كـرسـي التعآرف { الضيـف الثآني عشر } البـــاندي

[الباندي]

رد: كـرسـي التعآرف { الضيـف الثآني عشر } البـــاندي

هل لديك سر تستطيع البوح به امامنا ؟

عندي .اسرار ....اما منقدرش ....حاجة متغلى عليكم اما فيها و عليها

كم وزنك ؟

62 وقيلا

العمر المناسب بالنسبة لك للزواج ؟

27 سنة

لمن تُوجّه كل كلمة من الكلمات التالية :

-- تبا لك ...لوحد الفرملي متهلاش فيا كي كنت في السبيطار
أكرهك ---لا مكانش
- لسه فاكر .. كان زمان !
مفهمتش واش معناه ؟...يعني اكمل العبارة

-لو كنت ِمكان اسحاق نيوتن ووقعت التفاحة على رأسكِ, ماذا كنت ستفعل؟

نلعبها Gاع مشفتش و نكمل الرGدة

كل انسان لديه فوبيا من شي ء ما ،فأنا مثلا لديّ فوبيا الاماكن الضيقة وأنتِ مانوع فوبياكِ؟

معنديش فوبيا

اعطيني انطباعك وانت تجواب على الاسئلة من الاخوة

و الله عادي و نجاوب فيهم بعفوية و بصراحة و الله

حدد أهم الأمور التي تقوم فيها وانت في البيت؟

نلعب بلاي نلعب في pc ...نروح نسرق بنت الجوارين غي صغيرة و نجيبها نلعب معاها ههههههه

ماهي أوقات النوم المفضلة لك؟

في طبعي منبغيش النوم اما نبغي نرقد من 7-9 تاع الصباح



هذو اسئلة ساهلين ههههه

 

[الباندي]

رد: كـرسـي التعآرف { الضيـف الثآني عشر } البـــاندي

اهلا بيك عبد الحق واش راك؟
سمعت حاجة على واحد طاح في البير يلا راني نسمع مليح:p
انا مدابيا تحكيلي القصة بالتفصيل الممل :d
​

الحمد لله ميمتي الحمد للله وين راكي مبنتيش ليوم تحويسة وقيلا هههه
القصة ميتي شدي عندك

كنت صغير نصيد داير فخة و مGابلها من بعيد عييت مالوGاف ايا روحت عند وحد الحاسي قديم مغطيينه بلوحة ايا Gعدت عليها ونروح تحت مزيا مكانش غابي بزاف + معمر حجر اودي مبقا فيا مايصلح ههههههه جبدني و حد الراعي مع ولادو هههههههه سمعني نعيط و نصفر سلكني و انا نضحك هههههههه Gالي راك تضحك يا بارد الgلب راني شافي عليها كيما دروك Gالي" تــفو ثراية كي خرجت دايرة هههههههههههههههههه "

 

[أم منيــــــر]

رد: كـرسـي التعآرف { الضيـف الثآني عشر } البـــاندي

الحمد لله ميمتي الحمد للله وين راكي مبنتيش ليوم تحويسة وقيلا هههه
القصة ميتي شدي عندك

كنت صغير نصيد داير فخة و مGابلها من بعيد عييت مالوGاف ايا روحت عند وحد الحاسي قديم مغطيينه بلوحة ايا Gعدت عليها ونروح تحت مزيا مكانش غابي بزاف + معمر حجر اودي مبقا فيا مايصلح ههههههه جبدني و حد الراعي مع ولادو هههههههه سمعني نعيط و نصفر سلكني و انا نضحك هههههههه Gالي راك تضحك يا بارد الgلب راني شافي عليها كيما دروك Gالي" تــفو ثراية كي خرجت دايرة هههههههههههههههههه "

راني غي هنا صباح الميناج ولعشية الضياف تمنيت نخرج ما كتابش
والله على حساب ماراني نشوف فيك انت من صغرك مغامر كبير واقيلا الطيحات رباو عليك الكبدة
بصح قتلتني بالضحك هادي
سلكني و انا نضحك هههههههه Gالي راك تضحك يا بارد الgلب
واش انت في دانجي وتضحك
انت حالة خاصة باينة ميمتك سوفرات معاك مين كنت صغير
​

 

[الباندي]

رد: كـرسـي التعآرف { الضيـف الثآني عشر } البـــاندي

السلام عليكم

مرحبا بيك معانا خويا

وبيك يعيشك اختي

- هل اعجبك الكرسي ؟

لباس لحد الان

- واش تحب تاكل برا {خارج المنزل } ؟

المرgاز+شوا

- هل الباندي باندي صح هههههههه؟

لا لا شويا شويا

- رايك في عاشقة الجنة احمممممممم ؟

و الله اختي تبانيلي انسانة ملتزمة ربي يثبتك

- هل تعرضت يوما للمضايقة من احدهم في المنتدى ؟

واه اما فريتها و على طريقتي الخاصة ههههههههههه

- هل واجهت صعوبات في المنتدى ؟
صعوبات لا
- هل تلقيت دعما في المنتدى ؟​

اي نوع من الدعم مالي و معنوي ههههههههه

 

[الباندي]

رد: كـرسـي التعآرف { الضيـف الثآني عشر } البـــاندي

عدت من جديد

مرحبا بيك اختي هلا بيك

- علاش سيبورتي البارصا و متسيبورتيش الريال ؟

انا من عشاق اللعب الجميل و البرصا اكثر فريق ممتع و يطبق كرة قدم جميلة على مر التاريخ

- شكون لاعبك لمفضل في البارصا ؟

اندريس انيستا..الرسام

- من هو لاعبك المفضل في الريال ؟

مودريتش

- من هو فريقك المفضل في الدوري الانجليزي ؟

مان يونايتد بقيادة المدرب الراديكلي لويس فان غال

- من هو لاعبك المفضل محليآ ؟

مكاش

- من هو لاعبك المفضل دوليآ ؟

فوزي غولام ..سابقا مراد مغني مايسترو باتم معنى الكلمة ولكن للاسف الاصابات قالت كلمتها و عصفت بمشواره الكروي

- من هو المنتخب العالمي الذي تشجعه ؟

انا نشجع البرازيل

- هل انت من عشاق الكرة المستديرة ؟

اكيد اختي من اكبر المتابعين للكرة المستديرة


لي عووووووووودة​

ان شاء الله مرحبا بيك في اي وقت

 

["viola"]

رد: كـرسـي التعآرف { الضيـف الثآني عشر } البـــاندي

راني طولت خلاصت الديميل خخخخخ روح برك

نعاودهالك بطريقة متشقلبة ...اذا صح واش Gلت نجاوبك ؟ و اذا ماهوش صح واش gلت انسايها واش Gابلك ؟ راني نقارع ههههههههههه

اممم صح.... جاوب

بون شكون انا باش ننصحك

الباندي شكون زعما خخخخ

[QUOTE
كملي في البساطة تاعك ....شدي همك عندك ....ميغركش الزمان ...ابقاي كيما خرجت من داركم .....اوزني الشعب اللي تتعاملي معاه ...وشوفي غربال مليح... ][/QUOTE]

ربي يحفضك خويا

ها كشما نتفكر راني نجي متقلقش gاع روحك خخخخخ

 

[@R@ZIK]

رد: كـرسـي التعآرف { الضيـف الثآني عشر } البـــاندي

السلام عليكم
واش راك أخي عبد الحق مع الكرسي
راك جايبها

واش تعشيت اليوم
لوكان تلقى في الزنقة محفظة وفيها بزاف دراهم واش دير
واش نوع بورتابلك
واش هي النصيحة لي تلقيتها ومازالت في ذاكرتك
لوكان يعطوك المصباح السحري ويقلك اتمنى 3 امنيات واش هي
واش الباندي كي يقعد على الطابلة ياكل بزاف ولا قيس قيس
واش هو الميكي لي كنت تحبه ومازال تحبه

شكرا أخي ولي عودة
تحياتي
​

 

[الباندي]

رد: كـرسـي التعآرف { الضيـف الثآني عشر } البـــاندي

راني غي هنا صباح الميناج ولعشية الضياف تمنيت نخرج ما كتابش
والله على حساب ماراني نشوف فيك انت من صغرك مغامر كبير واقيلا الطيحات رباو عليك الكبدة
بصح قتلتني بالضحك هادي
سلكني و انا نضحك هههههههه Gالي راك تضحك يا بارد الgلب
واش انت في دانجي وتضحك
انت حالة خاصة باينة ميمتك سوفرات معاك مين كنت صغير
​

هههههههههههه ميمتي شويا شويا :$ متحشمينيش هههه :d:d:d:d:$:$

 

[الباندي]

رد: كـرسـي التعآرف { الضيـف الثآني عشر } البـــاندي

راني طولت خلاصت الديميل خخخخخ روح برك



اممم صح.... جاوب

مكانش منها علابالي ..اما منخليهاش في Gلبك ههههه ..روماركيت باختصار وحد النهار وليتي تكتبي كلام على غير عادتك تGصري و تضحكي حسيت حاجة ميش نورمال ..هاذا منقدر نقول viola اختي ههههههههههه

الباندي شكون زعما خخخخ

[QUOTE
كملي في البساطة تاعك ....شدي همك عندك ....ميغركش الزمان ...ابقاي كيما خرجت من داركم .....اوزني الشعب اللي تتعاملي معاه ...وشوفي غربال مليح... ]

ربي يحفضك خويا

ها كشما نتفكر راني نجي متقلقش gاع روحك خخخخخ[/QUOTE]

علا حساب الشوفة هذا c l é 3G راه مشيبك هههههه

مرحبا بيك اختي في اي وقت و اي سؤال اني هنا

 

[الباندي]

رد: كـرسـي التعآرف { الضيـف الثآني عشر } البـــاندي

السلام عليكم
واش راك أخي عبد الحق مع الكرسي
راك جايبها

واش تعشيت اليوم

ليوم تعشيت البغرير :d

لوكان تلقى في الزنقة محفظة وفيها بزاف دراهم واش دير

ندسها حتى يبان مولاها

واش نوع بورتابلك

سامسونغ حطبة هههه:d

واش هي النصيحة لي تلقيتها ومازالت في ذاكرتك

مانيش متفكر بصراحة:d

لوكان يعطوك المصباح السحري ويقلك اتمنى 3 امنيات واش هي

ندي ميمتي لمكة و الامنية الثانية و الثالثة راني تفاهمت مع مول المصباح السحري من بعد يخبركم :d

واش الباندي كي يقعد على الطابلة ياكل بزاف ولا قيس قيس

لا وحدا وحدا منكلش بزاف زوج مغارف و لا ثلاثة و نحبس

واش هو الميكي لي كنت تحبه ومازال تحبه

النمر المقنع :d

شكرا أخي ولي عودة
تحياتي
​

مرحبا بالاخت رزيقة نتشرف باسئلتك على العين و الراس

 

[@R@ZIK]

رد: كـرسـي التعآرف { الضيـف الثآني عشر } البـــاندي

راني وليت
امممم يعطيك الصحة على الاجابة

واش الباندي ينوض بكري ولا يحب الرقاد
واش الباندي كان يغش في الامتحانات
واش من مكان زرته وندمت على زيارته
واش دير مقالب للأصدقاء ولا انت لي دايما تقع في المقالب
تحب ألعاب الكومبيوتر وهل انت محترف فيها
واش من فيلم كوميدي عجبك بزاف وتحب تعاودو

ايا منكثرش عليك
نخلو شوية للغدوة
تصبح بخير اخي​

 

["viola"]

رد: كـرسـي التعآرف { الضيـف الثآني عشر } البـــاندي

هههههههههههههههه تاع مكاش منها هاذيك تحشم فيا زعما ولا وش ههههههههه

المهم نقوللك راك تروماركي مليح يا وسمك خخخخخخ

فكرتني مبعد نحكيلك على التنفاخ تاع بوزريعة هههه

ايا هاك هاذو ديسر بيهم

*أسوأ pلا كيلتو في حياتك

*و اذا طيبتلك الوالدة حاجة متعجبكش كيفاه يكون رد فعلك ؟

*سبب ارتفاع نسبة العنوسة في الجزائر في رأيك؟

*رأيك في عمل المرأة؟

*كلمة لمن خذلك ؟

*كلمة للشعب المحروم الزااوالي؟

*كلمة لروراوة ؟

*كلمة لحياتو؟

*كلمة للميمة؟

*كلمة ل ecoute moi:d

*أغبى كذبة سمعتها في حياتك؟

هايا تهلا ... و الحكاية تاع الحاسي فوووووور ههههههه

 

[الباندي]

رد: كـرسـي التعآرف { الضيـف الثآني عشر } البـــاندي

راني وليت
امممم يعطيك الصحة على الاجابة

الله يسلمك اختي

واش الباندي ينوض بكري ولا يحب الرقاد

نوض بكري دايمن دروك كي راني داير اوبيراسيو راني نوض على 9

واش الباندي كان يغش في الامتحانات

واه في الجامعة في وحد الموديل صامط مليار و خاطي التخصص

واش من مكان زرته وندمت على زيارته

لا مكانش

واش دير مقالب للأصدقاء ولا انت لي دايما تقع في المقالب

المقالب انا ندريهم نبغي نشط الحالة هههه ههههه اللي يغفل راح ههههههههه

تحب ألعاب الكومبيوتر وهل انت محترف فيها

واه نلعب العاب pc محترف !! مانيش محترف اما في نوع من الالعاب مثلا call of duty

واش من فيلم كوميدي عجبك بزاف وتحب تعاودو

مانيش حاصي

ايا منكثرش عليك
نخلو شوية للغدوة
تصبح بخير اخي​

لا لا اختي رزيقة مكثرتي عليا ماولو على العين و الراس
ليلة سعيدة في امان الله

 

[الباندي]

رد: كـرسـي التعآرف { الضيـف الثآني عشر } البـــاندي

هههههههههههههههه تاع مكاش منها هاذيك تحشم فيا زعما ولا وش ههههههههه

ههههههههههههههههههههه اه يالمهبولة ههههههه

المهم نقوللك راك تروماركي مليح يا وسمك خخخخخخ

اول مرة نجيبها صح :d

فكرتني مبعد نحكيلك على التنفاخ تاع بوزريعة هههه

هههههههههههههه احكيلي انا نبغي نسمع الحكايات تاع الهبال ههههههه

ايا هاك هاذو ديسر بيهم

:d:d

*أسوأ pلا كيلتو في حياتك

وحد الحية جابوهنا في وحد الوليمة ملي جيت و انا Gلبي خارج و الله للان ماني متفكر اسمها

*و اذا طيبتلك الوالدة حاجة متعجبكش كيفاه يكون رد فعلك ؟

نورمال :d نعرض واحد نعرفو جارنا ميخلي والو يصلح كلش

*سبب ارتفاع نسبة العنوسة في الجزائر في رأيك؟

الشي قل والبنات صعبوها شويا

*رأيك في عمل المرأة؟

انا مانيش ضد عمل المراة اما مرتي انا وراس بويها العزيز ماهي خادمتها نبغيها ليا وحدي الله غالب ...كانت باينة تكمل كيما هاك

*كلمة لمن خذلك ؟

ان شاء الله ميجيش واحد يخذلك كيما خذلتني و يعطيك طاس لبن حامض ههههههه

*كلمة للشعب المحروم الزااوالي؟

نبغيكم يالزواولة وينما كنتو :d:d

*كلمة لروراوة ؟

حاوز علينا خوروتشوف اللي جبتونا هذا من غير 4-4-2 ميعرف والو الله يرحم الشوابين

*كلمة لحياتو؟

الله لاتربحك ياحياتو علاه معاقبتش المراركة علاه :@

*كلمة للميمة؟

je t'aime

*كلمة ل ecoute moi:d

ربي يهنيك في حياتك الجديدة و يرزقك الذرية الصالحة

*أغبى كذبة سمعتها في حياتك؟

و الله ماشفيت :d

هايا تهلا ... و الحكاية تاع الحاسي فوووووور ههههههه

:d:d:d

مرحبا بيك الفيولا ان شاء الله قنعاتك الاجوية تاعي ..مرحبا بيك في اي وقت ;)

 

[اميرة في مملكة العلم]

رد: كـرسـي التعآرف { الضيـف الثآني عشر } البـــاندي

احم احم راني جيت ...كيما قالتلي وحدا نسيتها شكون :sهيا بصح المهم
اميرة في مملكة الموت ها ها ها هاع:tongue02:


باين عليك شخص مليح على حساب ردودك :regards01:
:tongue02:قريتهم كامل:tongue02:


اه اولا:sport02:

مولا عقل ولا زيرو:p

صبور ولا لالا:d

مشاكس ولا شويا:sport01:

زعما شحال من ساعة تقضيها في النت (زعما ماشي النهار كامل و معاه الليل؟):sport02:

من تحترم اكثر

واش تتمنى:regards02:

كيراك:-h

كاش مشاكل ولا والو

النصيحة اللي تمدهالي:-o

النصيحة اللي تهديها لروحك:s

قط عور ولا نمر

اعتذر عن الاطالة:$

ارجو الاجابة لو سمحت فقط (واش واش تجاوب بسيف عليك :very_mad

ها ها ها هاع

 

[الباندي]

رد: كـرسـي التعآرف { الضيـف الثآني عشر } البـــاندي

احم احم راني جيت ...كيما قالتلي وحدا نسيتها شكون :sهيا بصح المهم
اميرة في مملكة الموت ها ها ها هاع:tongue02:


باين عليك شخص مليح على حساب ردودك :regards01:
:tongue02:قريتهم كامل:tongue02:

الله يسلمك

اه اولا:sport02:

مولا عقل ولا زيرو:p

زيرو على الشمال

صبور ولا لالا:d

لا
مشاكس ولا شويا:sport01:

شويا

زعما شحال من ساعة تقضيها في النت (زعما ماشي النهار كامل و معاه الليل؟):sport02:

ميش بزاف

من تحترم اكثر

ناس الكبار

واش تتمنى:regards02:

نعيش هاني

كيراك:-h

لباس الحمد لله

كاش مشاكل ولا والو

مكانش

النصيحة اللي تمدهالي:-o

اقراي قرايتك و اخطيك من الشكيل و اسمعى لميمتك واش تـgلك

النصيحة اللي تهديها لروحك:s

ا------

قط عور ولا نمر


-------

اعتذر عن الاطالة:$

لا مكاش مشكل

ارجو الاجابة لو سمحت فقط (واش واش تجاوب بسيف عليك :very_mad

اوكي ميكون غي خاطرك :d

ها ها ها هاع

:d:d:d:d

مرحبا بيك اختي

 

[العـآئـدة إلـى الله]

رد: كـرسـي التعآرف { الضيـف الثآني عشر } البـــاندي

سلام اخي الباندي وش راك لباس
انت تاني حكموك وجابوك ههه على خطرش كنت تزغد بزاااف هههههههههه بالتوفيق
بسم الله
لماذا اخترت اسم الباندي ؟ وما السر ؟
قبل اسمك ماذا تحب أن يكتب؟؟:
رتب الكلمات التالية حسب أهميتها عندك:الحب -العائلة -المستقبل المهني-الصداقة-المال

كتاب حياتك بما تصفه؟؟"
حقيبة أسرارك عند من تودعها؟؟:
وفي الاخير اقول لك بالتوفيق مع باقي الاسئلة الله يعينك
سلام
​

 

[الباندي]

رد: كـرسـي التعآرف { الضيـف الثآني عشر } البـــاندي

سلام اخي الباندي وش راك لباس

الحمد لله اختي

انت تاني حكموك وجابوك ههه على خطرش كنت تزغد بزاااف هههههههههه بالتوفيق
بسم الله
لماذا اخترت اسم الباندي ؟ وما السر ؟
تسمية قديمة في الكرطي

قبل اسمك ماذا تحب أن يكتب؟؟:
مفهمتش سؤالك
رتب الكلمات التالية حسب أهميتها عندك:الحب -العائلة -المستقبل المهني-الصداقة-المال

العائلة-الصداقة -المال-المستقبل المهني

كتاب حياتك بما تصفه؟؟"
حقيبة أسرارك عند من تودعها؟؟:

كتاب حياتي اصفه "خاطي مليار"...
حقيقة اسراري "عندي"

وفي الاخير اقول لك بالتوفيق مع باقي الاسئلة الله يعينك
سلام
​

شكرا اختي مرحبا بيك ربي يخليك ان شاء الله

 

[الباندي]

رد: كـرسـي التعآرف { الضيـف الثآني عشر } البـــاندي

حالياً الأعضاء النشيطين الذين يشاهدون هذا الموضوع : 3 (1 عضو و 2 ضيف)
‏الباندي

راني وحدي في la piste

 

[سفيان اسلام]

رد: كـرسـي التعآرف { الضيـف الثآني عشر } البـــاندي

مساء الخير
كيراك خويا عبد الحق لباس

قيساش ترقد فليل
ماهو حلمك في الحياة

ومن بعد نجي
​