الهم اللي فيا يكفيني

[حياتي ابداع]

السلام عليكم
وشراكم لاباس ؟
راني والفت نجي نفرغ قلبي هنا. على خطر صح لقيت آذان صاغية و صدور واسعة الحمد لله.
هذا المرة حبيت نفرغ قلبي على وليدي عمرو عامين و اكتشفت بللي عندو التوحد في عمر 18شهر فالأول كانت الصدمة و بكيت حتان عيت و مبعد وليت تقبلت أمر ربي سبحانو و قلت هكذا ولا أكثر. و بديت مشوار البحث عن العلاج للمرض اللغز اللي الآن اكتشف العلماء بللي هذا المرض ماهوش نفسي و إنما عضوي و كاين نظريات طبية تفسرو. و الحمد لله هداني ربي لوحد المنتدى لقيت فيه كلش عن تجارب الأمهات و قررت نعالج ابني بنفسي
وجربت معاه حوايج بزاف خلطات و وصفات طبيعية . و تدريبات سلوكية باش يولي ينظر لينا و يتواصل و رقيات شرعية و الآن الحمد لله وليدي راه تحسن بنسبة كبيرة و ولى يقلد كلش و يتفاعل معانا و يقول ماما و أبي و كلمات أخرى بصح مازال العمل معاه باش يتحسن و يولي طبيعي ان شاء الله.
المشكل هنا هو أهل زوجي اللي رايحين يمرضوني بالكلام نتاعهم راهم يقولو بللي أنا السبب في مرض ابني وكنت مهملاتو و مخلياتو في سريرو برك و منهدرش معاه ماشافوهش كيفاه تربى و يهدرو برك.
و كل مانروح ولا نتلاقاو يقولولي كي وليتي تعتني بيه ولى نورمال . و انا طبعي نسكت منجاوبش و كي نروح للدار نقعد نبكي و نوكل ربي عليهم و نقول المرة الجاية نجاوبهم .واحد ماعلابالو وش قاسيت مع بني غير ربي سبحانو. و مازالت نقاسي معاه. و هوما ماهم مقدرين الجهد نتاعي و ما يعاونو و يزيدو يقولو للناس بللي مهملة ابني.
قولولي يا ناس كاين أم تهمل بنها؟
و في الأخير نقول حسبي الله و نعم الوكيل.

 

[بنت الـ25]

رد: الهم اللي فيا يكفيني

أهلا وسهلا بيك اختي الكريمة
أكيد مكانش أم تهمل ابنها وكون جيتي مهملاتو كيما راهم يقولو كون اختو راهي هي تاني مصابة بالتوحد لا قدر الله
الناس يا أختي يحبو يهدرو ، حتى لو كانت كلماتهم مثل السكاكين تطعن ولا مثل العقارب اللي تلدغ انتي متعمريش راسك بيهم
خاطر انتي راكي علابالك بينك وبين روحك بلي راكي متهلية في ابنك ودايرة المستحيل باش يشفى
ولكان شفي بإذن الله راهي معجزة واحمدي ربي
استغلي وقتك وتفكيرك في كيفية تحسين حالة ابنك وما تستغليهش في انك تعمري راسك بيهم
وخلي كلامهم داخل من وذن خارج من لوخرا ، كون تمرضي بيهم مراحش تفرا
ربي يقدرك اختي الغالية ويشفيلك ابنك ويهنيك مع عائلتك قولي آمين
​

 

[مابقاش بزاف.Dz]

رد: الهم اللي فيا يكفيني

ربي يهدي هاذ الغاشي ألي هوما مراض اصلا و يحبوا يمرضوا الناس بالكلام الفارغ تاعهم
ما تسمعيلهمش خليهم يهدروا نتي المهم عندك وليدك الصغير و عايلتك اتهلاي فيه مليح و الله يكون في عونك ان شاء الله يولي بالشوية مليح و يبدا ينخرط اكتر مع الناس و يتحسن اللفظ تاعه و السلوك ثاني
كان الله معك و وفقك في تربية ابنك و التعامل معه

 

[رقيقة المشاعر]

رد: الهم اللي فيا يكفيني

يا اختي انت بينك بين وليدك علابالك بلي تهليتي فيه و راكي تسعاي للشفاء
و هو كي يكبر يتفكر بلي وقفتي معاه و ان شاء الله يقدر تعبك
هوما راهم بعاد و يهدرو مزال ماشافوش المعاناتك معاه
ماتردي عليهم ماتعمري راسك بيهم
الناس تحب تلقى موضوع علاه تهدر و صاي
ماهمش عارفين رواحهم بلي راهم يقيسو في العباد
الله يهدينا

 

[حياتي ابداع]

رد: الهم اللي فيا يكفيني

يعطيكم الصحة كامل على التفاعل نتاعكم معايا و ربي يبارك فيكم.

صح ملازمش نعمر راسي بيهم بصح كي نتلاقا معاهم يحبو بالعاني يجبدولي على هذا الموضوع و أنا منجاوبهمش و يبان في وجهي بللي تقلقت و كي نروح للدار تبقى الهدرة غير تتعاود في راسي و نتخنق و نبكي نقعد يومين ولا ثلاثة و أنا نخمم في هدرتهم.
أختي مينات بنتي الكبيرة هاذيك لي خلاتلهم حرقة في قلوبهم دايما حايرين فيها في لبستها و هدرتها و ماكلتها و نظافتها. كي ولدت سلفتي غير يسقسيوا فيا كيفاه درتي لبنتك في كلش.
زعما في هاذ الطفل الثاني حكموا علي الغلطة.

 

[هشام رضا]

رد: الهم اللي فيا يكفيني

حياتي ابداع
لا أرى أي سوء في ما ذكرته !
التوحد = المرض الذي أصيب به اينشتاين وغيره من العباقرة فهذا المرض يجعلهم يركزون دوما على موضوع معين وترك اي موضوع غيره وقد يكون ابنك في المستقبل من هؤلاء العباقرة.
بخصوص هدرة الناس فيك وانك السبب ! لا حول ولا قوة الا بالله
هذا قدر الله وابتلاء لكم منه وكل شيء قدر منه
ماتزعفيش من روحك انت ماش السبب ولا احد هو السبب
انت ثقي بنفسك أنا أمه وأن من انجبته وسأعينه ليكون عالي الهمة كما فعلت أم اديسون الذي كان مصابا بمرض مشابه لهذا وكان غبيا جدا لكن جعله ثقة أمه به من اذكى البشر في العالم توكلي على الله وأجعلي هذا الطفل طريقك للدخول الى الجنة بتحفيظه القرآن الكريم
ومن أراد الله به خيرا جعل غناه في نفسه ولا يهمه رأي الناس ولا أحد
وأعطيك في هذا كلام من خلقك الذي هو أرحم بك من نفسك ...

﴿ ضَرَبَ اللَّهُ مَثَلًا رَجُلًا فِيهِ شُرَكَاءُ مُتَشَاكِسُونَ وَرَجُلًا سَلَمًا لِرَجُلٍ هَلْ يَسْتَوِيَانِ مَثَلًا الْحَمْدُ لِلَّهِ بَلْ أَكْثَرُهُمْ لَا يَعْلَمُونَ ﴾
[ سورة الزمر :29]
أيها الأخوة، كأن الله سبحانه وتعالى ضرب مثلين، ضرب مثل المؤمن الموحد، وضرب مثل المؤمن الذي وقع في الشرك الخفي، الشركاء متشاكسون، أوامرهم متناقضة، إن أرضى زيداً غضب عبيد، وإن وصل فلاناً غضب علان، حياة لا تحتمل إن كان لك مرجعيات متعددة، متناقضة، ماذا تفعل؟ إرضاء الأول يغضب الثاني، تصور إنساناً آخر له مرجعية واحدة، تعرفه تماماً، هناك تفاهم، وتناغم، وتعاطف، ومعونة، ودعم، وتأييد، القضية مع واحد.
صدقوا ولا أبالغ المؤمن الموحد علاقته مع واحد، مع واحد أحد، فرد صمد، لذلك قيل: من جعل الهموم هماً واحداً كفاه الله الهموم كلها.
قول آخر: اعمل لوجه واحد يكفك الوجوه كلها. ليتك تحلو والحياة مـــريرة وليتك ترضى والأنام غضـاب
وليت الذي بيني وبينك عامـر وبيني وبين العالمين خــراب
إذا صحّ منك الوصل فالكل هين وكل الذي فوق التراب تـراب
اذا في هذا الطفل ؟ مالذي يرضي كلام هؤلاء الناس ؟ هو انك السبب في ما يحدث له ؟ اذن ما يرضي الناس لا يهمنا هنا !
وما يرضي رب الناس ماهو ؟ أنه هو من ابتلاكم بمرضه هذا وقادر على أن يشفيه ؟ كيف يشفى ؟ ليس مستحيلا هذا ابدا على ارحم الراحمين ! كيف؟
كانت أم موسى عليه السلام خائفة على ابنها لما سمعت ان فرعون يقتل الاطفال كلهم ! فأوحى لها الرحمان أن ألقيه في اليم اذا خافت عليه طبعا ووعدها الله ان يعيده لها ! ووعد الله الكريم حق :] فألقته في اليم لكن فرغ فؤادها من الحزن على فراق ابنها ولم يبقى فيه شيء يثبت فؤادها لكن الله صبرها ... ؟ وَأَصْبَحَ فُؤَادُ أُمِّ مُوسَىٰ فَارِغًا ۖ إِنْ كَادَتْ لَتُبْدِي بِهِ لَوْلَا أَنْ رَبَطْنَا عَلَىٰ قَلْبِهَا لِتَكُونَ مِنَ الْمُؤْمِنِينَ



الله كان يعرف أن فؤادها فرغ ولم يبقى فيه شيء يتحكم بمشاعر فراقها لابنها ! فكيف بك انت ؟


وبعدها حماه الله من فرعون عبر زوجته ورفض الحليب حتى سمعت أمه وعاد اليها آمنا سالما في بيتها ؟
أنظري إلى أرحم الراحمين ماذا يقول في هذا ؟
ورددناه إلى أمه كي تقر عينها ولا تحزن ولتعلم أن وعد الله حق ولكن أكثرهم لا يعلمون ....
الله يعرف أنها حزينة ! فكيف هو بألمك ؟ الله يريد أن تقر عينها بإبنها فكيف به وبإبنك وقرة عينك يا أختاه ؟
قد تقولين في نفسك هذه أم نبي وهذا نبي ! لكن الحق جل جلاله يقول في كتابه إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ [القلم:15].
يعني ببساطة يمكنه شفاء إبنك وأن يقر عينك بإبنك وذلك ليس عليه مستحيل لكن هذا سيكون لما تعملين بالأسباب ؟ كيف العمل بالأسباب ؟
كانت امرأة عاقرة لا تلد سألت موسى أن يسأل الله ان يهبها الإبن فقال الله لموسى عليه السلام أنها عاقر لا تلد وذهب موسى لمدة ثم رجع فوجد بجانبها طفل ! فقال لله من أين لها الإبن قال له الله عز وجل لقد ظلت تسألني وتسألني وتسألني فإستحييت منها فأعطيتها سؤلها ! يا ترى هاته المرأة أم نبي أم ماذا؟ فهل الله يرحم أم نبي ولا يرحمك أنت وهو أرحم بك من أمك ومن نفسك ؟ إذا كثرة الدعاء والسؤال كمرحلة اولية ! والدعاء والصلاة في جوف الليل ماقبل صلاة الفجر من حيث لا يعرف أحد عنك كيف تقومين بكل هذا ؟ أكتبي برنامجك في ورقة أنا سأقوم بكذا وبكذا ونظمي وقتك اليومي وحددي لنفسك اهدافا فالله رزقك هذا الابتلاء الذي يقول عنها العلماء كمنحة في ثوب بلية ! لكي تقتربي منه وتذوقي لذة القرب منه والأنس به والخشوع الشديد وأن تفوزي بالجنة وأن يأتيك اليقين حين يشفى أبنك ويكون خير عمار الأرض وعباقرتها حين يكبر
إبنك يعتمد عليك فلا تحرميه من أم قوية تضحي لأجل أن تشفيه وتسعده
وأتخيله يقول لك وبكل صراحة أعتز بك يا أمي أنك كنتي بعملك سببا في شفاءي وسببا في نجاحي وتفوقي في الحياة وسببا أيضا في دخولي الجنة
فأنا ذا أخذ بيديك يا أمي العزيزة إلى جنان الفردوس
جزاءا من الله على صبرك ودعاءك لي وصلاتك في الليل والناس نيام من اجل شفائي
​

 

[أم منيــــــر]

رد: الهم اللي فيا يكفيني

السلام عليكم
لو ديري على كلام الناس والله ما تفرى انت ديري لي عليك وخلي لبغا يهدر العام طويل
شوفي نصائح الاخ هشام رضا وديري بها والله هي كافية وافية وعيشي حياتك ولا تبالي باحد
الله يسهل امورك ويشفي ابنك
​

 

[أم منيــــــر]

رد: الهم اللي فيا يكفيني

الاخ هشام رضا بارك الله فيك وجازاك الجنة على ما قدمته لاختنا ولنا جميعا
​

 

[العـآئـدة إلـى الله]

رد: الهم اللي فيا يكفيني

سلام اختي انا نقولك طبقي هدي المقولة ,,, ارضاء الناس ليست غاية و ان انت كذلك فهي لا تهمني
متسمعيلهمش هم مالتقلاق على وليد وليدهم تاني يحكو هكا اعذريهم حنونة هم تاني كانو خايفين
المهم انت ابنك اذا رجعتيلهم راح ديري مشاكل ورح تنساي وليدك وتخليه
اتهلاي فوليدك وان شاء الله يشفالك
ان شاء الله نتزوج ونجيب طفلة وارواحي تخطبيها ههههه راني دبرت لبنتي المستقبلية راجل من درك
بالاكي تنساااي ياك,, انا تفاهمنا​

 

[الامين محمد]

رد: الهم اللي فيا يكفيني

عله خير أختاه
الله المستعان
ربي معاك و يعينك​

 

[حياتي ابداع]

رد: الهم اللي فيا يكفيني

الاخ هشام رضا جزاك الله خيرا على هذه الكلمات الرائعة من فرج على مؤمن كربة في الدنيا فرج الله عليه كربة من كرب يوم القيامة.
و الله لقد بكيت عند قراءتي لردك ليست دموع حزن بل بالعكس هي دموع رحمة و فرحة و استبشار فكلماتك نزلت على قلبي بردا و سلاما.
لقد أمدتني بالقوة لأكمل مشوار العلاج الذي بدءته و كلما أحسست بالتردد أو العجز أو الخوف سأعيد قراءته.
ألف شكر و جعله الله في ميزان حسناتك

 

[حياتي ابداع]

رد: الهم اللي فيا يكفيني

سلام اختي انا نقولك طبقي هدي المقولة ,,, ارضاء الناس ليست غاية و ان انت كذلك فهي لا تهمني
متسمعيلهمش هم مالتقلاق على وليد وليدهم تاني يحكو هكا اعذريهم حنونة هم تاني كانو خايفين
المهم انت ابنك اذا رجعتيلهم راح ديري مشاكل ورح تنساي وليدك وتخليه
اتهلاي فوليدك وان شاء الله يشفالك
ان شاء الله نتزوج ونجيب طفلة وارواحي تخطبيها ههههه راني دبرت لبنتي المستقبلية راجل من
درك
بالاكي تنساااي ياك,, انا تفاهمنا​

ربي يبارك فيك

أيا تفاهمنا ن شاء الله تتزوجي و تجيبي طفلة و كي تكبر نجي نخطبك فيها. وليدي راه ماشاء الله باهي بزاف عينيه خضر.

 

[هشام رضا]

رد: الهم اللي فيا يكفيني

حياتي ابداع + أم منير
بارك الله فيكم الله يرزقنا اعلى درجات الجنة ويرحمنا يارب
-
الحقيقة إنما نحن مجرد أسباب وليس لنا من الأمر شيء ولست أنا من أمددك بالقوة بل الله عز وجل من يريدك قوية ويريد أن يكون أملك فيه كبير وثقتك عمياء فيه وفي وعوده : {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (} (البقرة: 186) فكل شيء تحت تقدير الرحمان فانا لا ادخل كثيرا للمنتدى لكن بتقدير قادر دخلت اليوم وفي الساعة الفلانية وفي الدقيقة كذا وقدر لي ان اكتب تلك الافكار لكي تصلي إلى فكرة أن ارحم الراحمين أرحم بك من نفسك ويعرف مقدار همك وألمك ويريدك أن تدعيه وتقتربي منه اكثر في صلاتك في سجودك إحكي لله كل همك كل شيء إحكيه فرغي قلبك كله لله وفي كل سجدة افعلي ذلك وثقي أنك ستصبحين أسعد امرأة على وجه الارض لو طبقتي ذلك وسيشفى إبنك وسيزاد لك في رزقك :] بالتوفيق ان شاء الله

أشعر أن إبنك يقول من كل قلبه أعتمد عليك وفخور بأنك أمي ليس لي غيرك فلا تقلقي ولا تخافي فالله معنا ومرضي وشفائي في المستقبل كله إبتلاء لأجلك لنبقى معا للأبد معا في الدنيا ومعا في الفردوس الاعلى ان شاء الله

 

[حياتي ابداع]

رد: الهم اللي فيا يكفيني

السلام عليكم
اختي ام منير ارجو ان يكون الرد قد وصلك لانني لا اعرف طريقة الرد على الرسائل الخاصة

 

[رنيم الصمت]

رد: الهم اللي فيا يكفيني

استغفر الله العظيم
ربي يهدي ......... الناس هدا فاه فالحين لا حول و لا قوة الا بالله
لو كان جات فيهم يقولك هدا ما اعطانا ربي .....
متعمريش راسك ادا مهدروش عليكط في هاد الموضوع يلقاو موضوع اخر متهنية ... احسبيهم داخلين منا خارجين منا
توكلي على ربي و الهاي بوليدك و تبعي نصائح المرشدين و ربي يجيبلو الشفا

 

[بنت الصحراء08]

رد: الهم اللي فيا يكفيني

حسبي الله ونعم الوكيل
يا اختي اخطيك منهم كاين ناس مهمتهم في هاد الدنيا يشوفو الرايح والجاي
ربي يشفيه ان شاء الله
​

 

[miss-khadij]

رد: الهم اللي فيا يكفيني

اختي الكريمة وسعي بالك فقط
صح فيه امهات ما يعرفوش يعتنو بالرضيع لما يكون بيبي يعني وقتاش يبدا يلاغي وقتاش يبدا يتقعد ووقتاش تذوقيه الماكلة الخ
لكن التوحد معروف وشكون لي قال لك ان ابنك عندو توحد الطبيب؟؟
ديري فبالك انو الطفل لما يتربى بوحدو ما يخرجش شاطر كيما لي يتربى فالعائلة الكبيرة هادي بتجربة حبيبتي
فالاخير ربي يكون معاك ووسعي بالك حبيبتي رايح يكبر وتنسي كلش
وتقبلي كلامي بصدر رحب وشكرا

 

[حياة هانئة]

رد: الهم اللي فيا يكفيني

اختي بارك الله فيك وفي من حملتك وربتك انت نعم الام لانك تبحثين و تسعين لايجاد الشفاء لابنك اسال الله ان يتقبل منك وان يجعل ابنك من خيرة شباب المسلمين
في ما يخص كلام اهل الزوج فانصحك بالرد بهدوء ولا تتركي نفسك تجترين كلامهم الباطل فالمؤمن القوي احب الى الله من المؤمن الضعيف مالك لا تردين
قولي انا ام وهذا كبدتي وقرة عيني ولوكان الشوكة تقيسو قلبي يوجعني واذا انا مهملة لوكان ماراهش بيناتنا الطفل يقوى ويكبر بيماه وتعبها وسهرها وابني نضويلو صباعتيا اذا حسيتو ضرير والي عندها شك بعاطفة الامومة فالسفيه يقرا ما فيه نقطة نهاية راح يبرد قلبك وتحبسيلهم الكلمة
اما انك تسكتي و تجي لدارك وتبكي فكانك تقولي ايه صح كلامكم وانا مهملة
الطفل مام لوكان ماراهش عندو توحد عمرو ما يكون منطلق ومتعلم ومتواصل اذا لم ينشا بين ام واب يوفرولو البيئة السليمة والي تساعدو يكون طفل طبيعي
ربي كبير حنونة ديري اللازم واحتسبي الاجر عند الله

 

[بريق المستقبل]

رد: الهم اللي فيا يكفيني

انا وحدة صغيرة ومريت على هاد الموضوع ونقدر نعاونك بالشي لي نقد عليه
1 كلام الناس رميه في سلة مهملات
2 انا وحدا نعرفها كيما وليدك واش كانت توصيها مرت خالي طبيبة نفسانية قالتلها عامليه عادي وسهري على تربيته هو كيفه كيف البقية ونتي ام وتعرفي
3 الدنيا فانية ندورو وندورو ونولو لمولانا
4 فرغي ومتخليش في قلبك
ونتمنى الله يقدرك ويطول في عمرك وومتتقلقيش كاين ربي
.......... هاد الي نقدر عليه وانا عندي 13 سنة برك