قصيدة رائعة باللهجة الجزائرية

[جليلوس]

السلام عليكم ​

قصيدة جميلة قريتها عجبتني نقلتهالكم​

ان شاء الله تعجبكم​

​

نصحوني مرة صحابي بالزواج ... و قالولي بركاك من التعواج​

راهي رايحة تديك المواج ... إذا بقيت فالعزوبية​

بقيت نطلع في الحساب ... و لقيت كلامهم صواب​

و في الغد بعثتلهم نواب ... يطرحوا لأهلي القضية ​

بابا وافق في الحال ... و قال نجيبوا بنت الخال​

و يما جاها في البال ... يخطبولي وحدة بدوية​

تفاهمنا على بنت المدينة ... قالو فاهمة ورزينة​

راهي تمخمخ في الكوزينة ... وتطبخ طبخات زينة​

عولنا وقصدنا الدار ... حاملين في يدينا النوار​

ودرنا وحنا زوار ... قاصدين بنت معينة​

الخال في بنتو شكر ويزيد ... قارية وما تركتش المسيد​

وصحيحة كي الحديد ... بنت العلم والتربية​

قلت واش هي الشروط ... راني صرت ليكم مربوط​

ومالي عندكم محطوط ... ونزيدلكم الشهرية ​

قالي يا وليدي سجل ... 20 صباط باش تبدل​

و 50 سروال مفصل ... و يكونو ضيقين شوية​

وزيد كيلو ذهب صافي ... تجيبو وانت زاهي​

والشنتوف ما هو كافي ... راني درت فيكم مزية​

بنتي راهي غاية وشريفة ... ما تتركش يدها خفيفة​

20 خاتم في القفيفة ... تحطهم في يدها هي​

وسلسله غاليه ما تنساش ... والمليون لازم يكون معاك​

والحايك مرمة لازم تلقاه ... وتقدمو لبنتي هدية​

قالي يا السي موووح ... بلاك تنسى خيط الروح​

باش يزيد لبنتي الروح ... تبقالك ديما حية ​

تشريلها عشر كباش ... والدجاج مشوي ما تنساش​

وزيدلها مترا قماش ... هادي حاجة رمزية​

بنتي ما تضربش النشاف ... ومن الحمام تخرج بالتلحاف ​

وشعرها جيبلو حفاف ... وتزور sa mère كل عشية​

الطفلة نطقت ملهيك ... يا بابا لازم تنهيه​

يتركني نحكم فيه ... ويمشي معايا بالنية​

قالي الشرط ما خلاص ... نقراو الفاتحة قدام الناس​

قلتلو راني لباس ... ومنين نهرب يا خويا​

درنا العرس نهار الخميس ... وكثر فيه الهراج والتهراس​

المطرب يخلط على الناس ... والدرباكي يعفس تعفاس​

والجمهور راهو نعاس ... والبراح يبرح شوية​

جابو العروسة للبيت ... كي شفتها من الخوف بكيت​

شعرها على الطابلة محطوط ... وراسها من الشعر مزبوط​

رافدة معاها عشر قطوط ... تلعب لعبة هزلية​

لقيتها مركبة قطع غيار ... شعرها وحواجبها ولشفار​

و كي ضحكت كل شيء طار ... هادي ماركة عصرية​

قالت لازم نبقى حرة ... ويماك لازم ترميها برة​

وما تكثرش معايا الهدرة ... أنا طفلة متحضرة​

قلت يا امرة لازم تفهمي ... ترفدي حوايجك و اخطيني​

​

 

[LINA LOLO]

رد: قصيدة رائعة باللهجة الجزائرية

اووووووووووووووووووووو شابة
يعطيك الصحة

 

[~خفة روح~]

رد: قصيدة رائعة باللهجة الجزائرية

روعة شكرا يعطيك الصحة​

 

[جليلوس]

رد: قصيدة رائعة باللهجة الجزائرية

اووووووووووووووووووووو شابة
يعطيك الصحة

روعة شكرا يعطيك الصحة​

ههههه مزيا لي عجبتكم :d
شكرا على المرور الطيب :up::up:

 

[أميرة تقرت]

رد: قصيدة رائعة باللهجة الجزائرية

هايلة يعطيك الصحة

 

[Nina's]

رد: قصيدة رائعة باللهجة الجزائرية

ههههههه ففكرتني
هذي كانت عندي فيديو و يهدر فيها وحيد القرن هههههههه
تبًا

 

[جليلوس]

رد: قصيدة رائعة باللهجة الجزائرية

هايلة يعطيك الصحة

ههههه الله يسلمك
شكرا للمرور :up::up:

 

[جليلوس]

رد: قصيدة رائعة باللهجة الجزائرية

ههههههه ففكرتني
هذي كانت عندي فيديو و يهدر فيها وحيد القرن هههههههه
تبًا

ههههههههههههههه تبا .... جيبيه نشوفوه معااااك

شكرا لمرورك والله يدوم الضحكة

 

[ام اشراق]

رد: قصيدة رائعة باللهجة الجزائرية

هههه شكرا على القصيدة الرائعة ياعبد الجليل
سمعتها مرة فى الاذاعة مى عندها بزاف ----

 

[جليلوس]

رد: قصيدة رائعة باللهجة الجزائرية

هههه شكرا على القصيدة الرائعة ياعبد الجليل
سمعتها مرة فى الاذاعة مى عندها بزاف ----

هههههههه العفو اختي الكريمة :up::up:
مممم مليح ...يعطيك الصحة بارك الله فيك
تحيتي

 

[الزهرة الحمراء]

رد: قصيدة رائعة باللهجة الجزائرية

يعطيك الصحة خويا على القصيدة
عجبتني بزاااف ​

 

[جليلوس]

رد: قصيدة رائعة باللهجة الجزائرية

يعطيك الصحة خويا على القصيدة
عجبتني بزاااف ​

هههه الله يسلمك
لحمد لله لي عجبتكم
شكرااا لمرورك الطيب

 

[KimoB]

رد: قصيدة رائعة باللهجة الجزائرية

 

[جليلوس]

رد: قصيدة رائعة باللهجة الجزائرية

الله يسلمك يبارك فيك
تحيتي

 

[ثَسْكُورْثْ نَثْدُوكْلِي]

رد: قصيدة رائعة باللهجة الجزائرية

هههههههه اووووو ياسلااام

شكرااا على القصيدة ^^

تحياتي
​

 

[جليلوس]

رد: قصيدة رائعة باللهجة الجزائرية

هههههههه اووووو ياسلااام

شكرااا على القصيدة ^^

تحياتي
​

ههههههههههههه :d:d
العفو شكرا لمرورك الطيب
تحية اخوية متبادلة :up:

 

[حكاية قمر]

رد: قصيدة رائعة باللهجة الجزائرية

تقدر تقول تهدر ع زواج دروك
شكرا ليك

 

[جليلوس]

رد: قصيدة رائعة باللهجة الجزائرية

تقدر تقول تهدر ع زواج دروك
شكرا ليك

وي هي بالداااات
العفو شكرا على المرور الطيب :up::up:

 

[Oum Loukmane]

رد: قصيدة رائعة باللهجة الجزائرية

الله يعطيك الصحه أخي

 

[جليلوس]

رد: قصيدة رائعة باللهجة الجزائرية

الله يعطيك الصحه أخي

الله يسلمك
شكرا لتواجدك :up::up: