شکر خآص الى غآليتي لؤلؤة قسنطينة

[ضآحكة مستبشرة]

السلام عليكم خاوتي
وشراكم توحشتكم بزاف
اليوم حبيت نشكر مريم لؤلؤة قسنطينة لانها كانت سبب في رجوعي للمة
يوم الخميس بعثتلها رسالة في الفيس بوك باش توصل رسالتي الاخيرة ليكم
محبتش تكتبها لانها كانت رسالة وداع لاخر مرة في حياتي
لانو صراتلي ظروف صعبة جدا و هي لي وقفت معايا
و مخلاتنيش نترك اللمة
حبيت اليوم نشكرها بزاف بزاف
و هي راهي علبالها شحال نعزها و نموت عليها
و با اعضاء اللمة رانا محضوضين لانو عدنا اخت كيفها في اللمة
ربي يخليك ليا اختي مريم
بارك الله فيك غاليتي
و شكرا لكم كلكم اخوتي و احبتي
مقدرتش على فراقكم
نحبكم و نموت عليكم
قريب و على شعرة كنت رح نترك المنتدى للابد لظروف مريت بيها
و الحمد لله على رجوعي من جديد​

 

[sosobibicha]

رد: شکر خآص الى غآليتي لؤلؤة قسنطينة

سلام عليكم
واش راكي ? هذي غيبة
سمعت كلمة وداع حذاري كيفاش تروحي و تخالينا
اهلا بعودتك غاليتي ^^
اكيد نشكر لؤلؤتنا الغالية ربي يحفظها ان شاء الله ​

 

[الحلم الوردي]

رد: شکر خآص الى غآليتي لؤلؤة قسنطينة

السلام عليكي
ايه نتاع الصح لواحد منا يكونو عندو
ظروف يولي يخمم في حوايج كيما هدو
مي اختي اسماء
اهلا بعودتك حنونة ^_^
اكيد نشكر حبوبة مريومة
الله يبارك توجور واقفة معنا
ربي يحفظك ويخليك يا رب
​

 

[tistissa dj-tissou]

رد: شکر خآص الى غآليتي لؤلؤة قسنطينة

ياااه وعلاه ادا ااختي وين راح تروحي والله انت مزهيتلنا اللمة خلاه و بلا بيك السماطة تروحي انتي نروحوا كامل
والله كي قريت الموضوع تاعك جاتني البكية
حبيبتي والله ماتروحي ورانا كامل هنا معاك اوك الحمد لله رجعت
انا صح مانعرفكش مي نحبك وبليز ماتزيديش تعاوديها وضرك نراسلك ​

 

[لؤلؤة قسنطينة]

رد: شکر خآص الى غآليتي لؤلؤة قسنطينة

السلام عليكم
ياااه شوف المهبولة واش راهي دير؟؟ ههههه
ربي يحفظك حبيبتي وربي يحميك ويهنيك ان شاء الله
ورجوعك اكيد كان رايح يفرحني ويفرح الناس اللمة بالدرجة الاولى
مانقدرش نتخيل كيفاه رايحة تكون ردة فعلهم لما يعرفو بلي زهرة من زهور اللمة رايحة تروح
وشوفي ردودهم اكبر دليل بلي فراقك كان رايح يوجعهم كيما كان رايح يوجعني
مالا مرحبا بيك مرة اخرىن واصلا هيا اتفضلي عوضي النشاط لي غاب علينا هاد اليامات
هيا ازدمي هههه عندك موضوع الاخ هشام تاع الخبز تشبعي ضحك عندك السهرات تاع ختي مريم
عندك الالغاز هادو كامل توحشوك واصلا مانقولكش مرحبا الدار اي دارك تدخليها وقت ماتحبي
شكرا اسومة ربي يحميك ختي وربي يهنيك وربي يوفقك وينجحك
وعدة ميمونة ان شاء الله ماتزيديش تروحي خلاصن نربطوك هنا ماعندك وين تروحي ههههه
هيا صح فطوركم كامل
تحياتي
​

 

[{مُدَلَّلَتُهُ}]

رد: شکر خآص الى غآليتي لؤلؤة قسنطينة

مرحبا بيك من جديد أختي أسمآء وين تروحي حنونتي و تخليناا نهونو عليك نقعدو بلا بيك . . ماكان لاه تخممي هاد التخمام أكيد كاملين صراولنا حوايج يخلوك تخممي هاد التخمام بصح لا كل واحد كي تصرالو حاجة خرج اللمة شكون يقعد ؟

ربي يخليك مريومة . . كل يوم تزيدي تكبري في عيني كثر ♥ تع الصح هنيئا لنا بك ♥ حٍبّك المشاكسة تاعي ♥
​

 

["viola"]

رد: شکر خآص الى غآليتي لؤلؤة قسنطينة

ياهااا ؟؟ و حنا لمن تخلينا ؟؟؟

معندك وين تروحي و هاي ليك امريم كون عطيتيها طريحة :d

و الله يالزينة الشعب قاااع يشتيك هنايا و كون تروحي تشوفي تتقلب اللمة

ربي ينجحك اسووم و يوفقك ..اهلا بيك في دارك

و ربي يخليك لينا مريييومة ​

 

[ضآحكة مستبشرة]

رد: شکر خآص الى غآليتي لؤلؤة قسنطينة

بكيتوني يا جدكم انتوما بشر انتوما
جاااامي تكوموا بشر انتوما عسل يقطر
كي نتفكركم الدمعة تلعب في عينيا كل واحد عندوا مكانة في قلبي
و ربي شاهد شحال نحبكم
حياتي بلا اللمة و بيكم متسوى والووو
انتوما خير من بزاف ناس تلاقيتهم في حياتي الواقعية
الحمد لله لي قدرت نخلي مكانة في قلوبكم و الحمد لله لي لقيت خاوة و خيات كيفكم
ربي يخليكم ليا و يحفظكم و يبارك في اعماركم و يحلي ايامكم
شكرا لكم يا الفحلات فرحتوني​

 

[الزهرة الحمراء]

رد: شکر خآص الى غآليتي لؤلؤة قسنطينة

الله الله يا عيني
لي ينوض تجيه لقفازة ويقولك نترك اللمة الى الابد واشوا هذا
ياخي تقولوا عايلتنا الثانية انتوما واللمة دارنا
علاه في داركم كي يصراولكم ظروف تخلوا الدار للابد ها بركاونا
لوكان رحتي نتفاهم معاك مليح مليح ونزيد نسمع هاذ الهدرة تع نروح للابد مانتفاهموش حبيبة تاعي والله
راهو كل وحد هنا والفناه ووالفنا طبايعو
كاين لي والفنا الضحك والزهو تاعو وكي لي والفنا حتى زعافو والقلقة تاعو وكاين وكاين بزاااف
ماتزيديش تعاوديها حبيبة الهدرة هاذي راهو شحال من واحد هنا يعزك
ومريومتي يعطيها الصحة لي ماوصلتش رسالتك تع الوداع ومخلاتكش تروحي
ربي يحفظك حبيبة ويهنيك وان شاء الله تبقاي ديما معانا ​

 

[ضآحكة مستبشرة]

رد: شکر خآص الى غآليتي لؤلؤة قسنطينة

الله الله يا عيني
لي ينوض تجيه لقفازة ويقولك نترك اللمة الى الابد واشوا هذا
ياخي تقولوا عايلتنا الثانية انتوما واللمة دارنا
علاه في داركم كي يصراولكم ظروف تخلوا الدار للابد ها بركاونا
لوكان رحتي نتفاهم معاك مليح مليح ونزيد نسمع هاذ الهدرة تع نروح للابد مانتفاهموش حبيبة تاعي والله
راهو كل وحد هنا والفناه ووالفنا طبايعو
كاين لي والفنا الضحك والزهو تاعو وكي لي والفنا حتى زعافو والقلقة تاعو وكاين وكاين بزاااف
ماتزيديش تعاوديها حبيبة الهدرة هاذي راهو شحال من واحد هنا يعزك
ومريومتي يعطيها الصحة لي ماوصلتش رسالتك تع الوداع ومخلاتكش تروحي
ربي يحفظك حبيبة ويهنيك وان شاء الله تبقاي ديما معانا ​

الله غالب حبيبة ماشي بيدي
مريت بظروف صعبة جداا و كان يوم الخميس يوم اسود و اسوء يوم في حياتي
ماشي بيا منحبش اللمة
زعما تحبيها اكثر مني مفيهاش ههههه
لكن كنت نحوس على طريقة نرجع فيها للمة و الحمد لله لي لقيت مريم عاونتني بزاف بارك الله فيها
و الله غير نحبكم و لوكان تركت اللمة كنت رح نتركها مجبرة
الحمد لله لي تعدلت الاحوال و راني معاكم كي شغل مصرا والو

 

[Hakan]

رد: شکر خآص الى غآليتي لؤلؤة قسنطينة

قريب رايح نبكي من الخلعة هههه
والله ربي يهديك ختي اسماء وقيلا على حساب ما راني
شفت منك عندك وحد ثلا مواضيع ولا زوج تتكلم على مغادرة اللمة
ياي ما تروحوش حتى نروح انا ههه
يعني صراحة ممكن نفتاقدوك نهارات بصح عادي يمشي المنتدى
ويسجلو اعضاء جدد نورمال وزيد راهم راحو ناس
عندهم عامين ونورمال راهي ماشية الحالة زدنا تعرفنا على ناس والدنيا ماشية
انا واحد من الناس اللمة هذي غير اذا سكروها
ربي يخليك للمة ان شااء الله ​

 

[wissam 47]

رد: شکر خآص الى غآليتي لؤلؤة قسنطينة

لواحد يقول الحمد لله على كل حال
ايه راه شحال من واحد علابالي فات على ظروف ربي معاه هدا ما نقدر نقول وانا من هذا المنبر نشكر انا تاني لؤلؤة قسنطينة واختي ومهبولتي نشكرها بزاااف بزااااف والله غير نبغيها بزاااف بزاااف ونبغيكم انتوما تاني ههههه وكل ناس اللمة اللي هو بيتنا الثاني بطبيعة الحال والله ما نقدر نفارق هدا المنتدى ولا اعضاءه صح فطوووركم وبلاكم نسمع كاش واحد يقول ولا تقول راني باغية نترك المنتدى راني مهبولة ههههه نزدملها لدارهم ههههههه اسمحولي على كثرة هرائي وثرثرتي تقبلي مروري غاليتي دمتي بخير
تحياتي

​

 

[ضآحكة مستبشرة]

رد: شکر خآص الى غآليتي لؤلؤة قسنطينة

السلام عليكم خاوتي
حكيم و الله ظروف و ديجا راك عارف بلا منحكيلك و نفس الامور تتعاود و هاد المرة كانت غير كل المرات كي مسمعتوش بيا ربي يرحمني راكم ملاح
مزية اي لقيت مريم حكيتلها واش صرا و هي لي لمتلي الجرح و خويا حكيم لا زوج و لا ثلاث مواضيع لي درتهم من قبل كانوا على الباك و انا لا يمكن نفكر باش نترك اللمة و نتركم راني نحبكم بزااااف

اختي وسام ايلأ شفتيني طولت غير ازدمي ليا هههه راني نحوس غير على لي يكركرني للمة
ربي يخليك حبوبة حتى احنا نحبوك و نحبوا كل الاعضاء
شكر ليكم و ربي ميحرمنيش منكم

 

[أم لينة]

رد: شکر خآص الى غآليتي لؤلؤة قسنطينة

ربي يرزقك لحبيبة صح تجي فترة تحبي تنقطعي لكن مؤقتا مش طول لان اللمة حنينة و نحنو ليها وهي تحن لينا منقدروش على فراقها ربي يخلينا لبعض و يدوم المعزة بيناتنا .
​

 

[دعاء الجنات]

رد: شکر خآص الى غآليتي لؤلؤة قسنطينة

ماعندك وين تروحي الله يهديك تخلي عايلتك وحبابك اما "لؤلؤة قسنطينة "" راها لؤلؤة تاع الصح ربي يخليهالنا.

 

[ضآحكة مستبشرة]

رد: شکر خآص الى غآليتي لؤلؤة قسنطينة

ربي يرزقك لحبيبة صح تجي فترة تحبي تنقطعي لكن مؤقتا مش طول لان اللمة حنينة و نحنو ليها وهي تحن لينا منقدروش على فراقها ربي يخلينا لبعض و يدوم المعزة بيناتنا .
​

ربي يخليك اختي ام لينة
يعطيك الصحة حنونتي و الله جامي نخمم باش نخليكم هذي مستحيل لكن كيما قلتلكم ظروف
و اللمة و ناسها اغلى ما املك في العالم الافتراضي
شكرا لكي

 

[ضآحكة مستبشرة]

رد: شکر خآص الى غآليتي لؤلؤة قسنطينة

ماعندك وين تروحي الله يهديك تخلي عايلتك وحبابك اما "لؤلؤة قسنطينة "" راها لؤلؤة تاع الصح ربي يخليهالنا.

بإذن الله معندي وين نروح هنا لاصقة متخموش
و مريم لؤلؤة عن استحقاق و جدارة
ربي يخليك حبوبة

 

[Oussama.GF]

رد: شکر خآص الى غآليتي لؤلؤة قسنطينة

ربي يدوم علاقة لي مابناتكم
وربي يحفظها

 

[كفاك غرور]

رد: شکر خآص الى غآليتي لؤلؤة قسنطينة

اهلاا بك مجددااا لاترححلي ابدددددددددددددددددددددددددددددددددددا

 

[نبض الحياة]

رد: شکر خآص الى غآليتي لؤلؤة قسنطينة

و عليكم السلام و رحمة الله و بركاته
وين بيها اسووووم
ساهل عليك تروحي وتسمحي فينا
خير ماعملت مريومة ربي يحفظها