هذا واش نحس كي نشوف الأعضاء هذو

[أميرة ميرال]

رد: هذا واش نحس كي نشوف الأعضاء هذو

اووووووه فكرتيني في الصغر
كي كنت خضراء اللون ههههه
والله حاجة لي تعجبني كي دخلت قيموني لابغا خضراء يشجعوك تقعدي في اللمة تحسيها دارك
و الله يبارك مواضيعك داو بلاصتهم في القسم
ايام تلقي روحك معانا
بصح نسيتي حاجة في تقسيم صحاب اللون الاخضر تاني ..مرشحين للاشراف..و الرمادي المحضورين مثاكين
تحياتي لك

هههه تسمى أنا راني في الصغر ههه وجامي ننساه نبقى نتفكرو على ديما :p:p
وحتى أنا راكم تقيمو فيا مام راني خضراء بلون باشع بالاك نطلبو من الإدارة
ترحم الطبقة هذي وتنقيها بلون جديد ههه راه غبينة يا محاينك خخخخخخخ
الألوان لي قلتي نسيتهم راني ما نسيتهمش بصاح ما فهمتهمش مازال مازال
ما درستهمش مليح بالاك كي ندرسهم مليح ونفهم دورهم نزيد نحكي عليهم
هههه وشكرا حبيبتي على الرد شرفتيني والله
​

 

[أميرة ميرال]

رد: هذا واش نحس كي نشوف الأعضاء هذو

السلام عليكم
اهلا اهلا بالاخت الخضرا هه راكي ديجا بديتي تلفتي الانظار قبل لا تزيدي تتلوني
يا ختي اللون ما عندوش اهمية هات برك العضو يكون قافز مع روحو وخلاص
كما انت الله يبارك باين عليك داهية ملكبار هههه
مرحبا بيك بينتنا وعجبتني العفسة تع تقسيم الطبقات هادي ههه
ربي يهنيك

وعليكم السلام
وأهلا بالأخت الوردي لي لفتت انتباهها :p خلي نزيد نتلون منين داك نزيد
ناكتيفي نطلع للقمر وما تلحقوش عليا :yahoo01::yahoo01: ياك عجباتك الطبقة لي كلاسيتك
فيها والله وقلت عليك وزيرة هاذ الساعة أنا راني من العبيد هههه حتى نتلون
بالموv نرجع زعماك حرة ونطلع للطبقة المتوسطة أما درك رازم نكدح مليح باش
نتهنى من الطبقى الكادحة هههه :p:p شكرا على التواجد حنونة
​

 

[أميرة ميرال]

رد: هذا واش نحس كي نشوف الأعضاء هذو

هههه والله يعطيك الصحة ختي اميرة كنت توقعت من اول رد ليك ان بمقدورك تكتبي مواضيع روعة وافكارك اروع
واش نقول لختي حنا هوما الزواولة هنا معندناش مشاركات بزاف مي راهم متهليين فينا عطاونا اللون الاخضر .. والحقيقة تنقال ولا واحد راه مقصر هنا حتى انا من اول يوم اندمجت بسرعة ولقيت مشرفين هنا مثل زهرة الزنبق و لؤلؤة و حكيم حسيت روحي نعرفهم من زمان حتى الاعضاء ما شاء الله يعني الواحد والله يتشرف يكتب ويلقى ناس تبع فيه وتشجع وتخليه ديما يحب يكتب اكثر
كبداية انت رائعة ختي نمتنى نقراو ليك مواضيع اكثر
شرفني مروري من هنا
تحياتي
​

شكرا خويا على التشجيع الله يحفظك والطبقة لي رانا فيها طبقة كادحة تفكرت
لبلاك people ههه لكحالش زمان العبودية زعماك احنا هوما ومن بعد منين
نلحقو نتلونو بالموv نكونو تحررنا زعماك عتقونا وخلونا أحرار :p:p:p وكيما قلت
والله واحد ما راه مقصر وكامل شفت منهم تفاعل ما شاء الله وكنت في منتديات
أخرى نسجل وما نرجعش واحد ما يقيّم أما هنا والله وحدي لقيت روحي حابة
نطل نشوف إذا كاين لي داها فيا ولا والو ولقيتكم ما شاء الله تقول راكم
تضاربو شكون لي يرد اللول هههه :p:p مشكور خويا على التواجد وتشاو
​

 

[أميرة ميرال]

رد: هذا واش نحس كي نشوف الأعضاء هذو

تسمى انا واش نقول على حالتي

هههه انتا لازم تاكتيفي ولا تبقى حياتك كامل من طبقة العبيد والرق هههه
:p:p:p نزعق معاك خو ومرسي على التواجد هنا
​

​

 

[أميرة ميرال]

رد: هذا واش نحس كي نشوف الأعضاء هذو

السلام عليكم ورحمة الله وبركاته
اهلاا وسهلاا بيك غااليتي
ههههه والله ضحكني موضوعك الله يعطيك الخير
هي صح الالوان كثيرة في اللمة لكن برك حتى ما تتخلط الامور باه تبان كل واحد وخدمتو هههه
لكن في الحقيقة مافي فرق بين العضو الجديد وغيره
وكامل سواسية
حتى صحاب لحمر راهم ناس حلوين بزاااف ههههه
كاشي حاجة اهدري معاهم ديراكت بلا ما يتوسطولك ما تخافيش هههه
مرسي عليك حنونة وربي يحفظك

وعليكم السلام حنونة ومراحب بيك
الله يدوم الضحكة أختي الطبيبة هكذا ضمنت إذا تحاماو فيا ولا وخذيت ضربة
نجي عندك نداوي ببلاش نورمالمون :p:p وراني نشوف في كامل الألوان متهلية فيا
والله ما قصرو لحد الساعة :up::up::up: ما شاء الله عليكم كامل وشكرا حنونة على
التواجد هنا الله يعطيك صحيحتك :regards02:
​

​

 

[أميرة ميرال]

رد: هذا واش نحس كي نشوف الأعضاء هذو

ههه الله يعطيك اللون الموv
هادا واش بديتي ههههه
باين عليك شاطرة وكثاني مشاركة الله يبارك
وحدة رواحكم رواد منتدى واش راك تهدر.
اني جات الزاواليه ولقات الدوا وقيلا عندها الكتاف هههه تبا اللي ضيعنا
مشكورة على الموضوع الرائع تسلم اناملك​

ههه اللهم آمين حنونة :p
راني نحاول نلتحق بالقافلة لازم الواحد هنا يقفز ولا يبقى حياتو كاملة في الطبقة
هذي وأنا نحب الطبقات العلى :p:p:p مالا لازمني نجتهد للموv برك ما طامعاش
بزاف هههه ومرسي حبيبتي على التواجد الله يحفظك
​

​

 

[أميرة ميرال]

رد: هذا واش نحس كي نشوف الأعضاء هذو

اآلسّلام عليْكم

هههههههه جبتيهاآآ قد قدْ خخخخ
انا راني مزلتْ فالاخضرْو التفنيينْ ههه
كيمَا قلْتي تقشفْ فاآلمشاركاتْ
يعطيكْ الصحة موضوع تووووبْ
كملي..
تحياتي

​

وعليكم السلام حنونة
رانا كيف كيف يا السمروشة كاشما ينوب ربي ويطلع الكونتور تاعنا غير آكتيفي
هههه ومرسي على التواجد حبيبتي :thumb_up02::thumb_up02:
​

 

[أميرة ميرال]

رد: هذا واش نحس كي نشوف الأعضاء هذو

و الله غير جبتيها يا اميرة
احنا أصحاب اللون الأخضر المقهورين المضطهدين الطبقه الكادحه ....نضحك برك احرزوتامنو
اسلوبك شباب ...و تحليلك للكائنات عجبني بزاف رجعت اللمه مملكه ..حللتي كل طبقاتها
تحياتي

هههه فكرتيني بجيهان أم راسي يابس :p:p
غير ما تزعقيش هكذا راكم يرفدونا للحبس ولا يعملولنا عقاب بالأعمال الشاقة
ديجا يا ربي ما نقدرو على شقانا ونلمو 500 مشاركة قالك هذي هي لغرامة
باش يعطونا الحرية :p:p مرسي الزينة على التشجيع والتواجد الله يحفظك
​

 

[الورد الأحمر]

رد: هذا واش نحس كي نشوف الأعضاء هذو

السلام عليكم

هههههه فكرتيني وقت كنت خضراء وقتها أنا ما خزروش فيا وموااضيعي يبقاو بصفر مشاركة نبقى نطل عليهم دخول خروج كاشما ينوب ربي مي واالو هههه وشوية شوية كي خرجت من الأسلوب البائس لي كنت نطرح بيه المواضيع وين خزرو فيا وقيموني ههه الأعضاء يحبو الشي الجديد الكول لبعيد على الطول بعد أنا ندخل نلقى موضوع طويل وباين يحكي في نقطة ما جذبتنيش نولي نكمل فيه جهد غير على جال تعب العضو ونخلي رد يا لوكان رمزي حتى يتشجع برك ومع الوقت يبدل الأسلوب وما فيهاش عيب إذا العضو نصح خوه وقالو بلي الأسلوب لوكان يبدلو خير حتى يا لوكان عالخاص هكذا نطورو قدراتنا في الطرح على خاطر الإنسان يمل كي يقرا موضوع طويل ... المهم هاني رديتلك وكملي برك أخدمي مليح تتلوني بالموف :p ولا أدفعي لغرامة وعليا اليوم تطلعي موف هههه ... مغسي أختي على الموضوع وكملي هكذا راكي جايبتها

 

[ملكًة الاحسآس]

رد: هذا واش نحس كي نشوف الأعضاء هذو

وعليكم السلآآم
هههه كون مآدرتيش موضوعك هذآ والله مآنتوله الآ رآكي جديدة
كنت ندور ونستكشف بمآ اني قليلة الدخول
وشفت موضوعين ولآ ثلآثة ليك عجبوني وبآنتيلي قديمة من لآفآصون دو بآغلي تآعك
الله يبآركـ الألوآن في لمتنآ زآهية بصح العبآد كيف كيف كآمل
وأحسن مثآل تلقى كآمل الألوآن يردو على موضوع تآع وآحد أخضر كي حآلتك خخخ
اسمعي يآطفيلة رآكي مشروع عضوة نآجحة عندنآ كملي هكدآ برك حتى وين نشوفك
بكولوغ بآهية تليق بيك مع أنه صدقيني الكولوغ لي رآكي بيهآ دركـ عندهآ شآغم وحده
وهآكي تشجيع من عندي : معآآآآك يالخضرآآآ ديري حآلة خخخ
اسمعي حقآآآ آو غاضني الحآل كفآه تحكي على لي كولوغ كآمل ولآكولوغ لي نكتبلك بيهآ درك حقرتيهآ
درك نعيطلهم بالوآآآحد يديكلآريو وحوسي اعتذري مآهآ منقبلش اعتذآرك:p
يعطيك الصحة على الموضوع البآهي يالبآهية وربي يخلي لمتنآ ديمآ ملمومة هكدآ بجميع ألوآنهآ

​

 

[أميرة ميرال]

رد: هذا واش نحس كي نشوف الأعضاء هذو

السلام عليكم

هههههه فكرتيني وقت كنت خضراء وقتها أنا ما خزروش فيا وموااضيعي يبقاو بصفر مشاركة نبقى نطل عليهم دخول خروج كاشما ينوب ربي مي واالو هههه وشوية شوية كي خرجت من الأسلوب البائس لي كنت نطرح بيه المواضيع وين خزرو فيا وقيموني ههه الأعضاء يحبو الشي الجديد الكول لبعيد على الطول بعد أنا ندخل نلقى موضوع طويل وباين يحكي في نقطة ما جذبتنيش نولي نكمل فيه جهد غير على جال تعب العضو ونخلي رد يا لوكان رمزي حتى يتشجع برك ومع الوقت يبدل الأسلوب وما فيهاش عيب إذا العضو نصح خوه وقالو بلي الأسلوب لوكان يبدلو خير حتى يا لوكان عالخاص هكذا نطورو قدراتنا في الطرح على خاطر الإنسان يمل كي يقرا موضوع طويل ... المهم هاني رديتلك وكملي برك أخدمي مليح تتلوني بالموف :p ولا أدفعي لغرامة وعليا اليوم تطلعي موف هههه ... مغسي أختي على الموضوع وكملي هكذا راكي جايبتها

تسمى راني خير منك أنا من يومي شافوني ههه بصح الله يبارك راكي هاربة في
المشاركات وزعي للشعب الgليل كاشما يلحق :p:p:p والله ما نشقاو مدفعو غرامة
لوكان توزعولنا من عندكم يا صحاب فوق 10000 هههه
شكرا على التواجد يا الطبقة المالكة :p:p
​

 

[انا ناس ملاح]

رد: هذا واش نحس كي نشوف الأعضاء هذو

ههههههه والله يا ميرال راكي هايلة و مواضيعك تنحي عالخاطر اضحك الله سنك دوما
انا شخصيا كما قلت انت احس نفسي ضايعه مش عارفة وش ندير خاصة ان الأقسام اللي نفضلها لم اجد فيها نقاشات فعالة كيما نحب فوجدت نفسي في هذا القسم النشيط بمواضيعك الطريفة

 

[أميرة ميرال]

رد: هذا واش نحس كي نشوف الأعضاء هذو

وعليكم السلآآم
هههه كون مآدرتيش موضوعك هذآ والله مآنتوله الآ رآكي جديدة
كنت ندور ونستكشف بمآ اني قليلة الدخول
وشفت موضوعين ولآ ثلآثة ليك عجبوني وبآنتيلي قديمة من لآفآصون دو بآغلي تآعك
الله يبآركـ الألوآن في لمتنآ زآهية بصح العبآد كيف كيف كآمل
وأحسن مثآل تلقى كآمل الألوآن يردو على موضوع تآع وآحد أخضر كي حآلتك خخخ
اسمعي يآطفيلة رآكي مشروع عضوة نآجحة عندنآ كملي هكدآ برك حتى وين نشوفك
بكولوغ بآهية تليق بيك مع أنه صدقيني الكولوغ لي رآكي بيهآ دركـ عندهآ شآغم وحده
وهآكي تشجيع من عندي : معآآآآك يالخضرآآآ ديري حآلة خخخ
اسمعي حقآآآ آو غاضني الحآل كفآه تحكي على لي كولوغ كآمل ولآكولوغ لي نكتبلك بيهآ درك حقرتيهآ
درك نعيطلهم بالوآآآحد يديكلآريو وحوسي اعتذري مآهآ منقبلش اعتذآرك:p
يعطيك الصحة على الموضوع البآهي يالبآهية وربي يخلي لمتنآ ديمآ ملمومة هكدآ بجميع ألوآنهآ

​

هههه مرحبا وعجبتني تاع اسمعي يا طفيلة حسيت روحي وقت كانو يسخروني
الجارات نقضيلهم ههه يعيطولي اسمعي اسمعي يا طفيلة هاكي اشريلي باكي اومو
وادي خمس آلاف هذاك هو القدري عندي خخخ داك الزمان خمس آلاف تعني
الكثير والكثير ههه مي درك ما تشريش باكي بيمو ومنك السماح كي ما
حكيتش على اللون تاعك بصاح اللون هذا أنا ما فهمتوش طحت في وحدة
ظهرت طبيبة المنتدى وانتي ظهرتي عضو شرفي تسمى درك انتي فهميني واش لافار
وواش درتو حتى رجعتو هك زعمة أعضاء شرف ولا انتوما حباب الطبقة المالكة
هههه علابيها حاطينكم شرف كيما حكاية المسلسلات كي يجيبو ضيوف الشرف
هذوك حباب المخرج حب يعمر بيهم المسلسل ويكسب شعبية بهذوك الضيوف
وانتوما هكذا ولا واش حكايتكم هيا اشرحي يا طفيلة :p:p:p ومرسي على التواجد
​

 

[أميرة ميرال]

رد: هذا واش نحس كي نشوف الأعضاء هذو

ههههههه والله يا ميرال راكي هايلة و مواضيعك تنحي عالخاطر اضحك الله سنك دوما
انا شخصيا كما قلت انت احس نفسي ضايعه مش عارفة وش ندير خاصة ان الأقسام اللي نفضلها لم اجد فيها نقاشات فعالة كيما نحب فوجدت نفسي في هذا القسم النشيط بمواضيعك الطريفة

والله يا انتي ناس ملاح حتى نا ناس ملاح والله :p:p
واش من قسم تفضليه بالاك نشاغلك فيه ونحيلك على خاطرك ولا نوجدو جيش
ونروحو ليه نحييوه نورمال كلشي مقدور عليه مادام ما تلوناش تسمى احنا هوما
لي نروحو في الجيش وفي الحروب هههه وشكرا حنونة على التواجد يعطيك الصحة
​

 

[ليليا مرام]

رد: هذا واش نحس كي نشوف الأعضاء هذو

السلام عليكم اميرة
اختك ليليا ساعات الاسود على حساب المورال وساعات
يعجبني الموف لانو كنت ديما نعتمدو فمنتديات اخرى ومرات نلقى رد باللون هذا نقول واش ولاد شهدا ندورها هذا
وما احلاه وتحيا الحياة مع قوس قزح يعني حسب المورال وكل مرة وكيفاه
وانت واش خيرت استقريتي على لون او مازال

 

[انا ناس ملاح]

رد: هذا واش نحس كي نشوف الأعضاء هذو

والله يا انتي ناس ملاح حتى نا ناس ملاح والله :p:p
واش من قسم تفضليه بالاك نشاغلك فيه ونحيلك على خاطرك ولا نوجدو جيش
ونروحو ليه نحييوه نورمال كلشي مقدور عليه مادام ما تلوناش تسمى احنا هوما
لي نروحو في الجيش وفي الحروب هههه وشكرا حنونة على التواجد يعطيك الصحة
​

اكيد راكي ناس ملاح و 44444444 بزاف
شوفي رغم بساطة طرحك و عفويته و فكاهته الا انني لمحت من كتابتك انك عندك مستوى تعليمي و ثقافي معين قوليلي وين واصلة ؟
انا نحب النقاشات الدينية و الثقافية و العلمية و لم اجد تفاعل حولها

 

[الامين محمد]

رد: هذا واش نحس كي نشوف الأعضاء هذو

أختي أميرتنا الحلوة
عجبني موضوعك الأول و حسيت أنه عندك زمان معانا
انا سعيد انه عندي أخت مثلك

اعجبني أسلوبك و عجبني هبااالك
ههههههه نخبرك عندنا مجموعة من المهابل في المنتدى

أختي كاش ما تحتاجي راني هنا​

 

[أميرة ميرال]

رد: هذا واش نحس كي نشوف الأعضاء هذو

السلام عليكم اميرة
اختك ليليا ساعات الاسود على حساب المورال وساعات
يعجبني الموف لانو كنت ديما نعتمدو فمنتديات اخرى ومرات نلقى رد باللون هذا نقول واش ولاد شهدا ندورها هذا
وما احلاه وتحيا الحياة مع قوس قزح يعني حسب المورال وكل مرة وكيفاه
وانت واش خيرت استقريتي على لون او مازال

وعليكم السلام أختي
دنيا قوس قزح في اللمة وأنا مادام ما خلصتش لغرامة قالك تبقى في لخضر
مازال باش نتلون قالك عليك وعلى 500 دج :p:p
مرسي على التواجد حنونة :bravo01:
​

 

[أميرة ميرال]

رد: هذا واش نحس كي نشوف الأعضاء هذو

اكيد راكي ناس ملاح و 44444444 بزاف
شوفي رغم بساطة طرحك و عفويته و فكاهته الا انني لمحت من كتابتك انك عندك مستوى تعليمي و ثقافي معين قوليلي وين واصلة ؟
انا نحب النقاشات الدينية و الثقافية و العلمية و لم اجد تفاعل حولها

الله يسترك حنونة حتى انتي فووور
أنا وصلت وكملت وخلصت :d:d بسيف تهنيت من يامات
وجبت الماستر تاعي :graduation::graduation: وجيت نتمهبل هنا :yahoo01::yahoo01:
بون النقاشات الدينية ما عنديش خلفية مليحة حتى نتناقش فيها
بصح العلمية صافا نقدر عليها :p:p بالاك نهاودك :thumb_up02::thumb_up02:
​

 

[أميرة ميرال]

رد: هذا واش نحس كي نشوف الأعضاء هذو

أختي أميرتنا الحلوة
عجبني موضوعك الأول و حسيت أنه عندك زمان معانا
انا سعيد انه عندي أخت مثلك

اعجبني أسلوبك و عجبني هبااالك
ههههههه نخبرك عندنا مجموعة من المهابل في المنتدى

أختي كاش ما تحتاجي راني هنا​

مرحبا يا خو والله يحفظك وأنا سعيدة بأخ كيفك :d
راني نشوف gاع مهابل طيروهالي :p:p:p
شكرا سيدي الوزير كاشما نحتاج راني نجيك :d:d
مرسي على التواجد الله يحفظك
​