النساء و السياقة (تحت المجهر)......

[الامين محمد]

السلام عليكم
يا الناس الزينين
و ان شاء الله اموركم كامل مليحة
اليوم يا ناس الخير حاب نحكي معاكم على موضوع يثير الجدل في العوائل
و في المجتمع و بين الأزواج و بين الاخوة

الموضوع هو السياقة عند المرأة
بين القبول و الرفض
بعض الناس يشوفو فيه شي عادي
مثل ما المرأة تمشي ممكن تسوق
و مادامنا قبلناها تكون استادة و طبيبة و في المصنع ممكن تسوق سيارتها لوحدها:thumb_up02::bravo01:
و الأكثر من هاك يقولوا بلي الراجل الفاشل اللي يشوف غير هادا :-o

اما الناس اللي ترفض يقولوا مازال كاين رجال في البلاد:sport02:
و يقولوا ان السياقة للمرة هو نوع من الاسراف
و الدعوة للاختلاط و يخلي المرة في متناول أعين الرجال و تحت العرف:-o
لأانك ما تقدرش تغض البصر ديالك في حالة كيما هادي:love01:

بين هدا و داك
أنتم أحبتي
رأيكم
ناقشونا
نورونا
اقنعونا

في انتظاركم
أحبتي
سلااام​

 

[السلطانة]

رد: النساء و السياقة (تحت المجهر)......

وعليكم السلام كل واحد كيفاه يشوفوها

انا بالنسبة ليا منحبش نسوق عن روحي عندي خوف من السيارة اما النسا لي تسوق تجيني عادي

شكرا لك

 

[ام اشراق]

رد: النساء و السياقة (تحت المجهر)......

انا عن نفسى نخاف وجامى خممت فى السياقة
لكن انو المراءة تسوق نظن عادى احسن ماتروح تركب فى الحافلة ولا طاكسى وتوقع فى الاختلاط تاع الصح مش العكس
منيش نقول تظل حاكمة السيارة ودور فى الزنق بدون سبب ولكن لما تكون ظروف طارئة مايكونش الاب او الاخ او الزوج تكون عندها رخصة تسلك راسها ويبقى هذا رائي
شكرا محمد الامين موضوع شباب:up:

 

[BLEU PEARL]

رد: النساء و السياقة (تحت المجهر)......

السلام عليكم
شكرا على الموضوع أخي بالنسبة لي عادي جدا في اﻷول قبل ماندير بارمي خويا الكبير كان ضد الفكرة وحاول يقنع بابابلي يصراو مشاكل ولي جان يقدرو يديروها زكارة ويقيسوها ولا يهبلوها وووو
طبعا خوفو عليا
والحمد لله بعد اجتياز امتحان السياقة وليت نعاون اﻷب ديالي فالسياقة ونقص عليه التعب
ولكن نسوق وحدي مانظنش لازم معايا انسان كبير
مانحبش المرأة الي تسوق بالزوخ ولا دير غنا وغيرها
ولكن للضرورة عادي جدا
هذا مجرد رأي
والسلام عليكم​

 

[Nina's]

رد: النساء و السياقة (تحت المجهر)......

السلام عليكم
و عليكم السلام​

يا الناس الزينين
الله يسلمك​

و ان شاء الله اموركم كامل مليحة
الحمدلله​

اليوم يا ناس الخير حاب نحكي معاكم على موضوع يثير الجدل في العوائل​

و في المجتمع و بين الأزواج و بين الاخوة​

الموضوع هو السياقة عند المرأة​

بين القبول و الرفض ​

بعض الناس يشوفو فيه شي عادي ​

مثل ما المرأة تمشي ممكن تسوق
ايه طبعا حآجة نورمال عادية جدا​

و مادامنا قبلناها تكون استادة و طبيبة و في المصنع ممكن تسوق سيارتها لوحدها
قبلتوها ؟ علاش لوكان ما قبلتوهاش ماراحش تخدم ههههه صحح هذا الكلام:thumb_up02::bravo01:​

و الأكثر من هاك يقولوا بلي الراجل الفاشل اللي يشوف غير هادا
العقلية تاع بكري, ولا صحاب البلاد :-o​

اما الناس اللي ترفض يقولوا مازال كاين رجال في البلاد
اواه الرجال بلا هذي كاين الله يبارك:sport02:​

و يقولوا ان السياقة للمرة هو نوع من الاسراف
هذا تخلف وي​

و الدعوة للاختلاط و يخلي المرة في متناول أعين الرجال و تحت العرف
لالا بالعكس, مستورة في سيارتها في متناول الاعين, خير من متناول الايدي:-o​

لأانك ما تقدرش تغض البصر ديالك في حالة كيما هادي
لي مربّي من عند ربي, و لي تخلعو الحديدة حاجة وحدوخرة:love01:​

سلااام​

حاجة عآدية و مسموحة, و لي يعارض انا عندي متخلف


شكرًا​

 

[Ma$Ter]

رد: النساء و السياقة (تحت المجهر)......

السلام عليكم
المراة تخاف بزاف + ما تعرف تتصرف فى الحالات الطارءة
ومعرضة للمعاكسات والتحرش فى اى مكان
مالا ما تشوقش احسن ليها
بارك الله فيك
​

 

[Amine7N]

رد: النساء و السياقة (تحت المجهر)......

السلام عليكم
المرا مشكلتها أنها تدهش في المواقف الصعبة
وماعندهاش رد فعل سريع كيما الرجال
بصح أنا مع المرا اللي تتعلم السياقة
إذا صرا كاش مرض في الدار والسيارة كاينا والراجل مكانش
واقيلا نقعدوا نقارعو للإسعاف اللي تضرب 3 سوايع باه تجي !!!
أنا ضد سياقة المرا وحدها في المسافات الطويلة
إذا تعطلت بيها السيارة في منطقة نائية واش غادي يسلكها !!!​

 

[Skor m@k]

رد: النساء و السياقة (تحت المجهر)......

السلام عليكم
صح أخي مرناش ضد الفكرة أن المرأة متسوقش
بصح كاين وحد النسا ربي يجيب الخير
الماء تاع السويgلاس متعرفش وين جاي
المشكلة رهم يعرفو غير ينوضوها ويشعلو الغنا
كاين أو كاين حنا منجمعوش كاين لتستهل تسوق
كيما قالت الأخت sissina gilina
لي مربّي من عند ربي, و لي تخلعو الحديدة حاجة وحدوخرة​

 

[خديجة ph]

رد: النساء و السياقة (تحت المجهر)......

بارك الله فيك اخي على هذا الموضوع خصوصا أني عانيت منو كثيرا .
هل أقبل أم أرفض المرأة التي تسوق
ما نقدرش نرفض لأنني أسوق
بعض الناس يشوفو فيه شي عادي
الأمر عادي في بعض المدن الريف لا أظن
مثل ما المرأة تمشي ممكن تسوق
يعني لو قسنا على عصر الصحابة رضوان الله عليهم كانو النساء يركبو الخيل الإبل عادي
و مادامنا قبلناها تكون استادة و طبيبة و في المصنع ممكن تسوق سيارتها لوحدها
كلام منطقي
و الأكثر من هاك يقولوا بلي الراجل الفاشل اللي يشوف غير هادا
لا ما نقولش هاك الله عالم واش شاف ربي يجيب الخير
ما الناس اللي ترفض يقولوا مازال كاين رجال في البلاد
الرفض فيها فيها وإذا كان يزيد في رجولة الرجال فالجزائريون أسياد الرجال
و يقولوا ان السياقة للمرة هو نوع من الاسراف
إذا من حر مالها ما نشوفش ضرر يبقى هذا قرارها
و الدعوة للاختلاط و يخلي المرة في متناول أعين الرجال و تحت العرف
الإختلاط هو أحد الأسباب اللي خلاتني نقتني سيارة,:
1. المواصلات العمومية حسبي الله و نعم الوكيل و ما نزيد فوق هذا أي كلمة ولو زدت فدموعي ستسبقني. ربي يحفظكم خواتاتي من المواصلات العمومية ومن شر ما خلق .
2. الزوج و ظروف عمله المرهقة جدا تخيلو نروحو زيارة عند أقاربنا و فجأة يتصل ما يقدرش يردنا للمنزل نظطروا نباتو مرة و زوج و ثلاثة و .... خلاص ما بقاش أعذار
3. سيارات الاجرة في نظري خلوة و بعد السائقين ربي يهديهم.
لأانك ما تقدرش تغض البصر ديالك في حالة كيما هادي
يتوقف على حجاب السائقة و حشمتها إذا متحجبة مغلقة النوافذ و الابواب ماكاش غناء ولا سياقة إستعراضية صدقني رح تكون أحسن من أن تحمل أولادها في الشارع الحر البرد التعب وفوق هذا طلبات الأولاد المحرجة جداااااا تتمنى تنشق الارض ولا سمعها الراكب معها والادهى والأمر التعليقات بعدها.

المراة تخاف بزاف + ما تعرف تتصرف فى الحالات الطارءة
المرا مشكلتها أنها تدهش في المواقف الصعبة
وماعندهاش رد فعل سريع كيما الرجال

موقف طارئ وأنا في سيارتي خير ما يرميني الباص بعد ما تعطل في نص الطريق أنا والأولاد 35° صدقني بكيت

أنا ضد سياقة المرا وحدها في المسافات الطويلة
معاك في هذا مليون بالمئة
كما ما نحبش المرأة تسوق و زوجها راكب ولا أخوها الأولى هم يسوقو بيها

الماء تاع السويgلاس متعرفش وين جاي
ما نعرفش وين جا للآن زوجي هو يملؤو

هذا رأيي تقبلوا مروري خاوتي

 

[الامين محمد]

رد: النساء و السياقة (تحت المجهر)......

شكرا احبتي على عطر و كرم المشاركة
لي عودة للرد على مشاركاتكم الطيبة​

 

[ثَسْكُورْثْ نَثْدُوكْلِي]

رد: النساء و السياقة (تحت المجهر)......

سلاام عليكم خويا

موضوع هاايل وصح يثير الجدل عند الكثير

اولا نبدى براي في الدار شجعوني بزااف باه ندير رخصة السياقة وماعندناش اي مشكل بسياقة المراة للسيارة
لكن انا خااف ولحد الان راني مترددة بالخوض في هذي المغامرة ونشوفها لايقة غير بالرجال ومستحيل نقدر نركب مع امراة وتسوق بيا هههه بصرااحة نشوفها ضعيفة كيما انا وتوجور نيماجيني تدخل في كاميو ول حاجة هكا على كل ربي يعاونهم
وسياقة المراة ماتعنيش مكانش رجال في البلاد كيفاه يخممو هكا ........

اما بالنسبة للدراسات قريت ديجا على انو سياقة المراة مضرة جداا بصحتها نظرااا لمرفولوجيتها .... وشدة تفكيرها وكيما معروف المراة تسيه اكثر من الرجل وتخاف بزاااف عليها معظم الدراسات تنصح بعدم سياقة المراة


ههههه وانا ماشكيتش نسوقها خوااافة بزاااف ...

وشكرااا على الموضوع اخي
بالتوفيق تحياتي

تقبل راي ومروري

 

[أم أبرار]

رد: النساء و السياقة (تحت المجهر)......

السلام عليكم ورحمة الله وبركاته

الله يبارك موضوع جد وفي للنقاش والاعضاء صبو فيه كل ما يخطر في بال اي واحد معارض ولا مستحب

بنالسبة ليا حابة نسوق بصح نخاف .
​

 

[Perle Blanche]

رد: النساء و السياقة (تحت المجهر)......

السياقة رجعت حاجة عادية بالنسبة للمرأة في وقتنا هذاا
بالنسبة لياا يعني الحمد لله نقصت علياا هم التنقل بحكم خدمتي
و أول شخص شجعني على هاذي_الوالد_تاعي ربي يحفظوو
الحاجة لي نتفاداها هي أني نسوق في أوقات متأخرة و الحمد لله
​

 

[مهدي الثعالبي]

رد: النساء و السياقة (تحت المجهر)......

نساء الصحابة كن ضمن الجيوش الاسلامية و كن خيرة النساء و لم ينهانا ديننا على التعلم و لم يخص الرجل وحده في التعلم في جميع الميادين ، اما في ميدان السياقة فهو كسائر العمل ، من منا لا يتمنى ان تركب زوجته اوا بنته في سيارة اجرة تقودها امرأة ؟ واذا كان زوجان يعيشان لوحدهما و اصاب الرجل مكروه أليس من الاجدر ان تأخذه زوجته وتقود هي السيارة ، انا لا ارى مانعا ، بل اشجع على هذا ، لان المرأة ميزتنها دينها و اصلها . واذا تعرضت لمكروه اثناء قيادتها للسيارة فحتى الرجال معرضون للاخطار

 

[مرام التيبازية]

رد: النساء و السياقة (تحت المجهر)......

السلام عليكم الموضوع بالنسبة ليا عادي و انا واحدة من الناس اللي رايحة نجوز البارمي و مع الدار عادي ماعندهمش اشكال و ان شاء الله ربي يوفقني اما في المسافات الطويلة لالا على خاطر الدنيا صعيبة

 

[maryama louma]

رد: النساء و السياقة (تحت المجهر)......

موضوع قيم اخي

الشرع لم يحرم سياقة المرأة بل ذلك استر لها

و انا معك في كونك ضد السياقة لمسافة طويلة

انا عندي بارمي مي مخبياتو للضرورة

يعني المرأة اخت الرجل في بعض الاحيان

تقبل تحياتي

 

[بنـ MaPa ـت]

رد: النساء و السياقة (تحت المجهر)......

موضوع يحتاج للنقاش
السياقة لا هي عيب و لا هي حرام
شفت نساء يسوقو بالنقاب ماكان لا تكحال لا والو
الهدف واضح لكل واحد حاب يسوق باش يبان و لا يسوق باش يقرى و لا يخدم الخ
لكن المشطل في الاباء و الاخوة
يسمعو و يشوفو بزاف للناس بالعربية دايرين قيمة كبيرة لهدرة الناس
الانسان لي عارف تربيتو و يتمشى على كلمتو ما يسمع لحد و يعرف وين راه الصح و الغالط..
الله يثبتنا على الدين يا ربي

 

[الامين محمد]

رد: النساء و السياقة (تحت المجهر)......

السلام عليكم ورحمة الله وبركاته

الله يبارك موضوع جد وفي للنقاش والاعضاء صبو فيه كل ما يخطر في بال اي واحد معارض ولا مستحب

بنالسبة ليا حابة نسوق بصح نخاف .
​

المشكلة في الخوف لأن أغلب الرجال يذكرون أن خوف المرأة قد يعرضها للخطر
طبعا زيادة على أن غالبيتهم يرفضون سياقة المرأة من الأساس

نساء الصحابة كن ضمن الجيوش الاسلامية و كن خيرة النساء و لم ينهانا ديننا على التعلم و لم يخص الرجل وحده في التعلم في جميع الميادين ، اما في ميدان السياقة فهو كسائر العمل ، من منا لا يتمنى ان تركب زوجته اوا بنته في سيارة اجرة تقودها امرأة ؟ واذا كان زوجان يعيشان لوحدهما و اصاب الرجل مكروه أليس من الاجدر ان تأخذه زوجته وتقود هي السيارة ، انا لا ارى مانعا ، بل اشجع على هذا ، لان المرأة ميزتنها دينها و اصلها . واذا تعرضت لمكروه اثناء قيادتها للسيارة فحتى الرجال معرضون للاخطار

أعتقد أغلب الرجال لا يوافقونك و الواقع يثبت كلامي

السلام عليكم الموضوع بالنسبة ليا عادي و انا واحدة من الناس اللي رايحة نجوز البارمي و مع الدار عادي ماعندهمش اشكال و ان شاء الله ربي يوفقني اما في المسافات الطويلة لالا على خاطر الدنيا صعيبة

هههههههههههه تحدي هذا تصنعي البارمي هههههههههه أمزح فقط
ربي يسهل ليك أختي

موضوع قيم اخي

الشرع لم يحرم سياقة المرأة بل ذلك استر لها

و انا معك في كونك ضد السياقة لمسافة طويلة

انا عندي بارمي مي مخبياتو للضرورة

يعني المرأة اخت الرجل في بعض الاحيان

تقبل تحياتي

عما عن الشرع فالمسألة فيها فتاوي متناقضة و الله أعلم
و انا اوافقك أن المرأة لازم تتعلم ممكن تضطر أنها تسوق

موضوع يحتاج للنقاش
السياقة لا هي عيب و لا هي حرام
شفت نساء يسوقو بالنقاب ماكان لا تكحال لا والو
الهدف واضح لكل واحد حاب يسوق باش يبان و لا يسوق باش يقرى و لا يخدم الخ
لكن المشطل في الاباء و الاخوة
يسمعو و يشوفو بزاف للناس بالعربية دايرين قيمة كبيرة لهدرة الناس
الانسان لي عارف تربيتو و يتمشى على كلمتو ما يسمع لحد و يعرف وين راه الصح و الغالط..
الله يثبتنا على الدين يا ربي

شكرا لأدلائك برأيك
المشكلة ليست في التربية المشكل هو في المجتمع
عموما شكرا للمرووور العطر

 

[جيهان جوجو]

رد: النساء و السياقة (تحت المجهر)......

موضوع مهم للنقاش بارك الله فيك صراحة انا راي تليقلها الا في بعض الحالات المهمة والطارئة انا امنيتي نسوق سيارة الشهر اللي فات قلت لبابا يديرلي بيرمي راكم عارفين باش نروحو ندور بيكم شوية وندخلكم في حيط تقبل مروري

 

[الامين محمد]

رد: النساء و السياقة (تحت المجهر)......

موضوع مهم للنقاش بارك الله فيك صراحة انا راي تليقلها الا في بعض الحالات المهمة والطارئة انا امنيتي نسوق سيارة الشهر اللي فات قلت لبابا يديرلي بيرمي راكم عارفين باش نروحو ندور بيكم شوية وندخلكم في حيط تقبل مروري

ههههههههههههههه
أهلين أختااه
أنا مع رأيك ممكن نحتاج المرأة اللي تسوق في بعض الأحيان و بعض الحالات
شكرا لعطر مرووورك