- إنضم
- 18 أوت 2015
- المشاركات
- 2,223
- نقاط التفاعل
- 6,075
- النقاط
- 111
- محل الإقامة
- لا يهم سنغادر يوما ما
- الجنس
- أنثى
سلام عليكم
واش راكم يا اللماوين ان شاء الله ملاح المهم راني رجعت نطل عليكم و نتمنى تدعولي بالنجاح
نرجع للموضوع في جيت على جالو نبدا و نشغل لساني و يدي الان بسم الله
اليوم رحت عند الطبيب انا منين دخلت و قعدت لقيت وحد المرا ايا و تبدا في لونكات نتاعها واش اسمك و وين تسكني و فاش تقراي حتى حسبت روحي عند الشرطة ههه :-o و السؤال لي خلعني و قريب هبلت قاتلي راكي مريضة قلتلها وي قاتلي جيتي داوي و الله حبيت نقولها لا جيت نصور لان الطبيب يصورو عندو هههه
و هذي الظاهرة دائما تتكرر معايا يعني ولينا كي نروحو للطبيب كلي رانا رايحين عند الشرطة و زيد عند الطبيب تلقا ظواهر سبحان الله هذي عجوزة تغتب في كنتها و لخرا كنة تغتب في عجوزتها و مراة اخرى تعطي في الدواء ديري القهوة للجرح و ديري طماطم و الله عجب و الكارثة الاخرى تلقاهم يعرفوا gاع حياة الطبيب حتى تقول راهم من اهلوا
المهم انا ما نطولش عليكم اذا صادفتكم ظاهرة اخرى عند الطبيب(لاني دايرة تقويم الاسنان و تقريبا كل 15 يوم نروح ) احكوهالي باش ما ننخلعش كي تصرالي
و ان شاء الله ما تمرضوا ما تروحو عند طبيب ما تشوفوا عجائب و غرائب
تقبلوا تحياتي
واش راكم يا اللماوين ان شاء الله ملاح المهم راني رجعت نطل عليكم و نتمنى تدعولي بالنجاح
نرجع للموضوع في جيت على جالو نبدا و نشغل لساني و يدي الان بسم الله
اليوم رحت عند الطبيب انا منين دخلت و قعدت لقيت وحد المرا ايا و تبدا في لونكات نتاعها واش اسمك و وين تسكني و فاش تقراي حتى حسبت روحي عند الشرطة ههه :-o و السؤال لي خلعني و قريب هبلت قاتلي راكي مريضة قلتلها وي قاتلي جيتي داوي و الله حبيت نقولها لا جيت نصور لان الطبيب يصورو عندو هههه
و هذي الظاهرة دائما تتكرر معايا يعني ولينا كي نروحو للطبيب كلي رانا رايحين عند الشرطة و زيد عند الطبيب تلقا ظواهر سبحان الله هذي عجوزة تغتب في كنتها و لخرا كنة تغتب في عجوزتها و مراة اخرى تعطي في الدواء ديري القهوة للجرح و ديري طماطم و الله عجب و الكارثة الاخرى تلقاهم يعرفوا gاع حياة الطبيب حتى تقول راهم من اهلوا
المهم انا ما نطولش عليكم اذا صادفتكم ظاهرة اخرى عند الطبيب(لاني دايرة تقويم الاسنان و تقريبا كل 15 يوم نروح ) احكوهالي باش ما ننخلعش كي تصرالي
و ان شاء الله ما تمرضوا ما تروحو عند طبيب ما تشوفوا عجائب و غرائب
تقبلوا تحياتي
آخر تعديل: