ماذا أفعل؟!

[آمِيْرَتُه]

رد: ماذا أفعل؟!

السلام عليكم
نفترض كاين مشاكل و هي صح كاينة سواء بين المخطوبين و لا متزوجين لكن يوصل يحكي على الوالدة بهذي طريقة يالوكان راني باغية نموت عليه إلا الوالدة خط أحمر يغلط في حقك نقولو معليش مع على أمك سمحيلي باي باي هذا مابقى

 

[شمس الاصيل2]

رد: ماذا أفعل؟!

السلام عليكم
أختيا لغالية تعرفي بلي موضوعك من المفروض يتحط في فرغ واش كاين في قلبك
ماش قسم مشكلتي، خاطر مشكلتك لقيتيلها حل في آخر الموضوع وهي فسخ الخطوبة،
اذا قبل الزواج وفي فترة الخطوبة وصلت الحكاية للمعايرة مالا ورا الزواج كيفاه؟
واصلا في نظري أي علاقة يدخلها شك راهي تفسد، حتى ولو كانت علاقة بين تاجر يبيع
منتجات ومشتري، فمابالك زواج؟؟ الزواج أول المبادىء تاعو الثقة والمفاهمة والمودة
كي يروحو هادو مابقى والو، ولكن فقط ملاحظة انا شاكة انو هادا خطيبك، خاطر في البداية
كتبتي رفيقي، اذا صح رفيقك اقطعي علاقتك واذا خطيبك افسخي خطبتك وخلاص،
وربي يسهل عليك من جهة اخرى ان شاء الله
تحياتي
​

عندك الحق اصلا المفاهمة مكاش من بعد الزواج كيفاه:s:s:sالزواج مش مسلسل رومانسي نحبك و نموت عليك الزواج مسؤولية وفاني المراة لازم تكون شخصيتها قوية:smile02:

 

[من الماضي]

رد: ماذا أفعل؟!

السلام عليكم
أختي. الغالية و الله. ما لقيت. ما نقلك....
كاين رجال بزاف غيورين. و يحبوا نساهم ليهم وحدهم... ما نكذبش عليك أنا. راجلي. انسان غيوووووور بصح....غيرة تاع راجل يحب مرتو

للغيرة حدود و لازم تعرفي انه لي يحبك جامي يجرحك و لا يهينك...
الغيرة ما هيش عيب كيما يقولوا لو كان ما نحبك ما نغير عليك... بصح كيف تلحق يقلك كلام ما يتقبلوش الإنسان و يدوس على عائلتك و يدخل في يماك و خاوتك و زيد قبل الزواج؟؟؟؟؟ و بعد الزواج كيفاااااه؟؟؟؟
يا أختي نصيحة لوجه الله.... فكري مليح هذا زواج ماشي لعب يعني هذا الراجل راح يكون اب أولادك....
و قل ما يصيبنا إلا ما كتب الله لنا...
ربي يقدملك لي فيه الخير و يرزقك براجل يقدرك و يحترمك.

 

[ليليا مرام]

رد: ماذا أفعل؟!

السلا عليكم اختي
شوفي نقولك انا راح نكون صريحة معاك واسمحيلي انت واشبيك راكي كومة هذا كلو وما شفتيش عيوبو واقيل خفتي تبوري او خلاصو الرجال بقا غير الكينغ كونغ هذا اسمحيلي قلقني
اول شي يبان كذاب واش من كذاب زعيمهم وزيدي مديتيلو ظهرك وراح طلع ودلل رجليه اسمحيلي رخصت بروحك بزاف عارفة ايه الحب وعارفة انو حسبتيه راجل ودرتيلو قيمة وتشاوريه وطيعيه مي هذا ما يستاهلش كلو عيوب من ساسو لراسو
ولما يحب يخليك انت محتارة يلعبها يبين ديفواتو وانت مليحة هذي الجملة حافظينها رجال من نوعيتو لازملو طبيب لانك لو تتزوجي به راح يدير فيك رايو وما تحكيش يدفنك حية انت واش ديري براجل يذلك ويسبك ويرخصك ويزيد يكذب عليك والكارثة يعاير فخاوتك وامك هذي وحدها تهز جبل اسمحيلي اختي انت اذا بقيتي معاه اسمحيلي راح يجي يوم وتندمي بزاف على حياتك معاه من رايي خليه وعجلي ما طوليش يا لطيف نيرفاني ايييه هذا لو طاح معايا انا راني رحت ديتو لمالي رميتو هناك ورجعت
ربي يجبلك سيدو وتقولي ما قالو راه ربي يمدلك فالاشارت قبل ما طيح الفاس فالراس