- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلاااام عليكم لماويين ولماويات واسعد الله أوقاتكم
راكم تقراو في العنوان؟؟ هيه هاداك هو بالذات الغمات الجزائرية أقصد الاشهارات الجزائرية
من المفروض هاد الموضوع نحطو في قسم النكت خاطر فكاهي ومن بعد قلت نخليه في واش راك تهدر وخلاص ونضحكو فيه كيف كيف معليش وان شاء الله نقدر نرسم البسمة على وجوهكم، هيا بسم الله
الاشهارات الجزائرية موضوع طرحناه في اللمة مرة وزوج و3 و10 وألف وماش رايحين نحبسو خاطر الجياحة ماحبتش تحبس
وكلما يتجددو الاشهارات تتجدد إنتقاداتنا هي هي هي
نحن بالمرصاد 
المهم عند الاجانب باه يديرو اشهار لازم دراسات كبرى وتحليلات لأنو راك رايح تسوّق منتج وتدخل منو دراهم أما عندنا جيب دربوكة وبندير وزوج عباد يشطحو
وخلطها تصفى وهو خرج اشهار والكارثة العظمى أنك تكره الاشهارات الجزائرية بصح كي تعود تمشي برا تلقى روحك تغني فيهم هههه تقول يرميولك السحر مع كل غناية هههه
المهم اليوم معكم المحللة لؤلؤة لي رايحة دير تشريح للاشهارات
احم احم أول اشهار لي دارلي إيرور في مخي هو اشهار "حلوة الترك" ولا "الشامية" ماعلاباليش كيفاه يسميوها في كل منطقة، اصبرو حبسو ما تغنيو في الغناية مازلت ماكملتش الانتقاد
"يا جدو يا جدو خليلنا غير شويا هههه" هاني وليت نغني معاكم، هيه هادا هو الاشهار لي نتكلم عليه
درك لي محيرني هو ملحن الاشهار أو كاتب الكلمات حبيت نفتحلو مخو ونشوف واش فيه بالاك رتيلة ميتة، يعني الطابلة معمرة بالشامية قريب قد حانوت ولاتيين يطمعو في الطرف لي في يد جدهم ويقولولو مدلنا شويا والهم الاكبر انو هو مهرب عليهم الطرف وهوما يتبعو فيه هههه مافهمتش لي موضوعين على الطابلة شفافين ما يبانوش ولا كيفاه وزيد تقول يمكر فيهم نقولهم مانمدلكمش ويشطح هههه راهو عاجبو الحال ههه
وزيد لي مدوخني كتر اسم المنتج "الروضة" درك هادا لي اخترع الاسم زعما كان يمشي وطاحتلو السيارة اونبان وحبسولو الروض "العجلات" وسخف فجأة على الشامية قال هيا نسميها الروضة هههه ولا كيفاه؟ يعني كارثة
ويا وخدي على الشامية كي ولاو يطيحو بيها ويسميوها روضة
نروحو لمنتجات أخرى المشكلة عندنا في الاشهارات الجزائرية عندنا غزو تاع اشهارات القهوة هادي آروما والغاشي يشطح في الطريق بحرية وهادي فاميكو وهادي نزيار وهادي 1001 ولا ماعلاباليش كيفاه (قالك زعما دارو مسابقة تاع القهوة وجابو مختصين في التذوق ماعجبتهمش 1000 قهوة حتى جات وحدة بعد الالف عجبتهم وسماوها 1001) درك هادو عباد
والمشكلة القهوة انتقلت العدوى تاعها للمنتجات الأخرى الحليب مثلا هادا كونديا وهادا اوبي وهادا صومام وهادا شفاء ولا معرف واش وزادت انتقلت العدوى للطماطم هادي طوماطيش الحارة (بالاكم تبداو تغنيو ههههه) "طوماطيش الحارة اقتصادية وبنينة ههه" وهادي طوماطيش فيد وهادي طوماطيش كاب (تفكرت العجوزة لي تقول تو مينيتس هه) وهادي طوماطيش زهرة وهادي حورية وهادي يامينة خلصولنا اسموات لبنات وزيد العدوى ماحبستش هنا انتاقلت حتى للفرماج
هادا طارتينو وهادا تيب توب وهادا هيب هوب ههه وهادا تشيزي (حبسو هنا)
أكدولي على اشهار الفرماج تشيزي
يعني عائلة راحو للجبل في نزهة وين العشب الاخضر والطبيعة الخلابة والساحرة وماعجبهمش الحال كي ماداوش معاهم تشيزي، درك انا نروح للجبل (فخامة الاسم تكفي) وين الهواء النقي والطبيعة نبقى نخمم في الشنتوف هادا تاع تشيزي؟ هذا دليل أننا شعب يهتم ببطنه ولا يهتم بالطبيعة "اقتلوهم واصنعو منهم جبنا لذيذا يليق بالجبل هههه"
كذلك كاين واحد الاشهار والله دوخني ينعتلك ولاد صغار يلعبو في ماتش وغناية "آلي آلي ديدو" ومن بعد تطل عليك شكارة تاع الكاوكاو مكتوب فيها ديدو ويخلص الاشهار، مافهمتش .. الطفل هادا كاوكاوة؟ ولا كي ياكل الكاوكاو يولي يجري؟ ولا كي يجري يتحول لشكارة كاوكاو ؟ اين التناسق يا بشر
ودرك المسيطر على اشهارات الجزائر شكون هو؟؟ "بيفا سي بووون" ههههه
بيفا هادي دارت القاطو .. دارت القوفريط .. دارت الشكولا .. العصير .. ماخلات والو كن تتفرج قناة جزائرية لمدة ساعة تخرجلك بيفا ألف مرة خدمو كلشي زيد شوي ينعتولك عبد مكتوب عليه بيفا قريب يخدمو العباد بصح منتوجاتهم مليحة معليهاش مايكدبش العبد وكذلك اشهاراتهم معليهاش، هيا يا بيفا راك منعت من التشريح هههه
وفي الأخير نختم بإشهار "يا الزينة ديري إليو باه يجي الطياب بنين" اشهار تاع الزيت حتى لدرك الامور نومال بصح واش رايك كي الاشهار يبدا براجل يطيب ويغنيولو يا الزينة ديري إليو هههههه كاين خلل ولالا؟
المهم انا نحبس هنا ونتوما واش رايكم ؟ كاشما عندكم اشهار خلاف كارثة شاركونا بيه خليونا نضحكو
واذا كاين اشهار يعجبكم معليش خلي نذكرو الايجابيات شوي
اتهلاو في رواحكم وماتاكلوش بزاف شامية الروضة باه ماتمرضوش
سلااام
راكم تقراو في العنوان؟؟ هيه هاداك هو بالذات الغمات الجزائرية أقصد الاشهارات الجزائرية
من المفروض هاد الموضوع نحطو في قسم النكت خاطر فكاهي ومن بعد قلت نخليه في واش راك تهدر وخلاص ونضحكو فيه كيف كيف معليش وان شاء الله نقدر نرسم البسمة على وجوهكم، هيا بسم الله
الاشهارات الجزائرية موضوع طرحناه في اللمة مرة وزوج و3 و10 وألف وماش رايحين نحبسو خاطر الجياحة ماحبتش تحبس
وكلما يتجددو الاشهارات تتجدد إنتقاداتنا هي هي هي
المهم عند الاجانب باه يديرو اشهار لازم دراسات كبرى وتحليلات لأنو راك رايح تسوّق منتج وتدخل منو دراهم أما عندنا جيب دربوكة وبندير وزوج عباد يشطحو
المهم اليوم معكم المحللة لؤلؤة لي رايحة دير تشريح للاشهارات
"يا جدو يا جدو خليلنا غير شويا هههه" هاني وليت نغني معاكم، هيه هادا هو الاشهار لي نتكلم عليه
درك لي محيرني هو ملحن الاشهار أو كاتب الكلمات حبيت نفتحلو مخو ونشوف واش فيه بالاك رتيلة ميتة، يعني الطابلة معمرة بالشامية قريب قد حانوت ولاتيين يطمعو في الطرف لي في يد جدهم ويقولولو مدلنا شويا والهم الاكبر انو هو مهرب عليهم الطرف وهوما يتبعو فيه هههه مافهمتش لي موضوعين على الطابلة شفافين ما يبانوش ولا كيفاه
وزيد تقول يمكر فيهم نقولهم مانمدلكمش ويشطح هههه راهو عاجبو الحال هههوزيد لي مدوخني كتر اسم المنتج "الروضة"
درك هادا لي اخترع الاسم زعما كان يمشي وطاحتلو السيارة اونبان وحبسولو الروض "العجلات" وسخف فجأة على الشامية قال هيا نسميها الروضة هههه ولا كيفاه؟ يعني كارثةويا وخدي على الشامية كي ولاو يطيحو بيها ويسميوها روضة
نروحو لمنتجات أخرى المشكلة عندنا في الاشهارات الجزائرية عندنا غزو تاع اشهارات القهوة هادي آروما والغاشي يشطح في الطريق بحرية وهادي فاميكو وهادي نزيار وهادي 1001 ولا ماعلاباليش كيفاه (قالك زعما دارو مسابقة تاع القهوة وجابو مختصين في التذوق ماعجبتهمش 1000 قهوة حتى جات وحدة بعد الالف عجبتهم وسماوها 1001) درك هادو عباد
والمشكلة القهوة انتقلت العدوى تاعها للمنتجات الأخرى الحليب مثلا هادا كونديا وهادا اوبي وهادا صومام وهادا شفاء ولا معرف واش وزادت انتقلت العدوى للطماطم هادي طوماطيش الحارة (بالاكم تبداو تغنيو ههههه) "طوماطيش الحارة اقتصادية وبنينة ههه" وهادي طوماطيش فيد وهادي طوماطيش كاب (تفكرت العجوزة لي تقول تو مينيتس هه) وهادي طوماطيش زهرة وهادي حورية وهادي يامينة خلصولنا اسموات لبنات
وزيد العدوى ماحبستش هنا انتاقلت حتى للفرماجهادا طارتينو وهادا تيب توب وهادا هيب هوب ههه وهادا تشيزي (حبسو هنا)
يعني عائلة راحو للجبل في نزهة وين العشب الاخضر والطبيعة الخلابة والساحرة وماعجبهمش الحال كي ماداوش معاهم تشيزي، درك انا نروح للجبل (فخامة الاسم تكفي) وين الهواء النقي والطبيعة نبقى نخمم في الشنتوف هادا تاع تشيزي؟ هذا دليل أننا شعب يهتم ببطنه ولا يهتم بالطبيعة "اقتلوهم واصنعو منهم جبنا لذيذا يليق بالجبل هههه"
كذلك كاين واحد الاشهار والله دوخني ينعتلك ولاد صغار يلعبو في ماتش وغناية "آلي آلي ديدو" ومن بعد تطل عليك شكارة تاع الكاوكاو مكتوب فيها ديدو ويخلص الاشهار، مافهمتش .. الطفل هادا كاوكاوة؟ ولا كي ياكل الكاوكاو يولي يجري؟ ولا كي يجري يتحول لشكارة كاوكاو ؟ اين التناسق يا بشر
ودرك المسيطر على اشهارات الجزائر شكون هو؟؟ "بيفا سي بووون" ههههه
بيفا هادي دارت القاطو .. دارت القوفريط .. دارت الشكولا .. العصير .. ماخلات والو كن تتفرج قناة جزائرية لمدة ساعة تخرجلك بيفا ألف مرة خدمو كلشي زيد شوي ينعتولك عبد مكتوب عليه بيفا قريب يخدمو العباد بصح منتوجاتهم مليحة معليهاش مايكدبش العبد وكذلك اشهاراتهم معليهاش، هيا يا بيفا راك منعت من التشريح هههه
وفي الأخير نختم بإشهار "يا الزينة ديري إليو باه يجي الطياب بنين" اشهار تاع الزيت حتى لدرك الامور نومال بصح واش رايك كي الاشهار يبدا براجل يطيب ويغنيولو يا الزينة ديري إليو هههههه كاين خلل ولالا؟
المهم انا نحبس هنا ونتوما واش رايكم ؟ كاشما عندكم اشهار خلاف كارثة شاركونا بيه خليونا نضحكو
واذا كاين اشهار يعجبكم معليش خلي نذكرو الايجابيات شوي
اتهلاو في رواحكم وماتاكلوش بزاف شامية الروضة باه ماتمرضوش
سلااام
آخر تعديل:
