أوزن كلامك قبل ما تهدرو

[مسك وعنبر]

"السلام عليكم ورحمة الله تعالى وبركاته
مساء الخير على كل أعضاء المنتدى الطيبين
إن شاء الله تكونو كامل لاباس بدون أي إطالة حبيت نشارك معاكم اليوم
بوحد الموضوع كاين ناس بالزاف راهم يغفلو عليه في حياتهم اليومية [
[وهو طريقة الكلام
راه ولا مشكل كبير والناس ولات متعرفش الطريقة الصحيحة باش يتواصلو مع بعضاهم الظرافة راحت الأسلوب المليح في الهدرة نقدرو نقولو بلي راه في طريق الإندثار مافهمناش وعلاش عاد اللي يطلبحاجا من واحد تقولشي راه يدارب واللي يهدر على كاش سوجي غير أهرب من قدامو خير على خاطر
ماتضمنش ردت الفعل ديالو خاصة إذا كان يهدر في عفسة تقلقو:sport01:
ولات الشتائم حاجة عادية وكاين حتى اللي يعجبهم الحال كي واحد يرخس
بيهم مثلا واحد يتلاقى مع صاحبو الحاجة اللولة واش يقولوآآآآه يا وحد
البغل وين كنت ههههه وكاين اللي يقولو مجبتليش طابلات يا الحابس
يا لموسوس يا الجايح وغيرها من الكلمات ههههههه والله غير راسك يحبس :d
بالصح لازم الواحد يدير في بالو بلي حتى وإذا هاداك الإنسان اللي رانا نتعاملو معاه إبتسم وجوزها في مرة من المرات هادا ميعنيش بلي راه مبتهج بطريقة التعامل دبالك معاه بالعكس ممكن حب يسكت تفاديا للمشاكل
وهاد التراكمات مع الوقت هي اللي تخلي العلاقات تخسر
نصيحة لازم نلتازمو بيها كيما كنا
هي أوزن كلامك قبل ما تهدرو على خاطر راه كيما الرصاص
إذا خرج مايوليش والعواقب ديالو ماهيش ساهلة
كيما كانت تقولو جداتي بكري يا ربي خلي عنقي كيما الزرافة ما نجي نهدر
الكلمة حتى نطول ونخمم فيها مليح

وربي يهدينا أجمعين
دمتم سالمين :regards01:]

 

[rycerz]

رد: أوزن كلامك قبل ما تهدرو

صحيح معاك حق يلزم نربط اللسان و يلزم نحطّوه وراء العقل و ليس قبلو باش نفرزو لكلام قبل ما ننطقوه .. لمليح ما توقف في جمايع و ما تخالط ما تبالط .. يكفي عبد ولاّ زوج بالأكثر من اللّي تثيق فيهم و عاقلين .. لأنو معظم المشاكل جي من كثرة الدصارة و الدخص .. و إذا محتمين عليك كثرة لعباد فمن الأحسن ما تزيدهمش أكثر من السلام عليكم خاصة إذا كانوا ناس فارغين شغل و فارغين عقل ، أيضا وين يبداو يطيحوا لكلام و إلا يتكلموا في أعراض الناس يلزم الإبتعاد مع كلمة الله يهدينا تبقاو على خير .. ربّي يبعدنا على ناس الشر و يبعدهم علينا.
​

 

[Malika Tlm]

رد: أوزن كلامك قبل ما تهدرو

السلام عليكم
والله يا ختي واش نقولك الفاظ راها مداولة بين الشباب تكره
ومرات نسمعي كلام مسخ يقولوه ما بيناتهم والناس قدامهم
وعلاه انسان كرمو ربي تعيطلو بالحمار ولا بغل هدا هو اسمو ؟
واسم نقولك حبيبة ربي يجيب الخير وخلاص
ربي يجازيك علي الموضوع
تحياتي لك​

 

[Princesse Diyor]

رد: أوزن كلامك قبل ما تهدرو

و الله اختي عندك الف حق مكانش كيما الاحترام المتبادل بين الاصدقاء تفاديا للمشاكل و مع جيلنا هدا على اتفه الاسباب يتدابز معاك لذا لازم نتفداو هادم الناس و مندصروش عليهم لانهم ناس قاعدة معندها حتى خدمة
وكما يقال
إحترامك للناس يكسبك محبتهم ، ولا يفقدك مهابتك.

 

[رنيم الصمت]

رد: أوزن كلامك قبل ما تهدرو

آآآآآآآ صح الناس جاحو في الهدرة خلاص و زاد الفايس بوك تلفلهم كلش

 

[rycerz]

رد: أوزن كلامك قبل ما تهدرو

تفارقت مع صديق قديم لأكثر من 10 سنوات بسبب كلمة بذيئة وجّهها لي بقصد الأذى النفسي.
-----
كاينة حكمة تقول : عمرك ما تخالط لي ياذيك بالكلام ولاّ بالفعل.
​

 

[Telemly]

رد: أوزن كلامك قبل ما تهدرو

entre garçon

واش راك يا كذا و كذا هو تعبير عن محبّة :d

 

[Yayan]

رد: أوزن كلامك قبل ما تهدرو

مش بالضرروره كي زوز يتناشعوا ويسبوا بعضاهم معناها يتعاركوا ولا يكرهوا بعضاهم
ممكن زوز صحاب كي شغل "مدسرين" بعضاهم ومابيناتهومش رسميات يحكيوا مع بعضاهم هكا
نورمال خلاص

 

[rycerz]

رد: أوزن كلامك قبل ما تهدرو

مش بالضرروره كي زوز يتناشعوا ويسبوا بعضاهم معناها يتعاركوا ولا يكرهوا بعضاهم
ممكن زوز صحاب كي شغل "مدسرين" بعضاهم ومابيناتهومش رسميات يحكيوا مع بعضاهم هكا
نورمال خلاص

نعم معاك حق في هاذي ، كاين لي مداصرين بعضاهم و الأمر عادي بيناتهم إذا كانت القلوب صافية و بنية سليمة و ما يقصدوش الأذية من وراء كلامهم و طريقتهم في التعامل .. و لكن مع ذلك من الأحسن تحسين أسلوب التعامل مع الوقت حتّى لا يجد الشيطان أي منفذ للنزغ و التفتين بين الناس.
أما إذا غابت النية و حضر القصد السيء و الخبيث فإن الأمر رايح يكون قبيح حتما و في النهاية رايحين يتناشعوا و يتباغضوا و يتفارقوا حتّى و لو كان كانوا يتعاملوا بيناتهم بأسلوب حضاري فالظاهر.
​

 

[jessica pretty]

رد: أوزن كلامك قبل ما تهدرو

Oui c vrai il faut faire des limite dans la façon de parler avec les gens
Et mrc pour se sujet

 

[saho souhila]

رد: أوزن كلامك قبل ما تهدرو

نعم كلام منطقي ،،

من جهتي ديما نوزن كلامي قبل منهدر حتى منواجهش عواقبه

و يسلمو ع الموضوع