- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
مساؤكم سعيد اخواني واخواتي الافارقة .. ايها البائسون اتمنى ان بؤسكم هدا اليوم كان اقل من الذي سبقه لان في افريقيا ديما البئس كاين
نحكيو اليوم في سوجي خلاف انا كسرلي راسي .. واكيد انتوما مريتو عليه وشفتو ويمكن كل واحد وعندو ليه نظرة خاصة ... سوجي هذا يحكي على التعامل مع الدين في الفايس بوك بصفة خاصة ومواقع التواصل والنت بصفة عامة
لان اليوم الحالة ولات كارثية وناس زادت فيها بزاف وانا بالنسبة ليا نشوفو تمسخير باسم الدين واستغلال يمكن نقول جهل ولا نسميه تبهليل الناس
نبداو مع بعض الامثلة متأكد اغلبكم ولا كلكم مر عليها يجيبلك حبة طمامطم ولا حبة بطاطا ويقلك مكتوب عليها اسم الله ؟؟؟ واكتب سبحان الله وتلقى كل الناس تسبح ف لي كمونتار .. لا تسبيح وذكر ربي والاستغفار من اعظم العبادات لكن ليس بهاذي الطريقة فرسالة الدين نتاعنا اعظم من حبة طماطم ولا بطاطا وكلنا مهمتنا في الدنيا نشر هاد الدين هل هادي طريقة لرد واحد ملحد ولا كافر الى الدين الاسلامي ؟؟؟ بالعكس هكذا راح نورولهم بلي احنا ناس تافهيين ونقصرو في حق الدين نتاعنا
كاين حالة اخرى كي نشوفها يطلعلي الغاز ولاطونسيو ونتقلق مالغري نكون لباس عليا نهار واحد يقلك استحلفك بالله اكتب الله يشفي .. ولا يقلك استحلفك بالله دير هكدا ... ولا ان لم تعمل جام فان شيطانك منعك ؟؟؟؟
خاوتي من نيتكم ؟؟؟؟ ولا واش راه صاري لعقولك ؟؟؟؟ هكذا غير على جال هاد الجام ولا الكمونتار تلعب باسم الدين ... والله عيب وحابين يرجعو لينا الدين تفاهة ولاو يتمسخرو كيما يحبو .. ولي تغيضني نلقى عندو 100000 جام و 20000000 كمونتار في رايي ومش عارف انا هذا يرجع للجهل بالدين وهنا نحكي على قصة كيفاه انتقل الاسلام الى الهند ... ليس بالسيف ولا بالدعوة انتقل بالتجارة المسلمين كانو لما يتجارو للهند ما يغشوش وما يخدعوش ويعاملو الناس بتعاليم الاسلام الهند صارت مليئة بالمسلمين فقط لما شافو السماحة والتعامل كيفاه فقط بالاخلاق انتشر ... شوف الفرق الشاسع بينا وبينهم وحنا واحد جايبلي حبة بطاطا ولاخر قطة ولا حمامة مهبطة راسها ويقولك ساجدة والامثلة كثيرة راكم شايفينها
وحاجة ديك نهار ندور في الفايس بوك حيرتني ما فهمت والو فيها واحد في صفحة تاع حوادث المرور مداير صورة تاع الام ربي يرحمها ويقول يا ناس امي توفيت امس في حادث مرور الرجاء ادعو لها ... خويا حاب نسقسيك برك يماك توفات البارح انت اليوم قدرت تدخل للفايس بوك وطلع صورتها .. هذا قلب عندك ولا بيلدوزر ... اني نحير انا وندوخ ونولي ما نفهم والو
تانيك حاجة خلاف قبل ما ننسى وانت دور في الفايس بوك ولا حتى المنتديات تلقى بزاف بزاف احاديث وفتاوي مختلفة تحير وين هو الصح من الغلط وهاذي عملية مقصودة حتى يحيرونا في الدين تاعنا وللاسف الناس بلا ما تتاكد من المصدر تلقاها تبارطاجي علخاطر قالولو بارطاجي وهكذا تنشر حاجة غالطة وناس تبع
واحد المرة كلاني قلبي على تاع البطاطا ناس كامل تكتب سبحان الله ايا كتبت كمونتار يا ناس اخطيكم من اللعب هذا او ربي سبحانو واحد ما داها فيا ناس كامل كلمت تكمونتي ب سبحان الله.
اسمحولي على الاطالة خاوتي لكن هذا الموضوع انا نشوفو خطير بزاف خاصة وان يمس في العقيدة والدين وناس بزاف تبع وخلاص ما لازمش تكون تابعة لازم تخمم شوية قبل ما دير اي حاجة .. وانا نشوف فيها متعمدة من ناس لي ما يحبوش هاد الدين باه يضحكو علينا ويحبو يقولو دين تافه وحاشى لله وهدا حسدا من انفسهم لان عارفين دين حق .. وهوما فهمو الرسالة مليح بللي هادي الامة تقدر تلعب بدينها وبهاد العقلية هدمو حتى دول باسم الاسلام
وشكرا على المتابعة
تحياتي
نحكيو اليوم في سوجي خلاف انا كسرلي راسي .. واكيد انتوما مريتو عليه وشفتو ويمكن كل واحد وعندو ليه نظرة خاصة ... سوجي هذا يحكي على التعامل مع الدين في الفايس بوك بصفة خاصة ومواقع التواصل والنت بصفة عامة
لان اليوم الحالة ولات كارثية وناس زادت فيها بزاف وانا بالنسبة ليا نشوفو تمسخير باسم الدين واستغلال يمكن نقول جهل ولا نسميه تبهليل الناس
نبداو مع بعض الامثلة متأكد اغلبكم ولا كلكم مر عليها يجيبلك حبة طمامطم ولا حبة بطاطا ويقلك مكتوب عليها اسم الله ؟؟؟ واكتب سبحان الله وتلقى كل الناس تسبح ف لي كمونتار .. لا تسبيح وذكر ربي والاستغفار من اعظم العبادات لكن ليس بهاذي الطريقة فرسالة الدين نتاعنا اعظم من حبة طماطم ولا بطاطا وكلنا مهمتنا في الدنيا نشر هاد الدين هل هادي طريقة لرد واحد ملحد ولا كافر الى الدين الاسلامي ؟؟؟ بالعكس هكذا راح نورولهم بلي احنا ناس تافهيين ونقصرو في حق الدين نتاعنا
كاين حالة اخرى كي نشوفها يطلعلي الغاز ولاطونسيو ونتقلق مالغري نكون لباس عليا نهار واحد يقلك استحلفك بالله اكتب الله يشفي .. ولا يقلك استحلفك بالله دير هكدا ... ولا ان لم تعمل جام فان شيطانك منعك ؟؟؟؟
خاوتي من نيتكم ؟؟؟؟ ولا واش راه صاري لعقولك ؟؟؟؟ هكذا غير على جال هاد الجام ولا الكمونتار تلعب باسم الدين ... والله عيب وحابين يرجعو لينا الدين تفاهة ولاو يتمسخرو كيما يحبو .. ولي تغيضني نلقى عندو 100000 جام و 20000000 كمونتار في رايي ومش عارف انا هذا يرجع للجهل بالدين وهنا نحكي على قصة كيفاه انتقل الاسلام الى الهند ... ليس بالسيف ولا بالدعوة انتقل بالتجارة المسلمين كانو لما يتجارو للهند ما يغشوش وما يخدعوش ويعاملو الناس بتعاليم الاسلام الهند صارت مليئة بالمسلمين فقط لما شافو السماحة والتعامل كيفاه فقط بالاخلاق انتشر ... شوف الفرق الشاسع بينا وبينهم وحنا واحد جايبلي حبة بطاطا ولاخر قطة ولا حمامة مهبطة راسها ويقولك ساجدة والامثلة كثيرة راكم شايفينها
وحاجة ديك نهار ندور في الفايس بوك حيرتني ما فهمت والو فيها واحد في صفحة تاع حوادث المرور مداير صورة تاع الام ربي يرحمها ويقول يا ناس امي توفيت امس في حادث مرور الرجاء ادعو لها ... خويا حاب نسقسيك برك يماك توفات البارح انت اليوم قدرت تدخل للفايس بوك وطلع صورتها .. هذا قلب عندك ولا بيلدوزر ... اني نحير انا وندوخ ونولي ما نفهم والو
تانيك حاجة خلاف قبل ما ننسى وانت دور في الفايس بوك ولا حتى المنتديات تلقى بزاف بزاف احاديث وفتاوي مختلفة تحير وين هو الصح من الغلط وهاذي عملية مقصودة حتى يحيرونا في الدين تاعنا وللاسف الناس بلا ما تتاكد من المصدر تلقاها تبارطاجي علخاطر قالولو بارطاجي وهكذا تنشر حاجة غالطة وناس تبع
واحد المرة كلاني قلبي على تاع البطاطا ناس كامل تكتب سبحان الله ايا كتبت كمونتار يا ناس اخطيكم من اللعب هذا او ربي سبحانو واحد ما داها فيا ناس كامل كلمت تكمونتي ب سبحان الله.
اسمحولي على الاطالة خاوتي لكن هذا الموضوع انا نشوفو خطير بزاف خاصة وان يمس في العقيدة والدين وناس بزاف تبع وخلاص ما لازمش تكون تابعة لازم تخمم شوية قبل ما دير اي حاجة .. وانا نشوف فيها متعمدة من ناس لي ما يحبوش هاد الدين باه يضحكو علينا ويحبو يقولو دين تافه وحاشى لله وهدا حسدا من انفسهم لان عارفين دين حق .. وهوما فهمو الرسالة مليح بللي هادي الامة تقدر تلعب بدينها وبهاد العقلية هدمو حتى دول باسم الاسلام
وشكرا على المتابعة
تحياتي
