ممكن نصيحة

[مشكلتي]

انا معنديش مشكلة بقدر معندي حاجة في قلبي حابة نقلها
عندي شخص يخدم معايا هو انسان متخلق و الكل يشهد عليه
حاسة بلي كاين اعجاب بيني و بينو المشكل انو مش قادر يحكي معايا و لا قادرة نحكي معاه
منيش عارفة االا صح راه معجب بيا و لالا اناا معجبة بيه و كي طرحت السؤال على وحدة صديقتي قاتلي حاولي نتيا تحكي معاه اخلقي اي عذر بلاك هو تاني راه معجب بيك و خايف يكون عندك ارتباطات قولولي صح نحاول نخلق حاجة نحكيها معاه و لا نخليها هكا و حكاية و منديرهاش في راسي بزاف

 

[راضية حامدة]

رد: ممكن نصيحة

تم الاعتماد
معقول؟؟؟؟؟؟؟؟؟؟
اين العفة ؟ اين الكرامة؟ اين عزة النفس؟
لا انصحك اختي بهذا ابدا

 

[لؤلؤة قسنطينة]

رد: ممكن نصيحة

السّلام عليكم
والله نفس رأي الأخت
ماكانش حكاية معجب و معجبة
كاين باب دار نروحو بيه للحلال
اذا الإنسان هادا صح معجب بيك وناويك للحلال الطريق واضح
وماننصحكش خلاص تقوليلو
واذا قلتيلو وقالك ماعندي والو اتجاهك كيفاه تكون ردة الفعل؟
ختي عزي نفسك يعزك ربي
هادي هي نصيحتي وشوفي راي باقي الأعضاء ربما احسن
تقبلي مروري​

 

[الزهرة الحمراء]

رد: ممكن نصيحة

السلام عليكم اختي
خلي لحكاية كيما راهي وماتحكي معاه ماوالو
اتخيلي مثلا تحكي معاه وهو يكون ماهوش معجب حتى يولي يقول واش بيها هاذي لصقة او مثلا يكون معجب وتحكي معاه وكي يشوفك درتي هذاك الجاست يبطل كامل
يعني اختي اذا راهو صح معجب بيك وناويييك قد ماطول رايح يجي نهار يهدر معاك صح مبصح يقولك قولي لداركم النهار لفلاني رانا جايينكم قاصدين لحلال
وربي يسهلك امورك اختي
دمتي في رعاية الله وحفظه ​

 

[Perle Blanche]

رد: ممكن نصيحة

السلام عليكم
الصلاة و السلام عليك حبيبي يا رسول الله
أختي الفاضلة رانا في وقت الناس مترحمكش حتى الشخص اللي يحبك و لا لي راه مقرب منك يعني مهما كانت قرابتك منوو رانا نشوفوها و عايشينها بلاك تنعكس سلبا عليك الا لقيتي بلي مراهش كيما دايرة في بالك راكي تخدمي معاه مش لي بعيدة عليه متزديش تتلاقيه يعني رايحة تبقاي تشوفيه و يشوفك و بلاك الا كان الرد بالسلب تنعكس عليك نتياا و تولي في حالة مش مليحة
أنا حكاية تصارحيه في بالي مجياش خلاص
مهما كانت درجة الاعجاب لي بينكم أكيد هو لي راجل و هو لي يقدر يدير أي خطوة سوى يحكي معاك سوى يبعثلك شخص أخر يحكي معاك
في بالي خليك من الحكاية متحسبيلهاش بزاف في راسك يعني متبنيش عليها امال و لا احلام على خاطر قادر تصدق و قادر متصدقش
و ربي ينولك واش في بالك و يحققلك احلامك
​

 

[{مُدَلَّلَتُهُ}]

رد: ممكن نصيحة

السلام عليكم و رحمة الله و بركاته

أختي خطيك ماتهدري معاه ما والو خليك منه عَزٍّزي روحك يعزوك الناس

لوكان تهدري معاه الهيبة تاعك تروح و تولي تبانيله خفيفة و ماكيش عاطية القيمة لروحك

اذا راكي عاجباته خليه يتمناك كي يشوفك بنت فاميليا و شادة قدرك حتى و يجي يهدر معاك قوليله تعرف دارنا .لاكان ولد فاميليا تكبري في عينه و يروح مغمض عينيه لوالديك و لا كان باغي يلعب يروح يلعب بعيد عليك

السلآم عليكم ربي يرزقك بولد الحلال ان شا الله
​

 

[Hakan]

رد: ممكن نصيحة

الصبر يااختي
ما ديريش خطوة قادرة تندمي عليهاا لانو لما تروحيلو اكيد الرجل ماهوش رايح يعترف باعجابو
ببساطة لانو رجل وهنا تبداي طريق جديدة وهي الوقوع في الحب واذا طحت في الحب ما ينفعك
حتى وااحد توكلي على ربي وادعيه وهو يستجيب لك واللي فيها خير يستجيبهاالك
المهم نصيحة اذا اعترفتي رايحة تحصلي حصلة تودي بيك للتهلكة
وكيما قالو الخطوبة للراجل وايضا الاعتراف بالرااجل
ماشي تقوليلو يرفضك ومن بعد واش يقولو عليك النااس
ربي يهنيك ونحكي لاي واحد سواء راجل او امراة
نهار طيح في حب وحدة ما تعترفش لانو رايح تعيش الرخس بعينو اذا حبيبك قالك انت خاطيني سلام

 

[نجيب]

رد: ممكن نصيحة

أنا راني نشوف بلي قبل ما تحطي الموضوع راكي درت خطوة و حابة تزيدي تتأكدي

المهم ان شاء الله الاخوة راهم بينوا لك السلبيات لي تجي بعد الخطوة لي حابة تديريها

هي شيء عادي لو درتي نصف خطوة بلاك هو ثاني راه متردد و بلاك كيما قالوا الاخوة مراهش معجب و انت راكي

تشوفي فيه راه معجب بيك . نصف خطوة و شوية دكاء منك تنجمي تعرفي الى راه معجب و لا غير انت راك تشوفي هاك

انا منيش ندفع باش تصاريح هههه و بلاك رايح ندير مشكل بهد التعليق نتاعي .

و راني مع كل التعليقات لي تحت الموضوع لاكن الى حابة تديري نصف خطوة ديري نورمال .

شكرا لك نتمنى مايقولوش بلي رانا نحرضوا وووو الخ الفتوى راهي دايرة حالة هد الايام.

​

 

[بقايا إنسان]

رد: ممكن نصيحة

خلي الهدرة في بيت أهلك احسن هذا اذا كان هو جاد وناوي الحلال أما انتي فمعندك حتى حق أو مبررشرعي تحكي معاه
انتهى الشكل

 

[مريم.]

رد: ممكن نصيحة

ان كاتبلك ربي معاه والله والله هو يديرلك لاسباب ومعرفتيش للقدام واش كاين لخطرش ربي كي يبغي يجمع بين اتنين والله متعرفيش كيفاش تجي الصدف وخلي ربي يخططلك موش انتي تعيي ما تخطي لكن هو المدبر انتي صلي وادعي الله

 

[ام أمينة]

رد: ممكن نصيحة

السلام عليكم
اختي الا راه معجب بيك كيما راكي تقولي يجي من الباب و يقصد اهلك
و انتي ردي بالك تهدري معاه حتى هو يجي ليك
و لي كتبها ربي ان شاء الله تجوز

تحياتي

​

 

[محمد العباسي]

رد: ممكن نصيحة

قبل ما يقولوا الناس تفكري رب العالمين.
الحياء ثم الحياء و يذا راه معجب بيك و باغي الحلال غادي أروحه يجي و يجيب معاه أدوات الخطوبة من حلويات
يا نسا خلوا رواحكم بعاد على قصص الغرام و الحب و فليكسي و آكتيفي
مكتوب رب العالمين لاحقك أيا خلوا الأمور تمشي بشكل طبيعي
الله يسهل
​