2000 دج تحط قيمتهم في اللرض !!

[نجيب]

رد: 2000 دج تحط قيمتهم في اللرض !!

وعليكم السلام

هد النسا لي راكي تحكي عليهم كيما يحكمو متين ألف يجي نهار و ين هد المقاول يدي من عندهم واش يحب

اصلا هدي رشوة مباشرة و زيد هد المقاول عنده عدة اهداف مش هدف واحد في ايطار العمل .

من بعد شهر او شهرين كل مرة يتلقى مع وحدة خارج العمل نورمال و بكل سهولة مادام باعوا نفوسهم بمتين ألف.

المهم الله يهدينا و ربي يبعدك عليهم .

شكرا على الموضوع​

 

[الورد الأحمر]

رد: 2000 دج تحط قيمتهم في اللرض !!

السلام عليكم
اذا كل ما تتلقاي ضربة على مخك تجي لالا غير خلي كل يوم تشوفي مواقف
والله عيب وعار شفت علاه من جهة نكره المرا المتزوجة تخدم واحترامي لكل النساء والله اختي شوفي الي تحترم راجلها وتحترم كلمتو وشرفو وهو غايب محال تقبل على روحها هكذا هو ماراهش يشوف فيها مي ربي راه يشوف يا لطيف زيدي لو خمو هذو النسا لو مرتو يقبل راهي فالموقف هذا املا هنا يعرفو واش يشوف فيهم مجرد دمى يقضي امورو سواء يقسر ويضحك سواء رشوة سواء اي شي
ونقولك هذي رشوة سماوها قهوة سماوها هدية والهدية باينة ومتزوجة او عازبة ما عندها علاه تشد كادو من راجل ما تعرفوش
نرجعو لموضوع 200 الف نقولك هذو جيعانات لو كانو شبعانات ما يبيعوش رواحهم ب 200 ودايرين عليها الدالة يا لطيف عندو الحق مخك دار ايرور وحتى مخنا راه دار ايرور الله يلطف بينا انا يا جماعة راح نشري جيلي نرقد بيها راحا تضربنا تسونامي من فعايلهم

وعليكم السلام ورحمة الله
والله يا اختي بتصرف كيما هك ماشي برك تكرهي لمرا لي تخدم تحتقريها طول وتقولي كامل كيفها تنساي صح بلي كاين لي مازال فيهم رحمة ربي ... كيما هذو لي يخدمو معايا مديينها في لامان زعمة يجي يهفهم المقال بزوج كلمات يقوللهم انتوما كي خوتي !!!!! ورانا في وحد الزمان ماكانش فيه أخ من غير لي عندك في الكاغني د فامي برك وباقيهم الكل لوكان يلقاو فرصة يكلحوك يكلحوك نوغمال ويبطلو يشوفوك اختهم ... أما حكاية الـ 2000 دج هذي حبستلي راسي بعدا كي ظهرو يتداولو عليها مخي صح دارلي ايرور وثالمون لي ما توقعتش هك ماكانش لي ما حكيتلوش وزدت حكيتلكم خخخخ ... حسبنا الله ونعم الوكيل في ناس كيما هك .

 

[دعاء الجنات]

رد: 2000 دج تحط قيمتهم في اللرض !!

لاحولى ولاقوة الا بالله الوقت لي وصالنالو
عموما انا خدمت في شركة اجنبية RAZALوشفت كيفاش يتعاملو مع بعض "لي ديراكتور.و لي زانجينيور.... مع لي سكريتار... إلا مارحم الله
مشكورة على الموضع....

 

[الورد الأحمر]

رد: 2000 دج تحط قيمتهم في اللرض !!

وعليكم السلام

هد النسا لي راكي تحكي عليهم كيما يحكمو متين ألف يجي نهار و ين هد المقاول يدي من عندهم واش يحب

اصلا هدي رشوة مباشرة و زيد هد المقاول عنده عدة اهداف مش هدف واحد في ايطار العمل .

من بعد شهر او شهرين كل مرة يتلقى مع وحدة خارج العمل نورمال و بكل سهولة مادام باعوا نفوسهم بمتين ألف.

المهم الله يهدينا و ربي يبعدك عليهم .

شكرا على الموضوع​

أهلا أخي
طبعا هذي رشوة أنا ما نفهمها والو خلاف حتى لوكان يحاولو يقنعوني بلي بيه فعل الخير مي والو رشوة سي رشوة يغذيك نهار زوج ماشي كل ما يجي يمدلك حق لغذا وتولي تدير الدالة على دوك الزوج دورو !!! أنا في حياتهم واش يعملو برا الخدمة الله يسهل عليهم ما يهمونيش كل وحدة تتحاسب لنفسها وما نقذف حتى وحدة بصح فهامتي وحدة اليوم قلشك بلغذا غدوة يطلب منك ساغفيس تاع شوفيلي على هذيك المناقصة وشوفيلي على سقف الأسعار لي طالبين وعمريلي العرض المالي تاعي باه تطيح عليا المناقصة وهي ماشية ... على فكرة حتى هذو كاين لي يخلصو عليهم أعطيني هذيك القيمة نعمرلك العرض المالي تاعك !! علابيها الناس لي ما تخافش ربي تموت على الخدمة في لبلايص لي فيهم الدراهم تلقى فيهم ليزافاغ بزاف ... ربي يهدينا ويبعد علينا ناس كيما هك ... مغسي خويا .

 

[الورد الأحمر]

رد: 2000 دج تحط قيمتهم في اللرض !!

لاحولى ولاقوة الا بالله الوقت لي وصالنالو
عموما انا خدمت في شركة اجنبية RAZALوشفت كيفاش يتعاملو مع بعض "لي ديراكتور.و لي زانجينيور.... مع لي سكريتار... إلا مارحم الله
مشكورة على الموضع....

اللهم لا تؤاخذنا بما فعل السفهاء
ايه يا اختي راه في كل بلاصة تاع خدمة يصراو أمور هك مي لمرا هي لي تعمل قيمة لروحها وحتى وتدخل في اللول تخدم يحسبوها كيما هذوك لي بلا حكم تقدر تفهمهم بلي ماهيش من النوع هذاك وتفرض هيبتها وقيمتها وتلقى الناس لي تم يحترموها ... أصلا لعباد هذو يعرفو مع من يعملو التصرفات هذي ولمرا لوكان ما تعطيش وجه للراجل ما يقربش منها أبدا ... ونقولو ما خفي أعظم ... ربي يهدينا ومغسي أختي .

 

[Skor m@k]

رد: 2000 دج تحط قيمتهم في اللرض !!

السلام عليكم
هذي موووووودا مكتبتيش هنا وكي كتبتي مزروبة ههههه
ماتشوفيليش بلاصاا معاهم فالدالة ندي 2000 دج وخلاص ههههه
هذو العيباد هوما لي راهم يسابوطيو لبلاد
الدسارا بزاف ماشي مليحة فالخدمة خلي يزيد بدوسوميل
منلوموش هو خاطرش يسحاقهم في خدمتو مي هوما يطيحو بقيمتهم على جال 2000 دج فالنهار
وزيد بالدالة هههه​

 

[قرصان الساحل]

رد: 2000 دج تحط قيمتهم في اللرض !!

والله ختي وش راح نقلك تصرفات هادي تاع المقاولين اي ولات فيها فيها يمشي شغلو بهاديك الورقة الخضراء كيما قلتي ومرات بطبسي لوبيا ومرات بقهوة وكنا عادة نشوفو هاد التصرفات بين مكتب الدراسات المكلف بمتابعة المقاولة والمقاول لي حاكم المشروع وانت عندك علم في هاد الشي وش يولو يديرو المقاولين يخدمو الفيلم مع هادو مكتب الدراسات ويشروهم بشوية لوبيا ولا دراهم ومرات وصلت اكثر وهادوك يسيينو بلي المشروع اوكي وين يولي اللعاب حميدة والرشام حميدة وناس تدي الطريق المكسرة ولا البطيما المعوجة.
هادي تاع 2000 دج لي حكيتي عليا اي مش غير طيحت القيمة انا نفهمها هكدا هادي باعو بيها الشرف تاعهم وشحال واعرة الشرف تاعك يسوى دراهم عيب وعيب كبير هادي الكلمة وحدها تكفي مي ناس والفت تمرميد المهم متين الف يخي مثلهم مثل هادوك لي يبيعو اصواتهم في الانتخابات ناس بلا مبدأ ولا شخصية ولا حشمة ولا حتى حاجة
موضوعك يعالج قضية منتشرة للأسف في كثير من الميادين اختي يعطيك الصحة
​

 

[الورد الأحمر]

رد: 2000 دج تحط قيمتهم في اللرض !!

السلام عليكم
هذي موووووودا مكتبتيش هنا وكي كتبتي مزروبة ههههه
ماتشوفيليش بلاصاا معاهم فالدالة ندي 2000 دج وخلاص ههههه
هذو العيباد هوما لي راهم يسابوطيو لبلاد
الدسارا بزاف ماشي مليحة فالخدمة خلي يزيد بدوسوميل
منلوموش هو خاطرش يسحاقهم في خدمتو مي هوما يطيحو بقيمتهم على جال 2000 دج فالنهار
وزيد بالدالة هههه​

وعليكم السلام
هههه وي تزربت على الموضوع ثالمون غاشاوني مي درك نوغمال كي قريت ردك ضحكت ما تغزلتش كوم فاتت عادت تجيني نكتة ويخي يقولك شر البلية ما يضحك ههه
والله بالدالة يا خويا بخضو بينا هو قضى بيهم صلاح وهوما في بالهم كلحوه في 2000 دج كي شغل راهي حاجة كبيرة والله لو مبلغ كبير نقولك غرهم الشيطان وغرتهم الحاجة مي 2000 دج واش تديرلك !!!
كيما قلت هذي الدصارة وين توصل لمرا وعلابيها عافو الرجال النسا لي يخدمو يخي راهم يخدمو معاهم ويشوفو فيهم ... مغسي خويا يعطيك الصحة والمرة الجاية دالتك تديها ههههه

 

[الورد الأحمر]

رد: 2000 دج تحط قيمتهم في اللرض !!

والله ختي وش راح نقلك تصرفات هادي تاع المقاولين اي ولات فيها فيها يمشي شغلو بهاديك الورقة الخضراء كيما قلتي ومرات بطبسي لوبيا ومرات بقهوة وكنا عادة نشوفو هاد التصرفات بين مكتب الدراسات المكلف بمتابعة المقاولة والمقاول لي حاكم المشروع وانت عندك علم في هاد الشي وش يولو يديرو المقاولين يخدمو الفيلم مع هادو مكتب الدراسات ويشروهم بشوية لوبيا ولا دراهم ومرات وصلت اكثر وهادوك يسيينو بلي المشروع اوكي وين يولي اللعاب حميدة والرشام حميدة وناس تدي الطريق المكسرة ولا البطيما المعوجة.
هادي تاع 2000 دج لي حكيتي عليا اي مش غير طيحت القيمة انا نفهمها هكدا هادي باعو بيها الشرف تاعهم وشحال واعرة الشرف تاعك يسوى دراهم عيب وعيب كبير هادي الكلمة وحدها تكفي مي ناس والفت تمرميد المهم متين الف يخي مثلهم مثل هادوك لي يبيعو اصواتهم في الانتخابات ناس بلا مبدأ ولا شخصية ولا حشمة ولا حتى حاجة
موضوعك يعالج قضية منتشرة للأسف في كثير من الميادين اختي يعطيك الصحة
​

هذي تاع يشري مكتب الدراسات و وو رانا شبعنا منها تاع يخلصهم يعطولو ليستيماسيون ويخدم الأسعار تاعو على حساب الأسعار لي احنا حاطينهم ولي احنا خليناها لمكتب الدراسات وحسبناهم ثقة وفي اللخر تلقى الثقة تاعك راحت في لهوا وتلقى مرات منين يكون مكتب الدراسات لفلاني تلقى المقاول لفلاني هو لي طاحت عليه المناقصة هنا بعد تفهم بلي الماتش مبيوع وكي يكملو مع مكتب الدراسات المكلف بالدراسات يروحو للمراقبين باه حتى ويخدمو خدمة مغشوشة يسنييلو المراقب بلي سي بون ويروحو لمكتب الدراسات المكلف بالمتابعة يشروه وكيف كيف يسنييلو بلي الخدمة ريقلو ودرك وصلو للموظفين باه الدوسيي تاعهم يزربو بيه وليه ليه يروح يتسنيا وليه ليه يمدولو التأشيرة وليه ليه يلزموه ماليا وليه ليه يمدولو أمر بالخدمة وليه وليه يكمل وليه ليه يخلص !! المهم طيحو النيفو برك والمشكل لي قلقني كي يهدرو على المديرية تاعنا برا ما يسموش ويقولو فلانة وفلانة يحكو بالإجماع ويقولو لي يخدمو بيها ما يسواوش ووقتها ظلمو لي خاطيهم وراه بالصالح بلي ما يسواش صح ... نقولو حسبنا الله ونعم الوكيل في ناس ما تخافش ربي وما تتمناش الخير للبلاد ... ومغسي على المرور خويا

 

[قرصان الساحل]

رد: 2000 دج تحط قيمتهم في اللرض !!

هذي تاع يشري مكتب الدراسات و وو رانا شبعنا منها تاع يخلصهم يعطولو ليستيماسيون ويخدم الأسعار تاعو على حساب الأسعار لي احنا حاطينهم ولي احنا خليناها لمكتب الدراسات وحسبناهم ثقة وفي اللخر تلقى الثقة تاعك راحت في لهوا وتلقى مرات منين يكون مكتب الدراسات لفلاني تلقى المقاول لفلاني هو لي طاحت عليه المناقصة هنا بعد تفهم بلي الماتش مبيوع وكي يكملو مع مكتب الدراسات المكلف بالدراسات يروحو للمراقبين باه حتى ويخدمو خدمة مغشوشة يسنييلو المراقب بلي سي بون ويروحو لمكتب الدراسات المكلف بالمتابعة يشروه وكيف كيف يسنييلو بلي الخدمة ريقلو ودرك وصلو للموظفين باه الدوسيي تاعهم يزربو بيه وليه ليه يروح يتسنيا وليه ليه يمدولو التأشيرة وليه ليه يلزموه ماليا وليه ليه يمدولو أمر بالخدمة وليه وليه يكمل وليه ليه يخلص !! المهم طيحو النيفو برك والمشكل لي قلقني كي يهدرو على المديرية تاعنا برا ما يسموش ويقولو فلانة وفلانة يحكو بالإجماع ويقولو لي يخدمو بيها ما يسواوش ووقتها ظلمو لي خاطيهم وراه بالصالح بلي ما يسواش صح ... نقولو حسبنا الله ونعم الوكيل في ناس ما تخافش ربي وما تتمناش الخير للبلاد ... ومغسي على المرور خويا

اني فهمتك ختي مي كيما يقول المثل لي ما في كرشو تبن ما يخاف من النار يعني صح الواحد تغيضو كي يسمع يقولو مديرية لي خدم فيها اهم وش يديرو مي لي صافي بينو بين ربي خلي يقولو المهم انت عارفة روحك وش تسواي وربي يعلم ... خلي ناس تقول ياما ناس قالت مش اليوم برك كيما قلت في لول صح الواحد تغيضو مي ما دام يخدم لضميرو ويبذل في جهد باه يحلل رزقو لي حاب يقول يقول
تقبلي مروري اختي تحياتي


​

 

[أميرة ميرال]

رد: 2000 دج تحط قيمتهم في اللرض !!

يا حوجي على ديك لحشومة على ميتيناالف عاملين هاذ لحشومة كاملة ؟؟
زعماك 200 آلف واش عملو بيها كي رفدوها على السيد ؟ أنا وليت ما
نلومش هذو صحاب التشيبة نلوم هذو لي قبلوها وتجيهم نورمال وزيد راهم
نساء وينو لحياء يا سبحان الله وين لحقنا نساء يحشمو رواحهم على ميتينالف
الله يهدي عبادو ويهدينا معاهم ومرسي على الموضوع
​

 

[Oussama.GF]

رد: 2000 دج تحط قيمتهم في اللرض !!

اصبحت رشوة حلال في بلادنا كلشي حاجة عادي
واصبحت المرأة تسوى بي دراهم

 

[Lila 22]

رد: 2000 دج تحط قيمتهم في اللرض !!

بسم الله ومساء الخير عليكم
هذا زمان ما عملت موضوع هنا واليوم صراتلي حاجة دارتلي Bug في راسي
***
راني مزروبة على الموضوع ندخل طول في صلبو ما عنديش وقت للمقدمة تاعو

واش رايكم يا خوتي في ناس يخدمو معايا وأنا نخدم في مديرية للصفقات العمومية {قطاع عام}

يجو مقاولين يقعدوا معاهم يبسطوا ويحكوا ويضحكو وهذو لي نحكي عليهم نساء متزوجات
ويقهقهو وصوتهم طالع برا وكي يكمل المقاول قصرة معاهم يمدلهم 2000 دج يقوللهم حق لغذا

وهوما يحكمو نوغمال هذيك الميتين ألف وتجيهم عادي ؟؟؟ هذي راني نشوف فيها رشوة بطريقة غير مباشرة

كيفاه يخدمو في مديرية للصفقات ويتعاملو مع المقاولين لي يشاركو في الصفقات ؟؟ غدوة منداك يصرا مشكل

يقولو سربولو المعلومات وبيناتهم عشرة وقصرات ويخلصلهم لغذا وادي وادي وادي من لحكايات هذي

المفروض احنا العمال تم ما نتعاملوش معاهم حتى باه نضحكو معاهم ماكانش راهم يحسبونا متواطئين معاهم

بصح الموضوع ما حبسش هنا وفضت وثالمون هذاك المقاول كل مرة يجي وكل مرة يبسط وكل يوم يمدلهم

ميتين ألف للغذا وكترو عليهم Les 2000 DA خرجو بمفاهمة بين بعضاهم هذو النساوين وقالك مادامو

هو كل يوم يجي وكل يوم يمدلنا ميتين ألف خلي ما نتغذاوش بيهم وكل مرة تديها وحدة

قسما بالله راسي حبس شوكاوني كيفاه يحكمو على المقاول ولي زاد صدمني كيفاه يعني تقول مخصوصين

حتى يتداولو على هذيك 2000 دج في كل مرة يمدلهم تديها وحدة لجيبها والمرة لي بعدها دالة وحدة خلاف

هنا ونحبس والله يعجز اللسان عن التعبير

​

بينهم بين مولاهم
شكرا

 

[GI Joe]

رد: 2000 دج تحط قيمتهم في اللرض !!

mala rahom yesperiw ydji l billet ta3 5000da tssa3edhom khir
allah yahdina

 

[الامين محمد]

رد: 2000 دج تحط قيمتهم في اللرض !!

في الهعدة الفائتة
حزب من الاحزاب عرض علي فكرة الترشح ضمن قائمته
الثالت او الرابع في الترتيب
رفضت الفكرة من اصلها
القضية أمانة و ليست تشريف
لما رفضت توجهوا الى اقرب واحد مني كان صديقي من الطفولة
هو قبل الفكرة
و فعلا ترشح و ربح هذاك الحزب
و بعد مدة دخل رئيس البلدية للسجن و تم توقيف نائبه
و تم تكليف صديفي بمهمة رئاسة البلدية
صديقي كان معروف بأخلاقه و التزامه المسجد
لكن و لا حال يدوم راح فيها المسكين
رشواة و حرام و.............
تخيلي اختي كل يوم يجيني مقاول للدار
يقولي احكي مع صاحبك يعاوني نحكم مشروع
و بالمقابل نعطيك كذا و كذا
حتى واحد فيهم قالي نرمم ليك الدار و نرجعهالك عصرية
و الله كلهم طردتهم
و راهم يقولوا اليوم انت انسان جايح ضيعت على روحك فرصة عمرك
لكن انا مقتنع ان الحرام عمره ما يعمر الدار
بل بالعكس هو خراب للبيوت

للاسف اداراتنا راهي كلها واسطات
تخيلي اختي قدمت ملف باش نخدم مع عمال النضافة
لقيت واسطات و رشوات

ثم قدمت ملف باش نخدم عامل مهني في الثانوية
حسبت روحي رايح نخدم رئيس حكومة
بسبب كثرة الضجيج و الناس طالعة نازلة

اقسمت على نفسي حتى فنجان قهوة من خلصوش على واحد
من اجل العمل
راني قدام ربي يفرجها علي وقت ما يحب
​

 

[عاشقة الكرة]

رد: 2000 دج تحط قيمتهم في اللرض !!

السلام عليكم
كلامك صحيح وماجاتش غير على الرشوة حبيبتي هاذي هي البلاد وكامل نعرفوها
الناس كامل تشكي ومظلومة مي وراه الظالم يعلم ربي
البيسطو ولا في كلش باه تقراي لازمك معريفة مع الاستاذ باه تدي مليح وباه تنجحي لازملك تتمرمدي وصحاب الموني يطلعو قدامك رايحين وباه تلقاي خدمة لازمك تدفعي حق القهوة ولا تكوني بنت ولا بن فلان
المهم كامل نعرفو هاذ الحكايات
ربي يبقي الستر في البلاد ويبعد علينا الرشاوي وناسها
تحياتي