء وراني ندور في الأقسام و نشوف الجديد
تحسب كانوا غالقين عليا في كاجة هههههه​

 

[{مُدَلَّلَتُهُ}]

رد: كـرسـي التعآرف { الضيـف الثــآمن} اسماعيل22

السلام عليكم

كي زهيتو الحالة مورايا الله يبارك عليكم ما خليتو حاجة ما سقسيتوش عليها ! عينيا عوارو وانا ندور في les pages نقرعج . . .

تجي عليكم مباحث :p

اسماعيل راهم نفضوك تاع نيشان ما عندي ما نزيد

اجاباتك نموذجية تحسب راك تنقل من كاش كتاب -_-

ربي يكمل لخويا شا يتمنى و يعطيك على حساب قلبك

تصبحو بخير
​