- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم ناس اللمة الكرام
واش احوالكم؟ ان شاء الله كامل راكم لاباس ؟
لي عندو هم ربي يفرج عليه، ولي عندو مشروع ربي ينجحو ويوفقو، ولي مريض ربي يشفيه
صراحة عندي مدة ماكتبتش هنا في هاد القسم بالرغم من انو احب الاقسام إلى قلبي
واليوم حبيت نطرح واحد الموضوع واعطيوني رايكم فيه
المهم اليوم الموضوع موجه لشريحة من المجتمع الجزائري ، هاديك الشريحة المغبونة المحقورة (ضحايا الإرهاب ههه)
ومن غيرهم؟ "الطلبة" :graduation: ربي يكون في عونهم ان شاء الله وينجحهم
على كل حال اول شخص ينجح في الباكالوريا في كل انحاء العالم وإلا يكون فرحان خاطر انتقل من مرحلة الثانوية
لمرحلة اخرى جديدة
غير ينجح في الباكالوريا ويضمن بلي راهو رايح الجامعة حتى يروح بالو طول لـــ ( لابورس )
هاديك المنحة لي يمدوها كل ثلاثة اشهر للطالب، بصح في كل دول العالم المنح عندهم باه يعاونو الطالب على الدراسة مثلا يشري
بيها كتب ولا تساعدو على مزاولة حياتو الجامعية
وتبني دار ههههه، لدرجة يفيقو بلي لابورس دخلت ومايفيقوش كن يموتلهم واحد من العائلة،
واذا لقيت تجمع تاع ناس اعرف بلي على لابورس
حتى عدوك قادر يولي صديقك
وهادا كامل خاطر في مجتمعنا الجزائري لابورس عندها عدة خدمات، مثلا كاين لي يستنا لابورس تدخل باه يشري سروال جديد ولا تريكو جديد،
والبنات غير يخرجوها من حتى تلقاهم في مراكز التسوق هادا ماكياج
وكاين فئات البنات المخطوبات تستنا لابورس باه تكمل جهازها ههههه،
وتخصص كل بورس وحدها، هادي للزرابي وهادي للفراش وهادي تخبيها للاغوب بلونش ،
وكاين المتزوجات لي تقولك نعاون بيها راجلي
يولي يعس في لابورس وكتاه تدخل
ياكل بيها واش يحب ويعرض حتى صحابو تقول رجل اعمال
وكاين فئة تستخدمها للكريدي، مثلا باه تسلك الماصو تقولو اصبر تدخل لابورس ونسلكك واذا تشري قش اصبر تدخل لابورس ونسلكك
اما الفئة المغبونة خلاص هي لي تدخلها لابورس من إلا ويتم الاستحواذ عليها من أطراف أكثر سلطة في البيت ههههه ومايشموش حتى ريحتها مساكن
يعني لدرجة لابورس عنها اهمية قادرة حتى تزوج عبد، من مدة سمعت احد زملائي في الدراسة يحكي مع صاحبو قالو ماستر 2 قداه لابورس تاعهم؟
قالو 700 ألف، قالو قول والله؟؟ مالا والله نكمل ماستر 2 ونزيد نتزوج بوحدة تقرا معايا بعد وحنا درنا الدار هههههه
ومن بعد يقولك لابورس ما تكفينيش، اكيد ماتكفيكش الناس داروها لاحتياجات بسيطة وعندنا راهي هازة أمة
طفل في عمرو 3 سنين كن تتكبر عليه يقولك اصبر نلحق للجامعة وتولي عندي لابورس وما نحتاج مزية حتى واحد
درك نتوما لي كنتو طلبة واش كنتو ديرو بلابورس تاعكم؟ ولي مازالو طلبة واش ديرو بلابورس تاعكم؟
ولي ان شاء الله العام الجاي لا كتب ربي توليو طلبة اقراو وتعلمو كاين ناس بنات مشاريع من لابورس هههه :p
انا مانكدبش عليكم انا تابعة شوي للفئة الاولى نجمع لي بورس كامل ونشري بيهم واش نحتاج من قش مثلا واذا ماكنتش محتاجة نفتح صندوق
النقد الدولي ولي يحتاج منها يهز هههههه زعما نزكي منهم :d
هيا نخليلكم الخط راني هدرت بزااف
اتهلاو في رواحكم
سلام
