السلام عليكم جميعا جمعتكم مباركة ربي يتقبل منكم ومنا يا رب
اليوم يا جماعة حبيت نحكي على عادة وراكم عارفينها الجمعة بزاف عادات عندنا حنا الجزائريين
اول شي الكسكس اجباري زعمى قانون واللي ما يديروش يدوه للحبس وانا الصراحة ما نحبوش ولكن مجبرة نطيبو ليمى ونخرجو منو معروف كاش ما ربي يفتحها فوجهنا قول آمين
زيد كل ما نسمع الجمعة نعرف غدوة جماعة المقبرة رايحين ولما نقول المقبرة معناها نتفكرو موتانا اييه لوكان غير جات فالميت ياو راني راح نحكي على الحيين اللي يروحو يديرو رينيوات فالمقبرة ايه عند الموتى
كنت مرات وقت نقدر نروح نزور قبر والدي وخطيبي ربي يرحمهم يا رب ويلاقيني بيهم فجناتو
نروح خفيف ظريف يا ربي قيس ما نقرا شوي قرآن ونروح طريق ونرجع طريق ما نحكي مع حتى وحدة اللّهم لو تلاقات عيني مع وحدة لازم نسلم عليها واذا سلمت عليها وتبدا من واشراكي حتى نقولها الله يرحمني راني منا راجعة للموتى نقعد معاهم
واش راه يماك واش راه باباك .... بابا مات تهنى من العرب
.... ايه ماشي كنت مخطوبة لوليد فلانة مسكين ربي يرحمو .... مسكينة انت ربي يحبو داه بكري ما يشوفش وجوه الشر
....
ماشي راكي مريضة ورحت للترك قوليلي الترك شابة وزدت رحت للاردن ايييه الله يببارك راكي تفايايج منين جاوك الدراهم ... تزوجت شكيب خليل سرقناهم ورجعنا نورمال
واشبيك شينت هاكاك اجري على روحك سحروك ايه راحا نجري باه نوصل لدارنا ايااا تهلاي فروحك
وانا فقلبي نقولها روحي ان شاء الله تتحل لارض وتسرطك
وخلي وخلي ودرت الطعام ايييه نضت على 6 درتو للمجاهدين نقدر نروح لدارنا ضرك او مازال لونكيت يولي راسي كالطبل
وجماعة القبور تلقاهم 4 او 5 نسا مجمعين عند القبر وقاعدين فوقو ويبداو..... تبدا مولات لاصال هي اللي تهدر على عروستها حاجة باينة وعلى وليدها ويشهدو فهذا الميت وحق هذا اللي راه حاط راسو
ياو نوضي عليه ماراهش حاطو راح نايض يدخلك معاه الداخل
... تشهد فالميت على هدرتها ياو ليهود وما داروهاش
اييه واحد الحكايات وخلي مرة كنت قاعدة عند قبر بابا كنت مقلقة وقاعدة نبكي بالدمعة
حتى نسمع ورايا الحان وشباب عجوز تبكي على ولديها ايه ارواحو واش من بكى
يا علي مت وخليتني ويا علي انت مديت خدك للتراب وهي راهي حواسة وولادك راهم هاملين فاروق راه يزطل وهذيك الشيطانة نتاع امال تحساب كيما انت كنت مزيرها ما طلقت حتى واحد يا علي يا علي الشوشة صفرا والماكياج والتلفون والتلفون يا علي ما يتنحاهاش ومرتك تضحكلها هي راهي تدي فيها هي اعلي ولدي يا علي
ويا انا يا انا شعري وقف على علي واش راه يسمع علي لو دخل للجنة راه خرج باه يرجع يقتل مرتو ويولي
راهم الموتى يشدو فيه يا علي انعل ببليس ماكانش الشهود
ويا حوجي يا انا نشرة الاخبار بالبكى رحت ليها يا الحاجة انعلي بليس اطلبيلو الرحمة حرام عليك اقراي عليه ولو سورة نتاع قرآن ابكي بالدمعة مي هاكا حرام ياو كلاتني
..... وليدي هذا هو مات وهي راهي مع الرجال
وولادو قاع راحو راهم يزطلو وبنتو ذيك الخامجة كيما يماها اواه وليدي سحراتو كاش ما كلى وليدي مات صغير كلاتلو راسو لوكان جات فيها
قالي راسي اضربيها تدخل تحت 7 ارض قتلها الحاجة معليش وكلي ربي مي هو خليه يتهنى فقبرو حرام الهدرة هذي
قاتلي خليني خليني نقول لوليدي واش راه صاري ويا علي اسماعيل دا طونويلتك دقدقها كسرها
قتلها فقلبي دقدق عظامك الا انت عجوزة ياو راكي وكالة النازا مات تهنى منك مشيت وخليتها تندب روحها
واقيل علي ناض بدل القبر مسكين
اييه وخلي ذيك اللي تجي تلم النسا وتحكيلهم على عروستها وتفوت عليهم وحدة ويخلو العروسة ويبداو فهذيك وعرايسها
ما يروحوش من المقبرة حتى يكملو كامل النشرة
ما فهمتش انا علاه مقبرة ولا قاعة مؤتمرات
الجمعة عيد المسلمين الناس تروح للمقبرة تقرا قرآن على موتاهم يتفكروهم والصراحة انا ما نروحش كل جمعة وقت تساعدني صحتي او نكون متضايقة نروح مش شرط جمعة وقت نتوحش بابا نروح اي ساعة تنفحلي
رجعنا نسمعو العجب الحكايات من الحيين رجعو عارفين بيهم الموتى
عندك ميت تطلبلو الرحمة تروج تشهدو على الحيين ويقعدو على القبر بلا احترام
وخلي هذيك نتاع الماكياج
ما نحكوش عليها جاردا دامور هذيك وحدها نشوفو غير الغميز منا ومن هيه وهو رافد تلفون عند قبر فلان وهي من هيه دمعة و خنونة على ميتها ومنا تقولو وي عمري راني نشوف فيك راك حطة روح روح من هيه عند قبر فلان ايييه رونديفوات عند الموتى
والله عادات عند الهنود وماكانش
الخط ليكم واش رايكم نتوما
اليوم يا جماعة حبيت نحكي على عادة وراكم عارفينها الجمعة بزاف عادات عندنا حنا الجزائريين
اول شي الكسكس اجباري زعمى قانون واللي ما يديروش يدوه للحبس وانا الصراحة ما نحبوش ولكن مجبرة نطيبو ليمى ونخرجو منو معروف كاش ما ربي يفتحها فوجهنا قول آمين
زيد كل ما نسمع الجمعة نعرف غدوة جماعة المقبرة رايحين ولما نقول المقبرة معناها نتفكرو موتانا اييه لوكان غير جات فالميت ياو راني راح نحكي على الحيين اللي يروحو يديرو رينيوات فالمقبرة ايه عند الموتى
كنت مرات وقت نقدر نروح نزور قبر والدي وخطيبي ربي يرحمهم يا رب ويلاقيني بيهم فجناتو
نروح خفيف ظريف يا ربي قيس ما نقرا شوي قرآن ونروح طريق ونرجع طريق ما نحكي مع حتى وحدة اللّهم لو تلاقات عيني مع وحدة لازم نسلم عليها واذا سلمت عليها وتبدا من واشراكي حتى نقولها الله يرحمني راني منا راجعة للموتى نقعد معاهم
واش راه يماك واش راه باباك .... بابا مات تهنى من العرب
ماشي راكي مريضة ورحت للترك قوليلي الترك شابة وزدت رحت للاردن ايييه الله يببارك راكي تفايايج منين جاوك الدراهم ... تزوجت شكيب خليل سرقناهم ورجعنا نورمال
وانا فقلبي نقولها روحي ان شاء الله تتحل لارض وتسرطك
وخلي وخلي ودرت الطعام ايييه نضت على 6 درتو للمجاهدين نقدر نروح لدارنا ضرك او مازال لونكيت يولي راسي كالطبل
وجماعة القبور تلقاهم 4 او 5 نسا مجمعين عند القبر وقاعدين فوقو ويبداو..... تبدا مولات لاصال هي اللي تهدر على عروستها حاجة باينة وعلى وليدها ويشهدو فهذا الميت وحق هذا اللي راه حاط راسو
ياو نوضي عليه ماراهش حاطو راح نايض يدخلك معاه الداخل
اييه واحد الحكايات وخلي مرة كنت قاعدة عند قبر بابا كنت مقلقة وقاعدة نبكي بالدمعة
يا علي مت وخليتني ويا علي انت مديت خدك للتراب وهي راهي حواسة وولادك راهم هاملين فاروق راه يزطل وهذيك الشيطانة نتاع امال تحساب كيما انت كنت مزيرها ما طلقت حتى واحد يا علي يا علي الشوشة صفرا والماكياج والتلفون والتلفون يا علي ما يتنحاهاش ومرتك تضحكلها هي راهي تدي فيها هي اعلي ولدي يا علي
ويا انا يا انا شعري وقف على علي واش راه يسمع علي لو دخل للجنة راه خرج باه يرجع يقتل مرتو ويولي
راهم الموتى يشدو فيه يا علي انعل ببليس ماكانش الشهود
ويا حوجي يا انا نشرة الاخبار بالبكى رحت ليها يا الحاجة انعلي بليس اطلبيلو الرحمة حرام عليك اقراي عليه ولو سورة نتاع قرآن ابكي بالدمعة مي هاكا حرام ياو كلاتني
وولادو قاع راحو راهم يزطلو وبنتو ذيك الخامجة كيما يماها اواه وليدي سحراتو كاش ما كلى وليدي مات صغير كلاتلو راسو لوكان جات فيها
قاتلي خليني خليني نقول لوليدي واش راه صاري ويا علي اسماعيل دا طونويلتك دقدقها كسرها
واقيل علي ناض بدل القبر مسكين
اييه وخلي ذيك اللي تجي تلم النسا وتحكيلهم على عروستها وتفوت عليهم وحدة ويخلو العروسة ويبداو فهذيك وعرايسها
ما يروحوش من المقبرة حتى يكملو كامل النشرة
ما فهمتش انا علاه مقبرة ولا قاعة مؤتمرات
الجمعة عيد المسلمين الناس تروح للمقبرة تقرا قرآن على موتاهم يتفكروهم والصراحة انا ما نروحش كل جمعة وقت تساعدني صحتي او نكون متضايقة نروح مش شرط جمعة وقت نتوحش بابا نروح اي ساعة تنفحلي
رجعنا نسمعو العجب الحكايات من الحيين رجعو عارفين بيهم الموتى
عندك ميت تطلبلو الرحمة تروج تشهدو على الحيين ويقعدو على القبر بلا احترام
وخلي هذيك نتاع الماكياج
والله عادات عند الهنود وماكانش
الخط ليكم واش رايكم نتوما
آخر تعديل:
