شعبة علوم تجريبية ؟

lina algeria

:: عضو منتسِب ::
إنضم
30 سبتمبر 2012
المشاركات
35
نقاط التفاعل
82
النقاط
3
السلام عليكم حبيت نسقسيكم صح شعبة علوم تجريبية صعبة ؟ يعني أنا اخترتها لكن لي نقولو يقولي صعبة جدا جدا خاصة في العلوم الطبيعية :( :-o مع العلم أنو نقاطي في المواد العلمية عموما متفاوتة أحيانا نجيب مليح لكن أحيانا نهبط على حساب الدروس :s لي قرا هذه الشعبة يجاوبني من فضلكم ؟
 
رد: شعبة علوم تجريبية ؟

السلاام عليكم شعبة العلوم التجريبية ماهيش صعيبة كيما قالولك
لكن في الاكالوريا رايحة تلقاي مشكل في مادة واحدة
يااختي العلوم هي الماادة الاساسية وما يعطوش عليها نقاط ملاح لانها مادة متفاوتة الاجاابة
ماشي كيما الرياضيا الاجاابة تكون باينة
لكن نقول لاختي اللي يقرى يقرى
شتات علوم ولا رياضيات ربي يوفقك
 
رد: شعبة علوم تجريبية ؟

السلام عليك
هي شعبة مليحة تعجبني و اختي قراتها و لي ضيعتها فالباك و حطمتلها امنيتها نتاع الطب هي العلوم مع ان تقراها غاية
حاولي ديري دروس خصوصية فيها و تبدايا تقرايها من اول يوم متخليش الدروس تتراكم
ربي يوفقك
 
رد: شعبة علوم تجريبية ؟

السلام عليكم


أختي نعطيهالك من اللخـــــــر ... هي شعبة مليحة و مش صعيبة بزااف ..


على فكرة انا عندي باك 2011/2012 بــ معدل قريب من الـ12 شعبة علوم تجريبية ( ديت فالعلوم 9 و الرياضيات 6 و الفيزياء 9 .... )


يعني قادرة تنجحي فيها بالمواد الثانوية مش شرط المواد الاساسية


ربي يوفقك
 
رد: شعبة علوم تجريبية ؟

السلام عليكم
علوم تجريبية ولا رياضي ولا تسير واقتصاد...كامل لازم تبذلي فيهم مجهود مكاش حاجة بالساهل...
وانا علوم تجريبة وماهيش صعيبة بزاف كيما قالولك يخوفو فيك برك ..اذا كنت حابة تقرايها تقرايها ديري القلب برك
والعلوم ماهيش صعيبة بزاف برك لازم تحطي مع الاستاذ و تحلي تمارين ..
ولازم تقراي من السنة الثانية لانو متعلقة شوي بالسنة الثالثة..هذي نصيحة ليك
 
رد: شعبة علوم تجريبية ؟

اختي هي شعبة مليحة انا من الشعبة هادي
وهادي الشعبة تحتاج تركيز وعمل وهي شعبة مليحة و مش صعيبة بزااف ..
ولازم تحاولي انك تجيبي النقاط العلمية اكثر من الادبية وانت واختيارك اختي وربي يوفقك
 
رد: شعبة علوم تجريبية ؟

السلام عليكم اختي
بالعكس بالنسبة ليا واني نقول بالنسبة ليا في شعبة العلوم تجريبية مادة العلوم هي الساهلة واسهل من الرياضيات والفيزياء تاني سواء فالسنة الثانية ولا فالبكالوريا
ويبقى هذا رايي اختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top