الأَقْدَامْ السَّوْدَاءْ ،، مزال يسالو في بلادنا !!

  • كاتب الموضوع كاتب الموضوع AmiR@RoRo
  • تاريخ النشر تاريخ النشر

AmiR@RoRo

:: عضو مَلكِي ::
أوفياء اللمة
السلآم عليكم ورحمة الله تعالى وبركاته

وش حوالكم احبابي اهل اللمة
hi-onion-head-emoticon.gif

علابالي مستغربين من وجودي هنا ومن موضوعي ههه هدا من زمان جدي ما حطيتش موضوع هنا
لحتى توحشت نشوف موضوع باسمي هنا خخخ
shy-onion-head-emoticon.gif

بصح بعد التحالفات لي قامو بيها مالك وحكيم وامين خفت من كاش غارة حربية طيح عليا
scared-onion-head-emoticon.gif
ملا قلت ندير موضوع ونسلم منهم هههه


بون ندخل فالموضوع حبيت نحكي على الاستعمار لي مازلنا فيه من بعد 54 سنة من الاستقلال
whaaat3-onion-head-emoticon.gif

هادو ياسيدي مانقولكم خمسين ما نقولكم ستين عائلة المهم عدد كبير هادو عائلات في وهران
من الاستقلال وهما ساكنين في باطيمات عايشين لاباس بيهم موالفين كبرو تما جابو ولادهم كبروهم وزوجوهم عادي كما كامل الناس
علاش ماشي حتى جا النهار من هاد النهارات لي فاتو ويصعقوهم بخبر انذار من السلطات المحلية يخبروهم باش يخليو البيوت
whaaat2-onion-head-emoticon.gif

هما ما استاجبوش للانذار وبعد يامات جاو وطردوهم بالقوة وخرجوهم
وبين ليلة وضحاها رجع الشارع بيتهم بعدما كانو معززين مكرمين في ديارههم
تتساءلو علاش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علاخاطر قالك يا سيدي الديار هادوك ماشي ملكهم
وملك من ؟
confused-onion-head-emoticon.gif

ملك الاقدام السوداء ونظن كامل تعرفوهم ،، هادو هما الفرنسيين لي كانوا عايشين في دزاير وقت الاحتلال يعني المستوطنين
لي كانو دايرين الباطل لكحل في بلادنا وكلاو حقوق شعبنا
bled2-onion-head-emoticon.gif

والمشكل ماشي فيهم هوما
المشكل فالدولة تاعنا المنقادة لي استاجبت لدعوتهم وطردت شعبها من الديار ورماتو فالزنقة باش ترضي مالين العين الزرقا والخضرا والشعر لصفر
sweetdrop-onion-head-emoticon.gif


يا عجبا !!!! كيفاش يصرا هاد الشي ؟
confused-onion-head-emoticon.gif

ادا قلنا كانو شراوهم بدراهمهم يا خي نورمالمو الدولة تعطيهم تعويض وترجعلهم دراهمهم ماشي تخرج شعبها للزنقة ويبقاو هادوك البيوت مغلوقين تاكلهم الرتيلة !
ودرك كي خرجوهم من الديار هادو لي محيرني واش راح يرجعو هادو ( لي بيي نوار) يسكنو فيهم ولا كفاش ؟
ادا عندكم شي اجابة فيدونا ا سيدي


هوما تهربو من الاعتدار من الشعب الدزيري على واش دارو حتى
جرائم الحرب لي قامو بيها وماحبوش يعترفو بيها
ودروك يجو يطالبو بديار كسبوها وقت الاستعمار لي عندنا 54 سنة ملي استقلينا منو
expulsion-onion-head-emoticon.gif

ما فهمتش هادي كاينة كامل فالعالم ( ماشكيتش) ؟ ولا غير هنا فدزاير ديما الشعب محقور
sigh-onion-head-emoticon.gif


ربي يهديهم ولا يديهم مسؤولين تعنا كل مرة يخرجو خرجة جديدة ؟
انا تشوكيت تع صح وراسي حبس
woa-onion-head-emoticon.gif


حسبنا الله ونعم الوكيل برك

ايا راني هدرت بزاف ،، اتهلاو في رواحكم
victory-onion-head-emoticon.gif


واليكم الخط ،،

bye1-onion-head-emoticon.gif

 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
يويويويويويييييي
جيبو الكادوات ههههه راهي فطنت خخخخ
ممبعد نولي
 
توقيع Skor m@k
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
يويويويويويييييي
جيبو الكادوات ههههه راهي فطنت خخخخ
ممبعد نولي

وعليكم السلام
ههههه واه حشمت ديما كسلانة قلت نفيق شويا
راني نتسنى رجوعك ^^
 
رد: الأَقْدَامْ السَّوْدَاءْ ،، مزال يسالو في بلادنا !!

وبصح مازال الدزاير تطلب من فرنسا في شحال من عام الاعتذار على جرائمها ومازال ماتحصلت عليه والمشكلة العالم كله شاهد على وجودها في الجزائر اكثر من 132 سنة وزيد وزيد على فرنسا وكل مرة وخرجتها الجديدة القديمة على الجزائر ماتلقاش مناسبة الا ودير كاش حاجة تقلق بيها يالطيف منها
 
توقيع تـريـــاق المحـبـة
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
ياه أمورة واش قاعدة ديري هنا ههههه موضوع مالك والله نفع اصلا بديتو تغيروني درك ندير موضوع ههههه
راني نضحك برك، والله يا أميرة ختي بلادنا ولات تمشي بالمعكوس من وكتاه ولات الاقدام السوداء ولا الخضراء عندها حق علينا
اصلا في بلادنا ومستعمرتنا ويقولك فرنسا، وكن حتى في وقتها بعد بالاك تخرج شوي، يعني الناس تزوجت وزوجت ولادها وولاد
ولادها وقريب تنوض قبيلة تما ومن بعد يجيو يقولك الاقدام السوداء ويشردو عايلة برا يعني ربي يهديهم برك
وربي يكون في عون هاد الناس لي تشردت بيها وبولادها
شكرا امورتي على الموضوع الزينون كيفك
تحياتي
 
توقيع لؤلؤة قسنطينة
رد: الأَقْدَامْ السَّوْدَاءْ ،، مزال يسالو في بلادنا !!

صار الحكاية هادي تاني عندكم يا ميرااااا ؟ انا قلت غير عندنا
فبلدية من بلديات قسنطينة كاين وحد المعلم أثري معروف فهديك البلاصة من زمان
ناقشين فيه اسماء شهداء المدينة ودايرين فيه نافورة فالصيف الاطفال يعومو فيها خخخخخ
المهم من ايام دورت عليه وحد الشركة تع الإنارة العمومية الزنقل انا قلت بالاك رايحين يعاودولو الضو ويبهيوه لأنو جاي في وسط المدينة بالضبط
ايمالا بعد ايام هدموه دقدقوه ندبولو، كي سقسيت بابا عليه قالي راهي فرانسا طالبتهم باش يرجعو الكنيسة لي كانت مبنية لتما
ايمالا نتوما عندكم يا ميرا خروجو الناس من ديارهم للزنقة واحنا ريبونا معلم تاريخي باش يرجعو في بلاصتو كنيسة؟ ارواحي اندبي حناكك بالقرداش:tongue02:
الأقدام السوداء رجعتلهم قلوبهم سوداء مفهمتش علاش خايفين ؟
زعما تزدم عليه فرانسا وتعاود تحتلهم لاخاطر سرقولها الممتلكات اللي هي فالأصل سارقتهم منهم ؟ ياو فيقو:sport01:

 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
صباحك سعيد ختي ميرة والله يعني وجعني قلبي من محتوى الموضوع
الدولة نتاعنا تفوت على الشعب كي شل مكانش اصلا وتفوت على الحركي كأنو بطل
قومي انقض اكثر من الف روح ياحسراه على يامات هواري بومدين اللي كان عندو القومية العربية
وحب الدم الجزائري مي ضركا راهي فسدت البلاد السراق يكرموه الحركي ينصروه
ما فهمنا فيها والو انا عييت وانا نعيط ونحكي في هاذو المواضيع لانو المشكل وااحد
ربي ينصر خاوتنا هاذوما على الطيان نتاع الحركى والاقدام السودااء
رصحيتي ميرة على الموضوع الباهي كنت حاب نصفقلك مي موضوعك حزين ربي يجازيك كل خير ..

 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
الوضع كارثي و الفرنسيين تمداو بزاف
انا لي يحيرني كفاش المسؤولين نتاعنا يستاجبو لهاد الخونة و يخرجو ولاد بلادهم من ديارهم
رانا مستقلين ول لالا؟
شوفو الوقاحة وين وصلت بيهم اليهودي ابن اليهودية ساركوزي اقترح قانون لو يوافق عليه المسؤولين الفرنسيين يطبقوه
لي هو
معاقبة المجاهدين لي قتلو الحركة و رد الاعتبار لهؤلاء الحركة لي باعو لبلاد
يسمى انقلبت الصورة و رجعت الضحية تطلب العفو من الجلاد
شفتو وقاحة اكثر من هادي
فرنسا حقرتنا بزاف في هاد الوقت و في كل مرة تخرج لنا بخرجة جديدة
حسبنا الله و نعم الوكيل
موضوع مهم فعلا بوركت أمورتي :love01:
الله ينتقم من الظالم و يفرج على المظلوم

 
توقيع أم منيــــــر
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم اختي اميرة
مرحبا بيك هنا جامي شفتك هادي اول مرة
و الله الواقع مر بزاف و صعيب الواحد باش يوالف شيء كيما هادا
دوماج مبقاتش دولة في هاد البلاد لا رقيب لا حسيب راهم يتبعوا في الاوامر و خلآص
ديجا احنا مزالنا تحت التبعية الفرنسية في مختلف القطاعات
ربي يجيب الخير​
 
توقيع ضآحكة مستبشرة
رد: الأَقْدَامْ السَّوْدَاءْ ،، مزال يسالو في بلادنا !!

وبصح مازال الدزاير تطلب من فرنسا في شحال من عام الاعتذار على جرائمها ومازال ماتحصلت عليه والمشكلة العالم كله شاهد على وجودها في الجزائر اكثر من 132 سنة وزيد وزيد على فرنسا وكل مرة وخرجتها الجديدة القديمة على الجزائر ماتلقاش مناسبة الا ودير كاش حاجة تقلق بيها يالطيف منها

والله تحيري يا ختي هدا لي بلدان الديمقراطية زعما
وكي جات فاليد لي توجعهم ما حبوش يعترفو
ياك مدام ما عتارفوش بواش دارو علاش راهم يطالب بديارهم درك ؟
منين جاوهم هاد الديار ؟
الله يهدي حكامنا لي راهم ينقادو ليهم برك
منورة اختي
 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
ياه أمورة واش قاعدة ديري هنا ههههه موضوع مالك والله نفع اصلا بديتو تغيروني درك ندير موضوع ههههه
راني نضحك برك، والله يا أميرة ختي بلادنا ولات تمشي بالمعكوس من وكتاه ولات الاقدام السوداء ولا الخضراء عندها حق علينا
اصلا في بلادنا ومستعمرتنا ويقولك فرنسا، وكن حتى في وقتها بعد بالاك تخرج شوي، يعني الناس تزوجت وزوجت ولادها وولاد
ولادها وقريب تنوض قبيلة تما ومن بعد يجيو يقولك الاقدام السوداء ويشردو عايلة برا يعني ربي يهديهم برك
وربي يكون في عون هاد الناس لي تشردت بيها وبولادها
شكرا امورتي على الموضوع الزينون كيفك
تحياتي

وعليكم السلام
هههه ياك في عوض ما ترحبي بيا تقولي لي واش راكي ديري هنا :@ خلاص راح نرفد باقاجي ونطير ههه
كما قلتها كون في وقتها شوي تتهضم ماشي ورا 54 سنة يجو يهدرو عليهم
بصح مادام استقلت دزاير من فرنسا يعني دزاير وكل ما فيها ملك نفسها ما بقاوش يسالو فيها
والله حرام عليهم يشردو ناس بعد كل هاد العمر ويرموهم للزنق
ربي يهدي ما خلق
منورة حبيبتي مريم
ربي يهنيك :love01:
 
رد: الأَقْدَامْ السَّوْدَاءْ ،، مزال يسالو في بلادنا !!

صار الحكاية هادي تاني عندكم يا ميرااااا ؟ انا قلت غير عندنا
فبلدية من بلديات قسنطينة كاين وحد المعلم أثري معروف فهديك البلاصة من زمان
ناقشين فيه اسماء شهداء المدينة ودايرين فيه نافورة فالصيف الاطفال يعومو فيها خخخخخ
المهم من ايام دورت عليه وحد الشركة تع الإنارة العمومية الزنقل انا قلت بالاك رايحين يعاودولو الضو ويبهيوه لأنو جاي في وسط المدينة بالضبط
ايمالا بعد ايام هدموه دقدقوه ندبولو، كي سقسيت بابا عليه قالي راهي فرانسا طالبتهم باش يرجعو الكنيسة لي كانت مبنية لتما
ايمالا نتوما عندكم يا ميرا خروجو الناس من ديارهم للزنقة واحنا ريبونا معلم تاريخي باش يرجعو في بلاصتو كنيسة؟ ارواحي اندبي حناكك بالقرداش:tongue02:
الأقدام السوداء رجعتلهم قلوبهم سوداء مفهمتش علاش خايفين ؟
زعما تزدم عليه فرانسا وتعاود تحتلهم لاخاطر سرقولها الممتلكات اللي هي فالأصل سارقتهم منهم ؟ ياو فيقو:sport01:


اهلا اهلا مينا عاش من شافك وسمع صوتك :p
ماشي عندنا حنا عند جيرانا الوهارنة :d
:s:s:s:s:-o:-o:-o
يا لطيف لهاد الدرجة وصلنا !!
كنيسة !! واستجبولهم عادي كي شغل ماكان والو
يمحيو فمعالم بلادهم وتاريخ شهداءها باش يبنو كنيسة فرنسا طالبتهم باش يرجعوها !
وش يا عباد ربي في بلادك ويسيروك من برا !
هنا تع صح الصح نتاكدو بلي مازلنا ما استقليناش فعليا استقلينا غير الفم لي يقولها
اما الحكام مزال تسيرهم فرنسا ومزال تتحكم فيهم وتعطيهم الاوامر
الله يستر من لي جاي
نورتي مينا :regards01:
 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
صباحك سعيد ختي ميرة والله يعني وجعني قلبي من محتوى الموضوع
الدولة نتاعنا تفوت على الشعب كي شل مكانش اصلا وتفوت على الحركي كأنو بطل
قومي انقض اكثر من الف روح ياحسراه على يامات هواري بومدين اللي كان عندو القومية العربية
وحب الدم الجزائري مي ضركا راهي فسدت البلاد السراق يكرموه الحركي ينصروه
ما فهمنا فيها والو انا عييت وانا نعيط ونحكي في هاذو المواضيع لانو المشكل وااحد
ربي ينصر خاوتنا هاذوما على الطيان نتاع الحركى والاقدام السودااء
رصحيتي ميرة على الموضوع الباهي كنت حاب نصفقلك مي موضوعك حزين ربي يجازيك كل خير ..


وعليكم السلام اهلا
مساؤك أسعد خويا حكيم
يا حسراه الدولة الشعب عندها كي شغل ما ياكزيستيش خلاص
تفوت عليه كي السلام عليكم
لو كان جات عندهم الغيرة على بلادهم وعلى شعبهم ولو كان جاو يسيرو نفوسهم وبلادهم بنفوسهم
ابدا ما يخضعو لاوامر من برا
في وقت هواري بومدين الله يرحمو كان الحركي يمشي مذلول ويعيش مذلول كي كانو الرجال تع الدولة رجال وحكام
بصح درك ....
قالها واحد حقرونا كي شافو حاكم بلادنا معوق قاعد في كرسي وتماداو

الله غالب موضوع مر على حساب الواقع المر لي رانا فيه

نورت خويا حكيم ربي يحفظك
 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم
الوضع كارثي و الفرنسيين تمداو بزاف
انا لي يحيرني كفاش المسؤولين نتاعنا يستاجبو لهاد الخونة و يخرجو ولاد بلادهم من ديارهم
رانا مستقلين ول لالا؟
شوفو الوقاحة وين وصلت بيهم اليهودي ابن اليهودية ساركوزي اقترح قانون لو يوافق عليه المسؤولين الفرنسيين يطبقوه
لي هو
معاقبة المجاهدين لي قتلو الحركة و رد الاعتبار لهؤلاء الحركة لي باعو لبلاد
يسمى انقلبت الصورة و رجعت الضحية تطلب العفو من الجلاد
شفتو وقاحة اكثر من هادي
فرنسا حقرتنا بزاف في هاد الوقت و في كل مرة تخرج لنا بخرجة جديدة
حسبنا الله و نعم الوكيل
موضوع مهم فعلا بوركت أمورتي :love01:
الله ينتقم من الظالم و يفرج على المظلوم


وعليكم السلام
ايوا سي نورمال يتماداو ويزيدو مادام لقاو الاذن الصاغية
كما قلت قبل راه كل مرة ومن كل حدث يتضح انو مازلنا ما استقليناش فعليا مدام مزال اوامر فرنسا تمشي عنا
ايه هداك وش بقا هدا زاد كمل عليهم وزاد طلع شان الخونة هادو خاطر كانو حبابهم وكان ماشي هما ما يقعدو فالبلاد 132 سنة
كل مرة تخرجلنا بخرجة عجيبة وكل مرة الحكام يزيدو يخرجو بخرجة ورد اعجب كتر وكتر
الله يجيب الخير وخلاص
وفيك بركة :love01: نورتي
 
رد: الأَقْدَامْ السَّوْدَاءْ ،، مزال يسالو في بلادنا !!

السلام عليكم اختي اميرة
مرحبا بيك هنا جامي شفتك هادي اول مرة
و الله الواقع مر بزاف و صعيب الواحد باش يوالف شيء كيما هادا
دوماج مبقاتش دولة في هاد البلاد لا رقيب لا حسيب راهم يتبعوا في الاوامر و خلآص
ديجا احنا مزالنا تحت التبعية الفرنسية في مختلف القطاعات
ربي يجيب الخير​

وعليكم السلام اهلا اسوم
ههه هاد المرة راني حطيت رحالي هنا خلاص :p

واقع مر ومستحيل نقدرو نوالفوه اصلا
كيفاش تقدر توالف بالذل والحقرة والاستعباد وانت مستقل ؟!
ما بقاتش القلوب الحية لي تخدم على البلاد وتصونها
هي من بكري في تبعية فالقطاعات بصح هاد المرة بزاف خرجة كارتية هادي
الله يستر ويجيب الخير
نورتي غلاتي
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom